اكسب وقتك ناوى على ايه ؟!!

[Observer]

بعد ما اجتزنا اختبار الكادر

ومعظمنا نجح وجاب ال ICDL من ديله والحمد لله

يقدر حد يقولى عملنا ايه من شهر 11 اللى فات

أكيد كلنا بنعمل حاجة من التلات حاجات دول او التلاتة مع بعض

مستنيين التثبيت وبنقول امتى يحصل

بندخل هنا ونقول هاااا مفيش اخبار يا جماعة

أو بندعى عالحكومة بالستر وراحة البال

عشان كدة جاتلى فكرة جميلة وايجابية احسن من اللى احنا فيه دلوقت

الفكرة تتلخص ان كل واحد فينا يجتاز دورة فى مجال تخصصه
أو يدرب نفسه على امتحان التويفل وياخد الشهادة
او ينمى قدراته فى مادته ويذاكر فى المنهج العلمى اللى بيدرسه
أو حتى يقول فكرة مفيدة ممكن نعملها كلنا وتبقى الإفادة للجميع

لكن هنفضل نبكى ونشكى وحاطين ايدينا على خدنا فده مش عملى

ومش هيجيب نتيجة للأسف

ده غير الوقت اللى بيضيع هدر والإحباط المخنق

المخنق دى بتاعتى

وكمان جربنا نكون ايد واحدة ونقول لأ
لكن للأسف فشلنا فى بتقدير امتياز لأسباب متعددة
كلنا عارفينها وحافظينها ومش لازم نقولها من تانى

فمارأيكم دام فضلكم ؟!!