ما رايك في امتحانات 2010 ؟؟

[زيزى55]

بالنسبه ليا امتحان التفاضل وحساب مثلثات كان كويس بس عايز وقت للتفكير واحنا واخدين الورقه وتلت مش حرام ده انا سيبه مسائل كتير وانا عارفاها وهو ده اللى بيجننى وامتحان الكيمياء متوسط كان كويس الى حد ما وامتحان الجبر كويس من الاخر كده الامتحانات عايزه وقت للحل وحرام عليهم وعلى المراقبين اللى بيشدوا اعصابنا اثناء اداء الامتحانات وبعدين الانجليزى الترجمه كانت صعبه قوى واحنا كنا حافظين كلام بالكوم ولا ايجيت منها ولا كلمه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه دى اخرتنا ان شاء الله

[فرعونة مصر]

الاوائل يا جماعة فى سنة الفراغ

وصل منهم لمجموع93

[زيزى55]

وبعدين الامتحانات السابقه كانت سهله قوى ولوكانوا جابوهلنا كنا جيبنا 100% او 200% حرام عليكو قوى

[أحمد الهلبى]

أنا دلوقتى كطالب أحياء حاسس بظلم لأن واجهتنى صعوبات كتيرة وهى :

1- المنهج كبير كالمعتاد
2- امتحانات السنين اللى فاتت كانت كلها بتعتمد على نسبة كبيرة من الحفظ لكن السنة ديه الفهم هو الأغلب والاستنتاج هو الأعم فى الامتحان . أكبر مثال على كده حتى الرسمة اللى كان كالبها مش بنفس العنوان اللى موجود فى كتاب الوزارة .
3- الاختيارى كله أول مرة نشوفه "أنا الحمد لله مغلطش فى الاختيارى".
4- مفيش فترة كافية قبل الامتحان "يوم واد فقط" فى حين ان الكيمياء "6أيام".
5- أنا فى قريتى ما كانش فى كتب مراجعة نهائية اطلاقا لأن الشركات اللى بتنزل الكتب هتخسر لو طبعت نسخ محدودة.
يعنى مش ده حرام . إحنا كطلاب "أحياء" كنا نطالب بالمساواة فى الفترة قبل الامتحان أو حتى المساواة فى مستوى امتحان الكيمياء والأحياء . وشكرا

[مها2222]

حرام عليك بجد امتحان الرياضه ماكنش صعب خالص ولازم يجيبوا سؤال للامتفوقين عشان يعرفوا ويقيسوا مستوى الطالب ده من ده ولا هى هيصه يعنى
انا معاك بس فى امتحان الانجلش كان موت اوى بس الرياضه لا انا مش معاك فيها

انا معاك جدا جدا
الامتحانات مكنتش صعبة هو الانجلش بس اللى ممكن نقول عليه صعب لكن بقية المواد كانت عادى وطبيعى جدا ان يجى اسئلة تفرق الطلبة واسئلة للمتميزين واول ما الطلبة بيشوفوا كده يقولولك الامتحان صعب ليه يعنى هو انتم عايزين الامتحان يجى ازاى يجى كله سهل ومباشر ومن اول سطرين فى الكتاب لا طبعا اللى مستنى كده يبقا احسنله يشوفله حاجة تانية تشغله وافيدله
لان الامتحانات عمرها ما هتيجى كده وعلى فكرة ده مش فى الثانوية العامة بس ده من اولى ابتدائى لاخر سنة فى الكلية
مش عارفة الناس مكبرة الحكاية ليه لغاية ما اسم الثانوية العامة بقا عامل زى العفريت وهما سنتين عاديين زى اى سنة

على فكرة مش معنى كلامى انى مقفلة كل المواد وهجيب 100% مع العلم ان الحمد لله مستوايا حلو ومن المتميزين كمان
بس انا خرفت فى الجبر والفرنساوى جامد اللى هما أصلا أسهل امتحانين فى الامتحانات كلها وكل الناس حلوا حلو فيهم
بس مش معنى انى خرفت انى أبرر ذلك بانهم كانوا صعبين


