أخر أخبار مدرسين الحصة بأسيوط

[abu_ menna_13]

يا أستاذه أبرار التعاقدات الجديده دي نصب ومراوغه

وكون انكم مضتوها 5/2 خلينو موقفنا ( المنقطعين ) حرج

لو كنا وقفنا ايد واحده منقطعين وعلى رأس العمل وطالبنا بتنفيذ قرار 75

أعتقد كان هيكون افضل انما الكل بيدور على مصلحتو ومفيش تنظيم ولا تآلف

[abu_ menna_13]

على العموم احنا دلوقت في أمر واقع وعلينا اننا نتعامل من خلالو

وفيه فكرة بنناقشها على الفيس بوك والناس كلها متشجعه ليها

بالفكرة دي احنا هنتواصل أكتر وهيكون فيه شبه تآلف بين الجميع

علشان نقدر نتفق على كل خطوة ممكن نقوم بيها وتكون في صالح الجميع وبتعبر عن الكل

[abu_ menna_13]

http://www.facebook.com/pages/%D9%85...=wall&filter=2

[محمد سلامة فهمى محمد]

سلام عليكم انا كمان كنت شغال وانقطعت ورجعت على العقد الجديد ده على وعد من المحافظ ان احنا نثبت بعد السنة دى وانا من القليوبية انا من راى ماحصليش كده نعمل اعتصام كبير على مستوى مصر كلها ننسق معا بعض كلنا ايه رايكم على شهر 7 نشوف هيعمله معانا ايه ؟؟؟؟؟؟

[ايهاب بابا]

يا جماعة انا من رأي احسن حل انه يتعملنا عقد معلم مساعد لان هذا العقد مكافاة شاملة وانا متاكد من ده اما اذا عملولنا عقد
معلم مساعد بكده هيكون من حقنا خلال سنة نمتحن كادر ونتثبت رسمي وبالقانون

[ramy12]

علشان كدة احنا لازم نطالب بتنفيذ قرار 75 علشان القرار دة بيحفظ حقنا فى التثبيت


لان حسب نص القرار تثبيت من مر عليه 3 سنوات وعمل عقود مميزة لمن لم يكمل ال3 سنوات ثم تثبيتهم وبكدة نقدر ندخل اختبارات الاكاديمية اما العقود الاخرى لا تسمح لنا بدخول اختبارات الاكاديمية وبالتالى ضياع حقنا فى التعين

[abu_ menna_13]

طيب مين يسمع يا رامي

لما الناس كلها راحت مضت على التعاقدات الجديده وطارت

وكأنهم اتعينو خلاص

مفيش روح الجماعه

[alzahraamostafa]

طيب ياجماعة ياريت حد يقولنا نعمل ايه

[أبراار]

ياأساتذة بس ثواني

حضراتكو أنا عن نفسي مضيت العقد وأنا مقتنعة بيه جدااااا

لأني ماكملتش 3 سنين

ومضيه على أساس هيحسبولنا اللي فات ولما نكمل 3 سنين بعد سنة هيثبتونا

إنما لو كنت كملتهم لأ كنت هأعتبره إهانة الصراحة وماكنتش رضيت أمضي أو بعد شد وجذب كتير الصراحة بيني وبين نفسي

لكن إتضح إن اللي كمل واللي ماكملش كله مضى العقد ده

وللأسف مش هيتحسب اللي فات سواء كمل أو ماكملش مش هيحسب ال3 سنين إلا من تاريخ إمضاء العقد ده

وبعدها هيثبتونا على إيه بقى الله أعلم؟؟؟

والله المستعان

وأهو كله كلام

والمفروض إن في شهر 7 الأوضاع كلها هتتغير عشان الحد الأدنى

هيكون شكلنا ولا وضعنا إزاي ولا حد عارف حاجة ولا حد فاهم حاجة وكله الله ينور الواحد إتخنق

[alzahraamostafa]

عن نفسى لسه ما شوفتش العقد روحت التوجيه قالوا تعالى يوم السبت مع ان مدرسى الفصل واللغة العربية مضوا
انا اشتغلت 3 سنين وانقطعت اول السنة دى

[أحمد جودة3]

المشاركة الأصلية كتبت بواسطة alzahraamostafa

عن نفسى لسه ما شوفتش العقد روحت التوجيه قالوا تعالى يوم السبت مع ان مدرسى الفصل واللغة العربية مضوا
انا اشتغلت 3 سنين وانقطعت اول السنة دى

