والله بجد حاجة تجرح القلب ! كواليس العلاقة بين الشاب والفتاة

[hazem_ayman]

المشاركة الأصلية كتبت بواسطة بنت الإسـلام

بجد الحاجات دي بتحصل وانا بشوف زيها وبيتحكيلي كتير
اقرب موقف
كنا في الماجيك لانك واقفين مستنين دورنا في لعبة
كان ورانا اربع شباب بنتين وولدين
بعيدا عن شكل لبس البنات وواحده فيهم كانت خالعة الطرحة
المهم كانو كابيلز
واحد فيهم ماسك الموبيل بيكلم واحده يقولها
قوليلي انتي مرتبطة ولا لأ
انا بجد مش بنام الليل
وكلام عجيب
اي حد بيسمعه هيصدقه
وصاحبته والاتنين التانين واقفين جنبه يضحكو
وحوار طويل جدا
وفي الاخر وقعو الاربعه من الضحك
وهي اكيد البنت صدقته
وبتتكرر كتير جدا
لدرجة ان في بنات بتبقى حديث المدينه
من الفيس بوك ده
يعرف اصلها وفصلها ويشهر بيها
ربنا يرحمنا ويهديهم
هما بيبقو حاجة من الاتنين
يااما مش رجالة
يااما مش فيهم عقل
ده لو عقل طفل هيفكر فيها ويعرف انه عنده اخوات بنات
وفي المستقبل هجيب بنات وممكن يتعمل فيهم كده
وده اكيد
ربنا يهدي شباب المسلمين
موضوع جميل
جزاك الله خيرا

والله يا ايمان فعلا المواقف دى بتحصل قدامى كتير وفى ناس اصحابى كتير بيعملوا كدا وطبعا فى ناس ما ترضاش تعمل كدا
ااموضوع كله بيرجع للشخص لو هو انسان شهم مش هيعمل كدا على عكسه طبعا لو انسان مش كويس بيعمل الموضوع دا اكتر من مره لانه لقى فيه متعه شيطانيه مضلله
بس ميعرفش ان كما تدين تدان

وشكرااااااااا ليك على المتابعه

[hazem_ayman]

المشاركة الأصلية كتبت بواسطة osho6a1

اصلي بجد توبيك هايل بس تعمل اية بقي في العالم التيت دول وتعليقا ع موضوع بيسقط البنطلون ف دي عايزلها حملة زي الحملة العظيمة اللي نقلتها هنا واتحذفت حملة احترمي نفسك في لبسك يا ريت حد يفهم مضمون كلامي المختصر دا

كلامك وصل وشكراااا على متابعتك

[hazem_ayman]

المشاركة الأصلية كتبت بواسطة نسمة هوى

بجد بجد الموضوع دة كان مضايقنى جدا و كان نفسى نفتح نتكلم فية المهم انا بجد بستخرب لما بشوف البنت مثلا وقفة مع ولد كدة فى الشارع عادى خالص طيب دى جوة تفسها راضية حالها و كدة تخلى منظر اسرتها بالكامك شكلة اية و يا عينى طبعا يفتكروا انها مصلية على السجادة واللة حرام و سعات بقا نشوف بنتين فى الشارع مع ولد طب دة اية استبن يعنى و المبيلات دلوقتى يوة مهما نهزق و نخلى الميشترى يتفرج مفيش فيدة برضوا و انا صحابى واللة بيسعبوا عليا اما القيهم يستخبوا عشان يتكلموا فى الموبيل طيب لية و الى يجبرك على كدة لا حول الللة بس انا مكنتش متوفعة حكاية الى سبيكر دى اول مرة اسمعها بصراحة بس بجد حرام عليهم و على فكرة الطرفين الى خلطنين مش الشباب بس و معلش طولت عليك بما فية الكفاية

والله الواحد بجد بقى بيستغرب من المناظر دى فى الجامعة
شباب فى قمة الاستهتار
ومبقاش بيهمهم لا سمعة ولا دين ولا اخلاق ولا اى حاجة
ربنا يرحمنا يارب من العينات اللى بقت منتشرة دى
واكتر جملة
شدت انتباهي وسمعتها كتير هي ( انا استغرب تقولى اية يابنتى بلاش عمايل الفلاحين دى خليكى (روشةةةةة) ) دلوقتي
الدين والأخلاق والطريق الصحيح بقي اسمه رجعية وتخلف وعمايل فلاحين ... ولا حول ولا قوة الا بالله العلي العظيم , وربنا يهدي شباب وبنات المسلمين ويحسن خواتمنا جميعاً .



