جوه الجون

[mohsen ghareeb]

موضوع رائع روووووز
سلمتِ وسلمت يداكِ

عندك حق فكلنا فى مركب واحد ويجب أن نتعاون جميعاً لإنقاذ بلدنا الحبيبة
فإذا قام كل منا بدوره كما يجب سينصلح حالنا وتتقدم بلدنا وتأخذ مكانتها التى تستحقها ونجيب أحلى جووووون

[روووووز]

المشاركة الأصلية كتبت بواسطة mohsen ghareeb

موضوع رائع روووووز

سلمتِ وسلمت يداكِ

عندك حق فكلنا فى مركب واحد ويجب أن نتعاون جميعاً لإنقاذ بلدنا الحبيبة
فإذا قام كل منا بدوره كما يجب سينصلح حالنا وتتقدم بلدنا وتأخذ مكانتها التى تستحقها ونجيب أحلى جووووون

صح مركب واحدة يا نغرق كلنا او نعيش كلنا بس بيبقى فى ضحايا
شكراا يا فندم على المرور الرائع

[أ/رضا عطيه]

مين الهداف ياترى ؟؟؟؟

[روووووز]

المشاركة الأصلية كتبت بواسطة جدو عبده

مين الهداف ياترى ؟؟؟؟

حضرتك الهداف

[حـHoSaMـسام]

فعلا الواحد لازم يقوم بدوره تجاه نفسه وتجاه اللي حواليه لوكل واحد عمل كده الإجوان هتبقى على ودنه
موضوع جميل كالعاده يا روز

[روووووز]

المشاركة الأصلية كتبت بواسطة حـHoSaMـسام

فعلا الواحد لازم يقوم بدوره تجاه نفسه وتجاه اللي حواليه لوكل واحد عمل كده الإجوان هتبقى على ودنه
موضوع جميل كالعاده يا روز

مرور حضرتك الاجمل

[mohammedhamed22]

موضوع رائغ جدا وفكرتح عجبتني جدا
ايه الابداع ده بصراحه انت اللي جبتي جون بالموضوع ده

والف مبروك علي الاشراف

[روووووز]

المشاركة الأصلية كتبت بواسطة mohammedhamed22

موضوع رائغ جدا وفكرتح عجبتني جدا
ايه الابداع ده بصراحه انت اللي جبتي جون بالموضوع ده

والف مبروك علي الاشراف

مرور حضرتك الاروع
الله يبارك فى حضرتك

[Ahmed 3030]

يا خسارة !!
كان نفسي أعلق علي الموضوع نقطة نقطة , بس مش عايز يعمل معايا
اقتباس !
حد يعرف السبب ؟!

[روووووز]

المشاركة الأصلية كتبت بواسطة zaza5000

يا خسارة !!
كان نفسي أعلق علي الموضوع نقطة نقطة , بس مش عايز يعمل معايا
اقتباس !
حد يعرف السبب ؟!

لا يافندم فى اقتباس حاول مرة تانية

[Shefo Seif]

la gamda gedan

[روووووز]

المشاركة الأصلية كتبت بواسطة Shefo Seif

la gamda gedan

مرور حضرتك اللى جامد جدااااااااا

[Ahmed 3030]

