جديد 2014 الباب الأول جيولوجيا من سلسلة الخبير شرح رسومات أسئلة لا يفوتك قمة الروعة

[تيتوبحر]

مشكوووووووووووور

[ثريا فتحى]

كم نصاب الحصص لمعلم خبير ثانوى وكم من الحصص يعادل يوم الاشراف اليومى للمدرس الثانوى

[مستر حسن متولى]

بسم الله الرحمن الرحيم

نصاب المعلم الخبير فى المرحلة الثانوية هو 16 حصة فى الأسبوع .
أما المعلم المشرف على المادة فيخفض له النصاب بمقدار حصتين أى يكون نصابه فى الأسبوع 14 حصة .
وهذا حسب :
نص المادة 16 من قرار رئيس مجلس الوزراء رقم 2840 لسنة 2007 والخاص بإصدار اللائحة التنفيذية للباب السابع من قانون التعليم .
وقد نشر هذا القرار فى جريدة الوقائع المصرية العدد 291 فى 25 ديسمبر لسنة 2007 ولم يعدل النصاب مرة أخرى منذ هذا الوقت .

[وليد أحمد عباس]

جزاك الله خير , تنسيق ممتاز , تجميع للأسئلة ممتاز , هكذا يستفيد المدرس والطالب , جعلها الله في ميزان حسناتك

[Dr Elgohary]

جزيل الشكر لحضرتك على المتابعة الرائعة والتوضيح
ولكن عندى كام سؤال واسف انى بجد ازعجت حضرتك كتيييير
اولا انا لما روحت درس جيولوجيا مفهمتش حاجة وتوهت ومضايق جدا لانى بحاول افهم المادة بس المشكلة انها حفظ بحت
فهل الدرس لازم ولا اتابع ان مع نفسى ؟
ثانيا ايه افضل كتاب خارجى لان الامتحان وكتاب الأول اتأخروا جدا وفى الفجالة قالوا مش هنطبع خاااااااالص دلوقتى
ثالثا ايه الكلام الفصل فى الابواب الملغية لان فى كلام جديد كل يوم ولازم نعرف احنا ماشيين ازاى
وشكرا مرة تانية لحضرتك وجزاك الله كل خير

[مستر حسن متولى]

بسم الله الرحمن الرحيم

1- بالنسبة للأبواب الملغية فقد تأكد لنا الآن ماهى بعد أن وصل توزيع المنهج للمدارس منذ عدة أيام والأبواب الملغية هى :
الباب الثانى علوم بيئية : موارد البيئة وحدود قدراتها .
والباب السادس جيولوجيا : الأزمنة الجيولوجية .
وقد يتساءل البعض :
كيف تم حذف بابين فقط وقد صرحت الوزارة بأنه سيتم حذف 4 أبواب ؟
والإجابة ببساطة هى أن :
الوزارة إحتسبت البابين اللذين تم إلغاءهما فى العام الماضى وهما :
الباب الرابع بيئة : التلوث
والباب السابع جيولوجيا : الجيولوجيا فى خدمة الإنسان .
وبذلك يكون مجموع الأبواب المحذوفة هذا العام والعام السابق 4 أبواب .
2- السبب فى أنك تشكو من صعوبة المادة هو الرهبة والخوف والحاجز النفسى الموجود لديك أنت ومعظم طلاب العلمى علوم من الجيولوجيا ، فعلى العكس دى أسهل مادة فى القسم بتاعكم وأحسن مادة تقفل فيها الـ 60 درجة بشرط ضع ثقتك فى الله وفى نفسك
واشتغل مع مدرس متخصص فى الجيولوجيا وليس مدرس أحياء ثم داوم على المراجعة المستمرة لأن المادة بتتبخر من الدماغ فى حالة قلة المراجعة ثم اكثر من حل الأسئلة من جميع المصادر كتاب وزارة - دليل تقويم - إمتحانات لأن ذلك يثبت المعلومة .
3- للأسف يا محمود مش هتقدر تعتمد على نفسك فى المادة لازم مدرس يساعدك لتوضيح النقاط الغامضة وخبايا المنهج .
4- أفضل كتاب تعتمد عليه مش هقدر أجاوبك هنا لأن ده يعتبر دعاية وهذا ممنوع اتصل على وأنا أجاوبك خد رقمى من منتدى مدرسة الحسينية الثانوية بنات من الـ cv بتاعى .
5- فى النهاية أكثر من قراءة وسماع سورة يس قبل البدء فى المذاكرة فهى قلب القرآن وقد ثبت مؤخراً بالأبحاث العلمية أنها تفتح ثقوب الذاكرة وتزيد الحفظ والإسترجاع .

