بماذا تفسر!

[وليد زكير]

وردا اخرا بخصوص سيطرة المديرين على صغار المدرسين لابد لنا من وقفة

[smsma81]

علي العموم يا جماعه .انا استنفذت الطاقه بتاعتي في السياسه وبعدين خناق .قانوني لدرجه اني ماسكه عليهم نقط الواحده فيهم توديهم ورا الشمس قرنين .وبحاول في النقل من المدرسه .والموجهه بتاعتي الحمدلله فعلا نوت علي تلبيث الجدول للمدرسه .
انا بس حبيت اخد رايكوا عشان في وقت .حسيت اني اللي بعمله من اني اشتكيهم انا بس لوحدي اللي غريبه في المجتمع .ولاني الصراحه مبحبش ابقي سلبيه في بعض المواقف زي بعض الناس من زملائي .
جزاكم الله خيرا .دنيا ودين

[المفكرة]

في أول السلم المهني قدر عجيب من الشقاء حتى تمكنت كل منا من الوقوف على قدميها.
اصبري و احتسبي و إن استطعت الإنتقال لمدرسة أفضل أو أقرب لمنزلك أو الإدارة فيها أكثر اهتماما بالمدرس و العمل يكون أفضل لك و إلا ففرج الله قريب ، أعلم ذلك عن يقين.
وفقك الله لما يحب و يرضى.

[توتا25]

المشاركة الأصلية كتبت بواسطة smsma81

علي العموم يا جماعه .انا استنفذت الطاقه بتاعتي في السياسه وبعدين خناق .قانوني لدرجه اني ماسكه عليهم نقط الواحده فيهم توديهم ورا الشمس قرنين .وبحاول في النقل من المدرسه .والموجهه بتاعتي الحمدلله فعلا نوت علي تلبيث الجدول للمدرسه .
انا بس حبيت اخد رايكوا عشان في وقت .حسيت اني اللي بعمله من اني اشتكيهم انا بس لوحدي اللي غريبه في المجتمع .ولاني الصراحه مبحبش ابقي سلبيه في بعض المواقف زي بعض الناس من زملائي .
جزاكم الله خيرا .دنيا ودين

مجتمع المدرسة مجتمع مختلف فيه الشىء وضده او عكسه يعنى قيود ولا قيود عدل وظلم حق وباطل تشكيله من البشر غريبة ويا ما عدت عليا مواقف وحوادث وقرارات وخناقات لدرجة ان فى لحظة اكتائبت فعلا بس ايقنت ان من لدية السلطة هو الزعيم ومهما اتعصبت مفيش اى تغير


وده حالكل الناس لو راعوا العدل المساوه والعناية فى اختيار المسؤولين ويكون على اساس العلم والدراى بدلا من العمر وهو ده الغباء بعينه

صبرا وصبرا ولو انتى مدرسة انصحك بالتزام الهدوء والعقلانية والدبلوماسية

[سهةخ85]

نفس الكلام دة بالظبط في المدرسة عندي
اصبر واحتسب عند الله كلنا في الهوا سوا
اكفل متعاقد في بيتك تدخل به الجنة

[smsma81]

المشاركة الأصلية كتبت بواسطة smart_trueman2000

حسبنا الله ونعم الوكيل !!!!!!!!!!!!!!!!!!!!!!!

شكرا علي المرور والرد الكريم

[smsma81]

المشاركة الأصلية كتبت بواسطة سهةخ85

نفس الكلام دة بالظبط في المدرسة عندي
اصبر واحتسب عند الله كلنا في الهوا سوا
اكفل متعاقد في بيتك تدخل به الجنة

شكرا علي المرور والرد الكريم .تعاطفك واحده مش كفايه .اتبرع بلو شكوه للوزير

[smsma81]

المشاركة الأصلية كتبت بواسطة توتا25

مجتمع المدرسة مجتمع مختلف فيه الشىء وضده او عكسه يعنى قيود ولا قيود عدل وظلم حق وباطل تشكيله من البشر غريبة ويا ما عدت عليا مواقف وحوادث وقرارات وخناقات لدرجة ان فى لحظة اكتائبت فعلا بس ايقنت ان من لدية السلطة هو الزعيم ومهما اتعصبت مفيش اى تغير


وده حالكل الناس لو راعوا العدل المساوه والعناية فى اختيار المسؤولين ويكون على اساس العلم والدراى بدلا من العمر وهو ده الغباء بعينه

صبرا وصبرا ولو انتى مدرسة انصحك بالتزام الهدوء والعقلانية والدبلوماسية

شكرا علي الرد والنصيحه الغاليه .

[أ/محمد على عاشور]

مع عقود الغربيه بس

[smsma81]

المشاركة الأصلية كتبت بواسطة المفكرة

في أول السلم المهني قدر عجيب من الشقاء حتى تمكنت كل منا من الوقوف على قدميها.
اصبري و احتسبي و إن استطعت الإنتقال لمدرسة أفضل أو أقرب لمنزلك أو الإدارة فيها أكثر اهتماما بالمدرس و العمل يكون أفضل لك و إلا ففرج الله قريب ، أعلم ذلك عن يقين.
وفقك الله لما يحب و يرضى.

شكرا المشكله اصبحت تفائل بمرورك عليها

[smsma81]

شكرا علي الردود التي اسعدتني وافادتني كثيرا .