بس الحمد لله على كل شىء وفى الاول وفى الاخر ده توفيق من عند ربنا ولعل ذلك خير

[مها2222]

الامتحانات كانت معقولة السنة دي و كل اللي ذاكر بضمير من اول السنة مفيش حاجة كانت صعبة عليه و التوفيق من عند ربنا مع الجهاد و العمل و محدش يقلق (ان الله لا يضيع اجر من احسن عملا

انا متفقة معاك جدا
فعلا اللى كان ذاكر بضمير من اول السنة وذاكر من اكتر من كتاب واهتم بكتاب المدرسة والدليل ووسع الدائرة مفيش حاجة كانت صعبة عليه أصلهم هيجيبوا منين يعنى بس خلى بالك برضو لازم يجيلك سؤال جديد مشفتوش قبل كده وسؤال للمتميزين والا ميبقاش امتحان وملوش لازمة

[مها2222]

بس للأمانة مدة الامتحانات مكنتش كافية هى دى بقا الصعوبة بجد لان لما يكون الامتحان عايز تفكير لازم تدينى وقت للتفكير وخصوصا فى الرياضيات اكتر مادة بتحتاج لتفكير وتجريب ومراجعة وتعويض واهم حاجة المراجعة عشان لو فى حاجة معوض فيها غلط من السرعة لكن للاسف مكنش فى وقت .
لكن الصعوبة فى الامتحانات بجد هى الوقت كان ضيق خالص

[Dr/ master2011]

بالنسبة ليا فأنا عكس الناس خالص فى الرياضة إن شاء الله هجيب الدرجة النهائية أما بالنسبة للإنجليزى فأخطائى فى الاختيارى والتصحيح يعنى هنقص درجة أو درجة ونصف كده يعنى أما بالنسبة للكيمياء أخطائى كلها فى التاسع مع العلم بأنى ذاكرت العضوية كويس فى أربع أيام والله العظيم ومش ببالغ مع إن العضوية كان أحسن باب عندى ولكن قدر الله وما شاء فعل والحمد لله على كده
وربنا يستر علينا جميعا

[مها2222]

امتحانات السنين اللى فاتت كانت كلها بتعتمد على نسبة كبيرة من الحفظ لكن السنة ديه الفهم هو الأغلب والاستنتاج هو الأعم فى الامتحان

طيب يبقا احنا أفضل طبعا لانه بيعلمك على التفكير والتحليل والاستنتاج والفهم وتشغيل الدماغ مش تحفظ حاجة وتدخل تكتبها واول ما تطلع من الامتحان تنساها وفى ناس كتير معندهاش القدرة على الحفظ وده يبقا لظلم ليهم


يعنى يا جماعة احنا لا عجبنا كده ولا كده انا فاكرة بالظبط لغاية السنة اللى فاتت كنا كلنا بدون استثناء بنقول ايه التعليم اللى ملوش لازمة ده كل اللى بنعمله نحفظ اللى فى الكتاب ندخل نكتبه نطلع ناسينه يبقا لازمته ايه مش حرام السنين دى


دلوقتى لما عملوا اللى احنا عايزينوا وطالبنا بيه برضو مش عاجبنا
لا تعليق

[د/آية (ان شاء الله)]

انا بقي كان حلمي 100 بس معرفش ايه اللي كان بيحصلي في الامتحاان
كنت بلبخ مع ان الامتحانات دي في اي يوم عادي كنت هقفلها
عليه العوض ومنه العوض في تعبي
نفسي ربنا ينصفني ف التصحيح
يااااااااااااااااااااااااااااااااااااااااارب لا تخيب ظني فيك
كنت جايبه ف التجريبي 98 مع اني كنت مظلومه دلوقتي لو قلت انا عايزه 98 يبقي بحلم وانا صاحيه
بس يارب الحلم يتحقق

[ArabianPDA]

المشاركة الأصلية كتبت بواسطة د/آية (ان شاء الله)

