متجدد شرح المنهج للطلاب - خش وإعرف إزاي - مع الخوارزمي ((بلال نصر))

[hassan111]

شكرآ علي المجهود الرائع

[asdzaza]

المشاركة الأصلية كتبت بواسطة sir_belal

الحصة الثانية
خرائط التدفق
طيب فاكرين يا ولاد خطوات حل المشكلة ؟
يردوا : آه فاكرين يا استاذ، تروح تقولهم علطول بصوا معايا يا ولاد هو انا لم احب ابني بيت بروح للمهندس يصمم البيت على الورق الاول صح .
يقولوا صح يا استاذ : طيب هو لازم المهندس اللي رسم البيت على الورق هو نفسه اللي يبنيه ؟؟
يقولوا لأ مش لازم ممكن مهندس تاني هو اللي يبني ... تقول لهم طيب هو المهندس اللي حيبني ليه فهم الرسمه اللي على بالرغم من انه مش اللي رسمها ...
عارفين ليه .... علشان الطريقة اللي اترسم بيها البيت هي طريقة بيفهمها اي مهندس ...
نفس الكلام عندنا في البرمجة لما تحب تعمل برنامج لازم تصمم البرنامج الاول على الورق ... وعلشان تصمم البرنامج بطريقة يقدر اي حد يفهمها ... يبقى لازم تصمم البرنامج باستخدام رموز يقدر أي حد يفهمها بسهولة ... وأسهل طريقة وأبسط رموز تعمل كده هي خرائط التدفق ...
علشان خرائط التدفق بتعبر عن البرنامج بطريقة تقدر تفهمها لأي حد .... واضح ..
وتقول تعريف خرائط التدفق

رموز خرائط التدفق
احنا يا ولاد بنرسم الخريطة اللي بتعبر عن اي برنامج على الورق باستخدام الرموز التالية

الرمز الاول دا بنبدء بيه الخريطة وبرضه بننهي بيه اي خريطة ولازم يكون رمز واحد للبداية وولحد للنهاية


الرمز الثاني دا رمز مخصص لادخال قيمة في الذاكرة واخراج قيم من الذاكرة ودا شكله
خلي بالك ان شكله متوازي ش مستطيل متنساش الكلام دا ( اصل في ناس عبقره بتريمه مستطيل )

طيب لما نحب نستخدمه في الادخال نعمل ايه ..... نرسمه ونكتب جواه أحد الكلمات التالية
عايز تضحكهم قولهم العيل الصغير لما يحب نشربه نقوله ايه ها حد عارف يقوله ..... انبوه يا استاذ يا استاذ تقوله برافو ول كلمة هي (أدخل)input وممكن برضه تستخدم
(اجعل)get - read(اقراء) - enter(أدخل)
وكلهم بنفس الاستخدام أي الادخال وبراحتك اكتب الكلمة اللي انت عايزها ملهاش قاعدة يعني من الاىخر الكلمة اللي تحبها اكتبها


و لما نحب نستخدمه في الاخراج نرسمه ونكتب جواه احد الكلمات الآتية (print -(طباعة) output(اخرج))
نفس الكلام برضه الاثنان نفس المعنى وممكن تستخدم اي واحده منهما


طيب ايه هي يا استاذ معنى الكلمات n1 و n2 و sum و a
أقولك انت لما تحب تعمل برنامج مثلاً لجمع رقمين بتعمل لجمع رقمين مححدين من قبل ولا لجمع أي رقمين
بالطبع لجمع اي رقمين كويس اوي
بص يا سيدي اي بيانات يتم ادخال أو اخراجها من الذاكرة لابد ان تكون في أماكن تسمى تلك الاماكن بمتغيرات او ثوابت سيبك من الثوابت دلوقتي وخلينا في المتغيرات
المتغيرات دي عبارة عن أماكن في الذاكرة يسمى كل مكان باسم لسهولة الوصول اليه
عامله زي محل العطار عبارة عن ارفف وادراج كل درج يحتوي على عنوان بمحتوياته صح برضه طيب ليه
عارف ليه لسهولة الحصول على المطلوب

نفس الكلام هنا بص للشكل دا


واخد بالك من الشكل دا تلاحظ ان الذاكرة تقسم الى مجموعة خلايا وكل مكان بياخد اسم غير مكرر ويمكن دمج اكتر من مكان معا وياخدو اسم واحد


المهم الاماكن ممكن تسمى باحرف او كلمات لسهولة التعامل مع محتوبات الذاكرة
طيب لما اجي اقولك
input m
عارف معناها ايه معناها ان الكميبوتر سوف يخن القيمة التي ستكتبها في المكان اللي اسمه m في الذاكرة

طيب لما اقولك print sum دي بقى معناها ان الكمبيوتر سوف يطبع اللي جوه المكان اللي في الذاكرة اللي اسمه sum.

