فعلا حسبى الله ونعم الوكيل

[ana.alabdo]

المشاركة الأصلية كتبت بواسطة yusuf112_112

والله انتى عندك حق فى كل كلمة قولتيهاا . انا بجد حاسس بظلم . . يعنى ايه . يبقى عيال اصحابى مبيفموش فى البتنجان جايبين 99 و98
وانا اللى اتفحت طول السنة اجيب 95.6 عشان مغشتش . بس انا عارف انا ربنا كبير وهيعوضنى السنة الجاية باذن الله

يعنى ازاى حد جايب 99 يكون جابها غش طيب السنة اللى فاتت عمل ايه كانت الامتحانات صعبة ومفيش تسيب زى السنة دى واكيد كان جايب مجموع عالى يأهله ان يجيب كده يعنى مفيش واحد جاب السنة اللى فاتت مثلا 90ويجيب السنة دى99 واعتقد ان الشاطر عمره ما بيغش ولا يضيع الله اجر من احسن عملا متظلموش الناس اللى جابت مجموع عالى الكلام ده للمرحلة التانية بالنسبة للمرحلة الاولى متفرحوش اوى السنة الجاية مش هتبقى كوسة كده

[tweetaya]

المشاركة الأصلية كتبت بواسطة dr_mohamed_lfc

لا انا مش معاكى فى بعض الكلام مفيش حد هيجيب 205 من 205 بالغش ده مستحيل
ومفيش طالب شاطر بيغش دى برضك مستحيل
الى بيغش علشان عاوز ينجح
وبعدين ناس كتير جايبه 99 و 98 لان المناهج سهله والدروس الخصوصية سهلت الامور ومعظم المناهج بتعتمد على الحفظ اكتر من الفهم واى حد بيقدر يحفظ بس بيختلفوا فى الفهم

فالحل تغيير المناهج او صعوبة الامتحانات وفى كلتا الحالتين الطلبة هتشتكى من صعوبة الامتحان
ولو جه سهل زى 2 او 3 السنه دى الناس بتشتكى من زيادة الدرجات
أنا بصراحه معجبنيش غير امتحان الاحياء السنة دى لان النظام اختلف بدل ما كان الامتحان بيعتمد على الحفظ السنين الى فاتت و 3 ساعات مش بيكفى بقى نظام الاسئلة بسيط ومركز لو فاهم هتخلصه فى ساعة بالظبط

وبعض المستشارين بيلجأوا للاخطاء منعرفش مقصودة ولا لا زى امتحان الانجليزى كل سنة بيحصل مشاكل وبيتطرق لخارج المنهج لان لو فى المنهج عارف ان الطلبة مش هتغلط فيه

انا معاك بيبقى حظ فى التصحيح من قطاع لاخر فى ناس بتلتزم بالنموذج وناس بتفهم واساتذه صح نموذج ايه الى يمشوا وراه لانهم عارفين الماده ومتعاملين مع طلبة فبيركنوا النموذج

اولا انا مقلتش فى كلامى نهاااااااااائى ان اللى جاب 205 جابهم بالغش ..والله مكتبتش كدة ابدا ..بس اقدر اقولك ممكن يكونوا غشوا كام سؤال او راجعوا اللى هو يعتبر غش برده..وممكن لا ..الله اعلم.. لا انا ولا انت شوفنا دة عشان نتكلم على كدة.. انا لما اتكلمت فى نقطة الغش اتكلمت على مجاميع 99 و 98 فى ناس غشت ولما قلت اهم غشوا طبيعى انهم ميغشوش الامتحان كله لكن ممكن كام سؤال يعنى ممكن من غير الكام سؤال دول كانوا ممكن يجيبوا 96% ودة انا شوفته بعينى وغيرى كتيييييييييير قالوا كدة ..

