الحقوا يا جماعة الخبر مؤكد

[Egyptain 2012]

معنى اللى يجى يشوف بقى ان الدكاترة اللى فى الجامعات الحكومة بتاخد مراتهبتها من الحكومة يعنى مثلا لو الحكومة قالت الدكاترة دول ملهمش فلوس عندنا هتشوف الجامعات هتفرض فلوس ازاى وعلى فكرة اللى موجود بره حسب ما قرات وهو ده اللى بيحصل فى الجامعات الخاصة انهم بيشتغلو والطالب هما للى بيدفعو الفلوس زى الدورس اللى فى الثانوية ولو حد فاكر طب محنا مش بندفع حاجة فى المدرسة بس بناخد دورس بره بفلوس

[عبدالله العطار]

المشاركة الأصلية كتبت بواسطة she3la

ولو اطبق هيطبق من السنة الجاية على فكرة مينفعش من السنة دة لان الحد الادنى نزل خلاص

وفى ناس قدمت فعلا فمينفعش يغيروا النسبة تانى

يعنى لو الدفعة دخلت من غير ما القرار يطبق هتخرج مهندس حتى لو جايب 70 %

الكلام ده 100% سليم ممكن القرار ده يتطبق على السنه الجايه

[عبدالله العطار]

فاجأت نقابة المهندسين المجلس الأعلي للجامعات والمعاهد الخاصة والأهلية بقرارها عدم قبول خريجي الكليات والمعاهد الهندسية للقيد في النقابة بمجموع أقل من تنسيق كليات الهندسة بالجامعات الحكومية 5%، وأقل من تنسيق المعاهد الهندسية الحكومية بنسبة 10%.

يقول الدكتور أشرف حاتم أمين المجلس الأعلي للجامعات، أن قرار نقابة المهندسين بتحديد أعداد المقبولين للقيد بالنقابة بتحديد حد أدني بنسبته المئوية في الثانوية العامة "قرار حكيم" فلا يصح ان تترك الأمور علي حالها ليصبح مهندس "كل من هب ودب" والحاصلين علي مجموع 60% .
وأضاف أن التخطيط السليم للقبول بالجامعات الخاصة يجب ان يضمن القبول بنسبة تقل عن الحكومية بمقدار 2% وليس اكثر من ذلك فالأمر يرجع للأماكن الشاغرة للطلاب وليس للمجموع، مشيراً إلي أن القرار قد يضر عدد من المعاهد الخاصة ولكنه لن يؤثر علي الجامعات التي تقدم جودة في خدمة الطلاب وتضمن لهم مستوي تعليمي رفيع فلذلك نجد طلاب تعدي مجموعهم الـ 90% يحاولون دخول كلية الهندسة الجامعة الألمانية لجودتها.
وقد صرح نقيب المهندسين الدكتور ماجد خلوصى، أن قرار مجلس النقابة بعد عدم قدرتها علي تقليل أعداد المقبولين في القطاع الهندسي ، مشيراً إلي أن النقابة ملتزمة بقيد الخريجين الذين تقدموا بأوراقهم إلي المعاهد خلال السنوات الماضية أي أن القرار سيفعل من العام القادم دون العمل بأثر رجعي.

[عبدالله العطار]

انشاء الله انا داخل الجامعه السنه دى يبقى انشاء الله هتقيد فى النقابه ولا ايه
ارجوا الرد من اصحاب الخبره والعقول السيمه

[titi1]

شباب خدوا بقى الكلام النهائى ان شاء الله

القرار هيطبق لاااااااااااااااكن على السنة الى جااااية بمعنى الى دخلوا الهندسة السنة دة او الى قبلها ما علية اى شىء هيخرج عادى مهندس وهياخد كارنية نقابة

ارجوا اكون وضحت الصورة ليكم

تمنياتى لكم بالتوفيق

[عبدالله العطار]

يعنى تنسيق السنه دى خلاص هيتقيد فى النقابه اما تنسيق العام القاده هو اللى هيتتطبق عليه القرار ده صح ؟؟؟؟؟؟؟؟؟؟؟؟؟؟

[titi1]

المشاركة الأصلية كتبت بواسطة عبدالله العطار

يعنى تنسيق السنه دى خلاص هيتقيد فى النقابه اما تنسيق العام القاده هو اللى هيتتطبق عليه القرار ده صح ؟؟؟؟؟؟؟؟؟؟؟؟؟؟

دة تقريبا الى انا قولتة

[Meroo.tarek]

الكلام دا ايه نظامه ياجدعاااااان ؟ امال المجلس للاعلى للجامعات قايل الهندسة الخاصة 70 % ازاى.....انا جايب 85.6% العب بيهم يعنى ولا ايه ؟ حد يفهمنا حاجة فى الليلة السودا دى

[هالة محمد 2]

طيب ازاى وكمان قالو كدا عن كليات الطب
طيب والى نسقوا دول هيعملوا اية

[عبدالله العطار]

القرار هيتطبق على التنسيق القادم انشاء الله

صرح نقيب المهندسين الدكتور ماجد خلوصى، أن قرار مجلس النقابة بعد عدم قدرتها علي تقليل أعداد المقبولين في القطاع الهندسي ، مشيراً إلي أن النقابة ملتزمة بقيد الخريجين الذين تقدموا بأوراقهم إلي المعاهد خلال السنوات الماضية أي أن القرار سيفعل من العام القادم دون العمل بأثر رجعي.

[عبدالله العطار]

فى خبر على موقع نقابة المهندسين بيقول ان القرار هيتطبق على العام الحالى لان تنسيق الجامعات و المعاهد الخاصه لم يبدأ بعد

القرار فى المرفقات ارجوا الاطلاع عليه والرد شكرا

[المشتاقة لرضا الله]

دا اكيد دا ازاى؟؟؟؟؟؟؟؟؟؟؟؟؟؟؟؟؟

[amrcapo]

طب دلوقتى انا مجموعى 81 فى المية ؛ ودخلت معهد للهندسة معتمد ؛ انا بقى لما اتخرج هقيد فى النقابة ولا مش هقيد فى النقابة بسبب قرار النقابة دا .

[amrcapo]

المشاركة الأصلية كتبت بواسطة عبدالله العطار

فى خبر على موقع نقابة المهندسين بيقول ان القرار هيتطبق على العام الحالى لان تنسيق الجامعات و المعاهد الخاصه لم يبدأ بعد

القرار فى المرفقات ارجوا الاطلاع عليه والرد شكرا

وان كمان زيك والله وقرات الكلام دا بردة فياريت اللى يعرف حاجة ويكون متاكدة منها يقولها بالله عليكم ؛ معلش اعذرونا دا مستقبلنا بردة وكل واحد مرعوب ( بالله عليكم )

[dr/nor pt]

يا جماعة الكلام دة اتلغى لان وزارة التعليم العالى والمجلس الاعلى للجامعات اعتبروة تتدخل فى شئونهم وقالوا مش من حقهم هما يعملوا اختبارات للخريجين بس قبل ميتسجلوا بلنقابة لكن يروحوا فى داهية لو عملوا كدة متقلقوش الموضوع اتحل اطمنوا