المشاركة الأصلية كتبت بواسطة روووووز

بسم الله الرحمن الرحيم


وبيلعبها للباك اليمين اللي بيمشى بالكورة وبيرقص


خللى بالك خطر ترقص فى المنطقة دى


بيباصى للجناح اليمين


الولد ده نحط عنينا عليه يا جماعة لعيب حريف جدا


شوف بيعدى إزاى وبيلعبها عرضية أرضية


تروح للمهاجم اللي بينيم المدافع وهو والجون، هو والجون


لحظة واحدة، قبل ما نعرف الكورة دخلت جون ولا لأ


عاوزة أقول حاجة



عمرك وقفت فوق برج عالى أو فى بالكونة فى برج و بصيت على الناس اللي فى الشارع


أكيد ساعتها شوفت الناس ماشية فى حجم النمل أو أصغر شوية


ده رايح شغله ده بيجرى متأخر على ميعاد خطيبته

قال يعني هي اللي رايحة بدري


واللي ماشى سارح فى ملكوت ربنا وهموم الدنيا كلها فوق دماغه

دول تلاقي منهم كتير اوي


أوعى تقول مالكش دعوة أصلى معرفهمش


لأ لأن كل واحد منهم ليه دور فى الفيلم اللي إنت بطله

وحاخد كام بالظبط ؟ مش حقبل أقل من ألف جنيه
وكمان البطلة تكون هيفاء وهبي


فى منهم الكومبارس ومنهم السنيد ومنهم البطولة التانية فى فيلمك الطويل اللي إسمه حياتك

يبقي أنا البطل والمؤلف كمان


لو أى واحد منهم قصر فى دوره ممكن ده يكون سبب فشل الفيلم وما يحققش أرباح

اطمني البطل والبطلة ينجحوا أي فيلم


أو لو إعتبرنا حياتك ماتش كورة هتلاقى فيها المدرب اللي هما أهلك

ويا تري مين المدير الفني الأب ولا الأم ؟


و فيها المدافعين و خط الوسط اللي هما الأشخاص الموجودين فى حياتك


و فيها الهداف اللي هو إنت

يا عيني والهداف بيبقي أغلي واحد فيهم


تخيل بقى لو إنت هداف جامد قوى بس اللي حواليك مش مساعدينك تجيب إجوان

الواد فلافيو كان بيجيب اجوال وبيكسب الأهلي كتير


أكيد هتخسر الماتش


حياتنا كلها متشابكة ومتداخلة مع بعض


يعنى أنا ليا دور فى حياتك وإنت ليك دور فى حياتى،


لو أنا قصرت فى دورى حياتك هتتأثر ولو إنت قصرت فى دورك حياتى أنا هتتأثر

فيه ناس هما اللي بيأثروا في حياة الأخرين ولا يتأثرون بهم


و هو دا مفهوم فريق العمل اللي ربنا خلقه فى الدنيا دى


وإدى بقى أمثلة على الكلام ده زى ما إنت عاوز


من طوابير العيش للمرور للتعليم لسوق العمل حتى لنسبة العنوسة ومعدلات الطلاق العالية


فأول حل لمشاكلنا هو أن كل واحد فينا


يكون جزء من فريق العمل الكبير قوى اللي إسمه المجتمع المصرى


بس هو يعنى إيه فريق عمل ؟


مش دول اللي هما الناس اللي شغالين مع بعض فى نفس الشركة ؟


ولا يمكن دول الناس الشغالة مع بعض فى نفس المجال ؟


لأ يا سيدى فريق العمل دا موجود فى المدرسة وفى الجامعة


فى البيت والشغل فى كل حتة إنت بتروحها


وبيبقى فيها ناس عندهم هدف مشترك معاك


وفريق العمل زى ما بيعرفوه خبراء علم التنمية البشرية


هو أى مجموعة من الناس بيجمعهم هدف واحد أساسى حتى لو كانت الدوافع مختلفة

ومين اللي حينظم فريق العمل ويضبط قواعده ؟


نقول مثلا الفريق اللي إحنا جيبنا حتة من الماتش بتاعه في أول كلامنا


الهدف الأساسى بتاع الفريق ده إنه يكسب الماتش


المدرب واللعيبة والإدارة والجماهير، كلهم هدفهم الفوز بالماتش


صحيح الدوافع مختلفة


زى مثلا رئيس النادى، عاوز يكسب عشان ما يخسرش إنتخبات النادى الجاية


والمدرب عاوز يكسب عشان الإدارة ما تمشيهوش


واللعيبة عاوزة تكسب عشان تاخد فلوس أكتر وتتشهر أكتر


والجماهير اللي قاعدة فوق دى شوية عاوزين يكسبوا عشان يغيظوا أصحابهم اللي بيشجعوا الفرقة التانية


و شوية تانين عاوزين الفريق يكسب عشان يطلعوا يهيصوا فى الشارع شوية


بس فى الآخر كل الناس دى هدفهم واحد إن الفريق يكسب

لكن لو الدوافع تعارضت مع الأهداف , باظت الأهداف وفقدت معناها , زي ثورة 1952 مثلاً


