حكايات زجلية لمنتدى الثانوية

موضوع جميل من عضوة اجمل وطبعا يا بسمة دا مش غريب عليكي انا انتظر مزيدك ... هيه اول تجربة جميلة بس فيها نقد مش هقول ناو كملي وكل اتنين ولا تلاتة ابأى انقد انا مشغول الأيام دي في الاكزامز بس بجد فكرة جميلة جدا جدا وتستحق التثبيت وكويس ان ميدو متابع لاني بجد مشغول جدا جدا جدا وان شاء الله تكملي الموضوع بأحسن من كدا برضو بس انا ليا طلب ياريت قبل كل حكاية زجلية تجيبي الحكاية على لسان العضو او العضو يحكي التجربة دي وتعرضي كل يومين او تلاتة تجربة جديدة اوكي

سلام وانتظر تجربة عضو جديد على لسان قلمك الجميل

[_the_sad_smile_]

شكرا ليك يا محمد وربنا معاك ومستنية النقد

[_the_sad_smile_]

السلام عليكم ازيكم النهاردة احب اقدم لكم اول مشاركة من عضو هنا فى المنتدى بقصة صديقة وكانت الرسالة
<div class='quotetop'>إقتباس</div>

اولا هيا مش حكايتي حكاية اعز اعز اصحابي تقدري تقولي عشرة 14 سنة لحد دلوقتي

المهم نخش في الحكاية

يعني باختصار انا وهو طبعا كنا في الغربة وساكنين جمب بعض
المهم كان لينا جارة اصغر مننا بسنتين
هو حبها والمفروض انها حبيته وطبعا انا كنت عارف كل التفاصيل وهو بيقولي كل حاجة وهيا عارفة اني عارف كل حاجة
المهم هما كانو متفقين على الجواز ومتفقين على كل حاجة تقريبا بس الغلط الوحيد ان محدش من قرايبهم عارف وكانو بيخرجو مع بعض يكلمو بعد تليفون وميسدات ومسجات وكده كل ده وهو في 2 ثانوي وهيا في 1 جت السنة الي بعديها في اجازة نص السنة حصل تطور غريب
في اخر خروجة هيا قالتلو احنا الي بنعملو ده غلط ولازم نبعد خلاص وحرام كل الي احنا عملناه
ولو لينا نصيب في بعض ربنا هيكتبهولنا لو ملناش خلاص انت خلاص تخش الكلية وانا ابقى احصلك بعديها وربنا عارف الي متقدر ( فيما معنى الكلام انا مش دفتر )
المهم هو قالها ماشي وخلاص وفعلا ركز في مزاكرتو وكده في اجازة الصيف بقة خرجنا انا وهو في واحدة من اماكن الي كان بيخرج معاها فيها وللاسف لقاها مع واحد صاحبنا بس هما مشافوناش
طبعا هو كان عاوز يروح يهزقها هيا وهو بس انا هديتو ورجعنا البيت طبعا حالتو النفسية بقت زفت وكل شوية يقولي عاملالي نفسها تقية ال .... وال ...... المهم ادينا دخلنا الجامعة والهو الحمد لله نسى بس بقى مدمن سماع الاغاني الحزايني يعني حمادة هلال ومصطفى كامل وشرين وكده يعني :D
بس طبعا هو حصلو كده وانا اتعقدت اساسا من كل العالم مع اني كنت عارف عشان عندي فكرة مسبقة ودي جت اكدت كل حاجة
بس الحمدلله هو دلوقتي نفسو يشوفها عشان يهزقها وكل شوية يقولي مش هرتاح الا لما اردلها القلم قلمين :D
اقولو يحلها حلال

بس يا اخت بسمة دي الحكاية معرفش بقة هتقوليها ازاي ربنا معاكي [/b]

وهى دى الحكاية
ودلوقتى دورى احكيهلكم على لسانى ويا رب تعجبكم
-----------------------------------------------------------

<div align="center">حكاية قلبى عذاب ومرار
لما حب انكوى بالنار
حبيتها وكانت ليا عمرى
اتاريها قلب خسيس غدار
*********
زرعنا الحب جنينة ورد
سقيتها حلم نكون لبعض
والبذرة كانت ألف وعد
بان القلب خلاص اختار
********
ولما كبر الورد وفتح
قالت انة شوك بيجرح
وبلقانا مش هتسمح
وان البعد هو قرار
******
اتحملت عشانها تسيبنى
ذوقت المر فى بعدها منى
وفى مكان لوقانا تخنى
شوفت بعينى مفيش اعذار
******
مشيت طريق مليان اشواك
للى كان فى عيونى ملاك
وحياه حبى ليك لنساك
وانى فى يوم هاخد بالتار
وانى فى يوم هاخد بالتار</div></span>
__________________________________________________ ___________________

تحياتى ليك صاحب الحكاية وتحياتى للى بعت الحكاية واتمنى انى اكون وفقت فى كتابتها

بس كنت عايزة اقول لصاحب الحكاية رساله

<span style="color:#3333FF"><div align="center">(سجنت نفسك بايدك
الغدر سميتة حبيبك
لية تعيش فى الضلمة
والمفتاح فى ايدك
اخرج وشوف الدنيا
اكيد هتلاقى نصيبك
حب صادق قلب صافى
مش هتندم
حلفتك تدوس على الماضى
واى جرح تانى سيبك
لية تعيش فى الضلمة
والمفتاح فى ايدك)</div>



وشكرا ليكم
.
.

