لتكونى أجمل...............

[شموخ مسلمة]

السلام عليكم و رحمة الله و بركاته

ازيكم يا بنوتات يا قمامير عاملين ايه؟ ايه اخباركم؟ يارب تكونوا بخير

النهاردة بقى هعملكم موضوع يارب يعجبكم
هو هيبقى عبارة عن موسوعة كاملة للجمال و العناية بالبشرة سواء ماسكات للتبيض او للنضارة يعنى ممكن تسموها موسوعة الجمال و هحطها ع اجزاء و هحاول اجيبلكم كل حاجة عن البشرة و باذن الله هتستفيدوا
و اى بنوتة عايزة اى ماسك تقولى و باذن الله اجيبه ليها
مبدأيا هكلمكم عن أنواع الجلود (البشرة) و طرق العناية بها:

1 - البشرة العادية :

أصحاب هذه البشرة من المحظوظين لأن الجلد العادى لا يتوافر للكثيرين و البشرة العادية هى البشرة المعتدلة فى افرازها للدهون ,فيظهر الجلد طريا لدنا ليس له ملمس خشن او منظر زيتى ووفقا لذلك تخلو البشرة العادية من الرؤوس السوداء و المسام الواسعة و قلما تتعرض للاصابة بحب الشباب
طرق العناية :

لا تحتاج البشرة العادية الى طرق عناية خاصة . و لكن كل ماتحتاجه هو الحرص على ان لا تتحول الى بشرة جافة بكثرة الغسيل بالماء و الصابون . فيكفى غسل البشرة العادية فى الصباح و قبل النوم باستخدام صابون جيد او باستخدام كريم او سائل للتنظيف . و امزيد من العناية تستخدم مرطبات البشرة و الاقنعة المغذية من وقت لاخر على ان تكون جميعها من الوسائل الطبيعية مع تجنب استخدام الكريمات و الدهانات المحتوية على مواد كيماوية لانها تعرض البشرة للاضرار.

2- البشرة الجافة :
و هى البشرة التى يقل بها افراز الغدد الدهنية فتبدو خشنة مفتقدة للبريق و الحيوية و قد تصاب بالقشف فى حالات الجفاف الشديدة كما انها اكثر تعرضا للحساسية و الالتهابات الجلدية لذلك ينبغى الحذر من وضع اى مساحيق قبل التاكد من ملاءمتها للبشرة و الا قد تؤدى لالتهاب الجلد.

طرق العناية :
1- يجب تجنب الاتى :
*كثرة استعمال الصابون .. فيكفى غسل الوجه مرتين يوميا على الاكثر و يفضل استعمال صابون يحتوى على زيت الزيتون او الجليسرين كما يجب أن يشطف الوجه شطفا جيدا للتخلص من اثار الصابون تماما
*استعمال الماء الساخن ..فيغسل الوجه بالماء البارد او الفاتر
*كثرة التعرض للهواء الجاف سواء الحار او البارد
*وضع مساحيق على الوجه قبل التاكد من ملاءمتها للبشرة و يجب عدم بقاء الماكياج على الوجه لفترة طويلة.2- يمكن الاستغناء عن الماء و الصابون و استعمال احد المنظفات من الكريمات او السوائل التى يدخل اللبن فى تركيبها او الاعتماد على احدى الوسائل الطبيعية لتنظيف البشرة
3- يفضل عمل قناع منظف اسبوعيا للتخلص من القشور الجلدية و اكساب الجلد المرونة و الرطوبة .. و يفضل الانواع التى يستخدم فيها لبن الزبادى
4-يفضل دهان الوجه بعد الاستحمام بطبقة خفيفة من زيت الزيتون و دهانه كل مساء بجليسرين مضاف اليه ماء ورد بنسبة 10 الى 1 .. لتخفيف لزوجته و التغلب على رائحته
5- يجب عدم اهمال تناول كميات كافية من الماء يوميا

كده فاضل نوعين من البشرة هبقى اكتبهم فى رد تانى عشان الموضوع مش يبقى كبير و بعد مااكتب النوعين بتوع البشرة هجيبلكم حاجات فى منتهى الجمال بس مش هقول عليها دلوقتى :D تابعو الموضوع بقى و بامانة باذن الله يبقى موسوعة لجمالك