كل ما تحب ان تعرفه عن ((كلية السياحة والفنادق))

[mir0o0o]

[quote=mohamed franchy;1318395]انا عاو اعرف اذا كان قسم الارشاد السياحى يدرس بالانجليزية فى جميع الجامعات وخاصة الفيوم ام لا وارجو الرد سريعا ؟[/quot السلام عليكم ازيكم عاملين ايه ؟؟ اللى انا عارفاه سياحه وفنادق جامعه حلوان عشان انا فيها فسم ارشاد بعض المواد بالانجلش مش كلها مثلا زى التاريخ بس مش عارفه النطام ايه فى جامعه الفيوم

[Eslam_Tourism]

قسم الارشاد السياحى الدراسة فية باللغة الانجليزية بالاضافة الى اللغات .

واكيد فى جامعة الفيوم الدراسة بالانجليزى فى قسم الارشاد

[simo99]

هو ممكن ادخل الكلية دى من علمى رياضة

[simo99]

يعنى مش درست تاريخ

[Eslam_Tourism]

اه طبعا ممكن تخش سياحة فنادق من علمى رياضة ومن علمى علوم كمان بس بشرط تجيب اعلى من 35 من 50 فى الانجليزى وتجيب مجموع الكلية فى التنسيق .

بس انا اللى اعرفه ان السياحة والفنادق فى العلمى بتاخد من مجموع عالى فى اواخر التمانينات واوائل التسعينات

[xXMOST_WANTEDXx]

السلام عليكم ورحمة الله وبركاته...
شكرا للافاده بس عندي استفسار .. بالنسبة لطلبة الدبلومات الفنية تخصص فندقة؟ بس تلات سنين.. ؟ من السهل اني ادخل سياحة وفنادق؟؟ لاني شايف التنسيقات مش مبشرة خالص لل 3 سنين بس لل 5 كويسة يا ريت حد يساعدني لاني بجد دورت كتير ومش لاقي.. اي نتيجة او حاجة تاكدلي اني ان شاء الله داخل سياحة وفنادق.. ؟ بالمناسبة انا جايب 77 في المية بجد الامتحانات والتصحيح السنادي كان وحش جدا.. نسبة النجاح بالدبلومات الفنية 87 في المية ..الاولى على سياحة وفنادق جايبة 87 في المية؟؟ يا ريت حد يساعدني واسف للاطالة

ويا ريت لو حد يعرف معاهد كويسة برضه للسياحة والفنادق كويسة جدا جدا ايا كانت المصاريف او المطلوب يبلغني لان اصحابي في خبر كان ***!!!!!!!!! ربنا معانا جميعا

شكرا جميعا

[Eslam_Tourism]

ربنا يوفقك وتخش كلية سياحة

بس انا للاسف مش عارف حاجات كتير عن قبول حملة دبلوم السياحة والفنادق , بس هما بيدخلوا عادى كلية سياحة بس بأعداد محددة كل سنة مش عارف بقى السنة دى هتبقى قد ايه ؟

[xXMOST_WANTEDXx]

يا رب تسلم اسلام... شكرا لردك ربنا يوفقنا جميعا

[abdallah abo zekry]

طيب هى بتاخد من كااااااااااااااااااااام؟

[Eslam_Tourism]

كلية السياحة والفنادق فى الادبى عمرها ما قلت عن 86% الا سنة 2005 خدت من 85.5%
اما فى العلمى فهى من 88% فيما فوق تقريبا .
بص عشان انا مش متاكد خد موقع التنسيق اهو : http://www.tansik.egypt.gov.eg وشوف الكلية خدت من كام السنين اللى فاتت فى العلمى والادبى

[not lost]

(( شكرا ليك يا مان على الموضوع الجامد ده بس انا عندى استفسار ضروروى جدا انا كنت السنه اللى فاتت فى تجاه انجليزى وحصلت ليا ظروف مدخلتش الامتحانات خالص فى الترمين وعايز احول كليه سياحه وفنادق المنصوره السنه دى ومجموعى هو 91.5 % ودرجتى بالانجليزى 46 ياتى ينفع ولا لا وايه المطلوب منى ولو ينفع اكلم الكليه ممكن تدينى النمره ؟

معلش الاسئله كتير بس انا بجد كانت حصلتلى ظروف السنه اللى فاتت ومستنى ردك يا مان علشان اعرف ان كان فى اوراق هسحبها دلوقتى ولا لا ؟ ))

ومشكور يا مان

[Eslam_Tourism]

المشاركة الأصلية كتبت بواسطة not lost

(( شكرا ليك يا مان على الموضوع الجامد ده بس انا عندى استفسار ضروروى جدا انا كنت السنه اللى فاتت فى تجاه انجليزى وحصلت ليا ظروف مدخلتش الامتحانات خالص فى الترمين وعايز احول كليه سياحه وفنادق المنصوره السنه دى ومجموعى هو 91.5 % ودرجتى بالانجليزى 46 ياتى ينفع ولا لا وايه المطلوب منى ولو ينفع اكلم الكليه ممكن تدينى النمره ؟

معلش الاسئله كتير بس انا بجد كانت حصلتلى ظروف السنه اللى فاتت ومستنى ردك يا مان علشان اعرف ان كان فى اوراق هسحبها دلوقتى ولا لا ؟ ))

ومشكور يا مان

انت مجموعك ودرجتك فى الانجليزى يعدوا اساسا شروط القبول بالكلية ما شاء الله يعنى .

ولما تحول لسياحة وفنادق المنصورة احتمال يعملوك انترفيو مع الطلبة الجديدة وهو سهل جدا .

اما بالنسبة للتنسيق فانت هتخش كلية سياحة وفنادق حسب مجموع الكلية السنة اللى انت خلصت فيها الثانوية .

وعشان تعرف معلومات اكتر ادخل هنا :
http://www.mans.edu.eg/facth/arabic/Default.HTM

واتصل بالكلية من هنا : http://www.mans.edu.eg/facth/arabic/CallUs.htm

[Eslam_Tourism]

على فكرة يا حماعة انا عايز اقول حاجة اللى ناوى يتخرج من الكلية دى ومش جامد فى اللغة وخاصة الانجلش يبقى احسن له ميدخلهاش وخصوصا قسم السياحة والارشاد لانة لازم تتخرج منهم وانت معالك لغة وخصوصا انجلش

[mixawy]

انا لسه ادعيلى ادخلها وهى فى دماغى من زمان

انا مخلص 3 ثانوى وياريت يا اسلام تدينى اميلك ااتواصل معاك اكتر عشان مش عارف حاجة

[hamadagoal]

ربنا يباركلك يا اسلام اولا ثانيا ارجو منك افادتي لو سمحت انا مخلص معهد سياحة وفنادق السنة دي في المطرية ونفسي ادخل الكلية انا جايب 77.5% بس مش عارف اعمل اية واروح فين علشان اقدم وكمان انا جبت درجة كويسة جدا في الانجليزي بس انا خايف من الاختبارات اوي اعمل اية