بالنسبة لنقطة 205 بتكلم انها محصلتش فى مصر قبل كدة ودة بيرجع للتصحيح ..يعنى مثلا مادة زى العربى مش عارفة اازاى المصححين ادوا للناس دى الدرجة النهائية فى التعبير مع ان المتعارف ان مفيش حد بيقفله ولا ايه؟

اما بالنسبة لتغيير المناهج فدة موضوع طويل لو عايز المناهج تتحط صح ودة موضوع منفصل عن كلامى تماما لانى كنت بتكلم عن الظلم متكلمتش عن تغيير المناهج لان دة غير دة ودة مش حل ممكن ينفذوه ..وطبعا بالمنظر دة ابقى قابلنى لو حطوا مناهج كويسة ..وبالنسبالى انا شايفة ان الامتحانات تيجى بمستوى سهل ومفيش مانع ييجى كام نقطة تفصل بين المتميز وغيره ..دة غير انهم لازم يحكموا اللجان اكتر من كدة عشان الظلم اللى حصل ..لما طالب اقل من المتوسط يجيب 98 بالغش وغيره متفوق يجيب اقل منه عشان مش بيغش يبقى دة الظلم بعينه ..

[real madrid cf]

المشاركة الأصلية كتبت بواسطة tweetaya

بجد انا مليت من نظام التعليم فى مصر ...هنفضل لغاية امتى كدة؟؟؟؟؟

مينفعش مصر كلها مليانة درجات 99% و 98% يعنى مصر بقى كلها نوابغ ..... ومينفعش العكس تماما يحصل
مبقاش فى وسط؟؟

ازاى طالب فى المرحلة الاولى يجيب 205 من 205 ؟؟ دى عمرى ما سمعتها الا السنادى !!

و ينفع يعنى بعض الناس المتفوقين ينزلوا فى الدرجات عشان مش بيغشوا ..وناس تانية مش مستواها التفوق وتجيب اعلى بالغش وعشان حظها كان فى التصحيح كويس؟

وبعدين فى مدرسين بيكرموا فى الدرجات اوى بدون وجه حق وفى مدرسين تانين لا
ودة ظلم فى حد ذاته للطلبة (يعنى الطالب هو وحظه)

وحتى لو الطالب راح يعمل تظلم يا خد درجته او لا فى الاخر ........حسبى الله ونعم الوكيل

ربنا مش بيسيب حق حد ... واكيد الناس المظلومة من التصحيح ربنا قادر انه يعمل كدة فى ابناء المصححين اللى ظلموا الطلبة ان شاء الله

m3ak h2 ya basha

[mohamedasim]

كلامك صح فعلاً و أنا أعرف ناس كتيييير جابت 98% و 99% بالغش ( كانوا معايا في اللجنة ) , بس الحمد لله أنا مغشتش بس ممكن لو سمحتي لو عارفة أي واحد جاب 205 قوليلنا رقم الجلوس بتاعه علشان نتأكد , أصلها حاجة غريبة 205 من 205 دي , ربنا يسهل السنة الجاية , أكيد الإمتحانات هتبقى صعبة

[tweetaya]

المشاركة الأصلية كتبت بواسطة mohamedasim

كلامك صح فعلاً و أنا أعرف ناس كتيييير جابت 98% و 99% بالغش ( كانوا معايا في اللجنة ) , بس الحمد لله أنا مغشتش بس ممكن لو سمحتي لو عارفة أي واحد جاب 205 قوليلنا رقم الجلوس بتاعه علشان نتأكد , أصلها حاجة غريبة 205 من 205 دي , ربنا يسهل السنة الجاية , أكيد الإمتحانات هتبقى صعبة

مش عارفة والله بس فى ناس هنا فى المنتدى قالوا ان قرايبهم جابوا 205 ..ودة المتوقع فى سنة زى دى

[n_11111]

المشاركة الأصلية كتبت بواسطة lolododo2010

انا السنه اللي فاتت كنت الاولي ولكن مع ظلم التصحيح ونص المدرسه بقي نوابغ ومكناش بنسمع عنهم اصلا طلعت الرابعه المدرسين مبقوش مصدقين واخذت في البكاء ولعلي بعد قراءه هذا الموضوع قد جفت دموعي

ياجماعة فيه كتير من الناس بتسيب مجهودها وتعبها لتانية وتالتة ثانوي انا عندي اختين واحدة في امتياز طب بشري والتانية في سنة خامسة طب بشري برضه الاتنين كانوا بيجيبوا درجات عادية خالص كل السنين لكن لما جت تانية وتالتة ثانوي كانوا من الاوائل .... يعني ده مش مقياس والمذاكر مذاكر اه انا معاكم ان ممكن ان ناس كتييييييييييييير اتظلموا بس مش لدرجة ان معظم اللي جايبين فوق 98 غشوا ربنا ما بيكرمش اللي غاشش (من غشنا فليس منا) لكن اللي نقدر نقولوا اننا ندعي ربنا يكرمنا السنة الجاية .....