الرمز الثالث رمز المعالجة أو العملية ودا اللي بتم فيه أي عملية رياضية ودا شكله

بص معايا انا قولت قبل كدا ان اس مسألة في الرياضيات عبارة عن تلت حاجات هي ها حد فاكر ايوه صح يا بنت يا تقى
( معطيات - مطلوب - قانون )

المعطيات وااللي هيه المدخلات وعرفنا بندخلها برمز ايه
والمطلوب اللي هيه المخرجات وعرفنا بنخرجها برمز ايه
أما القانون دا بقى اللي بنكتبه في رمز المعالجة علشان اقدر احسب قيمة المطلوب

زي لما يقولك عايز اجمع رقمين a و b وطباعة الناتج c
تقول علطول ان المدخلات a ,b والمخرجات هي c
اما القانون او عملية المعالجة هي c = a + b
صح
يبقى a,b في متوازي الادخال مع امر input وبرضه c في متوازي الاخراج مع امر print
أمال c = a + b تنكتب في اي رمز يا بنت يا مريم ؟
صح يا مريومه تنكتب في رمز المستطيل اللي هو رمز المعالجة


ترن ترن ترن ترن ترن ترن ترن ترن ترن

للأسف الجرس ضرب
أكمل ان شاء الله في الحصة اللي جايه بس لما اشوف إيه رأيكم وردوكم
السلام عليكم

رائع و فوق الوصف والله استاذنا ..

جزاك الله كل خير استاذنا الفاضل ..
و ارجو الا تحرمنا من هذة الفائدة و المتعة

[amadoamadoo]

جزاك الله عنا كل خير
وياريت تكمل باقى المنهج...ومنهج اولى ....وتانيه
بتقل عليك انا معلش

[tarek elhamy]

جميل يا استاذ بلال توكل علي الله وربنا يسدد خطاك

شكراًجزيلاً

وجزاكم الله خيراً

اللَّهُمَّ اجْعَلْ عَمَلَنَاكُلَّهُ

خَالِصَاً لِوَجْهِك َالكَرِيمِ

اللَّهُمَّ اجْعَلْ خَيْرَ أَعْمَالِنَاخَوَاتِيمَهَا،
وَخَيْرَ أَيَّامِنَا يَوْمَ لِقَائِكَ

[إيهاب توفيق عبد اللطيف]

احسنت صنعا

[nourseen1]

جميل ............ جزاك الله خيرا

[أيمن فتيان]

جزاك الله خيراً
شرح رائع ، ربنا ينفع به

[خالد سعد شومان]

مشكووووووووووووووووووووووووووووووووووووووووووووووو وووور

[ahmed Elnahas]

جزاك الله كل خير عنا بجد بسط الموضوع بطريقة هائلة وارجو ان لا تحرمنا من هذه الفائدة

[حسن الاستاذ]

جزاك الله كل الخير وربنا يجعله في ميزان حسناتك وياااااااااااااااااااريت ياااااااااااااااااااااااااااااريت تكمل

[l'eau de la vie]

جزاكى الله خيرا
طيب عندى سؤال لو سمحت
طريقه حضرتك فيها تفاعل بين المعلم والطلبه
لكن الافضل انى اشرح الدرس الاول ولا اكتب العناصر ع السبوره وبعدين اشرح انهو الافضل

[sir_belal]

الكتاب الجديد صياغته افضل من الكتاب القديم لذلك انصح بكتابة العناصر فقط والطالب يختصر من الكاب ...
وممكن عمل ملخص صغير لكل درس او كل فصل وتعطي للطلاب يذاكروا منه ....... على سبيل المساعدة

[liovard]

أكثر من رائع (جزاك الله خير)

[l'eau de la vie]

المشاركة الأصلية كتبت بواسطة sir_belal

الكتاب الجديد صياغته افضل من الكتاب القديم لذلك انصح بكتابة العناصر فقط والطالب يختصر من الكاب ...
وممكن عمل ملخص صغير لكل درس او كل فصل وتعطي للطلاب يذاكروا منه ....... على سبيل المساعدة

شكرا لحضرتك ع الرد
طيب كده هكتب الاول العناصر ع السبوره وبعدين اشرح
شكراااااااااااااااااااا

[عبدالنبي الحداد]

جزاك الله خيراً
شرح رائع ، ربنا ينفع به