لكل العاملين بالأجر سواء في أسيوط أو باقي المحافظات العقد 3/2 الجديد

[أبراار]

أما عن تفعيل قرار 75 فأنا معاكم طبعا في وقفتكم

وبالله التوفيق

[أبراار]

أستاذة إيناس بخصوص سؤالك على الأجازة بدون مرتب

حضرتك لو قريتي البند الخاص بالأجازات البند السابع هتلاقي لينا أجازات عارضة وأازات إعتيادي

أما بدون مرتب فلا يحق لينا إلا شهر وللحج فقط وطول فترة التعاقُد

ولكن لو مُثبتة ليكي نفس الشهر لكن على حساب الحكومة مش على حسابنا زي ماهو في وضعنا المؤقت وده طول مدة الخدمة ولو أديتيها تاني تدفعي أجرها ده في حالة التثبيت

أنا حبيت بس أوضح الفرق بين المثبت واللي مش مثبت في النقطة دي

أما عن أجازة بدون مرتب لمدة سنة أو كدة فلا يحق ليكي إلا لو مُثبتة لكن مؤقت لأ

أرجو أكون أفدتك على حد علمي

[أبراار]

عاوزة أوضح لحضراتكوا إن كلامي بناء على إجتهادات مني ومن الوالد

يعني بنحاول نفهم على حد علمنا وإجتهادنا مش كلام مسلم بيه بمعنى يحتمل الخطأ ويحتمل الصواب

حبيت أنوه بس للنقطة دي

وردا على الأخت اللي سألت ع المرتب هيكون كام فالله أعلم

بالنسبة لموضوع ال 1200 جنيه ده تصور مننا

إنما حكاية إنهم هيضيفوا العلاوات وكدة ده أكيد مادام مكتوب في العقد

لكن المشكلة أننا مش عارفين هيضيفوه على أي أساس

المفروض البند ده اللي بيعملوا عليه العاملين بالمكافأة ببند 3/2 بيتقاضوا مرتب شهري 280 جنيه تقريباً

فمش عارفين إذا كان هيضيفه على أساس ال280 دول ولا على أساس مربوط الدرجة

فإذا كانوا هيضيفوا على أساس ال 280 يبقى موضوع ال1200 ده تصور صحيح

أما إذا كان هيضيف على أساس مربوط الدرجة أو أساسي الدرجة فإحنا كدة لو بقينا ع العقد ده هنكون المفروض ع الدرجة التالتة ومش عارفة الحقيقة أساسيها إيه

ياريت حد يقولنا لو يعرف مربوط الدرجة التالتة

[أبراار]

بالنسبة للى اشتغل اكثر من 3 سنوات ولكن حاليا مش على رأس العمل هيبقي ايه موقفه

والله ياأخي الفاضل أنا حد علمي إن هو كدة فصل يعني كدة مش هيتحسبله اللي فات

لكن الله أعلم حضرتك إسأل فيها دي ماأقدرش أفيدك فيها

وياريت لو حد يعرف يشاركنا

[أبراار]

أنا عاوزة رأيكوا في العقد ده بالنسبة لينا (اللي لسة ماكملوش 3 سنين)

أنا عن نفسي شايفاه كويس جدا لو إتنفذ أيا إن كان العلاوات هتتحسب على أساس المرتب اللي بياخدوه العاملين أساسا بالبند ده أو على أساس الأساسي للدرجة التالتة فهو في الحالتين كويس جداااااا

ولما هييجي الحد الأدنى للأجور هيتطبق طبعا ع الكل أيا إن كان الوضع المالي ففي أسوأ الحالات خير وهنزيد إن شاء الله

لكن بتكلم عليه كعقد وكبنود

أنا شايفاه كويس جدااااا

مش الضحك ع الناس اللي كان حاصل والعقود المتخلفة اللي مضوا عليها ناس كتير للأسف والحمد لله كل ده هيتلغي وهيكون هو ده العقد اللي هيتمضي عليه بإذن الله