شكــــــــــــــــــــــــــــــــــــراًُ

[Nesma Mohammed]

كلامك صح جدا .. نفسى بجد أشوف مصر بتتطور فعلا

[محمد المرجاوي]

9عتبر فاشلعبنا كلام بس فعلا كان فى غش بمستوى عالى بالكتب والموبيلات ومتحانات داخلة محلولة وحسبى الله ونعم الوكيل ضاع المتفوقين وظهر المتوسطين واالى جابب 90 يعتبر فاشل

[ساره بشير]

المشاركة الأصلية كتبت بواسطة tweetaya

بجد انا مليت من نظام التعليم فى مصر ...هنفضل لغاية امتى كدة؟؟؟؟؟

مينفعش مصر كلها مليانة درجات 99% و 98% يعنى مصر بقى كلها نوابغ ..... ومينفعش العكس تماما يحصل
مبقاش فى وسط؟؟

ازاى طالب فى المرحلة الاولى يجيب 205 من 205 ؟؟ دى عمرى ما سمعتها الا السنادى !!

و ينفع يعنى بعض الناس المتفوقين ينزلوا فى الدرجات عشان مش بيغشوا ..وناس تانية مش مستواها التفوق وتجيب اعلى بالغش وعشان حظها كان فى التصحيح كويس؟

وبعدين فى مدرسين بيكرموا فى الدرجات اوى بدون وجه حق وفى مدرسين تانين لا
ودة ظلم فى حد ذاته للطلبة (يعنى الطالب هو وحظه)

وحتى لو الطالب راح يعمل تظلم يا خد درجته او لا فى الاخر ........حسبى الله ونعم الوكيل

ربنا مش بيسيب حق حد ... واكيد الناس المظلومة من التصحيح ربنا قادر انه يعمل كدة فى ابناء المصححين اللى ظلموا الطلبة ان شاء الله

والله مش عارفه اقول ايه بس ازاى حد يجيب 205 من 205 ده معناه فى العربى جايب الدرجه النهائيه ودى عمرها ماحصلت مع انهم قالولنا لما صححوا العربى مفيش حد جاب الدرجه النهائيه ازاى بقى يعنى يلا الحمدلله على كل شئ ان شاء الله ربنا مش هيضيع مجهود حد وانا واثقه من ده والسنه ديه اكيييييد ربنا هيكرم اللى تعب بجد ان شاء الله

[محمد مودى]

أنا اسمى مصطفى و2ثانوى برده أنا جايب98.3%بس الكوسة مرحمتنيش أنا كنت بطلع الأول من أولى ابتدائى بس السنة دى الثالث واللى عدونى دول دماغهم أطخن من فردة الجزمة.
أنا بقترح ان تانية سنوى تتلغى والشهادة تبقى على تالتة بس عشان كدا حرام والله
(الأكونت دا بتاع أخويا)مش عارف أخش بالأكونت بتاعى

[كوكبه]

ده الطبيعي في مصر اصل حكامها جبناء خايفين من ثورة تانيه هههههههه بس للاسف ميعرفوش انهم بيدمروا البلد والناس بطلبة هتبقى دكاتره وتودينا في ستين داهيه مسمعتوش عن اللي بيدخلوا كليات خاصه في الطب وعلاجهم عامل ازاي اتفرجوا بقى على اللي هيوصفوه بعد كدا

[mohamedasim]

صح يا شباب فعلاً لقيت ناس كتيير جايبة 205 في أسوان و قنا و سوهاج و دي عينة 796586 " محدش يفهم غلط صاحب رقم الجلوس ده على راسنا:D " بس أنا مش عارف إزاي ا لدرجة النهائية في العربي , دي كوسة مش ثورة :D :D :D :D أو ممكن يكونوا فعلاً شاطرييين بجد يعني بسم الله ما شاء الله :D

