استفسار ... هندسة القاهرة

[Ismael Ibraheem]

المشاركة الأصلية كتبت بواسطة medo_elrsam

عايز استفسر عن قسم طيران لو سمحت

المشاركة الأصلية كتبت بواسطة houda-mahmoud

لو سمحت انا الحمد لله جبت 98.6% و ان شاء الله ناوي علي هندسة القاهرة .. كنت عايز أعرف معلومات عن نظام الساعات المعتمدة و هل هو تمام ولا مش فارق عن النظام العادي أوي ؟؟ و شكرا

اعتقد ان محمود معز جاوب باستفاضه على الاسئلة .. لو فيه اى استفسار تانى احنا موجودين

[FirstMan08]

بالنسبة لقسم طيران :
القسم زيه زي أي قسم مش بيحتاج حاجات زيادة عشان تدخله و التنسيق بتاعه مش بيكون عالي يعني أقصي تقدير عشان تدخله جيد و عدد الطلبة في القسم يتراوح بي 80:100 طالب بس مشكلة القسم بتكمن في أنه محتاج مجهود كبير و انك تستحمل الضغط بتاع الدراسة لانه تقريبا أصعب أقسام الهندسة
بالنسبة لمجال العمل : بينقسم لقسمين الاول هو مجال التصميم ( يعني تصمم طيارة و محركات و هكذا ) بس ده مش موجود في مصر إلا نادر جداً و الجزء التاني و هو الصيانة و ممكن تشتغل في مصر للطيران أو الهيئة العربية للتصنيع أو الشركات الخاصة او شركة البترول للخدمات الجوية و لو سافرت برة مصر طبعاً مجال الشغل أحسن و أوسع بكتير ..

مواد القسم بتتضمن أجزاء رئيسية و هي : Control وده عشان نظام التحكم في الطيارة و هكذا
Structure و ده بتدرس فيه تصميم هيكل الطيارة ..إلخ
Aerodynamics and fluids و ده بيختص بإزاي الطيارة بتطير و العوامل الجوية المؤثرة عليها .. إلخ

و لو في استفسار عن حاجة تانية انا تحت أمرك
Follow *iMo3ez on twitter
or
http://www.facebook.com/M.Mo3ez

في رعاية الله =)

[FirstMan08]

U're all welcomed on this FB group if u have any inquiries
http://www.facebook.com/groups/e3dady2017/

[houda-mahmoud]

طب معلش هل المبلغ اللي هيتدفع في النظام ده يستحق ولا مش فارق كتير عن العادي .. و بالنسبة لعدد الطلبة كتير ولا ايه ؟؟ آسف علي الإطالة

[FirstMan08]

رأيي الشخصي : أنا بفضل النظام العادي .. مش هيفرق كتير عن النظام العادي و المبلغ ده تقدري تستفادي بيه بأكثر من طريقة + ان الاقسام في النظام العادي أوسع من نظام كريديت و بردو عشان تتأكدي من كل المعلومات تقدري تسألي زميلتي في اتحاد الطلبة و هي نظام كريديت =)) http://www.facebook.com/aya.ezz.739

[houda-mahmoud]

انا متشكر جدا .. ملحوظة : انا ولد

[FirstMan08]

معلش افتكرتها هدي =))

[غادة 999]

لو سمحت ممكن اعرف لو حد دخل هندسة القاهرة كريدت و حب يدخل قسم طيران ينفع يحول و لا لأ علشان انا سمعت ان الإقبال على قسم طيران مش جامد و ممكن يقبلوا ناس من كريدت و شكرا

[maradonai]

اولا انا الحمد لله جبت 97.2 فهل هلحق هندسة القاهرة ولا لا
انا بصراحة مش مقتنع ب حكاية ان التنسيق هيقل
لان انا دورت علي تنسيق السنة اللي فاتت وكانت هندسة القاهرة 96.56 وكان عدد الطلاب في شعبة علمي اللي فوق المجموع ده 27 الف طالب
اما السنة دي انا لاقيت ان ترتيبي علي الجمهورية في علمي 30 الف اذا فا هندسة القاهرة مش هتاخد اقل من 97.5
وعندي سؤال عن كريديت ارجو ان تردوا عليا بسرعة
هل في خصم للناس اللي بتجيب امتياز او بالنظام بتاعهم ده 3.5 مثلا

[Ismael Ibraheem]

المشاركة الأصلية كتبت بواسطة maradonai

اولا انا الحمد لله جبت 97.2 فهل هلحق هندسة القاهرة ولا لا
انا بصراحة مش مقتنع ب حكاية ان التنسيق هيقل
لان انا دورت علي تنسيق السنة اللي فاتت وكانت هندسة القاهرة 96.56 وكان عدد الطلاب في شعبة علمي اللي فوق المجموع ده 27 الف طالب
اما السنة دي انا لاقيت ان ترتيبي علي الجمهورية في علمي 30 الف اذا فا هندسة القاهرة مش هتاخد اقل من 97.5
وعندي سؤال عن كريديت ارجو ان تردوا عليا بسرعة
هل في خصم للناس اللي بتجيب امتياز او بالنظام بتاعهم ده 3.5 مثلا

