اى استفسار عن التحويل للمعاهد الخاصة الهندسية جاهز للرد

[mohmed alm]

ممكن بس تقولى انى اقدر احول من دمياط الى السلاب

[samirrashed]

koka انا بصراحة معرفشى اكادمية المستقبل ديت بس انت المفروض تروح معهد نازل فى التنسيق اكادمية المستقبل مش نازلة فى التنسيق ومينفعشى تروح الشروق اول سنة لان مجموعك مش جايببة انت تروح اى معهد تانى وتقعد فية سنة وتحول تانى سنة للشروق

[amrcapo]

المشاركة الأصلية كتبت بواسطة samirrashed

koka انا بصراحة معرفشى اكادمية المستقبل ديت بس انت المفروض تروح معهد نازل فى التنسيق اكادمية المستقبل مش نازلة فى التنسيق ومينفعشى تروح الشروق اول سنة لان مجموعك مش جايببة انت تروح اى معهد تانى وتقعد فية سنة وتحول تانى سنة للشروق

طب لو سمحت بعد اذن حضرتك يا بشمهندس انا عايز اعرف هو ( معهد المدينة العالى للهندسة بشبرا منت ) معتمد ولا لا ولو انا قاعدت اول سنة فية وبعدين عايز احول لاى معهد غيرة زى طيبة او العاشر او زى اكاديمية مودرن اكاديمى هيبقى فية مشكلة فى التحويل ولا لا بالله عليك حد ترد عليا او اى حد يعرف يرد انا تعبان بسبب الموضوع د وشكرا واسف اذا ازعجت حد .

[samirrashed]

amrcapo بص يا عمرو باشا مفيش معهد نازل فى التنسيق الا ويكون معتمد من المجلس الاعلى للجامعات ووزارة التعليم العالى فانتا عادى هتقعد فية سنة وبعدين تحول عادى خالص ومتقلقشى واى خدمة يا ريس

[rimaza]

انا كنت في حاسبات القاهرة واتفصلت وعايز احول هندسة طيبة . المطلوب ايه

[sosoonly]

اى حد عنده تفسير للكلام اللى مكتوب فى صفحه التنسيق ده

http://www.tansik.egypt.gov.eg/appli...ultThanwy.aspx


" يمكن للطلاب المرشحين الي المعاهد التقدم بطلب تحويل مناظر في حدود 10 % بحد أقصي ثماني معاهد من نفس التخصص ، ودون النظر الي الحد الأدني للقبول بها "

الكلام ده معنااااه ايه ..... ياريت لو حد يعررررف يقولنا

[samirrashed]

soosonly بص على حد علمى ان دا اول مرة يحدث بس هو عاوز يقول ان ممكن تحول الى معهد انت مش جايب الحد الادنى بتاعة ولكن تكون كاتب فى الرغبات 8 معاهد بس انت عاوز واحد فيهم وهوا هيختار ليك المعهد اللى انتا عاوز تحولة ولكن فى حدود نسبة ال 10 فى المية ممكن ميقبلشى عادى زى تحويل الكليات بيبقى فى حدود عشرة فى المية وفى ناس مش بتقبل ةبتحول تحويل ورقى فى الاخر

[samirrashed]

rimaza بص هو انت تروع اكادمية طيبة وتاخد معاك شهادة النجاح والدرجات وتحول عادى

[hamada100%]

السلام عليكم انا جالي معهد السلام ولكن انا عايز احول لمعهد طيبة وانا عملت التحويل علي النت ومش عارف نتيجة التحويل امتي ومش عارف اعمل اية عشان ادخل معهد طيبة ما هو المطلوب مني مع العلم انا جايب 88.41

[samirrashed]

استنى نتيجة التحويل وان شاء اللى هتجيللك لانك جايب اكتر من مجموع طيبة ولو لقدر اللة ماجتشى تروح معهد طيبة وتحول عادى من هناك تحويل ورقى

[عمرو احمد شكر]

لو سمحه عاوز اعرف ايه المعاهد الى فيها قسم الكهرباء وايه راى حضرتك فى معهد سموحه للهندسه معهد رجب انا فيه انا بافكر احول مكان تانى فيه كهربه

[nagy safwat]

ارجو من حضراتكم الرد على سؤالى وهو اننى فى جامعة النهضة اعدادى هندسة واريد التحويل لمعهد العاشر السنة المقبلة ولكن اننى لم ادخل امتحان مادة الرسم الهندسى لظروف حدثت فهل من الممكن التحويل للمعهد علما بان الجامعة تعمل ايضا بنظام الساعات المعتمدة فارجو الرد

[julianooo]

انا جالي حاسبات خاص بتاع العاشر بس انا عايز ادخل هندسه خاص ينفع احول ولا ايه
ومعهد الاهرامات واقف عليا بنص درجه !!

[LionelMedo]

المشاركة الأصلية كتبت بواسطة julianooo

انا جالي حاسبات خاص بتاع العاشر بس انا عايز ادخل هندسه خاص ينفع احول ولا ايه
ومعهد الاهرامات واقف عليا بنص درجه !!

انا زيك بالضبط بس جالي حاسبات الدلتا وبعد ماعرفت ان كليات الحاسبات الخاصه (المعاهد يعني ) زي الزفت
حولت لهندسه كنج مريوط بالاسكندريه
وهي ماعليك الا انك تسحب ورقة الترشيح وتاخدها معاك مع الورق المطلوب وتقولهم انا عاوز احول عندكــــم

[amir abdo]

اكاديميه اخبار اليوم ممكن التحويل منه لهندسه العاشر او الشروق بعد اول سنه