حل للطلبة اللى اتظلمت بسبب الكوسة اللى كانت فى الثانوية

[zamalek1001]

اولا الحمد لله على كل شىء
فعلا الثانوية السنة دى كانت!!!!!!!!!!!!!!!!!!!!!!!! والله انا كنت فى اللجنة فى اخر الصف والمراقب جنبى والغش شغال ومحروج اقول له عيب المفروض اصلا هو يحسها عشان عمر اللى ذاكر وتعب يتساوى مع اللى مش همه
لازم تعرف ان الناس لما تعتقد انها لما تجيب الامتحانات سهلة وتسيب اللجان انها كدة هتهدى الوضع ى البلد اعرف انهم مبيفهموش امال بقه الثورة جات عشان ايه مش عشان تصحى المبادىء اللى ادفنت من سنين
المسالة مش مسالة دراسة ومجموع هى فعلا حاجة مهمة لكن فى اولويات لازم نصحيها جوانا علشان نقدر نحقق هدفنا
انا جبت مجموع حلو جدا السنة دى وربنا يوفقنا السنة الجاية وفخور جدا ان ده مجهودى بعد طبعا عون الله

[palscorbion]

بجد فعلا انا معاك حرام الغش اللى كان فى اللجان ده

على فكرة انا الحمد لله انا جايب ٩٧ فى تالتة من غير ما اكلم حتى زميلى

[!! Dark Man !!]

لو اتعملت سنة واحدة هتبقى سنة سودة علينا
اكثر من 14 مواد وفى سنة واحدة حررررررررررررررررررررام

[M_Sallam]

اولا / احمد ربك على المجموع الكويس ده واعتقد كتيييييييير من الطلبة كانو يحلموا بالمجموع ده
بس اكيد انت علمي علوم مدام طالع فيها اوي كدة

ثانيا بص لقدام وحاول تطور من مستواك وحافظ على المجموع واستفيد من المستوى واعتقد لو حافظ على المجموع وخت المستوى بلاش كامل خت 9 من 10 يعني 1% يعني جبت 99.2 اعتقد نسبة زي دي كفيلة تدخلك الكلية اللى انت عاوزها ولو ملحقتهاش في بلدك هتلحقها في اي محافظة تانية وبعدين تحول الحكاية مش صعبة

اهم حاجة تعملها دلوقتي تحاول بقدر الامكان تحافظ على مجموعك

[the matrex]

المشاركة الأصلية كتبت بواسطة محمد مودى

أنا جايب98.3% بس اتساويت باللى مابيفهموش وكدا التنسيق هيضيعنى

أولا استحاله طالب مبيفهمش يجيب 97أو98 أو أعلي دا لازم يكون بيذاكر طول السنه. يعني مينفعش طالب مش فاهم حاجه يجيب المجاميع دي بالغش .
أما الناس اللي غشت وعدت90% دول السنه اللي جايه هيظبطوا . والفكره اللي أنت بتفكر فيها دي هتظلم الناس اللي كانت بتذاكر طول السنه كدا تعبهم هيروح

[هالة محمد 2]

ياريت بجد المجاميع عالية خالص ودا اول مرة تحصل ياريت يلغوا تانية وتكون تالتة بس هى الشهادة ويجيبوا امتحانات زى كل سنة امتحانات ثانوى يعنى فوق مستوى الطالب الكتوسط ويمنعوا الغش لانى السنة دى اغلب المجاميع كانت بالغش انا اعرف طلبة مستوها فى ال70 وجابوا فوق التسعين والعكس ودى مهزلة بجد ياريت يلغوا سنة تانية وكلوا يشدحيلة فى تالتة دى من وجهة نظرة ودا مجرد راى

[هالة محمد 2]

بجد هو دا الحل الوحيد الى هينفع

[عبير المنصورة]

ههههههه
والنبي بلاش فزلكة
يعني انت ضامن تجيب المجموع ده السنة الجاية؟
بلاش طمع واحمد ربنا
وبعدين عمر ما ربنا هيساوي اللي ذاكر باللي غش
لو انت مفهمتش ده يبقي محتاج تراجع تفكيرك كويس

[محمد مودى]

المشاركة الأصلية كتبت بواسطة sasooo soft

يا اخ احمد ربنا على مجموعك وبص للى ملحقش يكمل ال 90
حسبى الله ونعم الوكيل
اصل دى بجد حرقة دم