انا بقي كان حلمي 100 بس معرفش ايه اللي كان بيحصلي في الامتحاان
كنت بلبخ مع ان الامتحانات دي في اي يوم عادي كنت هقفلها
عليه العوض ومنه العوض في تعبي
نفسي ربنا ينصفني ف التصحيح
يااااااااااااااااااااااااااااااااااااااااارب لا تخيب ظني فيك
كنت جايبه ف التجريبي 98 مع اني كنت مظلومه دلوقتي لو قلت انا عايزه 98 يبقي بحلم وانا صاحيه
بس يارب الحلم يتحقق

طيب تقولى ايه على واحد فى التجريبى كان جايب 99.8
ومش عارف ازا كان هيجيب 97 دلوقتى ولا لا!!
فى الانجليزى استعبطت اوى وغلطت فى حاجات غبيه
وفى التفاضل كنت خايف ومتوتر فدهولت الدنيا
والله الى ربنا عايزه هيحصل وحسبى التنسيق يقل فى سنتنا
بس ياريت حد يقولى التنسيق ممكن يقل فى سنتنا
"السنه الجايه ولا الطب هيكون 98.5 برضه "

[OnE _vip]

رائى بصراحة ومحدش يزعل منى
الوزير مغلطش هو ده اللازم عشان يطور التعليم فى مصر عشان الطلبه تنضف
ونبقى زى اوروبا والدول المتقدمه يعنى تجيب 50% وتدخل هندسة
51%وتدخل طب
52%تخل هندسة بترول

هو ده الى ماشى فى اوروبا بس . بس فى مصر مش حتدخل الكليات دى انت كده حتدخل الجنة عشان اتظلمت وربنا حيجبلنا حقنا

[UW'KNIGHT]

شباب عمرنا ما هنوصل لحاجة كده ربنا خلق الاصابع مش زى بعضها كل واحد حاسس انه كويس فى حاجة و بيحبها طبيعى مش هيقول انها صعبة و العكس
على حسب كل واحد حاسس ايه و حابب ايه

انا شايف الامتحانات معظمها سهل ممتنع
الانجليزى بنسبة كبيرة معتمد على الثروة اللغوية
التفاضل مستوى الطالب فوق المتوسط و لو الوقت زاد عشر دقائق هتفرق مع اى واحد اوى
الخلاصة من وجهة نظرى و من بعد حل امتحانات السنين اللى فاتت أقول ان دى " أول أمتحانات محترمة فى العشر سنين الاخيرة "

[lakaleko]

انا شاف ان الامتحانات كانت ولا سهلة قووووي و لا صعبة موووووت هي و سط بس ماتحسش كدة ان الامتحان بيقيس طالب متمير من
طالب تعبان تحس انه عايز يتفذلك عليك و خلاص يحسسك انك مش فاهم حاجة و خاصة في الانجليزي انا بقيت بختار عشوائي كدة و و كنت لحد قبل الامتحان ما يخلص الامتحان كان كله صح لما جيب افكر في الاختيارات قاعدت اغلط عشان فكرت مش اخترت عشوائي بدون سبب اني اخترت هذه الاختيارت بس مش مشكلة عادي و التفاضل كان سهل بالنسة للتعب و ذاكر و حل كتير في النماذج او الكتب الخارجية و الكيمياء برضو كانت سهلة بس انا خرفت شوية في السؤال التاني لانه كان فيه حاجات غريبة شوية بس مش مشكلة كل واحد بياخد نصيبه المهم ان الواحد حاسس انه عمل الي عليه فخلاص خلي ثقتكم في الله اكبر من كدة بس مهما كان انت غلط او حليت صح 100 في 100 لازم تقول الحمد لله و طالما تعبت عشان توصل لهدفك ربنا مش هيضيع تعبك حتي و لو موصلتلوش

[عبد الحميد عفيفى مصطفى]

امتحان الانجليزى المرحلة الاولى ممتاز لكن لابدان تكون احدى قطعتى الفهم مباشرة و سهلة