و السنة الجاية ربنا هيبين بقى اللي تعب من اللي متعبش و الله الموفق

[كوكبه]

شاطرين دي حط تحتها مئت خط ماحنا في سنتنا مسمعناش عن كدا دا حتى التعبير مفيش نص غلطة مكشوفه اوي اوي طب واحد اتنين عشره يجيبوا الدرجه النهائيه مش تلاقي اللي فوق 100%2000طالب داعمرها ماحصلت ولا هتحصل اما نشوف مستقبلك يامصر

[tweetaya]

المشاركة الأصلية كتبت بواسطة n_11111

ياجماعة فيه كتير من الناس بتسيب مجهودها وتعبها لتانية وتالتة ثانوي انا عندي اختين واحدة في امتياز طب بشري والتانية في سنة خامسة طب بشري برضه الاتنين كانوا بيجيبوا درجات عادية خالص كل السنين لكن لما جت تانية وتالتة ثانوي كانوا من الاوائل .... يعني ده مش مقياس والمذاكر مذاكر اه انا معاكم ان ممكن ان ناس كتييييييييييييير اتظلموا بس مش لدرجة ان معظم اللي جايبين فوق 98 غشوا ربنا ما بيكرمش اللي غاشش (من غشنا فليس منا) لكن اللي نقدر نقولوا اننا ندعي ربنا يكرمنا السنة الجاية .....

شكــــــــــــــــــــــــــــــــــــراًُ

يا حبيبتى الكلام اللى بتقوليه دة لو اصدك على كل سنة ..يبقى كلام منطقى ماشى..
لكن السنة دى حاجة تانية عمر ما طلعت الاعداد دى كلها فى ثانوية عامة وكلنا عندنا اخواتنا اكبر مننا
وعارفين الاعداد اللى بتطلع كل سنة حتى اسالى اخواتك ..لكن السنادى اوفر شوية ..لما ناس سورى يعنى دماغها مش عالية لدرجة انهم يجيبوا الدرجات العالية دى يبقى اسمه ظلم وحرااااااااااااااااااااااااااااااااااااااااااااااا اااااااااااااااام..وكمان احنا مش بنقول الكلام دة من فراغ..دة كل واحد شاف اللجنة بتاعته كانت عاملة ازاى ..بنتكلم كلام منطقى ومتاكدين اصلا مش فيه احتمالات ..هقولك حاجة هو مش مستوى الطالب بيبان طول الدراسة من الدروس وكدة؟؟؟ طب انا كان معايا كتير من اللى جابوا 98 و99 ومستواهم مكنش اد كدة وكانوا بيتهزئوا كمان ...لو على كلامك يبقى المفروض انهم اتشطروا فى سنة تانية وتالتة على اساس انهم سابوا مجهودهم للسنتين دول..لكن للاسف دة كلام غلط ...وغير كدة كانوا معايا فى اللجنة وشوفتهم وهما بيغشوا ..ومش انا لوحدى اللى بقول كدة اقرى الموضوع كله واقرى الردود

وبعدين اسالى اخواتك حد كدة جاب فى سنتهم 205 ولا لا.. وقوليلى لو كلامى طلع غلط

شكرا لمرورك

[tweetaya]

المشاركة الأصلية كتبت بواسطة ساره بشير

والله مش عارفه اقول ايه بس ازاى حد يجيب 205 من 205 ده معناه فى العربى جايب الدرجه النهائيه ودى عمرها ماحصلت مع انهم قالولنا لما صححوا العربى مفيش حد جاب الدرجه النهائيه ازاى بقى يعنى يلا الحمدلله على كل شئ ان شاء الله ربنا مش هيضيع مجهود حد وانا واثقه من ده والسنه ديه اكيييييد ربنا هيكرم اللى تعب بجد ان شاء الله

الكلام الى بيتقال كتير يا سارة والحقيقة بتبقى حاجة تانية..انا بصراحة مكنتش شوفت حد جايب 205 بعينى ...بس فى المنتدى هنا قالوا وزميل فى المنتدى قال رقم الجلوس دة شوفيه 796586