؟! عاوز الكل يقول اللى فى نفسه ؟!

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

طبعاً الكل مستغرب من موضوعى جداااااً خصوصاً وإن الكل عارف إنى بتاع مصلحتى وبدور على نفسى وبس إنسان إنتهازى ومليش عزيز وكده
" ده تفكرم فيا وده اللى فهمتوه "
بس معلومه للزمن مفبش أى حد فهمنى طول حياتى صح وعشان كده أنا مش متوقع إن حد يفهمنى هنه
المهم تعالو ندخل فى الموضوع

أنا المنتدى هنه إتقال عليا فيه كلام كتير منه الوحش ومنه الكويس قالو ألفاظ كنت بقرأها المفروض لو أى شخص تانى كان ساب المنتدى ومشى من زمان لكن دائماً كان بيصبرنى
" الحقيق مصيرها يوم هتبان "
مشكلتى إنى لما بتكلم وبقول رأيى بقول اللى حاسه واللى شايفه ولما بحكم على شىء بفصل بين
" الصداقه الحب المواقف القديمه "

يعنى مثلاً
يوم ما قولت إسلام غلطان وميستحقش يكون فى وضع قائد
أولاً
إسلوب إسلام فى الفتره دى آسف فى اللفظ " زى الزفت "
ثانياً
طلبه تم مناقشته قدامه وكانت الردود مقنعه إن معظم المطلوب مش موجود أصلاً
ثالثاً
كان المنتدى بدأ ياخد حاله من الإستقرار وبدأنا نتقدم لقدام وناخد فعلاً خطوه إيجابيه وبدأنا ننسجم

قام حصل اللى حصل
دخلت أنا قولت رأيى بكل موضوعيه أى نعم مسبقاً الأستاذ أشرف كان بيبقى غلطان من الـ أ إلى الـ ى بس هنه فعلاً كان بدأ يتحسن لكن مفيش حد مدى للتانى فرصه فكان لازم يكون رأيى محايد رأى أنا فعلاً حاسه من جوايا
يعنى أنا شايف إسلام شخص كويس كاتب بارع ناقد ماهر لكن عصبى متوتر وممكن يودى مركب كامله تحت قياده فى " 60 دهيه " بعصبيته دى وشايف فى نفس الوقت الناس بحالها بتشجعه مبسوطه باللى بيحصل فرحانه أى نعم هما أصحاب حق
لكن
" طريقه العرض والطلب "
عمرها ما كانت بتبقى بالشكل ده مينفعش الإسلوب ده خالص أنا بحط نفسى مكان الأستاذ أشرف وبجد بحس إن " التنفيض " هو الحل الوحيد لأنى لو فعلاً رديت على كل الكم ده من النقد وبالإسلوب ده كمان مش هقدر أواصل .
فكان لازم وقفه لازم حد يوقفه وخصوصاً لما يبقى الحد ده فعلاً عارف إسلام صح
يعنى عارف إن ممكن بركان الغضب والثوره ده لو هدى وقعد مع نفسه وعرف إن فعلاً الإسلوب نص الطريق فى الوصول للهدف المطلوب هيبقى حاجه عارف ومتأكد إنه فتره غيابه مش هتزيد بس هيرجع أفضل ومصمم يثبت الأفضل بالرغم من إنه مصر يتخفى وراء " قناع اللامبالاه "

عشان كده قولت اللى قولته وعملت اللى عملته
لكن
" ربنا سبحانه وحده يعلم إن عمرى ما كان ورى تصرفاتى دى رغبه فى السلطه ولا أى شىء والدليل على كده إن لو فعلاً عاوزها كنت طلبتها من بدرى ومتأكد إنى وقتها كنت هخدها

لكن
أنا عمرى ما كان فى دماغى أى حاجه من دى بالعكس أنا فعلاً حبيت المنتدى بدرجه رهيبه لو " مخدرات " بيتهيألى مكنتش هأدمنه كده
حبيته لقيه فيه جو الأسره لقيت فيه كل حاجه أنا بجد محتاجها ساعات بكون ناشف جداااً بطريقه مبالغ فيها بس صدقونى أنا لو مبقتش كده عمرى ما هقدر أصلح الموقف
أنا مؤمن بجمله
" عشان نقذ شىء عزيز عليك لازم تفقد شىء تانى قصاده "

