اقوى المسلسلات(حبيبة بابا عايزه) ممتع ومثيرر جدا

[قطوف دانيه]

(( تاني موقف من مواقف حبيبة مع النقاب ))
حبيبة بابا قرت طبعا مواصفات الزي الشرعي وانه الافضل يكون غامق يميل الي السواد
فحصل الموقف الاتي :

ماما كانت مجمعة الجيران عندها بيعملوا محشي مع بعض وكانت حبيبة برا كانت بتحضر درس علم
فخلص الدرس وجاءت حبيبة ع البيت
ودار الحوار الاتي :
حبيبة : السلام عليكم ازيكم جميعا .. مجمعين عند النبي إن شاء الله .
الجيران : وعليكم السلام ازيك يا حبيبة .. ايه يا بنتي دا انا اتخضيت منك من السواد دا .. يا بنتي انتي لسه صغيرة وفي عز شبابك .. دفنتي نفسك ليه كدة تحت الاسود دا .. اعوذ بالله ..!!
حبيبة :اعوذ بالله ايه طنط انتي شفتي عفريت ولا ايه ؟! يا طنط دا الاسود مُريح جداا .. وشيك وقيّم غير باقي الالون الخلطبيطة التانية .
الجارة ام محمد: طيب ما انتي كنتي بتلبسي الخلطبيطة دي وكنتي بتبقي شيك برده ايه اللي حصل بقي والاكتئاب بتاع الاسود دا ؟!
حبيبة : اه يا طنط فعلا كنت بلبس الوان قبل كدة بس مكنتش اعرف ان الافضل عند ربنا هو اللبس الغامق عشان مش يحدد معالم جسم المرأة وعلي فكرة مش شرط اسود بس لا طبعا ممكن بني او كحلي او زيتي اواى لون غامق مش مُلفت بس انا بحب الاسود .


الجارة بتبص لحبيبة باستغراب وكملت حشي المحشي بدل متحشي مخ حبيبة .


بعد مهرجان وهيصة المحشي كل جارة راحت علي بيتها ومع الف سلامة _ عشان كمان لفتوا نظر ماما وحشوا مخها مع المحشيبموضوع الالوان دا _ :


ماما : طيب يا حبيبة ما ام محمد عندها حق ايه الاسود اللي انتي بقيتي لازقة فيه كدة علطول !! وكل عباياتك الملونة اللي كانت عندك هتترمي بقي ان شاء الله ؟!
حبيبة : لا يا ماما طبعا مش هتترمي ان شاء الله هلبسها في اي مناسبة او كدة ووعد مني ليكي يا ماما يا حبيبتي يوم نتيجتي هلبس واحدة فيهم ايه رايك بقي يا قمر !
ماما : برده خدتيني في دوكة يا لمضة يا لئيمة وغيرتي الموضوع لموضوع انا نفسي فيه اني اشوفك ناجحة بتفوق واحلي عروسة يارب يابنتي .
حبيبة : يارب يا ماما يا حبيبة قلبي .


وعدا الموقف التاني علي خير والحمد لله والمحشي كان تحفففففففففففة .

انتظروا الموقف التالت

[قطوف دانيه]

(الموقف الاخير لحبيبة بابا)

ويمر كام شهر من امتحانات حبيبة فالنتيجة خلاص ع وشك وحبيبة قاعدة ع نار وقلقانة وخايفة ولكنها واثقة ف ربنا طبعا .
فالنتيجة تطلع ع النت ورقية بتتصل بحبيبة :
رقية : ها يا حبيبة طمنيني عملتي ايه ؟؟؟؟
حبيبة : عملت ايه ؟؟ هي طلعت ولا ايه خلاص ؟؟
رقية : ايوة يا حجة طلعت ع النت شوفيها بسرعة وطمنيني .
حبيبة : يا نهاررر .. طيب انتي عملتي ايه يا رقية طمنيني ..؟
رقية : الحمد لله جبت جيـــــد مع اني كنت خايفة مجيبش تقدير بس سبحان الله اكيد بركة النقاب .
حبيبة : مبارك حبيبتي رقية عقبالي يارب اما افرح وافرح اهلي يارب انا هروح اشوفها بقي اوك ادعيلي ربنا يستر
فماما كانت سامعة المكالمة وقلقانة جداااااااااااااا
وحبيبة قالت لماما خليكي انتي هنا في الصالة يا ماما وانا هروح اشوفها ع النت واجي اطمنك وابشرك
واهو دخّلت اسمها ورقم الجلوس وخلاص صفحة النتيجة اهو هتفتح , وحبيبة مغمضة عنيها وقلبها بيدق جداااااااا ,
وفتحت عينيها لاقت البشارة
امتياااااااااااااااااز
الله اكبر
الله اكبر
وحبيبة تنهمر ف العياط من الفرحة
يا الله .. كم انت كريم .. كم انت شكور ..كم انت عظيم .. بحبك اووووووووي ياااااااااااارب .
يا ماما .. يا ماما .. يا ماما .. يا ماما .. زغرطي يا ماما
افرحي يا ماما .. ابشري يا ماما .. امتيااااااااااااااااز يا ماما .وماما تدمع من الفرحة وخدت حبيبة ف حضنها وهم الاتنين يعيطوااااااااااااااااااااا .
حبيبة : شوفتي يا ماما مش انا قولتك ان ربنا كريم اوي وهيكرمنا اوي لما نطيعه , واهو كرمنا اخر كرم والحمد لله .
ماما : ونعم بالله .. الحمد لله يارب احمدك ياربي واشكرك وماما مش قادرة تتكلم من الفرحة .


