كرهت نفسى واهلى والناس

[jesyy]

ربنا يعينك ويوفقك

[لافانيا]

كلنا كده وربنا
ربنا يعينك ويهديك

[أبو كريم الصعيدى]

أبنى يوسف أننى أحس بمشكلتك . ولكن أنت قطعت أكثر من نصف الطريق فأستعن بالله وأكمل مشوار كفاحك وأعلم أن والداك لا يريدون ألا مصلحتك وكل الخير لك .ولكن كل أنسان يفكر بعقله ويتصرف على هذا الأساس. فتوكل على الله وأمضى الى غايتك.ودعنى أذكرك بجزء من خطبة السادات بعد نصر أكتوبر..(ربما جاء يوم نجلس فيه معا ..لا لكى نتفاخر ونتباهى ولكن لكى نتذكر وندرس ونعلم أولادنا وأحفادنا جيلاً بعد جيل ..قصة الكفاحومشاقه مرارة الهزيمة وآلامها ..وحلاوة النصر وآماله)

[zoro4]

فية نوعية ابهات بتكون معقدة اصلا وبتعقد اولادها بالتالي لكن ليس معني هذا الانتحار الانتحار دا اخرتة جهنم لان الله لا يغفر لصاحبة مش بقي بتشوف الافلام الاجنبية عايز تقلدها وتنط من البلكونة والكلام الفارغ دا يا اخي ربنا بيختبرك شوية اصبر معلش لقد كان الرسول علية الصلاة والسلام بيقابل الاسائة بالحسنة علي الاقل تجنبة شوية وربنا يهدي الناس كلها احيانا الاب يتسلط علي بيتة واهلة وناسة وهو اصلا خارج اسرتة ليس له قيمة تذكر فبيكون عايز يعمل طرزان في البيت معلش يا عم يوسف

[المصري أشرف]

شوف يايوسف .. يمكن لسه صغر سنك مش موصلك .. إن ده حب فوق الوصف .. وخوف عليك خصوصا إن التغيرات في المجتمع الآن .. تجعل كل أب وكل أم يرتعدون لما يرورا من صور ... وإن قاموا بمدارة ذلك عن أبنائهم .. ومن الممكن في تشددهم والتقليل من أهمية آرائك وتسفيهها ... أن يروا ماهي تصرفاتك في تلك المواقف وردة فعلك ... ومنها يستشفون رزانتك وحس تصرفك لو تعرضت لمثل تلك المواقف بالخارج .. أو ضعف إرادتك وإنسياقك لجماعات الشارع ...

يعنى حضرتك لو لقيت مدرستين لابنك واحدة حلوة وواحدة وحشة جدااااااااااااا جداااااااااااااا وانت عارف انها زبالة .هدخله المدرسة الزبالة دى بحجة الحب والخوف والكلام ده
غيرهم كتيير دخلوا اولادهم اللى كانوا معايا مدارس كويسة والمدرسة لها دور كبير .غير كده الحالة النفسية فيها مش حلوة المفروض كانوا يفهموا ده

ممكن في الفترة إللي عايشاها البلد حاليا .. أروح أحول لأبني منازل ... ومش مهم مدرسة السنه دي خالص
**********************************************
وإيه الغريب في كده .. ماهو ده الوضع في معظم المدارس .. ويمكن دي أقرب مدرسة لسكنك .. للأسباب السابقة

لا كان فيه مدارس غيرها كتير احلى منها وهما عارفين كده

أنا بقولك يايوسف.. إن فيه حاجات تانية ممكن مش علي بالك بس الأباء لهم فيها حسابات تانية .. زي بعد المدرسة عن البيت .. وضعك في مدرسة والدك ناظرها تحت رعايته وإشرافه أكيد أفضل من مدرسة تانية
**********************************************
الإعلان عن نفسك في المدرسة ده دورك إنت بتفوقك الدراسي كفائق .. أو بمواهبك وقدراتك كموهوب... أو بشخصيتك القيادية وبمشاركاتك في جماعات النشاط المدرسي للإعلان عن نفسك .. فلاذنب لهم هنا

الله ينور على حضرتك .اهو كل اللى حضرتك بتقول عليه ده مش موجود فيها.مفيش انشطة ولا مواهب ولا اى حاجة غير لعب الكورة فى المدرسة.دى لا موهبه ولا نشاط
ولا فيها علم اصلا...لو انا دخلت الامتحان مش مذاكر حاجة هطلع الاول بفاااااااااااااااارق كبييييييييييييييييييييييييييييييييييير.ومكنتش بلاقى طعم للمذاكرة .طب مهو كده كده انا الاول ولو طلعت الاول ولا اى حاجة مفيش قلم فرنساوى هخده من المدرسة بنت الـ.....