أنا كان معايا نسخة من البند 3/2 القديم فعلا هي دي البنود اللي بيتضمنها العقد ده بل إن عقدنا ده أفضل في بعض الحاجات

مش زي ما ضحكوا ع الناس إمبارح وكتبوا على العقد اللي كانوا عاملينه الغبي اللي فات هو هو كتبه عليه بدل 2/2

عملوا ل2 الأولى سنتين بقت تلاتة على أساس إن الناس تفهم إنهم خلوه بند 3/2 لكن هو هو على أساس إنهم بيعاملوا متخلفين أو حيوانات مابتفهمش مثلا

لكن إتظاهروا وحتى وأنا في الإدارة إمبارح بشوف وأسأل قالولي العاملين هناك إن العقد هيتغير بكرة

والحمد لله هو ده اللي حصل النهاردة وإبتدوا يحسوا إننا بني آدمين شوية


لكن طبعا بالنسبة للي كملوا تلات سنين فلا ماأعتقدش إن العقد ده يخصهم أساسا ولو قالولهم يمضوا عليه فلو منهم ماأقبلش طبعا

لأنهم المفروض يتثبتوا بموجب قرار 75


فياريت عاوزة رأيكوا وردكو

[أبراار]

وأي أسئلة برضه أو أي حاجة نعرضها

ولو أي حاجة مش عارفينها أكيد هأسأل عنها في الإدارة وأجيب منهم ردود بشأنها

وأدينا بنزداد فهم ووعي

وبارك الله فيكم وشرح صدوركم

[mhyo2008]

زى ما أنا فهمت ...فكل من يوقع على العقد يحصل على اول مربوط درجة نظيره

كل من حاصل على مؤهل عالى يكون على (الدرجة الثالثة التخصصية )

وبداية مربوط الدرجة الثالثة هو 419.7 جنيها

والله دا انجاااااااااااز

يارررررررررررب

[ايهاب بابا]

بداية مربوط الدرجة 48 جنيه وعلى فكرة احنا روحنا الادارة ولسة مافيش حاجه وصلت عن العقد ده للاسف

[Mr.Ahmed EL-hady]

شكرا يا اخت ابرار

[elbrnc2007]

كل العلاواة المكتوبة دى اسا سا من ضمن المرتب ومش هتعرفوا تفهموا من اى مسؤل حاجه لان المرتب اعتقد هيكون حوالى 365 ووقتها هيقولك هوا دا بالعلاوات اللى فى العقد لاننا سالنا قبل كده فى الموضوع ده يا جماعة هوا مرتب ثابت زى العقد القديم مش هيختلف حاجة وان اختلف هيكون الاختلاف طفيف واتمنالكوا التوفيق

[ناجى اسماعيل عبد النبى]

ياجماعة دة للى كمل السنوات اما اللى ماكملش هايمضى عقد محدد المدة لحين اكتمال ال سنين ومع ذلك لازم وقفة - عشان احنافى خطر لان بعد العيد مافيش كعك الامتحانا ت على الابواب

[رحمي علي]

يا جماعة مش عايزين نغلط تاني علشان منرجعش نندم مفيش حاجة اسمها عقد لازم تثبيت علي طول وكفاية بقي شغل وزارة نظيف اللي علي ما اعتقد انها رحلت ولا هي الواضح انها رحلت بس في الظاهر بس لكن الباطن لا ...................... يا خسارة الثورة النظام الفاسد هو هو موجود للاسف

[اخت عربية]

السلام عليكم ورحمة الله

جزاكى الله خيرا يابرار

انا من ادارة الفتح باسيوط مضيت العقد مع انى دى السنه الثالثة ومش عارفه موضوع التثبيت اللى انتى بتقولى عليه ده ينطبق على ولا لا وياترى اسال مين
كمان انتى بتقولى انك عملت استمارة شهر خمسه احنا سالنا فى الاداره قالوا لا ماتعملوهاش .

وشكرا

[love2121]

الفففففففففففففففففففففففففففف ميروك

[الاستاذ احمد جعفر]

ممكن اعرف ايه هى شروط التعاقد الجديد لان القديم كان القائمين على راس العمل فقط