واخيراا اقتراب ظهور نتيجة تنسيق الدبلومات الفنية بشدة بعد اغلاق التنسيق امس مع الدليل

[Bellsh]

بسم الله الرحمن الرحيم
السلام عليكم ورحمه الله وبركاته

الاخوه طلاب الدبلومات الفنية طبعا احنا كلنا جالنا ملل وزهقنا وقرفنا من انتظار نتيجة التنسيق بس خلاص هانت ان شاء الله النتيجة قربت تظهر وبشدة وممكن يكون بيفصل بينا وبينها ساعات قليله ( ارجو من الله تعالى ان يوفقنا جميعا )

طبعا كلامى انا مش جايبه من الهوا ولا كلام اوهام والدليل على كلامى اغلاق امس الاثنين 30 اغسطس تنسيق الدبلومات الفنية وده اتكتب فى الموقع ودى صوره الدليل على كلامى

واليوم دخلت على موقع التنسيق ووجدت العباره المنتظره من قبل الجميع وهى ( التنسيق مغلق - ترقبوا نتيجة تنسيق طلاب الدور الاول والثانى )

ودى الصوره الى بتثبت كلامى

وطبعا كلنا كنا مستنين التنسيق لما يتقفل للدور الثانى لانهم قالوا انهم هيعلنوا نتيجة الدور الاول والثانى مع بعض والحمد لله اخيرا التنسيق قفل زى ما فى الصوره الاولى وكمان الى اكد كلامى انهم كتبوا عباره ترقبوا ظهور النتيجة زى ما موجود فى الصوره الثانية وكمان تنسيق الثانوية العامه خلص دور اول وثانى وكمان تقليل الاغتراب دور اول وثانى وكاتبين ترقبوا نتيجة تقليل الاغتراب برضو كما موضح بالصوره الثانية

يا جماعه احنا خلاص صبرنا كتير وفعلا تعبنا بس ان شاء الله ربنا هيعوضنا كلنا خير وان شاء الله ربنا يوفقنا جميعا لما يحب ويرضى وندخل كلنا الكليات الى كنا بنحلم بيها وبنحبها ان شاء الله

اسألكم جميعا يا اخوانى الاكثار من الدعاء فى شهر رمضان الكريم ان يوفقنا الله سبحانه وتعالى جميعا