لطلاب الثانوية اسالنا اى سؤال عن اى جامعه

[=ivan=]

انا 2 ثانوى وادبي وعايز باذن الله ادخل حاجة للكمبيوتر حلوة مش لاقي ممكن تيفيدونى وكمان عايز مصاريفها حلوة مستقبلها حلو وكده
==========================

فى معاهد خاصة .. وفى منها اللى سعره كويس .. بس لازم بتدرس فيها فزيا ورياضة وكدة ..

هى هتقبلك من ادبى عادى بس متهيألى الموضوع هيبقى صعب عليك ..

==========================
===========================================

اللى عايز يروح هندسة يروح هو حر ..

لكن انا بحذر .. وقد اعذر من انذر ..

عموما لازم تكون مستعد للتعامل مع الحكومة .. او السفر لبلد تبعد عنك حوالى 130 كيلو متر .. زيى كدة ..

ولا حول ولا قوة الا بالله .. !

====================

[الرهينه]

اوعى تفهمنى غلط المرشد ده مجرد دفاع عن النفس
بس بجد ميرسى جدا على الافاده

<div class='quotetop'>إقتباس(nancey2006 @ Mar 2 2007, 01:05 PM) [snapback]277781[/snapback]</div>

فكره حلوة يا جماعه بجد احسن حاجه انك تسال حد اكبر منك ويفيدك وانا هتابع الموضوع لانه عاجبنى جداااااااااااااااااااااا
[/b]

العفو أنا احب أخدم أبنائى الطلبة ولو حد محتاج اى سوال فى اى حاجة يسال
ولو إن السوال لغير الله مزاله
بس ايه أساله
وأنا اكيد هجاوب

[sima]

انا في 3 ثانوي علمي علوم
لو حبيت ادخل هندسه حتي لو في جامعه مفتوحه
ممكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبيطه بقي تقولو ايه

[=ivan=]

متهيألى فى معاهد بتاخد حتى من ادبى

هنسألك كويس ان شاء الله فى الموضوع ده

[sima]

اديني مستنيه

[فنكوشه المنكوشه]

بص يا بسمه باشا
انا عايزه اعرف كل شي عن اعلام بالتفصيل واول حاجه بتاخد من كام علمي
ومراكزها فين
وهي احسن ولا اداب صحافه وايه الفرق بينهم كاعلام صحافه واداب صحافه
واذا كنت منازل هل ممكن اسكن في المدينه الجامعيه ولا مينفعش

وشكرا
سلام

[adel_mody]

انا طالب فى 3 دبلوم فنى صناعى 3 سنوات ومحتار اخش معهد اية او لو فية كلية ممكن اخشها ياريت تفيدونى ضرورى

[emoo]

<div class='quotetop'>إقتباس</div>

بص يا بسمه باشا
انا عايزه اعرف كل شي عن اعلام بالتفصيل واول حاجه بتاخد من كام علمي
ومراكزها فين
وهي احسن ولا اداب صحافه وايه الفرق بينهم كاعلام صحافه واداب صحافه
واذا كنت منازل هل ممكن اسكن في المدينه الجامعيه ولا مينفعش

وشكرا
سلام[/b]

السلام عليكم

اعلام يا ستى تقريبا بتاخد علمى
فى حدود 95 و شويه
اما بالنسبه لحته المنازل
انا اتفصلت بسبب الغياب
و اتحولت منازل
وجاتلى صيدله بنى سويف
و قدمت فى المدينه و اتقبلت عادى
بس انا سبتها بعد كده :P
المنازل صرره للولاد انهم مينفعش يدخلوا كليه عسكريه
لكن غير كده معتقدش

[Unique Muslimah]

Assalamu Alaykum
I'm a sophomore (10th grade) at JEB Stuart High School. I still have two more years to go til I graduate. Can you please suggest some universities in Egypt that would interest me? Thank u very much and Jazak Allah Khair

[Amerahoss]

وانا عايزه اعرف فنون جميله وفنون تطبيقيه خدو من كام السنه اللى فاتت واحتمال يخدو من كام السنه دى

[LA STELLA]

<div class='quotetop'>إقتباس(Amerahoss @ Mar 24 2007, 01:51 PM) [snapback]287756[/snapback]</div>

وانا عايزه اعرف فنون جميله وفنون تطبيقيه خدو من كام السنه اللى فاتت واحتمال يخدو من كام السنه دى
[/b]

ياحبيبتى يابنتى
انا عايزة فنون تطبيقية .. ان شاء الله

[جميله]

