كليه الهندسه الالكترونيه بمنوف

[aymanlove2008]

يا باشمهندس علاء ‏.حضرتك بس اللي بتقول كده.‏ عشان حضرتك ما اشتغلتش بتكره الناس فيها.‏ انا فهمتك انت عايز تشتغل لما تتخرج علطول،.‏ فنصحت الطلبه بانه يحولوا كليه تانيه.‏ لو حضرتك عندك اي تعليق علي الكلام اللي قولته انا عن الكليه او كلامي غلط.‏ اثبتلهم كده.‏ حضرتك سايب الكليه بقالك ‏ سنه ‏.الدراسه علي وقت حضرتك ما تقارنهاش بدلوقتي.‏ ‏ انا كل اللي اعرفه اي انسان بيتخرج بيشتغل

[issac-newton]

يثبت للأهمية

[مهندس علاء]

هذه نصيحة " اخ أمين " وليست نصيحة من واحد ما اشتغلش زى ما قال الاخ ايمن سوق العمل للهندسة الالكترونية الان غير زمان -زمان فى دفعتى كانت هندسة الكترونية بتساوى مع بترول فى التنسيق " يعنى طلبة كانوا جايبين مجاميع 98و97 وكانوا بيقدموا فى هنسة منوف بعد التخرج سوق العمل غير تماما شوف البهدلة اللى بيشوفها بتوع منوف سواء كان تحكم او اتصالات وموش هتكلم على حاسبات علشان دى قصة حزينة اخرى خليك دايما فى السليم كهرباء باور مدنى ميكانيكا غير كده ريح بالك واكتفى بالثانوية العامة وأبدأ شغل علطول وعلى راى المثل يا مهندس مجتهد أسأل مجرب وعلى فكرة انا استطعت بتوفيق الله وبعدى عن مجال الهندسة الالكترونية نهائيا وشغلى كمهندس باور انى التحق باكبر الشركات فى مصر وفى السعودية والحمد لله . وعمرى ما بجيب سيرة انى مهندس الكترونيات او خريج هندسة الكترونية واغلب زملائى اللى لسه متواصل معاهم وعددهم موش قليل نفس الكلام . ريح نفسك يا اخ يا طلب الثانوية وخليك فى السليم وربنا يوفقنا جميعا مع حبى واحترامى لاخى الفاضل ايمن

[mody20204]

هل يمكن التحويل منها الى هندسة اسكندرية ؟ سواء على الفور او بعد سنة ؟

[sh_neweshy]

انا كنت عايز اعرف هي هندسة الكترونيات منوف بتعتبر تبع كليات هندسة و لا لأ .... يعني لو انا دخلت فيها اول سنة ممكن احول لهندسة عين شمس او القاهرة مثلا ..... و لا هي كلية مستقلة بذاتها زي كلية تخطيط عمراني كده ؟؟

[aymanlove2008]

بالنسبه لهندسه منوف ممكن تحول عادي لأي كليه وليست كليه زي تخطيط عمراني فيه فرق اكيد بينهم دي هندسه الكترونيه والتخطيط العمراني شبه معهد . كل سنه التحويل بتختلف حسب قرار الجامعات اللي بتروحلها .يعني علي سنتي بعد اعداي عادي قبلوا كل المحولين لهندسه الاسكندريه وفي نفس الوقت القاهره كانت رافضه تحويل ليها من اي جامعه. عين شمس كانت قابله التحويل.

[aymanlove2008]

رد علي الأخ العزيز الباشمهندس علاء. خيلنا نتكلم بصفه عامه
بالنسبه للمهندسين ما فيش حد بيقعد او حد يقولك مافيش شغل. طور من نفسك عشان تتأقلم مع سوق العمل ودي اهميه الدورات الداخليه في الكليه وخارجها . كليه هندسه منوف الاقسام اللي فيها اقسام تعتبر من الاقسام اللي مش محتاجه تخبط وتكسر وتجيب فلوس. بالعكس اقسام عاليه جدا وتحتاج الي حب القسم والتفكير في انك انت عايز تتطلع ايه . فكر اولا وقرر اخبرا . لو انت حضرتك متابع اخبار كليتنا واقسام كنت حضرتك قولت كلام غير ده. مسابقه الروبكون علي مستوي الجمهوريه كل سنه حضرتك بناخدها وغير مشاريع التخرج كل ده تبع قسم تحكم . غير الاقسام التانيه . يا جماعه والله الكلام اللي بقول عليه مش كدب. بالنسبه لمهندسين اتصالات وحاسبات وتحكم 75% من مهندسي الجمهوريه خريجين من كليتنا غير الشغل الخاص. الاستاذ علاء بيتكلم علي الاقسام زي كهربه ومدني ومعماري وباور اللي بجيب فلوس كتير وشغل روتيني مش محتاج تفكير .وبالنسبه للتسيق اللي بتقول عليه انا تنسيقها قل دي بناءا علي موقع الكليه فقط لا غير. واسف حضرتك علي الاطاله

[aymanlove2008]

رد علي mody20204

عادي ينفع تحول لهندسه الكليه لتقليل الاغتراب حسب ما التنسيق ما يشوف
او بعد سنه من حضورك في الكليه

[aymanlove2008]

رد علي كريم12

ان شاء الله تلحق هندسه منوف يا هندسه.

[aymanlove2008]

بعد اذن حضراتكم.‏ فيه حد هنا كاتب هندسه منوف رغبه اولي

[mody20204]

طب انتا بتقولى ينفع احول ..
بس انا افرض مجموعى مجابش هندسة برضه هينفع ادخل هندسة الكترونيات واحول هندسة اسكندرية؟

[mody20204]

ولما احول من اعدادى لازم تقدير معين ؟ ولما احول هحول لاقسام معينة ؟ وايه هى ؟

[aymanlove2008]

الجزء الاول من سؤالك.‏ مجموعك طالما مش جايب هندسه فينفعش تدخل هندسه سواء منوف او غيرها.‏ الجزء التاني من سؤالك بالنسبه للتحويل ممكن تحول عادي بشرط تكون ناجح حتي لو معاك ماده.‏ بس فيه مشكله لما تحول مش هيدخل غير القسم اللي يجيب مجموعك وفيه بعض كليات الهندسه زي المنصوره بيفرضوا عليك قسمين بس حتي لو تقديرك عالي .‏

[mody20204]

لا ماهو تنسيق هندسة غير هندسة منوف ..
السنة اللى فاتت هندسة 386.5 هندسة الكترونيات 385

ومعلش سؤال اخير .. هى تبع نقابة المهندسين صح؟

[aymanlove2008]

يا جماعه ‏.‏ هندسه منوف زي اي هندسه في الجمهوريه ‏.وتبع نقايه المهندسين.