|
#16
31-08-2010, 11:00 AM
|
|||
|
|||
اقتباس:
ومين سمعك انا اكره الحفظ موووت اما بالنسه للامريكان سيستم نظام حلو جدا واظن الدكتوره افادتك وفقك الله لما يحبه ويرضاه
__________________
((كلا ان معي ربي سيهدين)) 
|
|
#17
31-08-2010, 11:04 AM
|
|||
|
|||
|
اقتباس:
انا برده شفت خالي وهوا بيركب الكانيولا واتعلمتها بس مش حابب حكايه الحقن دي عادي المهم اني اتعلمت الكانيولا هبقا اركبها واتصرف في حد يجي يدي الحقن للمريض  وفقك الله لما يحبه ويرضاه
__________________
((كلا ان معي ربي سيهدين))
|
|
#18
31-08-2010, 11:10 AM
|
|||
|
|||
|
اقتباس:
ثانيا شكرا لحضرتك علي مشاعرك الطيبه ومشاركتك فرحتنا يا رب يكرمك يا رب ثالتا شكرا لحضرتك علي النصيحه الغاليه دي بس انا بقي مشكلتي الحفظ وما ادراك ما الحفظ انا اموت في العملي في طب(قياس الضغط والكانيولا وعلاج المرضي والحركات دي) لكن الحفظ ربنا يسهلها ان شاء اللهوفقنا الله واياكم لما يحبه ويرضاه وكل عام وانتي طيبه
__________________
((كلا ان معي ربي سيهدين))
|
|
#19
31-08-2010, 08:15 PM
|
|||
|
|||
|
اقتباس:
ما انا برضه مش بعرف احفظ بسهوله خالص وتقريبا معظم اصحابى كده بس للاسف هى دى الحقيقه المره ان طب 90%منها حفظ ع العموم مع الوقت هتتعودوا ع الحفظ يعنى انا دلوقتى احسن من زمان فى موضوع الحفظ ده بقيت بعرف احفظ احسن م الاول يعنى هى مهاره مع الوقت هتكتسبها وهتلاقى نفسك كويس فى الحفظ ربنا يوفقكم جميعا
|
|
#20
01-09-2010, 05:15 AM
|
|||
|
|||
|
اقتباس:
 الحمد لله ان لسه في ناس بطمنا و مش اي ناس دول دكاتره  ربنا يكثر من امثالهم بس رجاء لكل الدكاتره اللي اكبر مننا يبقوا متابعين قدر الاستطاعه اثناء السنه الدراسيه لاننا اكيد مش هنفنهم حاجات (كتييييييييييييييييير) ويتكرموا ان شاء الله ويساعدونا قدر الاستطاعه جزاكم الله خيرا وكل عام وانتم بخير
__________________
((كلا ان معي ربي سيهدين))
|
|
#22
03-09-2010, 04:13 AM
|
|||
|
|||
|
اقتباس:
وعندي طلب من حضرتك اذا سمحت ممكن تضع مشاركاتك الجميله زي القاموس الطبي الناطق والاطلس وكل مشاركاتك الحلوه هنا في ملتقي طلبه اولي طب 2010/2011 لان اغلب الحاجات دي بيحتاجها الطلبه اوووي وكمان علشان تنشط الملتقى بموضوعاتك الجميله الموضوع موضوعك يا باشا جزاك الله خيرا وكل عام وانت بخير
__________________
((كلا ان معي ربي سيهدين))
|
|
#23
03-09-2010, 07:32 AM
|
||||
|
||||
|
السلام عليكم ورحمة الله وبركاتة
شكراا جزيلاا يا دكتور انا اول مرة اعرف ترتيبى على طب المنصورة شكراا مرة تانية
__________________
طب اية اللى انت جاى تقول عليية..!! انت عارف قبله معنى الطب اية..!! 
