هطلع ايه لو دخلت كليه العلاج الطبيعى ؟؟؟

[كيميائي طبي2011]

المشاركة الأصلية كتبت بواسطة fantazia22

ليه العنف ده ! ... بهزر ... بس شيفاك متعصب شوية ع بتوع طب

لو دخلت علاج طبيعي او علوم وبقيت اخصائي علاج طبيعي او اخصائي تحاليل طبية
هتعرف عنف بتوع طب ضدك ساعتها هتبقي اعنف من كده

[Dr_Mohamed_LFC]

دى احسن كلية بجد هتبقى دكتور علاج طبيعى شغلها كتير و الساعه ب 3 جنية والحسابة بتحسب

[artistgirl]

انا كتبتها برضوا بعد صيدله واسناااان انا جايبه 95.6 بس المشكله انى من اسكندريه يعنى هتغرب

[رامى قشوع]

المشاركة الأصلية كتبت بواسطة artistgirl

انا كتبتها برضوا بعد صيدله واسناااان انا جايبه 95.6 بس المشكله انى من اسكندريه يعنى هتغرب

انا برده كاتبها بعد الصيدله مع انى كان نفسى اكتبها قبليها لولا ضغط الاهل عليا برده لانى فى اسكندريه وهعد 5 سنين ف القاهره

[zidan2011]

المشاركة الأصلية كتبت بواسطة نسمه يسرى

بص يارامى انا كتبت الرغبات والله صعب عليا اكتب العلوم فى الاول لان اجيب9608 وادخل علوووووووم غير كده بيقولوووووا انها صعبه
وسمعت ان انك تبقى دكتور تحاليل اتلغت من علوم فاخرها ايه ابقى مدرسه
كتبت صيدله الاول وانشاء الله ربنا يكرمنا حتى نلحق اسيوط
وبعدين كتبت علاج طبيعى (اوك فى البيت رفضين علاج طبيعى) بس حاسه انى مرتحاله وليه فرص عمل حلوه بالمستشفيات والتاهيل للعيبه الكوره وال عندهم كسوررر وكده

وممكن تبقى دكتور تخسيس ودول شغلهم عشره على العشره

وبعدين كتبت بطرى
لو انت حابب مهنه الطب عامه متخليش حد ياثر عليك وادخل اى كليه طبيه حتى لوكانت بطرى
ده مستقبلك وانت ال هتعيشه مش حد تانى

سورى طولت عليك

العلاج الطبيعي مستقبله افضل من الطب البشري وانا أخصائي طب بشري وحاصل على الماجستير في جراحة المسالك وأعمل خارج مصر من 20 سنه والدول المحترمة العلاج الطبيعي قسم متكامل مستقل بذاته وخريج العلاج الطبيعي فى مصر له تكليف ولهم تخصصات ولهم عمل داخل وخارج مصر ودراستهم على أعلى مستوي يكفي أن علاج طبيعي مصر الثالث عالمياً بعد أمريكا وكندا المشكلة فى نقيب الأطباء حمدى السيد اللى رافض يعطيهم لقب دكتور وهذه مسألة شخصي والمفروض لقب دكتور لا يعطي حتى لخريج طب بشري لآنه لقب يعطي لكل الحاصلين على الدكتوراه منجميع الكليات أما المفروض هو طبيب وطبيب اسنان وصيدلاني واخصائى علاج طبيعي بس فى مصر الناس مسمين هذه الكليات كليات القمة ولو سافروا للخارج هيعرفوا إن كل الكليات قمة إذا تخرج منها كفاءات مش دبلومات تجارة يبيعوا فى الصيدليات وصيادلة بيفتحوا خراريج ويخيطوا جروح ويكشفوا على المرضى وكثير من التخلف فى مصر.

[‏Dr.KaR!MaN]

علاج طبيعي إن شاء الله . . من غير كتر كلام

[mahmoud farid el_lamy]

سورى انتى انانيه جدا جدا جدا جدا

[seelvaa]

انا قبلت في علاج طبيعي القاهرة بس الكل رافض الفكرة وشايفين ان علوم او حتى تربية افضل من علاج طبيعي مش عارفة اعمل ايه

[israa_ezzat]

من فضلكم يا جماعة حد يرد عليا دلوقتى الهندسة ولا العلاج الطبيعى احسن من حيث الاسم اللى هخدة من بعد التخرج وهل فى الكلية دى بيلبسوا بلطو ابيض زى الطب

[israa_ezzat]

وهل معترفين بخريج العلاج الطبيعى بانة دكتور وهل ينفع ادخل هندسة عن طريق علمى علوم

[‏Dr.KaR!MaN]

هندسه إزاي من علمي علوم !!
لأ ماينفعش . .
وكلية علاج طبيعي كويسه جدا مش وحشه وحتة دكتور ولا أخصائي علي ما أعتقد هي لحد دلوقتي أخصائي ، وأكيد في بالطو أبيض .

[israa_ezzat]

طاب يا اخت كاريمان ايهما افضل من حيث الاسم الهندسة ولا العاج الطبيعى وهو حضرتك فى كلية اية

[‏Dr.KaR!MaN]

أنا في علاج طبيعي والله . . والبعدين علاج طبيعي من حيث الأسم والسوق كويسه جدااا.

[رامى قشوع]

المشاركة الأصلية كتبت بواسطة israa_ezzat

وهل معترفين بخريج العلاج الطبيعى بانة دكتور وهل ينفع ادخل هندسة عن طريق علمى علوم

الطريق الوحيد لدخول الهندسه من علم العلوم حسب ما اعرف الجامعه الخاصه حيث انك بتقدمى فى كليه خاصه زى فاروس مثلا وبتخدى فتره تدرسى فيها الرياضه 2 بعد كده بتخشى الهندسه

[israa_ezzat]

طاب معلش يا اخت كاريمان انا دلوقتى عاوزة اعرف بيندهولكو فى الجامعة باية وهل لما هتتخرجى هيقولولك يا دكتورة