لماذا تسئ لى فأنا و الله لا أريد الا مصلحتك؟!

[شموخ مسلمة]

السلام عليكم و رحمة الله و بركاته

ازيكم يا أخواتى عاملين ايه؟يارب تكونوا كلكم بخير .

دلوقتى يا جماعة فى موضوع كده ملاحظاه فينا وهو

..................معاملتنا للمتدين(ة)

فى البداية أنت ايه وجهة نظرك فى المتدين ؟؟
بمعنى فى ناس بنقول عليهم متشددين ....
طيب سؤال صريح أنت فعلا شايفهم متشددين؟؟؟
هتقولى اه .أقولك أوكى أنا معاك فى ناس متشددين بس اللى يجيبلك أدلة من القران او السنة الشريفة ازاى تقول عليه متشدد !!
وهل فعلا أنت مقتنع أنه متشدد و لا بتضحك ع نفسك و بتلتمس لنفسك العذر؟؟
يعنى مثلا لو جيت قلت لواحدة البنطلون حرام الدين قال ان المسلمة مش تلبس بنطلون و قلتلها الدليل اية من القران و حديث_بس مش هقوله فى الموضوع عشان مش يبقى نقاش دينى بس اللى عايز الدليل اجيبه عادى_و بعد كده قالتلى انتى متشددة
طيب انتى من وجهة نظرك انى متشددة عشان بقول البنطلون حرام
طيب بالله عليكى يا اختى لو شفتى واحدة منتقبة و لابسة بنطلون أنتى هتقولى ايه عليها بمنتهى الصراحة
متهيالى اقل حاجة هتقوليها هتقولى شفتى المنتقبة امال تدين ايه بقى؟!
وماتقوليش مش هقول و لا ان كل واحد حر لان كلنا عارفين اننا بنعلق ع كل حاجة فى المتدينين.
دى نقطة.......
النقطة التانية بقى.......
ليه بنتعمد نبص لعيوب المتدينين؟؟؟؟؟
بمعنى أننا ليه مش بنعاملهم زى ماالمفروض نعامل نفسنا .يعنى مثلا لو(س)انسان مش متدين و بيشرب سجاير و (ص)متدين بس للاسف بيشرب سجاير بس بيحاول يبطلها
ليه (س)بيحاكم (ص)ومش بيحاكم نفسه هو مش برضه الاتنين مسلمين و اللى ربنا فرضه ع (ص)فرضه على (س)
طيب ليه (س)بدل ماينقد (ص)مش بينصحه ؟؟!!!!
هل لأن (س)بينقض لمجرد النقض؟؟ولا لانه عايز يحسس نفسه أنه مش وحش اوى؟؟
طيب ايه هيا نظرة (س) ل(ص) او بمعنى تانى هل(س)فعلا مع أنه مش متدين بس بيتمنى يبقى زى (ص) المتدين؟؟
او مثلا (س)عايز (ص) يبقى افضل من كده عشان هو اللى بيمثل الاسلام؟؟
النقطة الاخيرة بقى......

بالنسبة للنقاب .لو جينا نحكم ع المنتقبات او يعنى مش نحكم نقول رأينا فى المتقبات_ولاحظو انا بقول المنتقبات مش النقاب_
هتقولو ايه؟؟؟؟؟؟؟؟؟؟
هل هنقول فيهم بنات كويسة و قلة لأ ربنا يهديهم؟
و لا هنقول المنتقبات بيلبسو النقاب بس تصرفاتهم مش مناسبة ليه_لاحظو احنا هنا اتكلمنا ع كل المنتقبات _؟؟؟؟؟؟؟؟
و لا هنقول يارب نبقى زيهم و نحاول نبقى مثل افضل للاسلام و للمنتقبات ؟؟
ياترى هتقولو ايه يا جماعة؟؟؟؟؟؟؟؟
رسالتى للمتدين(ة) :
أخى فى الله..أختى الحبيبة......
انتو رمز للاسلام ..الناس لما تيجى تحكم _ان صح التعبير_ع الاسلام و المسلمين بيبصو ليكم انتو مش لبقية المسلمين يعنى لو عندنا واحدة منتقبة و واحدة تانية لابسة طرحة عادية ..حبيبتى و الله لو عايز ينتقد الاسلام هينتقد المنتقبة ....اوعى تديله الفرصة دى
أنتى أقتنعتى بنقابك _او بزيك الاسلامى عامة_خليكى اد المسئولية و اثبتى للكون كله ان دينك علمك و رباكى
قوليها باعلى صوتك ياحبيبة قلبى
أنا مسلمة و ليا الفخر.......أنا بنت الاسلام
و أنت يا أخى ليه بنشوف واحد ملتحى بس بيبص لبنات؟؟؟ليه يا أخى؟؟؟؟ده أنت رمز جميل لدينك ......أخدم دينك و ان لم يكن بالدعوة فلتكن رمز للدين و للمسلمين فى اى مكان

رسالة لكل مسلم و مسلمة :
يا جماعة احنا المفروض لما نشوف تصرف مش كويس من اى متدين(ة)المفروض ننصح نصيحة اخ مش نقد قضى عايز يقول الحكم و خلاص

معلش يا جماعة انا عارفة ان الموضوع طويل بس صراحة انا من فترة وانا عايزة اتكلم فى الموضوع ده
وياريت الموضوع مش يتنقل لحى ع الفلاح لانى عايزة نتناقش فيه
وبالنسبة للعنوان
ياريت تجاوبونى عليه
ليه بنسئ للمتدينين مع انهم عايزين ياخدو بايدنا للجنة؟؟؟؟؟؟؟؟
فى امان الله