مقدمة برمجة

[ABDSSH80]

جزاك الله خير

[eng_klose]

لآنها كلية جميلة ويوجد فيها فرص للابداع

[محمد خليفة 6]

شمعنا يعنى بتوع كلية حقوق هما بس اللى بيحبوا الكمبيوتر

وعلى العموم انا بحب الكمبيوتر اوى من زمان وانت مغلطتش

انا كان حلم حياتى انى ادخل حاسبات بس اهو نصيب بقى مش

زعلان لانى انا حابب الحاجة دى وبطور نفسى بنفسى فيها دايما

وعايز احقق الحلم اللى محققتهوش فى الدراسة انى احققة فى

شغلى ان شاء الله انا الحمد لله بشتغل فى التصميمات دلوقتى

وقررت انى اتعلم برمجة وشبكات sisco وان شاء الله هدخل امتحانها

لانى بحب الحاجة دى اوى ونفسى اكون متميز فيها واخدم بلدى

انتوا بجد فى كلية جميلة اوى واتمنالكوا التوفيق

فيها وجميل جداً شرحك ومبسط اتمنى لك ولكل الاصدقاء هنا

مستقبل مشرق ومشرف باذن الله

[ام عربى]

انا تخصصى ليس حاسبات ولكن عملى اخصائية تكنولوجيا واريد ان اتعلم بالصوت والصورةبرنامج الفيجوال باسك بأقصى سرعة لأنه يدخل فى مجال عملى

[cg man]

موضوع رائع بالتوفيق

[ROMEOOOO]

شكرا علي هذه المقدمة الممتازة

[sygma-zita]

كان حلمى من زمان كل ما باشوف لعبة على الكمبيوتر أو برنامج انى أعرف .... إيه ورا الكلام ده كله ؟؟؟
ايه اللى حصل علشان الناتج الجميل ده يطلع ؟؟؟؟!!!!!!!1
مع إنى مش باحب ألعب على الكمبيوتر ....لكن المؤثرات شدتنى أوى
قرأت اسم الكلية فى الجرنال مرة وأنا ف تالتة إعدادى .. و جمعت معلومات عنها و عرفت ان ده مطلبى
ققرت انى أكافح لحد ما وصلتلها , و أنا بطبعى لما بانوى على حاجة باعملها مضبوط أوى
و دلوقت أنا حاسبات الزقازيق
شكراً يا جماعة على حسن الإستماع

[العربي الصغير]

يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان

1000 بلغة الكومبيوتر هى ثمانية بلغة الإنسان

معلش أنا مش فاهم الحتة دي ، إزاي أعرف أقرا لغة الكمبيوتر ، يعني ليه 100 بلغة الكمبيوتر هي 4 بلغة الإنسان ، ممكن حد يوضح لي ؟؟

[ananoo]

المشاركة الأصلية كتبت بواسطة العربي الصغير

يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان

1000 بلغة الكومبيوتر هى ثمانية بلغة الإنسان

معلش أنا مش فاهم الحتة دي ، إزاي أعرف أقرا لغة الكمبيوتر ، يعني ليه 100 بلغة الكمبيوتر هي 4 بلغة الإنسان ، ممكن حد يوضح لي ؟؟

iهوة المفروض الموضوع ده كان موجود في الفصل بتاع الفزياء الحديثة في الفزياء بتاعت ثانوي بس اللي فهمته انها اتلغت
فانا هاحول اشرحلك الموضوع ببساطة

الاول عاويزن نفهم نظام الاعداد بتعانا العادي اللي بيسموه " النظام العشري " وخد بالك اوي من حتة العشري
طيب يعني ايه عشري؟
يعني ان انا عندي عشر رموز عشان اعبر بيهم عن الارقام اللي همة (1و2و3و4و5و6و7و8و9و0)
ويعني برده ان الbase بتاعي او الاساس هيبقى 10 ... طيب يعني ايه؟؟
خلينا ناخد مثال : رقم زي كدة 254
اول خانة اللي هية الاحاد لما اكون عاوزة اعرف العدد الحقيقى بتعاها بقول 4 اللي هوة نفس الرقم يعني كاني ضربت في "1"
طيب تاني خانة اللي هية فيها رقم5 لو انا عاوز اعرف قيمة العدد بالضبط بضرب الرقم في"10" عشان يبقى القيمة 50
طب وتالت خانة عشان اعرف قيمة العدد بضربه في "100 " عشان يبقى 200

وبكدة الرقم ده هيبقى عبارة عن 4 مضروبة في "1" زائد 5 مضروبة في "10" زائد 2 مضروبة في "100"

طيب اشمعنى بقى احنا ضربنا في الرقام الحمرا دي بالذات؟؟؟؟
ده لان احنا ماشيين بنظام عشري والموضوع ده جا من هنا
"1" --> 10 اس 0
"10" --> 10 اس 1
"100" --> 10 اس 2
وهكذا في الخانات اللي بعد كدة

طيب نظام الكمبيوتر شغال بالنظام الثتائي
يعني ايه ؟؟
يعني الbase بتاعي او الاساس 2
ويعني عندي رمزين بس اقدر اعبر بيهم عن الارقام اللي همة (0و1)

طيب يلا ناخد مثال: الرقم ده 100 بنظام الثنائي يبقى كام في النظام العشري ؟؟
الاول لازم نعرف كل خانة قيمتها بكام
الخانة الاولى --> 2 اس 0 يعني ==>"1"
الخانة التانية --> 2 اس 1 يعني ==>"2"
الخانة التالتة --> 2 اس 2 يعني ==>"4"
وهكذا
يبق4ى عشان اجيب قيمة الرقم (100)بالضبط هيبقى عبار عن
0 مضروب في 1
+
0 مضروب في 2
+
1 مضروب في 4
يعني الناتج النهائي يبقى كام؟؟ 0+0+4=4

طيب او عاوز اكتب رقم 5 مثلا هيبقى كدة
101
وتقدر تتاكد منها بنفس الطريقة

يارب تكون فهمت مني حاجة
لو في اي اسئلة ان شاء الله اجاوبك

[~TheGhosT~]

و أنا اللى كنت فرحان إنهم لغو الفيزياء الحديثة من عندنا
هو إحنا هنحتاج حاجات كتير منو فى الكلية ؟

[ananoo]

المشاركة الأصلية كتبت بواسطة ~TheGhosT~

و أنا اللى كنت فرحان إنهم لغو الفيزياء الحديثة من عندنا
هو إحنا هنحتاج حاجات كتير منو فى الكلية ؟

متقلقش على فكرة كله بيتشرح من الاول
وهوة اصلا الفصل كان فصل كبير اوي ورخم كويس انهم لغوه من عندكم والجزء اللي هتحتاجه منه يعتبر بسييييييييط اوي وسهل كمان

هوة بس النظام الثنائي اللي اتكلمت عنه فوق والابواب المنطقية (تقريبا ده اسمها )
وفي الكلية هيتشرح من الاول خالص

[~TheGhosT~]

طيب الحمد لله

[venuse_love2000]

معلومات جيدة و قيمة جزاكم الله خيرا

[venuse_love2000]

معلومات جيدة و قيمة جزاكم الله خيرا

[ahmed7500]

ربنا يوفقني ويوفق الجميع