شاهد الوزير النهاردة الساعة العاشرة

[طه السعدني]

حوار المذيع حسن و السيدة أماني على قناة أون تي في
جاء مشبعا جدا لجميع أطياف الناس عبارة عن مسلسل متكرر من يوم ما تولى الدكتور أحمد جمال الدين الوزارة وهو بيقوله في كل اللقاءات
و لم يتكلم لا هو و لا المذيعين من قريب أو بعيد عن الأحوال المادية للمعلمين
شكلهم هيجيبوا مدرسين من الصين خسارة ساعة سهر أمام التلفزيون

[ahmed_comp77]

وزير التعليم اكتر واحد فى الدنيا ده شايل الغلب . الناس بتطلب منه اشياء مستفزة فاكرين احنا عايشين فى كوكب المريخ
اطبخى ياجارية كلف ياسيد . الوزير لوحدة هيصنع مدارس جديدة و مناهج متطورة و تكنولوجيا و لغات وثقافة و تاريخ و فن وادب وعلوم و هيدى مرتبات محترمة للمدرسين وناقص يطلبوا منه يطلع صواريخ للفضاء ...... اشتغالات .... اشتغالات .... اشتغالات
طب كل دة منين مايقدر على القدرة الاصاحب القدرة ......استمر فى النفخ

[mfkh2005]

شاهدنا جميعاً برنامج مصر في اسبوع واستضافة وزير التربية والتعليم ولم أخرج بأي شئ مفيد عن التعليم إلا ببعض الأمور الخاصة بالكتاب والمنهج ولكن أين عصب العملية التعليمية ( المعلم) منسي دائماً ولكن أقول المشكلة والله مش في الوزير الذي من وجهة نظري محترم جداً
المشكلة في المذيعين الذين يلقون الأسئلة ويحاورون الوزير هل هذه اسئلة في حوار دم الساعة ونصف والكلام أغلبة عن المدارس التجريبية
في أي مؤسسة يتم استضافة وزيرها مثل المواصلات او الزراعة وغيرها أول سؤال يتم السؤال عنه هو تثبيت العمالة متى والأجور بالنسبة للعمال والموظفين
أما عندما يكون الحديث متعلق عن المعلم فلا حديث إلا الطلاب والمدارس
لسة شايف خبر على الحياة اليوم المتحدث الرسمي باسم السكة الحديد يتكلم بفرحة عن زيادة حوافز العاملين في السكة والعدالة الإجتماعية
أعتقد أن الإعلام مشارك في هذه المشاكل وذلك بعدم تحدثة عن مشاكل التعليم الحقيقية بجدية والمتمثلة في الطالب والمعلم والمنهج ولابد من الحديث عن كل عنصر بإستفاضة وهذا رأي !!!!!!!!

[طه السعدني]

سيادته كان حوراه جميييييييييييييييييييييييييل لدرجة إني مسمعتش منه حاجة مفيدة وكالعادة اللقاء مرتب و الأسئلة محفوظة
و إوعى يا حسن و أنت يا أماني تسألي سؤال محرج فيه فلوس أو أحوال المعلمين بلاش إحراج
و همة دول مذيعي الثورة في حوار ساخن جدددددددددددداااااااااا منهم لله

[noor20102020]

أنا تابعت بدقة الحوار المذيعة بتتفلسف وبتحاول تقلد منمى الشاذلي لكن كانت أكثر من ماسخة والوزير كان بيكرر الدعم المادي وتحسين حال المعلمين لكن المذيبعة بوظت الدنيا وكانت سطحية جدا

[man22]

الى قلبك حنين
اعتقد انك من كوكب تانى غير كوكب الارض

[حسين الأمير]

أنا أسف الوزير طلع ما جاش
لأن حضوره زي عدم حضوره
مفيش جديد

[wahsh2008]

حضوره زي عدم حضوره

[wahsh2008]

حضوره زي عدم حضوره

[ليث مصر]

والله أكثر البرامج الحوارية برامج فاشلة ضررها أكثر من نفعها .. همه فى وادى والناس فى وادى

[ahmed_comp77]

محدش خد باله من جملة الوزير ان مخصصات التعليم بالنسبة للدول المحيطة اقل ما يمكن و احنا مش راحمين
المدرس عاوز مرتب بالالفات و عاوز و عاوز و الجماهير عاوزة تعليم جيد و مدارس و كثافة الفصول تقل و عاوزه لغات و كمبيوتر و ثقافة و ادب وفن و تاريخ و اديان و مواطنة وياريت كمان هندسة الجينوم مايضرش
احنا كمجتمع عاملين زى الزوج اللى ساب لمراته 5جنية و عاوز طواجن و محاشى و لحوم و طيور و مقبلات و مشهيات على الغدا فمراته كانت اكثر ذكاء منه و لما جه على الغدا لقى طبق فاضى مكتوب عليه لحوم و طبق اخر مكتوب عليه طيور و ,,,,,الخ ولما سال ها فين الحاجات اللى مكتوبه على الاطباق قالت له ولادك كلوها
احنا فى وزارة التعليم عندنا حاسب آلى و تطوير تكنولوجى و عندنا مركز تقويم تربوى و عندنا صحافة و انشطة و كل مايخطر لك على بال بس الحاجات ده عناوين كبيرة بدون اى جوهر ولامضمون وكلكم مدرسين و عارفين دة
واللى مش فاهم ان مشكلتنا ان مفيش موارد لكل الهم دة يبقى عامل زى النعامة حاطط راسة فى الرمل
الوزير لو محترم نفسه يقول الصراحة و رزقه على الله و يقدم استقالته او يطلع للناس يقول لهم ان المجانية المطلقة تساوى تعليم خربان

[nashwabdlzz]

سيبكو من وزير التعليم دلوقتى وشوفو ا وزير المالية ويافرة ماتمت وحكايته مع البنك الدولى

[mrnagar]

يا عم حد بيتفرج عى المذيعه دى احنا ناقصين سدة نفس

[wahsh2008]

يقدم استقالته

[wahsh2008]

يقدم استقالته