وبابا يجي من شغله وسط الموقف الرائع دا

بابا : خير انا سامع صوتكوا من ع السلم خير ؟
حبيبة : حظر فزر يا بابا العزيز بنتك هتفرحك بايه ؟؟
بابا : احظر .. افزر .. ايه النتيجة طلعت ؟!
حبيبة : اه يا بابا طلعت وباعلي صوتها جبت امتياااااااااااااااااااااز يا بابا .
بابا شنطة الشغل وقعت منه من الفرحة : والله بجد يا حبيبة !
حبيبة : اه والله يا بابا افرح يا بابا انت وماما والله انتوا تستاهلوا كل خير , انا قعدت ادعي ربنا اني اجيب تقدير حلو عشان افرحكوا انتوا قبلي والله واهو الحمد لله ربنا اداني احلي واعلي تقدير .
بابا : يا حبيبتي يا بنتي وخدها في حضنه وماما دخلت معاهم وكلهم خدوا بعض ف حضن بعض .


ما اجمل طعم النجاح في ظل طاعة الله !!
ما احلي ان يذوق الانسان ثمرة تعبه طوال الوقت !!
ما احلي ان يكون المسلم مُطيع لله + متميز ف الدنيا !!

اسرة حبيبة الفرحة مش سايعاهم
فيهعملوا عزومة كدة ع الضيق انطلاقا من :
(( قل بفضل الله ورحمته فبذلك فليفرحوا هو خير مما يجمعون ))
العزومة هيدعوا فيها اخت حبيبة المتزوجة المسافرة برا مع زوجها واولادها واهي فرصة للم الشمل , وجاءت اخت حبيبة بالسلامة هي واسرتها ويباركوا لحبيبة ع النجاح الباهر
وفي هذه العزومة يحصل الموقف الاتي :
حبيبة واختها وماما طبعا بيحضروا احلي اكل واحلي حلويات ,
وجاء موعد الغداء طبعا كلهم قاعدين بيكلوا ما عدا حبيبة ليـــه ؟ مين شاطرة هتقول علطول ؟!
طبعا عشان حبيبة منتقبة وزوج اختها قاعد بيأكل معاهم
فحبيبة كلت في اوضتها وخلصت اكل وراحت المطبخ وطبعا عارفة ومتأكدة انهم كلهم بيكلوا جوا فمش لابسة الاسدال ولا النقاب .
فايه اللي حصل بقي وهي في المطبخ ؟!
صلوا ع النبي الاول
عليه الصلاه والسلام
زوج اختها عارف او معتقد ان حبيبة ف اوضتها
فجاي يغسل ايده بعد الاكل ومُتجه الي المرحاض
فطبعا حبيبة اتخضت جداا انها حست ان هو جاي وهي مش لابسة الادوات , فراحت قفلت نور المطبخ بسرعة واستخبت تحت الحوض لحد مهو يمشي ,
فبعد اما خلص غسل يداه فحضرته عايز يشرب فدخل المطبخ عشان يشرب من التلاجة , وحبيبة مرعوبة جداااااا يشوفها ولو حتي ف الضلمة كدة ممكن يحسبها عفريت قاعد تحت الحوض , فالمهم هو فتح التلاجة بس مفتحش نور المطبخ وجاب الازازة وهو بيشرب اتخايل بحاجة غريبة تحت الحوض فاستغرب وكان لسه جاي يشوف ايه دا , فحبيبة راحت قايله انا انا خليك مكانك ,فلاقت دا راح رمي الازازة واتخض حتة خضة _ كان بيحسبها عفريت فعلا _ .
وبعدها طلع جري ههههههه
احسن عشان يحرم انه ميتأكدش ان في حد جوا ولا لأ
هي سايبة ولا ايه ؟؟؟


نتعلم من هنا درس بسيط :
طالما يا اخت يا منتقبة عندك حد غريب ف بيتك يبقي نقابك ميفارقكيش ابداااا ومتقوليش بقي دا زوج اختي دا قريبي لالالالا مفيش نقاش ف الموضوع دا اوك
عشان متنزليش تحت الحوض زي حبيبة كدة .

