نظام إمتحانات القدرات 2023 (فنون جميلة/تطبيقية/تربية فنية/نوعية) كل ماتريد معرفته هنا حصرى ومتجدد

[zamalek1]

فنون عمارة بتاخد من كام تقريبااااااااا ومن رايك حضرتك اخد دلوقتى القدرات والامتحان بيكون
مع امتحانات الثانوية العامة ولا
بعد امتحانات الثانوية ولا
بعد النتيجة
بعد التنسيق
ولا بعد ما مجموعى يجيب فنون عمارة
وفى معهد اللى انا باخد فى فيزياء عملين فى حجز لفنون عمارة ادخلها واروح امتحن ولا لازم احضر فى الكلية ؟؟؟؟؟؟؟

[eng.nana]

فنون عمارة بتاخد من كام تقريبااااااااا ومن رايك حضرتك اخد دلوقتى القدرات والامتحان بيكون
مع امتحانات الثانوية العامة ولا
بعد امتحانات الثانوية ولا
بعد النتيجة
بعد التنسيق
ولا بعد ما مجموعى يجيب فنون عمارة
وفى معهد اللى انا باخد فى فيزياء عملين فى حجز لفنون عمارة ادخلها واروح امتحن ولا لازم احضر فى الكلية ؟؟؟؟؟؟؟[/quote]

فنون عمارة السنه اللى فاتت خدت حد ادنى من 93.5%وهى عامة تقريبا نفس مجموع هندسه وفى سنين كانت اعلى منها وفى سنين كانت اقل منها وممكن تبدا دلوقتى القدرات على مدار السنه والامتحان بيبقى بعد امتحان الثانويه العامه وبعد ما نتيجتك تظهر بس قبل ما نتيجه التنسيق تظهر يعنى انت وانت رايح تمتحن هتبقى عرفت نتيجتك لكن مش هتبقى عارف لو كنت جايب مجموعها والا لا والامتحان بيبقى فى الكليه مش فى اى مكان تانى

[zamalek1]

شكراااااااااااااااااا اوى يا بشمهندسة نانا

[posyyy]

الاحسن اني ابتدي الكورسات بعد الامتحانات علي طول و لا اعمل ايه؟ و هي الكورسات دي بتكون فين و مدتها اد ايه؟؟

[eng.nana]

المشاركة الأصلية كتبت بواسطة posyyy

الاحسن اني ابتدي الكورسات بعد الامتحانات علي طول و لا اعمل ايه؟ و هي الكورسات دي بتكون فين و مدتها اد ايه؟؟

لو عندك وقت تبدايها دلوقتى مفيش اى مشاكل ولو معندكيش وقت ممكن تبدايها بعد الامتحانات عادى بس لازم الاول تشوفى عندك اى سنتر او مركز يبقى فيه مدرس بيدى قدرات وبرده شوفى فى مدرستك لان ممكن مدرسين الرسم عندك يكونوا بيدوا قدرات فى المدرسه وبرده بيبقى فيه فى الكليه نفسها كورسات قبل متمتحنى وعدد الحصص مبيبقاش محدد على حسب النظام اللى هتمشى بيه والمدرس اللى هتاخدى معاه

[posyyy]

merciiii 2wy leky

[story.ending]

لو سمحت انا كنت عاوزه اعرف اول ما اخلص امتحان على طول اروح امتحن القدرات والمكان موجود فين بالظبط فى القاهره

[story.ending]

ده على امتحان قسم ديكور

[vray3d]

