استمارة التقدم لمنحة اللوتس الدراسية وكيفية الاشتراك بها

[Ahmed Mofeed]

شكرا لك استاذى الفاضل
ولكن بعض الاسفسارات الهامة لى وللطلاب


1 انا لسه معملتش بطاقة !!
اعمل ايه فى الرقم القومى ده
اكتب الرقم القومى بتاع بطاقة بابا ولا ايه ؟؟
ولا اروح اعمل البطاقة دلوقت قبل ما شهر 7 يبدأ ؟

2 انا كنت فى تانية علمى رياضة وجبت 86.5
وحولت السنة دى لادبى
ومش عارف اكتب ايه فى الخانة دى (خانة الشعبة )



3 خطاب من الإدارة التعليمية بأن المدرسة المسجل فيها الطالب / الطالبة مدرسة حكومية أو تجريبية أو أزهري
دى نقطة من المستندات المطلوبة
منين اجيب الخطاب ده وازاى

4 مستخرج رسمي من شهادة درجات الصف الثاني الثانوي
دى برده نقطة من المستندات المطلوبة
اطلبها من المدرسة برده وهل هترضى تطبعهالى
ولا اصورها من على النت


5مطلوب فى الاستمارة ارسال النتائج النهائية لمعهد التعليم الدولى قبل 30/7/2013
نجيبها من المدرسة ولا نطبعها من النت
ونرسلها بنفس الطريقة اللى ارسلنها بيها الاستمارة ولا ايه ؟

6 انا دلوقت ادبى فى تالتة
ايه الجامعات المتاحة للادبى و
ازاى هختار الجامعة اللى عاوزها
ازاى هختار التخصص


7 كتابة الاستمارة بخط اليد أم بالكمبيوتر ؟

[EyadError]

المشاركة الأصلية كتبت بواسطة noor1154

شكرا لك استاذى الفاضل
ولكن بعض الاسفسارات الهامة لى وللطلاب
انا هحاول افيديك فى بعض النقاط ...

1 انا لسه معملتش بطاقة !!
اعمل ايه فى الرقم القومى ده
اكتب الرقم القومى بتاع بطاقة بابا ولا ايه ؟؟
ولا اروح اعمل البطاقة دلوقت قبل ما شهر 7 يبدأ ؟

------ معرفش بصراحه , اترك حد متخصص يجاوبك .
2
انا كنت فى تانية علمى رياضة وجبت 86.5
وحولت السنة دى لادبى
ومش عارف اكتب ايه فى الخانة دى (خانة الشعبة )


- تكتبى النسبة المئويه فى الصف الثانى الثانوى (86.5%) , بالنسبه للشعبة فبتكتبى الشعبه اللى كنتى فيها فى الصف الثانى الثانوى و هى (علمى) و درجة اللفه الانجليزية ..
3

خطاب من الإدارة التعليمية بأن المدرسة المسجل فيها الطالب / الطالبة مدرسة حكومية أو تجريبية أو أزهري
دى نقطة من المستندات المطلوبة
منين اجيب الخطاب ده وازاى
بالنسبه للسؤال ده , فبتروحى للمنطقة التعليمية التابعة لها المدرسة اللى انتى فيها و تطلبى الخطاب ده .

4 مستخرج رسمي من شهادة درجات الصف الثاني الثانوي
دى برده نقطة من المستندات المطلوبة
اطلبها من المدرسة برده وهل هترضى تطبعهالى
ولا اصورها من على النت

اطليبها من المدرسة و هيدوهالك ,معرفتيش و كان فيه اى حاجة يبقى اطبعيها من على النت عادى جدا بي يكون باين اسمك و رقم الجلوس . بس حاولى من المدرسة الاول

5مطلوب فى الاستمارة ارسال النتائج النهائية لمعهد التعليم الدولى قبل 30/7/2013
نجيبها من المدرسة ولا نطبعها من النت
ونرسلها بنفس الطريقة اللى ارسلنها بيها الاستمارة ولا ايه ؟

بالنسبه للسؤال ده ,فده بعد ما تكونى اتقبلتى فقط . يعنى ان شاء الله لو اتقبلتى بعد ما تطلع نتيجة الثالث الثانوى بتجبيها من المدرسه او المنطقة التعليميه التابعه ليها المدرسة .
6 انا دلوقت ادبى فى تالتة
ايه الجامعات المتاحة للادبى و
ازاى هختار الجامعة اللى عاوزها
ازاى هختار التخصص

بالنسبه للجامعة فهم اللى بيوزعوا المقبولين على الجامعات المشاركة بالمنحة بمعرفتهم , و التخصصات موجودة على المنتدى هنا و بتختارى التخصصات فى الاستمارة .
7 كتابة الاستمارة بخط اليد أم بالكمبيوتر ؟

بخـــــــــــــــــــــــــــط اليد .