ونورتى الموضوع

[ymymym]

ان جيت للحق يا كابتن حازم ايمن انا بدات اخاف الصراحه لاني انا واصحابي البنات تلات بنات معايا متفقين مع ولدين بنلخص ورق مع بعض ونديه لبعض بس هو في منهم واحد احنا حاسينه مش كويس قويوهو الصراحه ممتاز وهيخلينا نشتغل ونذاكر بس بنتعامل في حدود الدراسه موش اكتر والله وقايلين لبابانا لبابا بتاعي انا واصحابي يعني ابهاتنا بمعني اصح ومامتي برضه يعني انا مبعملش حاجه غلط والله انت بجد خلتني اقرر اني افركش الموضوع دا وخوفتني

[hazem_ayman]

المشاركة الأصلية كتبت بواسطة egypt_king

بص يا حازم بجد يعنى اللى يعمل كده يبقى انسان اقل كلمة تتقال عليه حيوان ديه اقل حاجة وعلى فكرة

(كما تدين تدان) يعنى اللى بيعملة ده هيتعمل فى حد بيعزوا اوى

تقبل مرورى

المفروض يا خالد ان اى بنت تحرص زى ما بيقولو حرص ولا تخونش
لانها مش لازم تدى الثقه لأى حد فى تعامل سواء كان ارتباط وحب او زماله او اى شئ اما بالنسبه للبنات الساذجه اللى بيضحك عليها بكلمتين ويكون الولد انسان مش محترم وما يستاهلش احب اقوله رساله صغيره اكيد انت عندك ام او اخت او بنت عم او اى قريبه تهمك ربنا ما بيسيبش وهتسمع عنها الكلام اللى كنت بتعمله مع اى بنت ظلمتها حتى لو كانت مظلومه خاف على اهل بيتك وبنات عيلتك كما تدين تدان
ربنا يهديهم

وشكراااااااا يا خالد على مرورك الجميل

[hazem_ayman]

المشاركة الأصلية كتبت بواسطة bosy 2

يا سبحان الله كل اما اجى اغير رايى فى الولاد حاجه كده ترجعنى تانى لنظرتى ليهم بجد دول ......
ولا بلاش خليها فى سرى احسن عشان مضيقش حد
بس انا عندى مشكله صغيره اوى كل اما اسمع حكايات الشباب دى بعديها على طول بتتقال جمله (بس مش كل الشباب )انا بقى عوزه اعرف الشباب التانيه راحت فى يا خوانا فين الشباب المسلم الى بيخاف ربنا وبيتقيه
فين الجار الى بيخاف على جارته الزميل الى بيخاف على زميلته للاسف
الشهامه والاخلاق دى حواديت بنسمعها يا فى المسلسلات يا اما قبل النوم
انا اسفه طبعا انى بتكلم كده بس انا اتعودت انى اقول الى حاسه بيه كله يا اما مقولش خالص

للأسف البنات بيبقى عقلها مغيب وبتبص لبعضها
والشباب بتستغل النقطه دى "لانها تعتبر نقطة ضعف"
فى رأيي المشكله دى سببها الاختلاط الغلط الزائد عن اللازم
الخارج عن حدود الزماله سواء فى الدراسه أو العمل
ودى كمان ليها مواصفات خاصه..يعنى مش اى حد ممكن يكون زميلى..لازم اختار بعنايه
وأى علاقه بين أى ولد وبنت طالما خرجت عن الاطار الشرعي لازم يشوبها شائبة ما سواء كبيره او صغيره
ولو كل شاب وكل بنت اتقوا الله فى تصرفاتهم كل شىء هيتصلح
وربنا يهدينا ويعفو عنا

وشكراااا على الرد

[hazem_ayman]

المشاركة الأصلية كتبت بواسطة interpreter

المشكلة فينا احنا المصريين
أنا مش أمانع انه يكون فيه علاقة بريئة بين شاب وفتاه
بس المشكلة برده فينا احنا المصريين
وخصوصا الشباب ما بنعرفش نفهم ده أو نرسم حدود للعلاقات دى وأصبحت كل علاقة بين شاب وفتاه مشبوهة حتى لو كانت علاقة بريئة علاقة صديق بصديقته أو أخ باخته
بس هنقول ايه احنا المصريين

مفيش حاجة اسمها علاقة بريئه وعلاقه مشبوهه احنا فى مجتمع شرقى وطبعا اى علاقه بين ولد او بنت الناس علطول بتقول انها علاقة عاطفيه
بس زى مانت قولت ان لازم نرسم حدود لعلاقة الزماله
مش يخرجوا كافيهات ويجيبوا هدايا اعياد ميلاد دة كلة تحت مسمى الصداقة وبيقولولك انهم اصدقاء بس وزمايل
رغم انهم يبقى من كليات مختلفة
وشكراا على ردك

[hazem_ayman]

المشاركة الأصلية كتبت بواسطة vampire1188

بص يا حازم .. انتا عايز من الاخر ..

ربنا قال في حديث قدسي ..