المشاركة الأصلية كتبت بواسطة vray3d

والنبى عندى سؤال مخوفنى لحد دلوقتى ..
الحمدلله نص كلامك طمنى ,, بس انا عايز اقول حاجة بس ..
انا فى تالتة ثانوى حاليا , والحمدلله ربنا مدينى موهبة انى اقدر اصمم ثرى دى ( شغاال فى المجال دا اكتر من 8 سنين ) وكنـت علمى ومع الاسف مجموعى طلع قليل ( 84% ) وحولت ادبى لأن فرصتى فيها اعلى ان شاء الله ..
تمام والحمدلله ماشى كويس فى الدرااسة وربنا يسهلها يارب واقدر اوصل لـ فنون جميلة جامعة اسكندرية ..
السؤال بقى ,, انا سمعت ان فيه تنسيق داخلى تانى جوة الجامعة عشان تدخل هندسة ديكور ,, او بمعنى تانى ..
بياخدوا بالأولوية للى درجاتهم اعلى ..
انا مش فااهم .. يعنى انا لو مثلا جبت 90% فى مجموع السنتين .. وربنا كرمنى ودخلت جامعة اسكندرية .. هل دا معناه ان هندسة ديكور متوفرة لى ؟؟

وربنا يكرمك يارب
هشـام ..

ممكن رد على سؤالى بعد اذنكم !

[eng.nana]

المشاركة الأصلية كتبت بواسطة vray3d

والنبى عندى سؤال مخوفنى لحد دلوقتى ..
الحمدلله نص كلامك طمنى ,, بس انا عايز اقول حاجة بس ..
انا فى تالتة ثانوى حاليا , والحمدلله ربنا مدينى موهبة انى اقدر اصمم ثرى دى ( شغاال فى المجال دا اكتر من 8 سنين ) وكنـت علمى ومع الاسف مجموعى طلع قليل ( 84% ) وحولت ادبى لأن فرصتى فيها اعلى ان شاء الله ..
تمام والحمدلله ماشى كويس فى الدرااسة وربنا يسهلها يارب واقدر اوصل لـ فنون جميلة جامعة اسكندرية ..
السؤال بقى ,, انا سمعت ان فيه تنسيق داخلى تانى جوة الجامعة عشان تدخل هندسة ديكور ,, او بمعنى تانى ..
بياخدوا بالأولوية للى درجاتهم اعلى ..
انا مش فااهم .. يعنى انا لو مثلا جبت 90% فى مجموع السنتين .. وربنا كرمنى ودخلت جامعة اسكندرية .. هل دا معناه ان هندسة ديكور متوفرة لى ؟؟

وربنا يكرمك يارب
هشـام ..

بص انا المعلومات اللى عندى ان فعلا قسم ديكور ليه تنسيق داخلى بالنسبة لادبى وبياخد اعلى من تنسيق الكليه نفسها يعنى يشوفوا اعلى المجاميع وياخدوها انما بياخد من كام بقى فانا فنون عمارة ومش هقدر افيدك فى المعلومة دى وبالنسبة ل90% ده بقى على حسب المجاميع ساعتها هتبقى عاملة ازاى

[vray3d]

ربنا يكرمك ياارب ,, هو انا حاطط فى دمااغى ان شاء الله انى اجيب اعلى من مجموع الكلية .. انا سمعت انها السنة اللى فاتت واخدة من 90 ,, فـ ع الاقل لازم اجيب 91% عشاان يبقى ليا الاولوية لدخولها .. صح ولا انا غلطان ؟
واسف جدا على ازعاجكم

[jasytaha]

يا جماعة فى ناس بتقول ان الديكور من ادبى فى **** بس وناس بتقول انها فى جميع الجامعات ماعدا حلوان نفسى اعرف عشان استقر انا فى تانية ثانوى وعايزة احدد هدف ارجوا الرد

[jasytaha]

ياجماعة انا عندى سؤال محيرنى جامعة فنون جميلة القاهرة ممكن ادخل قسم الديكور من ادبى ولا لا انا فى تانية ثانوى ادبى وعايزة احدد هدفى الرجاء الرد سريعا

[eng.nana]

المشاركة الأصلية كتبت بواسطة jasytaha

ياجماعة انا عندى سؤال محيرنى جامعة فنون جميلة القاهرة ممكن ادخل قسم الديكور من ادبى ولا لا انا فى تانية ثانوى ادبى وعايزة احدد هدفى الرجاء الرد سريعا

للاسف فنون جميله حلوان مش بتاخد ادبى فى ديكور يعنى لازم تبقى واخده فيزياء وكيمياء لكن ينفع فى اسكندريه انما الباقى معرفش

[BeboDiab]

ميرسى على الشرح