استطلاع: لازم تجاوب

[ايمان4]

طبعا بنحبها واللى يقول غير كدة ميبقاش مصرى


بحبها ..

..بحبها....

....بحبها......

[soul333]

وايه الفايدة من البتاع دة
افضلكم تصوتوا علي قبول الديانة الاسلامية كديانة اساسية في المانيا
يلا بسرعة
ادخلو علي قسم وصال في موقع درر خادم الحرمين الشريفين

[زكريا مختار]

بحبها رغم اللي بيحصل فيها

[الـشـيـمـ ء ـا]

على اسم مصر التاريخ يقدر يقول ما شاء


أنا مصر عندي أحب وأجمل الأشياء


باحبها وهي مالكه الأرض شرق وغرب


وباحبها وهي مرميه جريحة حرب


باحبها ب*** وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلقيني جنبها في الكرب


والنبض ينفض عروقي بألف نغمة وضرب


على اسم مصر


النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


*****


مصر السما الفزدقي وعصافير معدية


والقلة مملية ع الشباك .. مندية


والجد قاعد مربع يقرا في الجرنال


الكاتب المصري ذاته مندمج في مقال


ومصر قدامه اكتر كلمة مقرية


قريتها من قبل ما اكتب اسمي بإيديا


ورسمتها في الخيال على أبدع الأشكال


ونزلت أيام صبايا طفت كل مجال


زي المنادي وفؤادي يرتجف بجلال


********


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج


وجميع خيوط النسيج على نبرة مربوطة


اسمعها مهموسة والا اسمعها مشخوطه


شبكة رادار قلبي جوه ضلوعي مضبوطة


على اسم مصر

[الـشـيـمـ ء ـا]

المشاركة الأصلية كتبت بواسطة soul333

وايه الفايدة من البتاع دة
افضلكم تصوتوا علي قبول الديانة الاسلامية كديانة اساسية في المانيا
يلا بسرعة
ادخلو علي قسم وصال في موقع درر خادم الحرمين الشريفين

حضرتك البتاع (الموضوع)اللى بتقول عليه اذا لو لم يكن له فائدة فمثله مثل التصويت اللى حضرتك متحمسله اوى كدة
العدد مش بيزيد عن7375
يعنى اكيد حكايه متفبركه

وكل واحد يعرف الافضل بالنسبه له من غير ماحد يقوله
وشكرااااااااااااااا

[faten forever]

أنــــــــت الحـــــــب !!

بحبك يامصر وحبك بيجرى فى دمى

وفى صمتى وهمسى بناجيكِ انتِ

ولو اتكلمت فكل حرف بينطق بحبك انتِ

لو قدرتى تسمعى نبضى هاتلاقيه بيهتف باسمك

وشريان نيلك فى دمى بيسرى ..

ولو نظرتى فى عيونى مش هتلاقى غير صورتك انتِ

طيفك دايما فى بالى وأبدا مابيقارق خيالى

******** ************ ***********

مصر نبض القلب يهواكِ ان غبت يوماً عن ناظرى فالقلب باكِ

ألا تشعرين بفيض حبى يملؤ سماكِ ؟؟

بأوتارِ القلبِ تعزف ألحانَ الشوق لرؤياكِ ؟؟

بدموع قلبٍ كم يشتاق لأن يحتضن ثراكِ؟؟

بفؤادٍ تملكتيه أنتِ واحتويتيه بهواكِ ؟؟

متملكهٌ أنتِ جوارى وفى أعماق القلبِ مرساكِ

تغفو العين والقلب ساهر يهفو اليكِ أضناه الشوق لمحياكِ

دايما ياحبيبتى بأدعيلك ورب العزه يرعاكِ

******** ************ ***********

غزلت من حبكِ حُلهً ارتداها قلبى فهى أبهى ثيابى..

ونسجت من سحركِ قصهَ عشقٍ كانت ومازالت أروع أيامى

وتوجتك ملكهً تعتلى عرش القلبِ فى يقظتى وأحلامى ومنامى

رسمتك لوحهً يتعانق فيها صنوفُ الجمالِ فى نورى وظلامى

أنشوده حبٍ تغنيت بها فى خواطرى وأشعارى وألحانى

رفيقه دربٍ لن أفلت يداكِ حتى أخر أنفاسى

وان ِمـتُ شهيده حبكِ ففداكِ فذاكَ مصدر فخرى واعزازى

فهل لى من وصيهٍ حبيبتى وتلك أخر أمنياتى ؟؟

فليكن عطر ترابكِ هو دارى ولتحتوى أرضكِ رفاتى

ولتذكرى أن هواكِ أبداً لم ولن يبارح أو يغيب برههً عن بالى

وأن حبكِ يسرى فى العروق فيروى روحى ويبعث الدفء بأوصالى

وان باعدت بينى وبينك دروبُ الحياهِ فاعلمى أنى بغير هواكِ لا أبالى

ما هو أنتِ الحب وسيره الحب والحب كله لك وحدك ياحبيبتى ويا كل حياتى !!

http://www.thanwya.com/vb/showthread.php?t=254272

[lolo caty39]

احبها
لانها منبع الامان والحنان

[المبتسم الحزين]

بحب بلدي عشان هي بلدي .

[أبو بكر عمر على]

أحب مصر لأنها وطنى وأهلها أهلى ونيلها اختلط بدمى .

[fatakat400]

مصر بحبها طبعا
دى حتى صعبانه عليا اوى

[مخموخان]

طبعا بحبها

[مخموخان]

حتي وان كان بها عيوب اكيد احنا السبب فيها

[الاخصائى الاجتماعى]

بحبها اوى اوى اوى
ومستعده افديها بروحى
بحبها زى امى
وبخاف عليها زى بنتى
وعايشة فى ضلها وفى حماها زى ابويا
وبسعى وبخاف على مستقبلها زى ابنى
وبحبها بكل مافيها ومهما حصل (مراية الحب عمياء)
أنا مصر عندي أحب وأجمل الأشياء
بحبها ب*** وبرقة وعلى استحياء
بجد بحبها ونفسى تكون اجمل البلدان
وبتمنى ان اكون سبب من اسباب رقيها وتقدمها....... ادعوا

[طالبة ازهرية مصرية]

اكيد بحبها حتى لو كنت بزعل من حاجات بتحصل فيها كتير بس بردو بحبها

[صوت العقل]

اه طبعا بحب مصر