|
|
#24
03-09-2010, 08:44 AM
|
|||
|
|||
|
اقتباس:
وعليكم السلام ورحمه الله وبركاته العفو يا دكتوره حضرتك نورتي الموضوع والله ونتمنى مشاركتك معنا دائما ان شاء الله وكل عام وحضرتك بخير
__________________
((كلا ان معي ربي سيهدين))
|
|
#26
06-09-2010, 12:33 AM
|
||||
|
||||
بسم الله لرحمن الرحيم
ازيكم يا دكاترة؟  ؟ يارب كلكم تكونو بخير ..االصراحة انا لما بفتح الملفات اللى بحملها ..مش بفهم حاجة  ..بحس انى فى متاهة .. وبما ان دا ملتقى الدكاترة فياريت حد يقدم الخدمة دى يعنى... احنا طبعاا عندنا الاربع مواد دول anatomy histoligy physiology biochemistry كنت عايزة اول محاضرة بس من كل مادة  عشان اعرف من المحاضر استعراض سريع للمادة وفانتظار الرد اختكم : اسماء
__________________
طب اية اللى انت جاى تقول عليية..!! انت عارف قبله معنى الطب اية..!!
|
|
#27
06-09-2010, 06:50 AM
|
|||
|
|||
|
اقتباس:
اولا اهلا بحضرتك معانا يا دكتوره اسماء نورتي الملتقى ونتمنى المذيد من مشاركات حضرتك معانا ثانيا مش تقلقي خالص انا برده مش فاهم حاجه خالص في الطب غير قياس الضغط (علشان اتنطط بيه )لان الطب مش زي ثانوي تفتحي اي كتاب في الاجازه وتزاكري وتفهمي لوحدك وكله تمام لا وخصوصا اننا في بدايه مرحله جديده بس كله هيبقي تمام ان شاء الله بعد ما تبدا الدراسه وتدخلي الكليه وان شاء الله تفهمي كل حاجه من الدكاتره وان شاء الله خيرواستجابه لحضرتك انا نقلت الموضوع هذا اتمنى انه ينول اعجاب حضراتكم جميعا وممكن اجيب المحاضره الاولى في باقي المواد ان شاء الله لو عجبكم الموضوع ان شاء الله والان اتركم مع المحاضره الاولى في الاناتومي (التشريح) بسم الله الرحمن الرحيم مقدمه لعلم التشريح(اول محاضرة انا تومى…..)The Anatomical position الأناتومي مادة لذيذة جدابداية بتعتمد على الحفظ و الصور في المقام الأول ودا طبعا بعد الفهم الجيد والخيال العميق لانك اكيد مش هتعرف تحفظ حاجه طبعا من غير ماتفهمها وتتخيلها كويس وبعد كده بتأكد المعلومه بدخولك المشرحه فى العملى.. أهم حاجة في مذاكرتها هي التكرااااار .. و مرة على مرة ان شاء الله المعلومة بتثبت وبمرور الوقت ستجد نفسك ان شاء الله تستطيع الاجابه عن بعض الجزئيات بواقع فهمك لها قبل ما ندخل فى موضوعنا النهارده احب اعطيكم فكره عامه عن التشريح يعني ايه تشريح؟ يعني معرفة جميع أجزاء الجسم من عضلات وعظام وأعصاب وأوعية دموية وأعضاء داخلية كل حاجة من دول تدرسوها بالتفصيل ( مكانها وعلاقاتها بالأجزاء الأخرى المجاورة ليها…..إلخ ) "ده طبعا تعريف باختصار شديد". طيب في سنة أولى هندرس إيه؟ - في الأول هتبدأوا بbiologyHumanكمقدمه للتشريحIntroductionيعنى - بعد كده فى فرع تالت اسمهEmbryologyوده بيدرس مراحل تطور الجنين من لحظة الاخصاب ويمكن من قبلها حتى لغاية الولادة ويمكن كمان لبعدهاشوية. وممكن بدل ال Thoraxتاخدوا Abdomen من غير ما تسألوا يعني البطن بما فيهامن معدةStomachوأمعاء IntestineوكبدLiverوطحالSpleenوكلىKidneyوبنكرياسPancrease. - وبعدAbdomen هتدرسوا Pelvis اللي هو الحوض بما فيه طبعا دا بيختلف تبعا لكل كليه فمثلا عندنا فى طب الازهر اخدنا Abdomen فى سنه اولى بدلا من الThorax. **** لا زم تعرفوا إنUpper LimbوLower LimbوThoraxوPelvisلما تيجوا تبدأوا كل فرع منهم بتبدأوا