وأنا بجد فعلاً فقدت ناس كتير حبتها وإدتهم مكانه خاصه جدااااً من قلبى وبان إنى ساعت الجد بعتهم لكن العكس هو الصحيح أنا إشترتهم أكتر لكن بكل أسف هما اللى فمونى غلط

لكن
أنا ببقى بردو عازرهم لأن بجد أنا تفكيرى غريب أنا ساعات بيجى عليا وقت مبفهمش نفسى ببقى مش عارف أنا صح ولا غلط ولا فين النهايه من البدايه

بس
عارفين إيه اللى بجد بيصبرنى وبيخلينى أرتاح وأكمل إن اللى بخططله وبرسمه فى ذهنى غالباً بيمشى
عارفين زى اللى بيدفع ضريبه نجاح أفكار
" فهم غلط وعداوه بين الناس "

لكن ساعات الإنسان بتيجى عليه لحظات ويبقى خلاص مبقاش قادر يكمل ولازم هنه يرتاح ويشرح الحقيقهيمكن حد يفهمه صح

عارف
إنى رغيت كتير وشرحت موقف واحد اللى هو بتاع إسلام بس ده لأنى حسيت إن الموقف ده هو بمثابه
"القشه التى قسمت ظهر البعير "
فحبيت أحط النقط على الحروف يمكن يكون إسلوبى غلط سياستى غلط بس أنا شايفها بتحقق الأهداف اللى أنا عاوزها ممكن أكون بدفع ضربتها حرقه دم وفهم خطأ وزعل من ناس كتير وفقدان أعز الناس لكن أنا قبل ما أقرر أنزل موضوعى ده حاولت وبحاول أصلح علاقتى مع كل واحد ظلمته من غير ما أقصد أى شخص وصلته فكره خطأ عنى .

بس تعرفوا أنا يمكن إيه أكبر سبب خلانى إتبعت السياسه دى
حكايه
مجملها إن فيه شخص عاش طول عمره بيتصرف تصرفات غريبه والناس بحالها كرهته وكانو بيتمنو موته ولما مات محدش رضى يمشى فى جنازته ولما شخص دخل بيته لقى مذكراه حياته لما قرأها عرف أد إيه الشخص ده كان عظيم
" وإن فعلاً من شده حبه ليهم كان لازم يكرهوه لأن كان بيحاول ينفذ الأصح "
وإن لو فعلاً الواحد بص على حب الناس وإتبع الخواطر وشاف صداقه ده وقرابه ده وفتح باب للجمايل عمره ما هيتقدم خطوه واحده لقدام ولا هينفذ أى شىء واللى ممكن يعمله فى يوم هيعمله فى سنه ومش هيطلع بالنتيجه المطلوبه .
عارفين
أنا ليه إمتنعت عن ترشيح المشرفين الإدارين الجدد لما إنطلب منى ده
عشان عارف
إن كان ممكن حبى لفلان يخلينى أحطه فى مكان هو مش كفىء له فإضريت أسكت وأسيب المركب تسير مع الريح .
مع العلم إن فيه بعض الأشياء أنا كنت أتمناها حصلت وفيه البعض التانى محصلش لكن أنا مش ندمان لأنى عارف إن الأيام طويله وممكن اللى إتكسر يتصلح .

عارفين الرغى اللى فوق ده كله عباره عن فضفضه
الموضوع الحقيقى
إن فيه نقطه أنا كنت ساكت عنها ومستنى أتفرج مع اللى بيتفرجوا يمكن أعرف إجابه لكن فى النهايه ملقتش فيه أى حد وصل لإجابه
وهى

ليه
أحمد رضا
و
محمود الأسطوره
إترفع إشرافهم أنا فى البدايه قولت يمكن هما طلبو كده لأنهم منزلوش موضوع إستفسار ولقيت حركه غريبه من تعينات وحذف فقلت شكلها كده تنفيذ طلبات خصوصاً إن مفيش حد إتكلم ولما إتكلموا إتكلمو متأخر أووووى وبالتالى بردو مقدرتش أفهم أى حاجه