[eva2010]

الكلام ده بيحصل معانا كلنا بس بشكل مختلف عندنا سيادتك نفس التفرقة بس بالعكس احنا اللى بالعقد اكفء مليون مرة من الاساسى اللى حاليا بيخلى المتعاقد يشتغل مكانه وطبعا انا باتكلم عن شغل الكنترول عندنا بأمانة مفيش مدرس اساسى نزل اسمه تصحيح او مراقبة ولو قلت اشمعنى يقولك اصلو انتو شباب وفلان ده هايعك ( اسفة فى اللفظ ) والشغل يتلخبط وفى الاخر تعب ليكم وكتير .. اضحككم اكتر فترة امتحانات ال icdl المدير قال دى مش جهه رسمية ورفض يدينى خط سير المهم تغيبت وخلصت كل اجازاتى فى حين ان بنته محدش بيشوفها ولو عايز تقول اشمعنى اتفضل وانت الخسران لان مفيش صوت يسمع وكتير وكتير وكتير وربنا وحده هو ياخد حق المظلوم

[MR : ABO BATTA]

المشاركة الأصلية كتبت بواسطة smsma81

بماذا تفسر ما ياتي
لما تكون متعاقد في مدرسه وفجأه تلاقي نفسك شايل حصص احطياطي بالكوم من غي ما تمضي عليها عشان الناس دول مش متسجلين في الدفتر بتاع الاحطياطي ولا يمكنك الاعترااض.
ولما يكون المدرسه فيها فرق بين المدرس المثبت والمتعاقد من حيث انه هو يغيب وانت تشيله والعكس غير صحيح ولو المدرس الاساسي غاب وانت كمان غبت عارضه تبقي كارثه .ليك مش ليه من قبل اداره المدرسه انت لسه شباب .
طيب حد يقولي حاجه تانيه لما واحده تاخد اعتيادي من المدرسات المتعاقدات تربيه رياضيه واللي مضتلها زميله تطوير تعاقد برضه
ينفع تنزل في دفتر الاحطياطي ؟واللي يشلها تربيه فنيه
طيب لما يكون المدرسه 6فصول وفيها 12تعاقد غير الاساسي من المدرسين 15 تقريبا ويمكن ازيد غير الاداريين بالمدرسه .والامتحانات زي ما انتوا عارفين في الابتدائي الصبح اولي وتانيه في نفس اللجنه وبعد الضهر رابعه وخامسه ي نفس الجنه وفجأه بدون سابق انذار تلاقي نفسك مراقب علي اولي وتانيه وبعدين تصحيح اولي وبعدين مراقب رابعه وخمسه وبعدين تصحيح رابعه ايه قراءه وانت تربيه فنيه ! يعني انت واخد سؤال القراءه ومطلوب منك متمشيش علي نموذج الوزاره تكون رؤف بالطلبه
يعني الطالب كاتب معني من معاني الكلمات شبه نموذج الوزاره عديها وادي الدرجه .طيب ما تحط ما درس عربي يا باشا دي التربيه الفنيه دي اصلا حضرتك مش معترف بيها .يعني خرجين من علي الرصيف وكمان تعاقد (فجأه بقوا بيفهموا)
وبعدين يا جماعه تلاقي مفيش مراقبين وكلهم مشيوا مجملات والواحد من الساعه تمنيه الاربع وروح اربعه ونص ومقعدش لحظه يبقي حالته ازاي في دماغ يفكر .يرد ازاي علي وكيل ولا مدير ؟
ده طبعا غير الناس المكفأه الشامله اخوتنا بيقبضوا مش كل شهر .لا كل شهرين تقبض شهر!فوق الشغل الكتير ولما يلموا فلوس الجوده ندفع زينا زي المدرس اللي بياخد ارقام غريبه ده
يعني هو يدفع 10جنيه احنا زييه .يدفع 20زييه حتي مش يعملوها نسب
والله يا جماعه انا مش عارفه الحاجات دي بتحصل مع عقود الغربيه بس ولا انتوا كمان ؟وبعدين رد فعلكوا بيكون ايه؟
يعني انا الصراحه مقدرتش امسك نفسي من الانفعال وانا طالعه من مراقبه لتصحيح .ومردتش امضي علي دفتر الكنترول بتاع التصحيح والناس مش موجوده بحجه ان عندهم عيال .وكنت ماشيه وزيي ما تيجي بس زميلي الاخصائين الاجتماعين بالمدرسه الكبار وقفوني ودخلت التصحيح .رغم ان احنا قانوني ملناش تصحيح !
طيب لو حد فيكوا مكاني حيعمل ايه علي العلم ان كل واحد بالعقد بيمشي مصلحته مع الاداره بطريقته .يعني مش بيجتمعوا علي رايي .
انا عايزه ردود الافعال في المواقف دي .طبعا المدرسه فيها كتير

الإجابة
يبقى أنت أكيـــــــــــد في مصـــــــــــــــــــر
بس برضه انت عليك مسئولية
فين موقفك أخي الكريم لازم ترفض الأوضاع الخاطئة

[hamadazeny]

بسم الله الرحمن الرحيم

الاجابه










العيب فى اداره المدرسه السيئه

[زكريا مختار]

انا بقي موضوعي اكبر


انا متعاقد فيزياء

استغلت حتي الان في 4 معاهد
وانا الان في معهد يبعد عن منزلي ب 20 كم
اركب لة 3 موصلات
بمبلغ 5 جنية يوميا

والموجة وحدة ست الكلام معاها صعب جدا وشرسة جدا

انت متعاقد باستاذ عارف يعني اية

يعني لسد العجز مكان العجز نروح

قولت نقسم البلد بالنصف

انا يوم واي زميل يوم اخر
ولكن بدون جدوي


وانا الان مبلغ مرضي للهرب منا اريح اسبوع


وربنا يستر لما ارجع