تاخدوا العضم الأول وبعد كده الأعضاء والأنسجة الأخرى. . أما بقى السكاشن بتبقى معظمها نظري بس بتشوفوا عملي على طول و biology Human و Embryology ما بيتشرحوش في السكاشن. التشريح من أمتع المواد والله بشرط المزاكره اولا بأول فعلا هتدرس ابداع الخالق عز وجل وعظمته فى خلق الانسان وهتجد نفسك لااراديا بتقول سبحان الخالق طبعا حاجة تخوف فى الأول أنك تتعامل مع الجثث بس مع الوقت بتتحول الجثة الىcadiver و العظم الىbones و أرجوك تذكر أنك تتعامل مع جثة انسان و أن له حرمته التى ننتهكها بغرض التعلم الذى ليس له بديل أيضا لازم تعرفوا ان فى موضوعات رئيسيه موجوده فى كل البرانشات تقريبا مع اختلاف المضمون طبعا يعنى ايه الكلام ده ؟؟ يعنى انك هتدرس بالتفصيل الاتى 1 muscles عضلات و بتدرس فيها بشكل أساسى4 نقاط_ * originمصدر العضلة العضلة دى ابتدت ازاى * insirtionالعضلة دى انتهت بأنها مسكت فى ايه * nerve supplyايه هو العصب اللى بيغذى العضلة * action العضلة دى بتعمل ايه و مع الوقت هتلاقى نفسك مش محتاج تحفظ اخر واحده هتجيبها بالذكاء ان شاء الله & 2 bones * بتحدد الجانب بتاع العضمة يمين ولا شمال * attachmentايه هى العضلات و الأربطة اللى ماسكة فى العضمة علشان كدة بنصحك تذاكر الmuscles مع ال bones * structures related الحاجات اللى ماشية جنب العضمة زى الأعصاب و الشرايين فى امتحان النظرى مش بيسأل على العضم و غالبا مش بيسأل على العضلات لكن هما شىْ أساسى فى العملى واول سؤال شفوى بيكون على العضم & 3 joints المفاصل أنا بعتبرها جزء مبنبزلش جهد كبير فى مزاكرتها فى سنة أولى حضرتك هتكون ذكى ان شاء الله وهتعرف تجمع معلومات الmuscles مع الbonesو تحط عليهم شوية معلومات زيادة وقبل كده بتكون اخذت انواع المفاصل فى الIntroductioun وبكده تبقى اظن انك بتكون عرفت كل حاجة عن المفاصل وتقدر بأذن الله تتكلم عنها اذا جيت فى الامتحان & 4 arteries and veins الشرايين و الأوردة من الأجزاء المهمه النقط اللى بتذاكرها هى * begining ازاى الشريان ابتدى و فين * termination انتهى فين و ازاى *branches and trebuitaries ايه هى الشرايين اللى هتتطلع منه أو ايه هى الأوردة التى هتصب فى الوريد *course بتوصف المسار بتاعه هو طلع منين و بعد كدة مشى ازاى علشان يوصل فين * relation ايه علاقته باللى حواليه طول ما هو ماشى يعنى ايه قدامه و ايه وراه كده يعنى & 5 nerves و كل عصب بيختلف عن التانى لان فى حاجات رايحة للجلد و حاجات رايحة للعضلات هتكتشفوا كل دا و أكثر لما تدخلوا الكلية المهم ان أصعب حاجة فى الحاجات دى كلها هو الcourse و الrelation لأى عصب أو شريان وياريت تعتمد على الصور و تحاول ترسم كل حاجة فى دماغك و متحاولش أنك تذاكر كل التفاصيل بتاعة كل الشرايين و الأعصاب اهتم بالحاجات الكبيرة & 6 spaces يعنى يا اما تكون فتحة أو منطقة معينة أو أى حاجة بتدرس فيها * boundary ايه هى حدود الحاجة دى * floor and roof ايه هو سقفها و ايه اللى بيعمل الأرضية!! * contents المحتويات بتاعتها & 7 organs الأعضاء * site بتدرس مكان العضو بالنسبة للعضم و بالنسبة لغيره من الأعضاء * relation علاقته مع باقى الأعضاء * blood supply ايه اللى بيديه الدم و ايه اللى باخد منه * lymphatic drainage أنا بصراحة مش عارف معناها بالعربى بس دى من الحاجات الصعبه