حسبى الله دى تقولها لواحد بيفكر فى نفسه وبس من اللى غشوا أو ربنا كرمهم فى التعليم بواحد ماعندهوش ضمير وكان بيوزع درجات
أنا لو بفكر فى نفسى كنت انبسطت من مجموعى لأنى كدا ان شاء الله ضامن الكلية اللى أنا عايزها
أنا داخل علمى رياضة ان شاء الله ومش عايز طب ولا حاجة أنا محدد هدفى من زمان وناوى على حاسبات ومعلومات.
بالنسبة للى ملحقوش90%(يعنى جابوا درجات على قد مذاكرتهم ومستواهم)فهم أكتر المتضررين من ارتفاع المجاميع لأنهم مش هيلحقوا كليات وهيقعدوا يقشروا بصل جنب بابا وماما فى البيت.
يعنى دول أكتر الطلبة المتضررة.

[سكر مملح]

السنه الجايه ان شاء الله هتبين اللي مذاكر من عدمه واشكر ربنا على مجموعك غيرك مش لاقي رعه

[kok_bob]

احمد ربنا انك جايب 98%^

[محمد مودى]

المشاركة الأصلية كتبت بواسطة mohamed_yousri_22

كفاية بقا هيا البلد مستحملة احنا لية منقولش الحمد لله و نعدى الايام دى ع خير.......وعسى ان تكرهوا شئ و هو خيرا لكم.......اتقوا ربنا فى البلد دى....احنا انانين بنبص بطمع ع متطلبتنا و البلد تولع و البيعمل كدا مايستهلش يعيش فيها احسن

وهو الغش وضياع حق الطلبة اللى ذاكرت أو اللى حظها جه وحش وموقعش ورقها فى ايد مدرس متخلف من اللى بيوزعوا الدرجات بالهبل هو دا اللى هيضيع البلد اتقى انت ربنا وقول كلمة حق ولو انى حاسس انك من اللى درجاتهم جت فوق مع ان مستوياتهم تحت.
وبعدين انت زعلان ليه هو أنا بقول عايز10% زيادة لنفسى ولا حاجة يا عم الوطنى.
وهى البلد دى هتنفع طول ما الدكاترة داخلين طب بالفلوس والغش والمهندسين كذلك؟؟؟؟؟؟؟
وبعدين انت مش شايف ان أنا خسران من اقتراحى دا لأن مجموعى كدا بقى بلا فائدة مع انى ذاكرت وتعبت.
أنا ببص لقدام تخيل لما جيلنا دا ييجى عليه الدور ويمسك البلد دى يا ترى مصر هيبقى شكلها ايه لما يمسكها شوية غشاشين؟

[محمد مودى]

المشاركة الأصلية كتبت بواسطة omarhaleem

متزعلش منى ف الكلمتين الى انا هقولهم دول
انا مش فاهم انتا عايز ايه بالظبط انتا اجتهدت وجبت مجموع محترم وفى زيك كتير اجنهدوا ومجابوش المفروض تحمد ربنا مش تقول نلغى مجموع تانية

أولا متشكر على أسلوبك فى الكلام
ثانيا زى ما انت بتقول بالظبط فى ناس اجتهدت سواء جابت أو ماجبتش بقى دى بتاعت ربنا
أنا بقى بتكلم عن الناس اللى ما اجتهدتش وفى نفس الوقت جابت مجموع أعلى من اللى اجتهد
والناس الى اجتهدت واتساوت بيهم

[محمد مودى]

المشاركة الأصلية كتبت بواسطة كوكبه

يااستاذ عمر ماهو الطلبة اللي ذاكرت ومجبتش بسبب اللي مذكروش وجابوا فاهمني يعني حتى لو جايب 100%وواحد مذكرش وجاب 95%اكيد بتاع 100%هيزعل على وقته حرقة الدم المصاريف تعبة وارهاقه وتعالا لواحد مذكرش وجاب المجموع ده ومفيش اي حاجه الا شوية قلق الامتحان طب مانا كنت اقعد فريش ولا اذاكر ولا احرق في دمي ولا مصاريف واجيب المجموع ده قارن هتحس بالظلم

متشكر على دفاعك وعلى انك فهمتى قصدى.

[محمد مودى]

المشاركة الأصلية كتبت بواسطة fire king

يا جماعه
في نتيجة المرحلة الاولى حوالي 70000 جايبين فوق 95% (شعبة علمي)
حسبي الله ونعم الوكيل

تعرف ان السنة اللى فاتت كان عدد اللى جايبين فوق97% 5000 بس يا ريت محدش يقولى ان دفعتنا كلها نوابغ وان دا مستوى الطلبة.