نموذج الإجابة الرسمي - جيولوجيا ثانوية عامة -دور أول 2015

[أحمد سلاقوس]

سؤال بالنسبة للكوارتز والبازلت . طب ليه الانديزايت به كوارتز علي الرغم ان الانديزايت يتبلور في المراحل الاولي زي البازلت بالضبط . ارجو الرد من الاساتذة الافاضل وشكرا

[سثرشل]

أنا محتار عن حاجتين.

أولاً السؤال بتاع الفوالق، هو مسألش عن الشكل عامةً أو الظواهر التى تصاحبها بل أشار بصفة خاصة للرمز (س) وهى تشير لمستوى الفالق ومش دى أهميتها خالص وموجودة أصلاً بالنص فى الكتاب لتحديد الاتجاه الذى تحركت فى كتل الصخور فى أحد المجموعات الصخرية.

ثانياً السؤال بتاع ليه الكوارتز مش موجود فى البازلت؟ جوابه مش مقتع لأن الصخور الأنديزايتية بردو تكونت فى المراحل الأولى لتجمد الصهير وفيها كوارتز بالرغم من ذلك
وأنا حليت كدة بالرغم من إنى مش مقتنع وكتبت عن ألوانهم وقلت لو كان فى كوارتز فى صخر البازلت كان هيبقى لونه فاتح

يرجى أحد أن يراعى هاتين النقطتين، وخاصة الأولى.

[KING SOFT]

يا جماعة بالنسبة للسؤال الرابع ج رقم 3
هو انا لو كتبت كوراتز مكان حجر رملي حتبقى صح ولا لأ ؟
وسؤال مستوى الفالق مش واضح خالص لانه مش طالب اهمية القالق ؟؟

[secret.sea]

هو سال عن مستوى الفالق مش الفالق نفسه

[M.Gabriel]

يا جماعه انا واثق إن كل الناس عملتها أهمية مستوى الفالق, يارب مدرس يدخل يقولنا اخر الاخبار عشان السؤال صيغة مش عايزة اهمية الفوالق تماما!!

[optimistic girl]

انا كمان عملتها اهميه مستو الفالق
ياريت حد يطمنا بقي

[أحمد سلاقوس]

بالنسبة لسؤال . لا يحتوي البازلت علي كوارتز ؟ ازاي الاجابة تبقي الاختلاف في موعد التبلر . علي الرغم ان الانديزايت يتبلر في المراحل الاولي ويحتوي علي كوارتز . غير ان الجابرو يتبلر في المراحل الاخيرة ولا يحتوي علي كوارتز . اتمني الرد من الاساتذة الافاضل

[أحمد سلاقوس]

معلش هو انا لو كتبت المسلات بدلا من الفواصل هتتحسب غلط ؟