طيب ,,,
هو التنسيق بيبقى بنظام العرض والطلب ..
بيشوفوا الاقبال على كلية ايه جامعة ايه .. وعلى اساسه بيتحدد التنسيق .
لانك لو تلاحظ ان التنسيق بينزل بعد ما تكون كتبت الرغبات ..
فلو الجمهورية كلها طلبت هندسة القاهره وهندسة القاهرة مش بتاخد غير عشر طلاب .. مثلا بيشوفوا الطالب رقم 10 دا جاب كام ودا بيبقى الحد الادنى للقاهرة
اما كريديت فمفيهاش خصم .. لانها القاهرة .. المعاهد هيا اللى بيبقى عليها خصم لو انت جايب درجة اعلى
لكن ككريديت القاهرة مش عليها خصم ودا لاول سنة لكن ف السنين اللى جاية بيبقى عليها بنسبة معينة بصراحة مش عارفها ..
+ فيه اقسام فى كريديت ممكن تدخلها من العادى لو جيبت امتياز مع مرتبة الشرف ف اعدادى عادى .. زى اعتقد مدنى كريديت .. بتاخده مدعم اذا استمريت ف تميزك

[Ismael Ibraheem]

المشاركة الأصلية كتبت بواسطة غادة 999

لو سمحت ممكن اعرف لو حد دخل هندسة القاهرة كريدت و حب يدخل قسم طيران ينفع يحول و لا لأ علشان انا سمعت ان الإقبال على قسم طيران مش جامد و ممكن يقبلوا ناس من كريدت و شكرا

التحويل من كريديت لعادى بيعمل مشكلة للطالب نفسة ..
ف ممكن يخلوكى تشيلى مواد من اعدادى ..
ودى حصلت مع واحد زميلى .. حول من كريديت لعادى ..
ف بلاش لو ناوية على طيران من الاول تدخلى كريديت ..
وللامانة علشان موضوع طيران هستفسر من شئون الطلبة واقولك

[bebo_badr]

طب ممكن اعرف هل بيتاح ليا انى ادرس عمارة من اعدادى لو دخلت كريديت ؟ و لو لأ هلى نظام الكريديت بيديك الحق إنك تختار القسم بتاعك من بعد اعدادى و لا برده بيبقى فيه تنسيق و كل واحد و تقديره ؟

[سمسم الجامد]

دورة التوزيع الكهربى "Electrical Distribution Expert" هى واحدة من مجموعات البرنامج التدريبى المتميز " Engineer Makers" المقدم من مركز "Cadres Makers" و الذى يقوم على تقديم حزم تدريبية متكاملة تؤهل المهندس فى إحدى المجالات أو التخصصات الجوهرية فى سوق العمل.

وصف الدورة:
الدورة هى خلاصة ما يحتاجه مهندس الكهرباء فى مجال التوزيع الكهربى سواء من الناحية العلمية النظرية التى تؤهل المهندس لإجراء عمليات التصميم من الأساس أو من ناحية البرامج الهندسية التى يستخدمها المهندس فى إجراء عمليات التوزيع. الجدير بالذكر أن هذا المجال أصبح من أهم مجالات الهندسة الكهربية فى سوق العمل لإرتباطه الوثيق بالمقاولات و الإنشاءات.

عدد ساعات الدورة: 60 ساعة
تكلفة الدورة: 700 جنيه مصرى فقط
المحتويات:

Autodesk AutoCAD 2d
Lighting software (Relux or Dialux)
Electrical Distribution
• Indoor Lighting Distribution.
• General Power Distribution.
• Power Loads Distribution.
• Designing Load schedules for Electrical Panel Boards.
• Cable Sizing.
• Voltage Drop Calculations.
• Generator and U.P.S Selection.
• Earthing System.
• Transformer Selection.
• Light Current System Design including (Fire-Alarm, Telephone, Data, and T.V system)
للحجز والاستعلام / 01067166359

[ASHRAF SHANAN]

السلام عليكم ورحمة الله وبركاته
استفسار بسيط بعد اذن السادة الافاضل
بعد ظهور نتيجة تنسيق المعاهد الفنية اليوم
وتم طبع بطاقة الترشيح
كليه الهندسة جامعة القاهرة
ماذا يتم بعد ذلك ؟
وموعد التسليم للاوراق
وهل يتم دفع المصروفات عند تسليم الاوراق

[safty12]

طب ممكن تسيق هندسه القاهره يقل 1% عن السنه الى فاتت اصل انا جايب 95.7 وقلقان مش عارف ممكن ولا ايه