[Dr Elgohary]

بصراحة انا شاكر جدا لحضرتك على سرعة الرد
وانا كده فهمت تمام
جزاك الله كل خير وجعل مثواك الجنة

[sarcodina]

السلام عليكم
ممكن استاذنا الفاضل ترفع لنا توزيع المنهج
و هل يوجد اجزاء محذوفة من داخل الابواب المقررة ام لا
و لك جزيل الشكر

[مستر حسن متولى]

بسم الله الرحمن الرحيم

توزيع منهج الجيولوجيا والعلوم البيئية 2013 / 2014

الباب الأول علوم بيئية (مفاهيم بيئية) : من 21 / 9 / 2013 وحتى 31 / 10 / 2013 خمسة أسابيع 15 حصة .
الباب الثانى علوم بيئية (الثالث سابقاً) إستنزاف الموارد البيئية وإنقراض الأنواع : من 2 / 11 / 2013 وحتى 28 / 11 / 2013 أربعة أسابيع 12 حصة .
الباب الأول جيولوجيا علم الجيولوجيا ومادة الأرض : من 30 / 11 / 2013 وحتى 26 / 12 / 2013 أربعة أسابيع 12 حصة .
الباب الثانى جيولوجيا التوازن فى الحركة بين الماء والهواء واليابس : 15 حصة موزعة على خمسة أسابيع منها 3 أسابيع قبل أجازة نصف العام ، 2 بعد الأجازة ، أى يبدأ فى 28 / 12 / 2013 وينتهى 20 / 2 / 2014 ، يتخلل ذلك أجازة نصف العام من 25 / 1 / 2014 وحتى 6 / 2 / 2014 لمدة أسبوعين .
الباب الثالث جيولوجيا المعادن : من 22 / 2 / 2014 وحتى 13 / 3 / 2014 ثلاثة أسابيع 9 حصص .
الباب الرابع جيولوجيا الصخور : من 15 / 3 / 2014 وحتى 10 / 4 / 2014 أربعة أسابيع 12حصة .
الباب الخامس جيولوجيا البيئة والتوازن بين الأنشطة الجيولوجية وحركة القارات وسلاسل الجبال : من 12 / 4 / 2014 وحتى 8 / 5 / 2014 أربعة أسابيع 12 حصة .
مراجعة من 10 / 2014 وحتى 22 / 5 / 2014 أسبوعان 6 حصص .
إمتحان الثانوية العامة : يبدأ 7 / 6 / 2014

أى أنه تم حذف :

الباب الثانى علوم بيئية (موارد البيئة وحدود قدراتها) والباب السادس جيولوجيا (الأزمنة الجيولوجيا) .

أما الأبواب الباقية (عددها 7) فلم يحدث بها أى تغيير .

[elkisser]

ياريت مذاكرات البيئيه يامستر

[olaelsarwy]

بالله عليك أخبرنى ليه الملف لا يفتح

[مستر حسن متولى]

الملف لا يفتح الآن بسبب وجود أعمال صيانة فى السيرفر اللى موقع المدرسة متحمل عليه ،
لذلك أناشد القائمين على الموقع هنا إتاحة مساحة زيادة لى لأتمكن من رفع جميع أبواب المنهج بهذه الطريقة المتكاملة ، وللعلم أنا عملت 3 حسابات شخصية لى هنا وإنتهت جميع المساحات التخزينية المتاحة بها .

[مستر حسن متولى]

https://drive.google.com/?tab=mo&aut...2NlcFJnWWR2TDg

[مستر حسن متولى]

النظام القديم للثانوية العامة (5 مواد) سيكون إمتحانهم فى المناهج القديمة مثلاً فى الجيولوجيا سيكون الامتحان فى 9 أبواب وليس 7 أبواب كالنظام الجديد (نظام الـ 7 مواد) ودرجة الامتحان 50 درجة وليس 60 درجة كالنظام الجديد .

[Dr Elgohary]

المشاركة الأصلية كتبت بواسطة مستر حسن متولى

الملف لا يفتح الآن بسبب وجود أعمال صيانة فى السيرفر اللى موقع المدرسة متحمل عليه ،
لذلك أناشد القائمين على الموقع هنا إتاحة مساحة زيادة لى لأتمكن من رفع جميع أبواب المنهج بهذه الطريقة المتكاملة ، وللعلم أنا عملت 3 حسابات شخصية لى هنا وإنتهت جميع المساحات التخزينية المتاحة بها .

ممكن حضرتك ترفع المذكرات على سيرفرات خارجية
او حضرتك تبعتلى الملفات وانا ارفعهم عادى
وانا النت عندى كويس