فسألت أحمد ومحمود يمكن يكون معاهم جواب ملقتش أى جواب ولا أى تقصير ولا فيه أى سبب مقنع وحاولت أفسر تفسيرات كتير وبردو مفيش ولما زهقت قررت إنى أنزل الموضوع لكن مش عارف إيه خلانى كتبه كل الكلام اللى فات ده

و
طبعاً رد الأستاذ أشرف المتوقع
أسباب إداره

طب لما الأسباب إداريه هو مش إحنا بردو الإداره ومن حقنا لما نتسأل نقدر نجاوب حتى لو هنزيف الحقيقه لو كانت بشعه لدرجه إن حضرتك مش عاوز تفصح عنها لكن على الأقل هنبقى عارفين إننا بندافع عن الحق مش بغبغان بنص لسان بيرد كلام هو مش عارف معناه إيه .
زى اللى بيحاول يقنع شخص بشىء هو نفسه مش مقتنعه به طب أقنع نفسى الأول وبعد كده أقنعك ولا إيه

أنا بجد خسرت حاجات كتير بسبب المنتدى ده ومستعد أخسر أكتر وأكتر بس بشرط أبقى شايف قدامى إن تعبنا مش بيروح هدر بسبب تقصري أى حد
وأنا حالياً
شايفك يا أستاذ أشرف الشخص المقصر فى حق الإداره حالياً
أنا بتكلم بمنتهى الإحترام ومتوقع إنى ألاقى رد يخلينى فعلاً ما أندمش فيها على كل لحظه قدتها فى المنتدى معتقد إن صح وبدافع فيها على الحق

لو حضرتك هيكون ردك لأسباب إداريه
فأنا شايف إن تحت أسامينا
مشرف / مشرف إدارى / نائب مدير / مدير / مدير عام / ......
دى هى الإداره اللى المفروض تكون الرؤيه قدامهم واضحه فلو فعلاً حضرتك شايفنا أقل من إننا نعرف الأسباب الإداريه

فأنا بجد بتنازل بطيب خاطر ومش زى ما حضرتك قولت قبل كده
" فاكر إن من غيرى الدنيا هتقف "
لأنى عارف إنها زى ما موقفتش لغيرى مش هتقف ليا بس أنا ما أحبش أكون فى مكانه الناس بحالها فاكرانى فيها عالم وأنا بكل أسف فيها جاهل
لذلك
أفضل أرجع لمكانى الحقيقى وسط الأعضاء وأكون جاهل عن طيب خاطر لأن وقتها مش هيبقى تخصصى عشان أسأل فيه

و
بجد من الموضوع هنه أحب أوجه رساله إعتذار لكل شخص شايل منى وبجد أنا حاسس كده إنى إرتحت

بس مش أوى
كان فيه سؤال عاوزه أسأله
كان فيه موضوع لعمرو فيه تقيم مشرفين وكده خدت أنا فيه أكبر تقيم لمستغلى السلطه فبجد أنا نفسى أفهم هو يعنى إيه بيستغل سلطه إسلوبى يعنى ولا إيه لأن أكيد إنتو ليكو علاقه بالأشخاص اللى قالت كده وعارفين إيه وجهة نظركم وبردو فيه منكم شايفنى فيا الشىء ده فممكن تفهمونى .

أنا كان نفسى بجد الموضوع ده يبقى فى العام بس قولت أكتبه هنه أفضل وأأجل حكايه العام دى شويه بس حبيه إن لو هنكمل معب بعض منبقاش شايلين من بعض لأى سبب من الأسباب وبجد ياريت رجاء طلب أى شىء تحبوه كل اللى نفسه يقولى أى حاجه يوقلها حتى لو كانت هتزعلنى هقولكم على حاجه لو وصلت إنه نفسه يشتمنى أنا مستعد بس بجد نفسى تقولولى كل اللى فى نفسكم وياريت محدش يسكت ويعلق تعليق سطحى لأنى بجد آراءكم دى هيتوقف عليها حاجات كتير أووووى فى حياتى .

لا اله الا الله