بالتوفــــــــــــــــــــــــــــــــــــــــــــ ــــــــــيق

[Ahmed Mofeed]

شكرا كتييير ليك
وانا ولد

وبخصوص البطاقة فأنا هنزل بكرة الصبح باذن الله اودى الاستمارة

وبالمرة اجيب منهم الخطاب بتاع المدرسة الحكومية
ونتيجة تانية ثانوى

واستفسر منهم برده على المنحة دى

[Mr.Ahmed Fadel]

متابع مع حضراتكم

[نسيــــــم الجنـــــــــة]

جزاك الله خيرا .. وبالتوفيق لجميع الطلاب

[EyadError]

المشاركة الأصلية كتبت بواسطة Mr.Ahmed Fadel

متابع مع حضراتكم

السلام عليكم , حضرتك انا مشاركتى تقل عن 500 مشاركة فللأسف مش عارف ارسل رسائل خاصة .
لو سمحت فى استفسار صغير , انا مكنتش جايب شهادة الدرجات للثانى الثانوى (جبت النتيجة من على النت) و دلوقتى المدرسة مشغولة جدا عشان الامتحانات و مش عارف اجيبها .
بالنسبه للنتيجة ممكن اجبها من على النت و ابعتها ؟ يعنى ممكن يعترفوا بيها ؟ لان انا بحاول اخلص الموضوع ده قبل دخول الامتحانات .
أرجو التوضيح و شكرا لحضرتك .

[Mr.Ahmed Fadel]

المشاركة الأصلية كتبت بواسطة eyaderror

السلام عليكم , حضرتك انا مشاركتى تقل عن 500 مشاركة فللأسف مش عارف ارسل رسائل خاصة .

لو سمحت فى استفسار صغير , انا مكنتش جايب شهادة الدرجات للثانى الثانوى (جبت النتيجة من على النت) و دلوقتى المدرسة مشغولة جدا عشان الامتحانات و مش عارف اجيبها .
بالنسبه للنتيجة ممكن اجبها من على النت و ابعتها ؟ يعنى ممكن يعترفوا بيها ؟ لان انا بحاول اخلص الموضوع ده قبل دخول الامتحانات .
أرجو التوضيح و شكرا لحضرتك .

الافضل من المدرسة
عشان محدش يتلكك

[EyadError]

المشاركة الأصلية كتبت بواسطة mr.ahmed fadel

الافضل من المدرسة
عشان محدش يتلكك

ماشى هحاول تانى .
جزاك الله خيرا .

[Mr.Ahmed Fadel]

المشاركة الأصلية كتبت بواسطة EyadError

ماشى هحاول تانى .

جزاك الله خيرا .

متابع معاك

[Prayer]

طب و اللي جايب 84.3 القطر فاته):؟

[konbr]

طب بعد اذنك انا عندى سوال بس انا فى الازهرلا لازم اجييب بيان بدرجات 2 ثانوى كماان

[Noha Dyab]

أولا أشكرك جدا على المجهود العظيم ثانيا انا عندى استفسارات لو تسمح بالإجابة عليها أولا عادى لو خليت أماكن قاضيه فى الاستمارة ولا لازم كلها تكون مليانه يعنى لو معنديش أجابه ،ثانيا. كليه فنون وتصميم ممكن تكلمنا عليها باستفاضة انا حلم عمرى ادخل فنون عماره فهل هى قريبه منها فى الدراسه ولا لا انا جايبه 97فى تانيه ثانوى ،ثالثا هل عادى لو قدمت قبل الميعاد على طول على أساس انا مشغوله بالامتحانات دلوقتى ولا لازم قبلها بفتره،،،،،شكرًا جدا على سعه صدرك

[Mr.Ahmed Fadel]

المشاركة الأصلية كتبت بواسطة -دعاء-

طب و اللي جايب 84.3 القطر فاته):؟

من الممكن التقديم بشرط ان يكون مجموعه فى تانيه وتالته 85%

[Mr.Ahmed Fadel]

المشاركة الأصلية كتبت بواسطة noha dyab

أولا أشكرك جدا على المجهود العظيم ثانيا انا عندى استفسارات لو تسمح بالإجابة عليها أولا عادى لو خليت أماكن قاضيه فى الاستمارة ولا لازم كلها تكون مليانه يعنى لو معنديش أجابه ،ثانيا. كليه فنون وتصميم ممكن تكلمنا عليها باستفاضة انا حلم عمرى ادخل فنون عماره فهل هى قريبه منها فى الدراسه ولا لا انا جايبه 97فى تانيه ثانوى ،ثالثا هل عادى لو قدمت قبل الميعاد على طول على أساس انا مشغوله بالامتحانات دلوقتى ولا لازم قبلها بفتره،،،،،شكرًا جدا على سعه صدرك

لابد ان يتم ملأ الاستمارة بالكامل

اما بخصوص الفرق ما بين فنوان عمارة وفنون تصميم
فليست لدى معلومات كاملة
ويمكن لكى البحث عن المعلومات على شبكة الانترنت

يمكنك التقدم فى اى وقت حتى قبل اخر يوم فى المهله

[rery fared]

لو سمحت عايزة اعرف ايه الاسئله الي ممكن اتسألها
ولو معلومات عامة زي ايه