فالإدارة تخطط والمدرب يتكتك ويدرس الفريق المنافس واللعيبه تتمرن وتركز والجماهير تشجع وتحمس اللعيبة


فلو كل واحد من الناس دى أدى دوره صح، أكيد الفريق هيكسب


بس مش كل فرق العمل الأدوار بتبقى متقسمة بوضوح زى فرق الكورة


لو جينا أنا وإنت وإتنين كمان من صحابنا نعمل مشروع


فى الأول هنتعرف كلنا على بعض وكل واحد فينا هيعرف الباقى على نفسه

أنا اسمي أحمد


ودى أول مرحلة هى التعارف بين أفراد فريق العمل


تانى مرحلة هى مرحلة الاختلاف فى الرأى يعنى من الآخر الخناق

يا ساتر يا رب . هو احنا لحقنا


هنقعد نتكلم فى المشروع و إزاى ننفذه فأنا هقول رأيى وإنت هتقول رأيك وكل واحد هيقول رأيه


وبعد كده كل واحد هيصمم على رأيه فممكن نشد مع بعض شوية فى الكلام نتعصب

يبقي مفيش حاجة حتتعمل


وهنا بقى يظهر قائد فريق العمل و هو الشخص اللي يعرف يقرب وجهات النظر


ويحول الخلافات و الخناق لمناقشة موضوعية يبقى كل الكلام فيها عن مصلحة المشروع

ليس لدينا هذه الثقافة


وعلى فكرة المرحلة التالتة دى من أهم المراحل لأنها لو الفريق ما مرش بيها قدرته على التفاهم هتقل


لأن أكتر وقت تقدر تعرف فيه الإنسان اللي قدامك بيبقى وهو متعصب

ازاي ؟ إذا كان الواحد في هصبيته ممكن يقول كلام لا يقصده وزي ما بيقولوا " زلة لسان "


لأنه ساعتها بيتكلم بصراحة وبعد لما المناقشات تهدى


تلاقى فريق العمل تلقائيا بقى واخد على بعضه أكتر ومتفاهم أكتر


ومن هنا نوصل للمرحلة التالتة وهى مرحلة التناغم بين أعضاء فريق العمل


وساعتها يكون بان دور كل فرد فى الفريق وقائد الفريق

لحد دلوقتي مش عارف مين القائد ؟


يكون وصل لمرحلة كويسة من التفاهم بين أعضاء الفريق


والآن حان وقت الاعتذار عن إنقطاع البث


وزى ما حضرتكم عارفين الماتش دا منقول عبر الأقمار الصناعية


المهاجم إحتراما لمشاعر السادة المتفرجين في المنازل ما رضيش يشوط الكورة والبث منقطع

فيه الخير هو والمدافع بتاع الفريق الأخر وحارس المرمي


وفضل واقف هو والجون


هو والجون


هو والجون
وبيشوووووووووووط


وجوووووووووووووووووووووووووووووون


ياسلااااااااااااااااااام


مش باقولكم لاعيب حريف جدا

يا سلام لو نصف هذا يتحقق حتي لو جت الكورة في العارضة

[روووووز]

المشاركة الأصلية كتبت بواسطة zaza5000

يا سلام لو نصف هذا يتحقق حتي لو جت الكورة في العارضة

ههههههههههههه بجد رد جميل جدااااااا

بس لو جت فى العارضة ايه اللى هيتحقق كل حاجة ضاعت
ولا يكفينا شرف المحاولة

[Ahmed 3030]

المشاركة الأصلية كتبت بواسطة روووووز

ههههههههههههه بجد رد جميل جدااااااا

بس لو جت فى العارضة ايه اللى هيتحقق كل حاجة ضاعت
ولا يكفينا شرف المحاولة

ما هي لما تيجي في العارضة , يبقي بتقرب من الجول
يعني المرة الجاية ممكن تيجي جوووووووووووووووول
أحسن من انها كل مرة بتبقي أوت وبعيدة عن المرمي بكتير
وساعات بتبقي جول , بس فينا احنا