يا ريت يا اخى تبقي تقولنا
هل انت فعلا مش على راس العمل السنة دى
ونظام العقد ده ايه الخاص بالمنقطعين هل مميز ولا مكافاة شاملة ؟

[الاستاذ احمد جعفر]

يعنى انا بعد ما كان جدولى 20 حصه فى الاسبوع هينزل ل8 حصص ايه التهريج ده

[mae999]

المشاركة الأصلية كتبت بواسطة انا المصرى

يعنى انا بعد ما كان جدولى 20 حصه فى الاسبوع هينزل ل8 حصص ايه التهريج ده

إحمد ربنا انك شغال وعلى راس العمل زمايلك اشتغلوا من قبلك وبعدين فصلوا وهما اولى وعلى فكرة لما فصلوا ماكنش بمزاجهم

[abu_ menna_13]

صورة من القرار المنتظر وياريت الكل يقرأ ويعلق لإنه فعلاً موضوع تعبير رائع.

السيد الأستاذ الدكتور/ صفوت النحاس
رئيس الجهاز المركزي للتنظيم والإدارة.
تحية طيبة وبعد.
...- رصدت المتابعة خلال المرحلة الحالية وبصفة يومية تجمع أعداد كبيرة (في شكل مظاهرات ومسيرات ووقفات إحتجاجية) من المدرسين العاملين بالحصة ممن أمضوا ثلاث سنوات أو أكثر في خدمة العملية التعليمية سواء القائمين علي رأس العمل أو السابق إنقطاعهم عن العمل لظروف خارجة عن إرداتهم (مؤهلات عليا – مؤهلات فوق متوسطة – مؤهلات متوسطة) (حوالي 13 ألف مدرس).
- يطالب المدرسون المشار إليهم بتثبيتهم تنفيذاً لقرار السيد الدكتور وزير التربية والتعليم رقم (75) الصادر بتاريخ 2/3/2011 (مرفق صورة منه) وأسوة بزملائهم بمحافظتي كفر الشيخ والشرقية الصادر لهم قرار مديرية التربية والتعليم بالمحافظتين والقاضي بتثبيت المعلمين المتعاقدين والعاملين بالحصة والترخيص من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة الذين مضي عليهم ثلاث سنوات فأكثر وذلك نظراً لموافقة الجهاز المركزي للتنظيم والإدارة في 1/3/2011 وكذا وزارة المالية (مرفق صورة من القرارين).
- برجاء الإحاطة والتفضل بالتوجيه إلي إتخاذ اللازم نحو تلبية مطالب المدرسين المشار إليهم والإفادة برؤية الجهاز الموقر رئاستكم في هذا الشأن وذلك مراعاة لظروفهم المعيشية والإجتماعية وحاجة العمل إليهم بمديرية التربية والتعليم بمحافظة أسيوط – علماً بأن المحافظة ليس لديها مانع من تلبية تلك المطالب.
وتفضلوا بقبول وافر تحياتي.
إمضاء المحافظ/ إبراهيم حماد.

ده يا جماعه كان رد المحافظ

وامبارح 16/7/2011 بالليل سافرت مجموعه من مدرسين الحصة الى السيد صفوت النحاس للمناقشة ومعرفة قراره واحنا منتظرين الرد
وان شاء الله خير

[abu_ menna_13]

المشاركة الأصلية كتبت بواسطة abu_ menna_13

صورة من القرار المنتظر وياريت الكل يقرأ ويعلق لإنه فعلاً موضوع تعبير رائع.

السيد الأستاذ الدكتور/ صفوت النحاس
رئيس الجهاز المركزي للتنظيم والإدارة.
تحية طيبة وبعد.
...- رصدت المتابعة خلال المرحلة الحالية وبصفة يومية تجمع أعداد كبيرة (في شكل مظاهرات ومسيرات ووقفات إحتجاجية) من المدرسين العاملين بالحصة ممن أمضوا ثلاث سنوات أو أكثر في خدمة العملية التعليمية سواء القائمين علي رأس العمل أو السابق إنقطاعهم عن العمل لظروف خارجة عن إرداتهم (مؤهلات عليا – مؤهلات فوق متوسطة – مؤهلات متوسطة) (حوالي 13 ألف مدرس).
- يطالب المدرسون المشار إليهم بتثبيتهم تنفيذاً لقرار السيد الدكتور وزير التربية والتعليم رقم (75) الصادر بتاريخ 2/3/2011 (مرفق صورة منه) وأسوة بزملائهم بمحافظتي كفر الشيخ والشرقية الصادر لهم قرار مديرية التربية والتعليم بالمحافظتين والقاضي بتثبيت المعلمين المتعاقدين والعاملين بالحصة والترخيص من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة الذين مضي عليهم ثلاث سنوات فأكثر وذلك نظراً لموافقة الجهاز المركزي للتنظيم والإدارة في 1/3/2011 وكذا وزارة المالية (مرفق صورة من القرارين).
- برجاء الإحاطة والتفضل بالتوجيه إلي إتخاذ اللازم نحو تلبية مطالب المدرسين المشار إليهم والإفادة برؤية الجهاز الموقر رئاستكم في هذا الشأن وذلك مراعاة لظروفهم المعيشية والإجتماعية وحاجة العمل إليهم بمديرية التربية والتعليم بمحافظة أسيوط – علماً بأن المحافظة ليس لديها مانع من تلبية تلك المطالب.
وتفضلوا بقبول وافر تحياتي.
إمضاء المحافظ/ إبراهيم حماد.