يا جماعه يالي عايزين تعرفوا فنون تطبيقيه

حابي انتي كنتي عامله موضوع زمان و انا كنت رديت فيه

<div class='quotetop'>إقتباس(جميله @ Oct 15 2006, 07:51 PM) [snapback]232759[/snapback]</div>

معلش يا حابي انا ردي جه متأخر بس يلا

انا هقولك كل حاجه انا عارفاها عن الكليه دي

لأن انا كنت راحه اقدم فيها

اولا الكليه دي بتاخد من رياضه و من علوم

و مش شرط امتحان العماره ...و لا الفنون

و هي مش اقل حاجه في المجموعه الهندسيه

هندسه زراعيه ( كليتي ) و تربيه رياضه عام و اساسي اقل

و هي 5 سنين منهم سنه اعدادي و في 14 قسم في القاهره و 8 في دمياط

و عالفكره انا كنت راحه اقدم في فرع دمياط انا و واحده زميلتي

بس للأسف عرفنا متأخر بعد الدوره دي ما بدأت

و الدوره دي ب 150 جنيه و هي مش لازم تخديها

بس زي ما تقولي كده اللي بيخدوها ليهم اولويه ( كوسه )

و على فكره مش مفيده و لا حاجه .. صحبتي دي لما ما لحقنهاش خدت تليفونات عيال هناك

علشان تسألهم على اللي خدوه ...

و كانت كل الحاجات دي احنا خدناها في درس العماره ( كان حصه واحده قبل الامتحان )

اصل احنا الاتنين عملنا الاختبار و جبنا لائق في العماره

المهم احنا روحنا لمدرس جارنا ده علشان يدي لنا حصص

المهم المظروف كان ب100 جنيه و طلبوا ادوات كتيره اوي

و حاجات غريبه يعني 6 انواع الوان و انواع سنان B .. HB..H..HI..2B و حاجات كتير كمان

المهم تمانهم كان حوالي 200 جنيه .. و ده علشان اللاختبار بس

المهم كنا رايحين نقدم خلاص بس حصل حاجه

واحد نعرفه كان فيها و كان ممتاز جاب تقدير

و في الاخر الكوسه دخلته ملابس جاهزه

علشان قسم الديكور بيبقى محجوز لناس معينين

وده بيحصل في القاهره ودمياط دايما

في النهايه عايزه اقولك فنون جميله قسم عماره احسن كتير

و المطلوب انك تكوني رياضه و تجيبي لائق في العماره

و هتبقي مهندسه ديكور اسهل من فنون تطبيقيه

بس انا للأسف مجموعي ما جبهاش ... بس انا جايبه مجموع فنون

لكن معاملتش اختبار الفنون لأنه كان بعد الميكانيكا و انا مقدرتش اعمله

لأني كنت محطمه تماما

عموما ربنا يوفقك يا حبوبه



نسيت اقولك انها كليه مجهده جدا و طلباتهم كتير اوي اوي

طول كل السنين
[/b]

انا امبارح بالصدفه لقيت دليل الكليه اللي كنت جابياه ايام م كنت بقدم

فيه معلومات كتير برده

انا كنت بقول عليها مجهده

امال اللي انا فينه ده ايه .... عذاب


و لو علطلبات والادوات

انا اكتر واحده في جامعة المنصوره بتجيب ادوات

انا بستخدم 4 سنان في اللوحه

انا اتشهرت في الجامعه كلها بادواتي

يلا

انا برده كده مبسوطه

و ياريت يا جماعه تفكروا في هندسه زراعيه

هي متعبه قوي قوي بس مش مشكله

انا بحبها و هي كمان بتحبني :P

[dr.dodody]

*انا في اولى ثانوي و ناوية صيدلة ان شاء الله وعايزة اعرف الكلية اللي بتاخد اعلي مجموع في صيدلة والمجموع اد ايه؟؟
*طبعا داخلة علمي علوم كنت هدخل في الاول كيمياء في ثانية بس غيرت رايي وفكرت وهاخد احياء
*فانا عايزة رايكم وايه الاسهل والاقصر ما بين الاحياء والكيمياء

-وارجو الرد في اسرع وقت لاني هسلم الاستمارة يوم الخميس (

-ومشكور لان الموضوع ده كتير مفيد وعجبني كتير

[Unique Muslimah]

Hey! I really advice you to take Biology, not chemistry, chemistry is just awful. Believe me! So, does any one know any colleges that might accept me because now I am living in the U.S. and don't know much about universities in Egypt. Thanks!