ماهو أنا قلت لك .. معظم المدارس كده .. بس ده مايمنعش إني لو لقيت طالب لفت إنتباهي بموهبته وتفوقه وشخصيته القيادية .. أكيد حتي لو كنت مش عايز أشتغل كأخصائي .. هايحمسني إني أشتغل ... بس حاول وداوم .. وأطلب ممارسة حقك في النشاط
*********************************************
أرجو أن تتخلص من تلك الوهام التي تصاحبك ... ولاتسقط صريعا لما تسول به نفسك .. من هلاوس وأفكار مشوشه ...بإعلانك عن نفسك وبتفوقك وفي الثانوية لايملك أحدا لأحد شيئ .. وبالبدء في المذاكرة والتفوق سيمنحك نوعا من الإحترام بين أقرانك .. ولو إنك تري في نفسك أن متفوق .. أعلن عن ذلك فليس التفوق بالكلام ...بالفعل

حضرتك لو طلعت الاول فى الامتحان ابقى غشاش والامتحانات متسربة ولو جاوبت صح ابقى بغش من الكتاب ولو غبت من المدرسة تبقى كوسة ومش بياخدونى غياب ولو مجاوبتش يبقى اللى عامل نفسه شاطر علينا.ولو رحت لاستاذ يشرحلى حاجة .يبقى فيه تمييز عنصرى والاستاذ كان بيشرحلى حاجة فى الامتحان.ولو دلخت المكتبة ابقى عامل نفسى مثقف ولو ذاكرت فى الفصل ابقى مش بسيب الكتاب ومش بنام من المذاكرة.كل ده بسمعه وانا فى المدرسة يوميا.

كل دي هلاوس .. وأفكار مشوشه .. وممكن يكون لبعض الزملاء يد فيها لإحباطك .. لأنك كما قلت أنك ..كنت أفضل منهم ومتفوق عنهم
**********************************************
إذا أنت بيوم بعد يوم .. تثبت أنك أفشل طالب .. وإستسهلت ذلك وتفوقت في فشلك .. فلماذا كذبت علينا بأنك من المتفوقين .. وأن أهلك هم السبب .. إنك ياصديقي تبحث عن شماعة تلقي عليها أسباب فشلك وأنت مصدر هذا الفشل ... الفرصة مواتية ومازال هناك 4 شهور .. كافية جدا لبداية وإستدراك مافات ....لو أردت أن تبدأ .. وتستعيد ذكريات تفوق غابت عنك وغبت عنها بإرادتك ورغبتك ...

مش شماعة ولا حاجة هما سبب المشكلة النفسية اللى عندى لان المشكلة مش فى المذاكرة .المشكلة فى كرهى للتعليم اصلا كرهته مبقاش ليه طعم عندى .وطبعا عارف انى غلطان جدااا والمفروض انى اعتمد على نفسى ومليش دعوة بالمدرسة ولا اللى فيها ولا الكلام ده

شكرا ... بدأت تصل لأول خطوط العلاج وهو الإعتراف بأنك المشكلة أو جزء منها .. وتلك بداية النجاح
************************************************** ****
أنت السبب فيما وصلت إليه ... ومازالت الفرصة سانحة .. إن أردت ... أما أفكارك الشيطانية .. أوكي فلتخسر دينك .. ودنياك معا ...إبدأ ياصديقي .. وستجد كل معاونة من معلميك بالمدرسة .. أو إطلب أي معاونة من معلميك هنا بالمنتدي ولن يتأخروا مطلقا وأنا بصفتي أخصائي إجتماعي ثانوي .. في خدمتك ومن قبلي أ/ زكريا مختار ( فيزياء ) كما أعلن مشكورا

انا عارف انى سبب الفشل علشان كده كرهت نفسى.ولكن هما جذور المشكلة

لأ .. لاأريدك أن تقسو علي نفسك.. وتعيش في دور (ت عذيب) الذات .. كده الوقت هايطول وإحنا طلاب ث.ع وباقي 4 شهور وعايزين نبدأ ...
************************************************** ****
التغيير ممكن ... بشرط أن تبدأ .... إبدأ بالتقرب إلي الله ... أطع والديك وتقرب منهما فلا أغلي عندهم في تلك الحياة منك ... إبعد كل شيطان فكري ... أو إنسي عنك ... إبدأ فمازال الوقت يسمح .... وزي ماقالت لك طالبة الصيدلة ... الجامعة حياة تانية خالص .. بس إبدأ وحط لك هدف لو أردت ورغبت ....ونحن سنعاونك

الفترة اللى جاية كافيه انى اتفوق فيها واعوض اللى فات .وابدأ من جديد بتفوقى فى الكليه ؟؟؟...

الحمد لله ...