الدبلومة المهنية ببني سويف 2014

[مروة يحى]

هى المواد العملى اية ومواعيده اية

[محمد رمضان عمار]

لسه مواعيد العملي منزلتش وتقريبا هتنزل الترم الثاني

[عاشور111]

الدكتورة سهام قالت لنا فى المحاضرة : انه يوم 19/12 سيتم عمل وتجهيز لجان الامتحانات نصف العام لطلاب الكلية وبالتالى لن يكون هناك أية محاضرات بالكلية لطلبة الدبلومة ، أى ستكون أجازة لنا الى ما بعد انتهاء الامتحانات التى سوف تبدأ يوم 29/12 ، وكمان فيه نشرة معلقة بالكلية بأن الدفعة الأولى من الكارنيهات سوف تسلم يوم 10/12 الثلاثاء بمبنى المعامل بالكلية القديمة شارع صلاح سالم الساعة 12 ظهرا ، وياريت أكون أفدتكم ولكم جزيل الشكر

[محمد رمضان عمار]

شكرا لك استاذ عاشور وبالطبع منشوراتك تفيد الجميع

[عصام جاد 79]

عايزين نعمل صفحة على الفيس باسم الدبلومة المهنيه تخصص مناهج اللى موافق

[ابونرمين]

كل الجهود مشكوره
وعاوزين نعرف مين من حضراتكم شعبة(التخطيط التربوى وأقتصاديات التعليم)

[عاشور111]

ذهبت اليوم الى بنى سويف ،وقابلت بعض الزملاء فى الكلية ، لكن اعتذر الدكاترة عن محاضرات اليوم

ولم يحضروا بسبب سوء الأحوال الجوية،علمنا أن آخر يوم فى المحاضرات هو يوم الخميس 19/12

[عصام جاد 79]

استاذ عاشور انت فين

[عاشور111]

أنا تحت أمركم دائما ، معلهش كنت مشغول جدا بالمدرسة تجهيز امتحانات نصف العام والكنترول، ولكن أنا معكم دائما ، ذهبت الى بنى سويف يومى الأحد والأثنين وأخذنا محاضرات ( أساليب تدريس ) للدكتورة مديحة وكانت الدكتورة لذيذة جدا معانا وكل اللى يجاوب يأخذ درجات ،وطلبت مننا الدكتورة بحث نجهزه فى فترة الاجازة لأنها كانت اخر محاضرة لها حتى العودة بعد انتهاء امتحانات نصف العام لطلاب الكلية، والبحث يكون باللغة الانجليزية عن اساليب التدريس والمدرس والتلميذ

[عصام جاد 79]

يعنى مفيش محاضرة الاثنين القادم

[عاشور111]

مفيش محاضرة أساليب تدريس لكن فيه محاضرة (تقويم ونظم امتحانات ) للدكتور محمود نصر وهتكون فى الساعة الثانية والنصف فى الكلية القديمة بشارع صلاح سالم فى مدرج 3 ، وذلك يوم الأثنين القادم وطلب مننا الدكتور تحليل وحدة من الكتاب المدرسى لأى صف من الصفوف على حسب تخصص كل واحد منا وذلك فى ورقة فلوسكاب ، حيث يتم تقسيم الورقة الى ثلاثة أجزاء رأسية من أعلى الى أسفل ويكتب فى الجزء الأول المفاهيم والجزء الثانى المبادى ( القواعد ) والجزءالثالث المهارات ، وقالنا : ان اللى ما يجبش هذا التحليل معه يعتبر غائب واللى يغيب اكثر من نصف المحاضرات لن يدخل الامتحان ولو لف حول نفسه مهما عمل ، ويا ريت أكون أفدتكم واىاستفسار أنا تحت أمركم ولكم جزيل الشكر

[محمود ابو سويلم]

ياجماعه حد شعبة تربيه خاصه

[عاشور111]

ذهبنا اليوم الى الكلية واخذنا محاضرة تخطيط مناهج ، وكانت آخر محاضرة فى الترم الأول وتبدأ المحاضرات فى يوم 2/2 باذن الله تعالى ، و انت يااستاذ عصام جاد عامل ايه افتقدناك فى محاضرة اليوم ، فهى كانت محاضرة لذيذة والدكتور عبدالرحمن كان مرح جدا معانا وقضناها ضحك وهزار

[عصام جاد 79]

كان عندى اكثر من حقنه مينفعش اسيبه وان شاء الله نلتقى فى الترم الثانى

[عاشور111]

نلتقى على خير باذن الله ، المهم سلملى على محمد سعيد و عماد ، هتوحشونى أوى ، وخلينا على تواصل دائما ، لأنكم من الناس اللى بعزهم أوى .