ونجحت حبيبة نجاح باهر والحمد لله وهي واسرتها دلوقت ف منتهي السعادة .



وحبيبة كانت بتصلي الجمعة في الجامع واثناء الخطبة لاحظت حبيبة ان سيدة كبيرة عمالة تبص عليها من اول ما الخطبة بدئت , فبعد انتهاء الصلاة هذه السيده ندهت ع حبيبة ودار الحوار الاتي :
السيده : السلام عليكي يا بنيتي ؟
حبيبة : وعليكي السلام ورحمة الله وبركاته
السيده : ممكن معلش اخد من وقتك ثواني ؟
حبيبة : اتفضلي يا طنط .
السيده: هو انتي مرتبطة او مخطوبة او كدة ؟
حبيبة اتسكف ووشها احمّر : لا يا طنط .
السيده : طيب الحمد لله بصي يا بنتي انا بدور لابني ع عروسة وحاسة انك عروسة ابني مش عارفة ليه , انا ابني ملتحي وحافظ كتاب الله ومهندس ونفسه ف عروسة ملتزمة زيك كدة ايه رايك يا بنتي ؟

حبيبة مش عارفة تقول ايه ولا تعمل ايه من الدهشة والكسوف والموقف كله : والله يا طنط انا مش عارفة اقول لحضرتك ايه وبصت ف الارض .
السيده : انا عارفة انك محرجة بس انا صدقيني ارتحتلك اوي ففيها ايه لما تجربي .. ممكن العنوان او رقم تليفون بابا ؟؟!!
حبيبة : طيب اتفضلي يا طنط رقم بابا .


وخلص الحوار مش مصدقة وروحت البيت وحكت لماما


ماما : بجد والله .. ربنا يكرمك يا بنتي ويجعلك ف الطيب نصيب واشوفك احلي عروسة .
وماما قالت لبابا ع الموقف وبابا برده فرح وربنا يسهل


وفجأة تليفون بابا يرن وقلب حبيبة يددق جامد وطلعت جري تسمع المكالمة :
بابا: السلام عليكم .. مين حضرتك ؟
المُتصل : وعليكم السلام .. انا اللي والدتي اتكلمت مع بنت حضرتك ف المسجد .
بابا : اهلا وسهلا .
العريس : اهلا بحضرتك ممكن اجي البيت امتي ؟
بابا بيبض لحبيبة وابتسم : اتفضل يابني .. يوم الجمعة بعد العشا مناسب لك ؟
العريس : اه مناسب ان شاء الله شكرا جدا لحضرتك .


وانتهت المكالمة وبابا فرحان جدا ببنته حبيبة قلبه اخر العنقود حبيبة الحبوبة هتقبي عروسة
وقالها يلا حضر نفسك يا جميل يوم الجمعة وماما تخد حبيبة ف حضنها وف منتهي الفرح ,


وجه يوم الجمعة وحبيبة حضرت نفسها وخلت البيت ع سنجة عشرة وجرس الباب يرن وقلب حبيبة يرن معاه


, بابا فتح وسلم ع العريس وقاله اتفضل ف الصالون اهلا وسهلا وقعدوا يتكلموا شوية ودخلت ماما القت السلام عليه ورحبت بيه وقعدوا شوية كدة وجاااااااااء دور العروسة
وحدثت المقابلة الشرعية وانتهي اول لقاء

وهتبدأ صلاة الاستخارة مباشرة _ مش بعد اما اخد القرار انا _
وبعدها حست حبيبة بقبول وشافت فيه الشخص اللي بتتمناه وماما وبابا برده وافقوا عليه موافقة مبدئية ولكن لسه هو موافقته , فالتليفون يرن وماما ترد :

ماما: السلام عليكم .. مين حضرتك
المتصل : وعليكم السلام .. انا والدة العريس
ماما : اهلا وسهلا
الوالدة : اهلا بيكي اهلا بوالدة عروسة ابني, من ساعة ابني ما جه عندكوا البيت وهو مبسوط وصلي استخارة وارتاح اوي لحبيبة .. فممكن نيجي البيت مرة تاني ولا ايه موقف حبيبة ؟
ماما _ في فرحة شديدة _ : اهلا بيكم تنورا وابنك ما شاء الله مهذب واخلاق وملتزم.
الوالدة : طيب ع خيرة الله .. ربنا يوفقكم يارب .


وماما بتبشر حبيبة بالمكالمة الجميلة والدنيا مش سايعاهم وكل اللي حبيبة بتقوله بس :


انت كريم اوي يارب .
انت شكور اوي يارب
انت عظيم اوي يارب .
انا بحبك اووووووووووووي يارب .