[msamido]

بجد انتي موهوبة يا بسمة

وبجد قدرتي توصفي الحكاية بتميز

بسم الله ما شاء الله عليكي والرسالة كمان متميزة وكده بإذن الله الموضوع هايل وياريت تكملي علي نفس النمط

الحكاية ...
القصيدة ...
ورسالة منك لصاحب الحكاية
.
.
شكرا جزيلا

.
.

[_the_sad_smile_]

شكرا ليك مسميدو بجد بشكرك على متابعتك وعلى رايك اللى شجعنى دة شكرا اوى

[بنوته مسلمه]

بجد رائعه يا بسمه
ونصيحتي لصاحب الحكايه نفس نصيحتك له
ربنا يوفقك

[مغترب وبس]

بجد تعبير رائع يا بسمة بجد جميل جدا جدا
وفعلا انت موهوبة اوي ربنا يزيدك واجمل الي عاجبني بجد

اتحملت عشانها تسيبنى
ذوقت المر فى بعدها منى
وفى مكان لوقانا تخنى
شوفت بعينى مفيش اعذار
******
مشيت طريق مليان اشواك
للى كان فى عيونى ملاك
وحياه حبى ليك لنساك
وانى فى يوم هاخد بالتار
وانى فى يوم هاخد بالتار

دول في رايي جمال جدا ملهمش حل يعني
بس ايه رايك لو بقت ذوقت المر في بعدها عني ؟؟

والنصيحة بردو رائعة جدا جدا
واجمل ما اعجبني فيها

سجنت نفسك بايدك
الغدر سميتة حبيبك
لية تعيش فى الضلمة
والمفتاح فى ايدك
اخرج وشوف الدنيا
اكيد هتلاقى نصيبك

مع اني مش موافق عليها :D
علشان انا لو مكان الي حصلو كده كنت كرهت بنات الدنيا كلهم مع الاعتذار للجميع
مع ان ده رايي فيهم يعني " ده مش موضوعنا عارف بس انا رغاي شوية " :D

شكرا جزيلا على امتاعك لنا بهذه الحكاية والقصيدة الي عليها بجد استمتعت اوي وحسيت بيها

[_the_sad_smile_]

شكرا هيام الرائع هو مرورك شكرا حبيبتى

انا مبسوطة انها عجبتك مغترب وشكرا على تعقيبك دة متحرمناش منة بقى

[مـــــــــازن]

فكرة جميلة اوى
وشكرا على الموضوع الجميل
وانا هكون جرىء معاكى وهتبلك وانا واثق فيكى انك تعبرى التعبير الصح

[_the_sad_smile_]

اية دة كلة اشكرك
باذن الله تكون ثقتك فى محلها ومستنية الحكاية
شكرا

[loza99]

الله عليكي يا بسومه
تجنني
موهوبه بجد
ربنا يديكي كمان
وتفضلي بالتميز ده واكتر
وللاسف حكايتي مش هقدر احكيها
مع اني نفسي تترجم بشكل حلو منك
عموما الي الامام اختي الغاليه
عايزه اقولك كلام كتير بس تايه مني......

[_the_sad_smile_]

شكرا يا لوزة دة من ذوقك بس اية رايك انا مصممة اعرف حكايتك
كمان ممكن تبعتيها على الخاص فى سرية تامة عايزة اسمعك

:D ايه دا ايه الحلاوة دي يا بسومة بجد جميل قوي قوي قوي قوي القصيدة والرسالة وكل حاجا جميلة :D

.انتي كدا شوقتيني قوي ان ادخل كل يوم موضوعك بأى عاوز جديد واسلوب احسن حاولي تطوري في الأسلوب يا بسمة متاخديش اسلوب معين نوعي وان شاء الله هتكون الحكايات جميلة قوي قوي

انتظر مزيد ابداعات قلمك الذهبي واشعته اللامعة وكلماته العذبة الجميلة

تحية طيبة مني اليكي محملة بالعطور والورود ورسالة شكر أكتب فيها سلمت يمناكي

[_the_sad_smile_]

شكرا يا محمد البوكية وصل

[=ivan=]

GOTCHA..

موصوع ممتاااااااااااز ... انا مبقولش رأيى فى الشعر لانى مليش فيه ... لكن فى حاجات جميلة كل الناس تقدر تحسها ... بجد اسلوبك جميل ..

استمرى