يا أبن ادم أفعل ماشئت فإنك ملاقيه وأحبب ماشئت فإنك مفارقه وكن كما شئت فكما تدين تدان

واللي انتا بتعمله في حد .. هايتعمل فيك .. وهوا دا مبدأ العدالة الالهية

وانا شخصيا حصل معايا موقف معين .. وفعلا اتردلي ..

وعلى قد مازعلت من الحاجة دي انها اتردتلي .. على قد ماارتاحت لإن ربنا نفذ حكمته

انا مش عارف دا من ايه اكيد عنده نقص فى الشخصيه
وشكراااا على مرورك

[hazem_ayman]

المشاركة الأصلية كتبت بواسطة last fantasy

والله الموضوع شبه سطحي يعني إنتي لو جيتي تعدي ظروف العلاقات مش ال3 أو 4 أمثله دول هيكون كل حاجه أو حتي ممكن نسميها ظاهره أو حتي مثال دي مواقف محدودة ومتستدعيش إنها تكون ظاهره لكن هو في الأساس العلاقة هيا اللي عايزه المعالجه مش المواقف اللي إنتي ذكرتيها

انا مقولتش ان المواقف محتاجة معالجة
انا بتكلم عن العلاقة
وشكراااااااا ليك

[aldemerdasch]

يا سلام يا حازم انت يا ابنى بيقت تنفع كاتب ومصلح اجتماعى بس بصراحه موضوع يستحق تداوله على نطاق واسع لأن الطلبه خلاص ....

[hazem_ayman]

المشاركة الأصلية كتبت بواسطة ymymym

ان جيت للحق يا كابتن حازم ايمن انا بدات اخاف الصراحه لاني انا واصحابي البنات تلات بنات معايا متفقين مع ولدين بنلخص ورق مع بعض ونديه لبعض بس هو في منهم واحد احنا حاسينه مش كويس قويوهو الصراحه ممتاز وهيخلينا نشتغل ونذاكر بس بنتعامل في حدود الدراسه موش اكتر والله وقايلين لبابانا لبابا بتاعي انا واصحابي يعني ابهاتنا بمعني اصح ومامتي برضه يعني انا مبعملش حاجه غلط والله انت بجد خلتني اقرر اني افركش الموضوع دا وخوفتني

طول ما العلاقة فى حدود الزماله خلاص
بس المفروض تختاريهم بعنايه واه انت بتقولى ان فى واحد فيهم مش كويس
وتابعى الردود اللى فى الموضوع

خلاص تعبت من كتر الرد
وشكراااااااا ليك

[aldemerdasch]

واحنا خلاص بقى نقعد فى بيوتنا

[aldemerdasch]

بس والله يا حازم فعلا موضوع جميل لأن الطلبه فى جامعة المنصوره بقت حاجه مش معقول كل واحده مش عارف بيقولوا مأنتمه مع مين واصبحت ظاهره خطيره ؟ انا بس عاوز اقول لكل بنت هل لو ابوك عرف الى انت بتعمليه , ايه هيكون موقفك معاه هل لو جيرانك او الاسره المحيطه بيكى يوافقونك على هذا الفعل اعتقد لا , ولو وافقوكى دى تبقى اسره واطيه وسورى فى اللفظ لأن ملهاش تعبير تانى
وشكرا

[goryy]

لو كل واحد احترم نفسه و كل واحده احترمت نفسها و ثقة اهلها فيها و افتكروا قدام كل كلمة بيقولوها ان فى ملاك على كتفهم الشمال بيكتبها اكيد حنكون احسن من كده بكتييير

ثانكس على الموضوع

[hazem_ayman]

المشاركة الأصلية كتبت بواسطة aldemerdasch

بس والله يا حازم فعلا موضوع جميل لأن الطلبه فى جامعة المنصوره بقت حاجه مش معقول كل واحده مش عارف بيقولوا مأنتمه مع مين واصبحت ظاهره خطيره ؟ انا بس عاوز اقول لكل بنت هل لو ابوك عرف الى انت بتعمليه , ايه هيكون موقفك معاه هل لو جيرانك او الاسره المحيطه بيكى يوافقونك على هذا الفعل اعتقد لا , ولو وافقوكى دى تبقى اسره واطيه وسورى فى اللفظ لأن ملهاش تعبير تانى
وشكرا

بص يا محمد هى ظاهرة خطيرة بجد
بس لو البنت عرفت اهلها بالعلاقة بينها وبين زميلها اعتقد مش هيقولو لآ بس لازم ان العلاقة دى يكون لها حدود

بس لازم البنت تكون حزرة مع ذلك
وبعدين انت بتقول الكلام دا من منطلق ايه انت مدخلتش الجامعه اصلا عشان تقول ان كان بيحصل بلاوى ولا لآ
بس انا منكرش ان بيحصل حاجات من دى فى الجامعه كتير
وشكرااااااا على ردك