ويتحدد معاد لخطوبة حبيبة الحبوبة

وتدخل ع موقعها المفضل عشان تشوف طرق الفرح الاسلامي فلاقيت موضوع هايل :
فرحي اسلامي ..ليه شكل تاني

http://forums.way2allah.com/showthread.php?t=45648

وكانت احلى خطوبة اسلامية لذيذة





وخلاااااااااااااص توتة توتة .. خلصت الحدوتة


حدوتة حبيبة بابا مع الالتزام واثر وفضل الالتزام عليها


ارجوا ان تكونوا قد استمتعوا مع القصة

[قطوف دانيه]

لا تنسونا من صالح دعائكم

[heba nabil]

جزاكي الله خيرا يااختي قطوف
ربنا يكرمك
موضوعك رائع

[تغريد الطيور]

موضوع رااااااااااااااااااااااااائـــــــــــــــــــــــ ــــــــــــع فعلا و جميييييييل جدا و يستحق التثبيت

[حجابى كل حياتى]

بصرااااحة
مسلسل ولا أروع
أنا كنت عايزة أسجل فى منتديات الطريق الى الله
وبسببك وسبب المسلسل سجلت فيه
شكرا حبيبتى

[شمس الضحا]

والله انا مش عارفة اقول لكى ايه على الروعة دية
موضوع رائــ ـع فعلا و جميييييييل
جزاكي الله خيرا وربنا ينشر النقاب
ربنا ينشر النقا ب على يدك ويبارك فى كل من شارك فيه

[شمس الضحا]

جزاكي الله خيرا
ربنا ينشر النقا ب على يدك ويبارك فى كل من شارك فيه
والله انا حبيتك فى الله جدا بعد هذا الموضو ع وربنا يعطيكى ما اعطى لحبيبه من تفوق وزوج صالح ان لم يوجدلك ويجازيكى فى الاخرةخير الجزاء
ويجمعنا فى الجنة

[قطوف دانيه]

جزاكن الله خيرا علي الدعوات الصالحات تقبل الله منا ومنكن خالص الاعمال

[حووور الجنة]

ياااااااااااااااااااااة بجد مش عارفة اقول ايييييييييييييييية بس مش هقول غير كلمة واحدة " من يتق الله يجعل لة مخرجا و يرزقة من حيث لا يحتسب"

و الله يا اختي الواحد بيحس بحقارة نفسة لما بلاقي الشباب يقعدو يبصو علي وجهي هو انا الحمد لله بلبس خمار لف طويل و لبس واسع و الحمد لله بس فعلا المشكلة في وجهي

بس معلش هسال حضرتك سؤال مثلا انا ماشية و مغطية جسمي كلة بس وجهي الي باين و مثلا شاب اتكلم او علق و بص علي وجهي هل انا كمان هاخد ااثم انا كمان او اخد ذنب؟؟؟؟؟

[قطوف دانيه]

اولا انا اسفه ع التاخير ثانيا انا مش هقدر افتي لكن من راي انتي لابسه الزي الشرعي وغضه بصرك يبقي ان شاء الله الاثم عليه وحده لانه مانفذش كلام الله ومغضش بصره الا اذاكنت فاتنه لدرجه تخلي الشاب يخرج عن حدوده ويطيل النظر فيك اذا انتي تاثمي واثم شديد كمان ربنا يعافينا يارب وجزاكم الله خيرا

[*زهرة المدائن*]

السلام عليكم
القصة اكثر من رائعة
دعواتكم ليا بالاسدال والنقاب
انا 13سنة داخلى على 14 وبلبس بدى وحاجات تانية
وربنا يوعدنى بالاسدال امييييييييييييييين

[فارسة الإسلام]

جزاكِ الله خيراً و جعله الله في ميزان حسناتك
أسأل الله أن يجمعنا في الفردوس الأعلى بصحبة النبي المصطفى محمد صلى الله عليه وسلم
أسأل الله أن يرزقنا لبس النقاب
اللهم إنا نسألك الهدى والتقى والعفاف والغنى
اللهم آمين

[*زهرة المدائن*]

المشاركة الأصلية كتبت بواسطة فارسة الإسلام

جزاكِ الله خيراً و جعله الله في ميزان حسناتك
أسأل الله أن يجمعنا في الفردوس الأعلى بصحبة النبي المصطفى محمد صلى الله عليه وسلم
أسأل الله أن يرزقنا لبس النقاب
اللهم إنا نسألك الهدى والتقى والعفاف والغنى
اللهم آمين

اللهم امين
جزاك الله خيرا

[شعبان رجب]

جزاكى الله خير وربنا يثبتنا وهدينا ويرزقنا ازواجا صالحين