ده يا جماعه كان رد المحافظ

وامبارح 16/7/2011 بالليل سافرت مجموعه من مدرسين الحصة الى السيد صفوت النحاس للمناقشة ومعرفة قراره واحنا منتظرين الرد
وان شاء الله خير

الناس سافرت ورجعت بالسلامة والحمد لله النهارده الصبح

وهذه مشاركات الناس زمايلنا على الفيس بوك بخصوص الموضوع

وصل بحمد الله تعالي زملائنا الذين سافروا الي القاهرة لمقابلة رئيس الجهاز المركزي للتنظيم والادارة ومعهم صورة العقد الذي تلاعب به عبد الجواد افندي وكيل التنظيم والادارة باسيوط والسيد مدير الشئون المالية والادارية بالمديرية التعليمية وسوف نوافيكم بموعد الذهاب الي المديرية للمطالبة بحقوقنا الضائعة فنرجو من السادة اعضاء الائتلاف مساندتنا ...سواء كان المشترك معلم اساسي او معلم مساعد او معلم بالحصة مثلنا وياريت نبطل سلبية ارجوكم وكفاية كده لان سلبيتنا هي السبب الاول في ان يتلاعب بنا السيد مدير الشئون المالية والادارية بالمديرية والسيد وكيل التنظيم والادارة باسيوط الذين لا يستحقون ان نلفظ باسمائهم لأنهم من احقر الناس علي وجه الارض .

نتائج لقاء معلمي الحصة بالأستاذ صفوت النحاس رئيس التنظيم والإدارة في القاهرة:
إستكمالاُ لما ذكره الأستاذ محمود فوزي :
1- أنه فعلاً لا يوجد تثبيت بالمحافظات الأخري وأنها قرارات سياسية ، وأن هؤلاء المعلمين حصلوا علي عقود تماثل العقود التي مضيناها بالفعل.
2- أن هناك أفراد بمديرية التربية والتعليم بأسيوط تلاعبت بالعقد ، حيث أن المحافظات ال...أخري تحتوي علي بند يتضمن أجر ثابت لجميع المعلمين دون الربط بينها وبين الحصص ، لكن هؤلاء الأفراد قاموا بوضع البند المالي حسب الحصص لأغراض هما أعلم بها منا.
3- أن صيغة العقد الجديد المنتظر هو نفس بنود العقد الذي مضيناه ولكن يتضمن بند مالي ثابت نحو 320 جنيه لجميع المعلمين.
4- أن العقد الجديد يشمل جميع المعلمين سواء المنقطعين أو المستمرين علي رأس العمل .
5- (رجاء) لابد أن نجعل صبغة العقد الجديد تبدأ بنفس تاريخ العقود التي تم إمضائها ، من (2/5/2011 - 1/9/2011) وإلا هنتأخر في عملية التثبيت ، لأن العيب منهم وليس منا لاسيما وأنهم هم من تلاعبوا بالعقد.
5- نتمني عودة زملائنا من القاهرة بالسلامة غداً ، ونشكرهم علي جهدهم ودورهم الفعال في البحث عن الحقوق وإعادتها، فجزاهم الله خيراً لما يقدموه للمعلمين كافة .
---- والله الموفق والمستعان -----

بس هو مفيش حاجة اكيدة لحد منقابل المحافظ تاني ان شاء الله قريبا

وعلى فكرة بكرة فيه اعتصام 19/7 عشان نشوف صورة من التعاقد الجديد

لكن احنا مش هنعلن عن صورة العقد اللا لو زاد عدد المعتصمين عن 100 معتصم

لاننا 13000 مبيحضرش مننا غير 40 او 50 بالكتير