فى التشريح الا لو فهمت القاعدة فى أماكن الليمف بتاعها بيمشى مع الشريان و فى بيمشى مع الوريد هتستنتج الحاجات دى بنفسك *nerve supply ايه الأعصاب اللى بتغذيه طبعا دى الحاجات الأساسية المشتركة بين كل المواضيع وهتجد فى كل موضوع نقط زيادة لكن مستحيل ماتلاقيش دول &&&&&&&&&&&&&&&&&&&&&&&&&& نبدأ دلوقتى موضعنا عن اول محاضرة اناتومى هتكون ان شاء الله عن ال Anatomical position الأوضاع التشريحية  الاوضاع التشريحية دى اهم حاجة يا دكاتره لازم تعرفها قبل ما تبدأ فى دراسة اى جزء فى الاناتومى وحتفضل معاك وتستخدمها فى الدراسة طول ما تذاكر او بتشرح الاناتومى وهى سهلة جدا ولكن لازم تستوعبها كويس علشان تفهم بعد كده موضع اى جزء بيتم شرحه فى الاناتومى.. أول حاجة طيب ايه هو اصلا الوضع التشريحى الصحيح او الطبيعى الوضع التشريحىوده متفق عليه عالميا يعنى فى اى كتاب فى اى دولة لما يقولك فى الموضع التشريحى اوThe anatomical position يقصد ان الشخص واقف ووجهه مقابل لقدام وذراعه الاتنين جنبه وكف ايده مواجه لقدام يعنى نقدر نعرفه ونقول The anatomical position: , the body is assumed to be standing, the feet together, the arms to the side, and the head and eyes and palms of the hands facing forwards يعنى بيبقى زى كده ما فى الصور   بعض المصطلحات المهمه فى التشريح Other Anatomical terms… 1- Anterior…or (ventral) وده يعنى امامى او بطنى يعنى الاقرب للجزء الامامى من الجسم يعنى نقدر نقول Closer to the anterior surface (the front) of the body ***** 2- Posterior…or(dorsal) يعنى خلفى او ظهرى يعنى الاقرب لظهر الجسم Closer to the posterior(the back) of the body ***** 3- Superior.= upper يعنى فوق او الاعلى يعنى اقرب لرأس الجسم Nearer to the head of the body **** 4- Inferior = lower يعنى تحت او االاسفل واقرب للرجل Nearer to the feet **** 5- Medial … يعنى الاقرب لخط المنتصف Nearer to the midline ويقصد بيها مش انها الاقرب مطلقا ولكن الاقرب بالنسبة لنقطة تانية ***** 7- Superficial… سطحى يعنى Nearer to the Skin **** 8- Deep.. وديه معانها الاعمق او عميقة او لو مقارنة بين نقطتين حتبقى ال Deeper الاكثر عمقا يعنى او الابعد من السطح Away from the skin **** 9- Proximal… يعنى الاقرب لمنشئ الشئ معلش معناه مش واضح اوى بس لما تمشى فىا لاناتومى شوية حتفهم يعنى ايه المنشئ وكده يعنى نقدر نقول مؤقتتا Closer to the origin of the structure **** 10- Distal.. وده عكس المصطلح السابق يعنى الابعد من منشئ الشئ Further away from the origin of the structure معلش ممكن المصطلحين الاخرنين دول مش واضحين اوى بس ممكن نعرفهم كده اسم حاليا لحد ما نمشى شوية فى ا لمنهج ونعرف العضلات ومنشأها وكده وساعتها حتفهموها على طول 11- Median… واخدين بالكم ديهMedianوليستmedial وده يعنى فى النصف بالظبط ومش شرط فى النصف بالظبط يبقى فى خط المنتصف عموما ولكن خط المنتصف بالنسبة للجزء اللى بنتكلم فيه يعنى لو بتكلم فى الذراع مثلا وقلتmedian يبقى قصدى فى نصف الذراع بالظبط.. وان شاء الله هتفهموها كويس لما تدخلوا الكليه وتشوفو الامثله على كده 12- Intermediate… ومعناها يعنى حاجة وسط بين حاجتين تانين يعنى لو عندنا مثلا 3 طبقات فوق بعض اقدر