يوميات طالب طب

[ahmed monsif]

وحانت اللحظة الحاسمة
الدكتور كشف الغطاء عن الجثة طبعا
الكل كان مزهوول
وطبعا الرائحة ماتتوصفش
المهم طبعا اننا كنا حوالي 100 طالب
حول طرابيزة صغيرة
يعني تقدر تقول اكاد اكون شايف طشاش
والزميلات المحترمات لهم نصيب الاسد لانهم طبعا معاهم حصانة ولو قربت منهم تروح في داهية
ممكن تلبس في جوازة تخليص حق
طبعا هما لافين حول الجثة الدكتور قعد يشرح
والجثة عبارة عن انسان نايم
والجلد متشال من الجزء المراد رؤيته
يعني لوالقدم تكون متشرحة علشان نشوف العضلات اللي تحتها والاعصاب والاوعية
المهم الدكتور ورانا العضلات واساميها
طبعا مكنتش شايف قوي
جيبت كرسي ووقفت عليه
ماشوفتش بردة من عدد الناس اللي في الدور التاني
جيبت طرابيزة وحطيت عليها كرسي
ماشفتش بردة علشان الناس اللي في الدور التالت كانوا كتيير
اعمل اية اعمل اية
ممكن حد يوقلي؟
يتبع0000000؟

[اسلام رشوان]

شكرا قوي يا دكتور

انا كمان حمر بالحاجات دي من اول السنة

اصل انا السنة الجاية في اعدادي اسنان

[ahmed monsif]

ياعم اسلام اسنان دي دلع خالص
وبعدين انت لو دخلت المشرحة هيبقي عظم بس مش عالجثة خالص

[خالد_khalloda]

أنا معاك يا دكتور في اللي أنت قولته







بس ياريت تحكي الأيجابيات اللي في الموضوع وبعض السلبيات لأنه طبعا مش كله سلبيات

وأنا باقول الكلام ليك يا دكتور عشان ترغب اللي عايزين يدخلوا الكلية فيها مش تخوفهم منها

وبعدين أسمحلي يا دكتور حكاية أن ماحدش فاهم حاجة من الكلام دي بتكون في الأول بس لكن هو بالكتير شهر وكل المصطلحات تبقى سهلة وبسيطة لأن أي حاجة لازم طبعا في أولها تكون صعبة وأظن أنك موافقني في الكلام دة

لأن أنا نفسي جاتلي عقدة نفسية أول مادخلت الكلية بس بعدين عادي جدا



أخوك خالد داخل تانية طب بشري

[ahmed monsif]

اهلا بيك يا د/ خالد
والله انا سعيد بمرورك
بس والله انا بقول الكلام دة للي داخل كلية الطب علشان يعرف بس ان لو هو ماكافحش واتعلم
متحدش هايقوله تعالا انت مش بتحضر ليه او بتشوف ليه
يعني ايجابيات الكليه اظن معروفة لانها اسمي مهنه في البشرية
ثانيا بخصوص محدش فاهم حاجة بتبقي فترة في الاول ياريت بس الطالب ماتطولش معاه هذه الفترة يعني مايقعدش لحدال20%
وشكرا

[haitham2005]

شكرا على هذا الكلام الرائع
وعلى العموم انا عارف كتير منه بس فى كلام كتير مكنتش عارفه.
اعرفكم بنفسى::::الاسم : هيثم ابراهيم رجال.
المهنة::::::::::::طالب.
السنة الدراسية::داخل سنة اولى.
الكلية::::::::::::الطب.
الجامعة:::::::::المنصورة.
الامنية ::::::::: ربنا يسترها معانا وربنا يوفقنا.
اتمنى ان تكمل هذه الحلقات المثيرة
وشكرا............................................. .............

[ahmed monsif]

اهلابيك يا هيثم
وان شاء الله ربنا يوفقك في طب المنصورة
ليا بنت خالتي معاك في سنة اولي
بس المنصورة صعبة شوية
ذاكر كويس

[خالد_khalloda]

ردك طبعا متميز يا د/ أحمد( مع أني مش باحبذ حكاية الألقاب دي)

بس أنا من رأيي يا دكتور يعني أن أنت تعرض المشكلة وتعرض الحلول بتاعتها عشان بس ماحدش يتعقد خصوصا يعني أن أحنا معانا في المنتدى ناس كتيرة داخلة طب زي هيثم وفيثاغورث وغيرهم وغيرهم

بس هي دي الفكرة اللي أنا كنت عايز أوصلهالك يا أحمد (وخليها أحمد وخالد و كدة يعني طبعا لو سمحتلي يا د/ أحمد)
وبعدين أنا من اللي سمعته أن طب بيطري أصعب كتير من طب بشري

وربنا مع الجميع

[ahmed monsif]

الصراحة مافيش ياخالد حاجة سهلة
لكن صعوبة طب بيطري انه بيدرس كائنات كتيير
لكن اللي عرفته من اصحابي
ان حتي اسامي العضلات والشرايين والاوردة واحد سواء في الانسان اوالحيوان

[fethaghors]

أنا فعلا أعرف ان الى بيدرسوه فى بيطرى ميختلفش كتير عن بشرى

[خالد_khalloda]

والله يا أحمد أنا باقول اللي سمعته

يمكن فعلا زي ما انت بتقول كدة أن الصعوبة في زيادة الكمية والمواد

وانت ماقولتليش يا عم أحمد أنت في سنة كام

وأنت يا فيثاغورث ماقولتش أنت هاتدخل عين شمس ولا القاهرة

[fethaghors]

أنا دخلت خلاص
عين شمس
هو أحمد فى ايه ؟

[ahmed monsif]

انا في اخر سنة طب طنطا
يعني فاضلي ان شاء الله 3 شهوور واخلص ادعولي

[haitham2005]

ياااااااااااااااااااااااااااااااااااه
3 شهور
انا فاضلى 6 سنين بإذن الله.
ربنا يوفقك
عايزينك دكتور ناجح.
بس لا تترك هذا المنتدى الجميل .
وعايزينك تضع كل النصائح الطبية التى تفيد الجميع.

[ahmed monsif]

<div class='quotetop'>إقتباس(haitham2005 @ Aug 15 2006, 11:01 AM) [snapback]190574[/snapback]</div>

ياااااااااااااااااااااااااااااااااااه
3 شهور
انا فاضلى 6 سنين بإذن الله.
ربنا يوفقك
عايزينك دكتور ناجح.
بس لا تترك هذا المنتدى الجميل .
وعايزينك تضع كل النصائح الطبية التى تفيد الجميع.
[/b]

انا بشكرك يا دكتور وربنا ان شاء الله يوفقك
ماتخافش السنين بتعدي بسرعة