اقول ان الطبقة اللى فى النصف intermediate بالنسبة للطبقتين الاخرتين يعنى Between 2 other structures 13- External… يعنى من بره او من الخارج يعنىoutside 14- Internal… يعنى من الداخل من جوه يعنى inside حتى تلاقى عندنا تخخص الباطنة بيسموه Internal medicine على اساس ان معناها باطنى يعنى 14- Supine… يعنى كف اليدthe palm of the hand مواجه للامام زى كده فى الوضع التشريحى بالظبط ده بيسموهSupine 15- Prone ده بقه العكس لو كف اليد مواجه للخلف يعنى عكس عن ما فى الوضع التشريحى ده بيسموهProne 16- Cephaled… وده يعنى الاقرب لرأس الانسان المقطعCephal ده اصلا يعنى بيشير للhead Toward the head وبنستخدم المصطلح دا اكتر فى الEmbryology17- cuadad.. وده عكسه ومعناها الاقرب لنهاية الجسم وايضا بنستخدم المصطلح دا كتير فى الToward the tail or the feet. Embryology . _________ و يلا معايا كده ممكن نعمل تلخيص لكل الى قلناه Anterior .. أمامي Posterior.. خلفي ——- Distal..بعيد عن Proximal.. قريب من بطني ——- Superior..علوي Inferior.. سفلي ——- Lateral.. جانبيا ( بعيد عن الخط الذي ينصف الجسم طوليا) Medial.. داخليا ( بالقرب من الخط الذي ينصف الجسم طوليا ) ****************************** ********************* اخر حاجه قبل ما نختم المحاضره دى عاوزين نلقى نظره سريعه على حاجه هامه لتقسيم الجسم تشريحيا اسمها Anatomical Planes ودى عباره عن اربع أنواع #FRONTAL و ده بيقسم الجسم لجزء أماميAnteriorو جزء خلفيPosterior …….. #(MEDIAN (midsagittal و ده بيقسم الجسم لجزء Rightو جزءLeftمتساويين ……. #HORIZONTAL و ده بيقسم الجسم لجزء علويSuperiorو جزء سفليInferior ………. #SAGITTAL و ده أيplaneموازي للـmedianplane ….. و دي صور لتوضيح الـ Anatomical planes   ارجوا من الله تعالى ان تكونوا قد استفدتم من هذا الموضوع وربنا يوفقكم وينفع بكم يارب ويهديكم الى طريق الفلاح والنجاح وختاما: استودعكم الله والسلام عليكم ورحمه الله وبركاته عيد سعيد عليكم جميعا وكل عام وانتم بخير
__________________
((كلا ان معي ربي سيهدين))
|
|
#28
06-09-2010, 02:43 PM
|
|||
|
|||
|
حلو الكلام ده يا دكتور .... ربنا يجازيك خير وفعلا هو ده اول درس هناخده في الاناتومي في بداية الدراسة ^^
وياريت من كل الطلبة الي داخلين أولى يقروه عشان ده اول حاجة هناخدها اهوه يكون عندهم فكرة ^__^
__________________
|
|
#29
09-09-2010, 10:01 PM
|
||||
|
||||
جزاك الله كل خير
بصراحة مش عارفة اقولك اية شرح فوق الوصف ايواا انا عايزة حاجة بالعربى كدا عشان نفهم لان الملفات كلها كانت بالانجلش ومفهمتش حاجة بس كدا سهلتها عليا ربنا ينورلك طريقك وف انتظار المزيد وكل عام وانتم بخير 
__________________
طب اية اللى انت جاى تقول عليية..!! انت عارف قبله معنى الطب اية..!!
|
|
#30
17-09-2010, 12:48 AM
|
|||
|
|||
السلام عليكم يا جماعه انا داخله اولي طب عين شمس وانا خاااااااااايف جدا من الانجلش
انا حاسه اني نسيت كل حاجه خدتها فيهامال هعمل اي اما تبقي الدراسه كلها بيه لا ومش اي دراسه دي مصطلحات وحركات  شكلنا هنتحرم من كل وسائل المتعه......هنتظبط يا دكتره
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:28 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
