دعوة للإعتصام أول أيام الدراسة فى الترم الثانى

[D0D00]

لا تعليق بصراحة.................ز اية كمية السلبية اللى موجودة دى دا وقت المطالبة بالحقوق لا داعى للاعتصام والتظاهر فى اوقات العمل ولكن لابد ان يكون لنا موقف وراى فلا تنسى اخى المدرس واختى المندرسة انك مدرس ببالقلم الرصاص فى اى وقت من السهل ازالة اسمك وايجاد البديل فلماذا هذا الضعف وسط معلمى الازهر ومن زمان صوتنا ظاهر وانا من الناس اللى راحت المشيخة فى شهر 10 الماضى وقدمت طلب لاحصل على حقوقى وكتبت مزكرة اشكو فيها من الفساد المتفشى فى منطقتى الازهرية املة ان يتخذ قرار وما كانت النتيجة الا حفظ هذة الطلبات ولم ترفع الى شيخ الازهر وهذا بادرة الفساد فيجب علينا ان نحارب الفساد ونحن اهل الدين ودعاة لنشر الاخلاق اين حقنا فى الحصول على اجازات ومرتبات ومميزات تعادل وتساوى زملائنا المثبتين بجد كتير اوى ان مضخة العلم والايمان فى الوطن يكون اهلها بهذا القدر من الضعف والسلبية

[mohamedalih]

لا يضيع حق وراءه مطالب , فمن حقنا نطالب بزيادة مرتباتنا ولو اثناء العمل , وهذا افضل من ترك العمل , وياريت نطالب بالغاء نقابة الازهر الغير فعالة في الدفاع عنا ولكن هي فعالة فقط في تحصيل الاشتراكات وعمل كرنيهات للمدرسين والاداريين وهذا كل عملها .

[omda2008]

يللا بينا نطالب بحقنا بالتثبيت الفورى بدون قيود او شروط لاننا صبرنا كتير واذا كانت حجتهم الرخصة الدولية لقيادة الكمبيوتر او اختبارات الكادر او اى شروط اخرى احنا ممكن نمضى اقرار تعهد اننا حناخدها بعد التثبيت مباشرة حتى يثبتوا لنا حسن نواياهم لاننا بصراحة اصبحنا لا نثق فى كلام الجهاز المركزى للتنظيم والادارة

[man678910]

لا تسمعوا إلى دعاة الفتنة قال تعالى الفتنة أكبر من ال*** وقال الفتنة أشد من ال*** وأسأل الله أن يخرس الفتنة والتانين

تحيا مصر
يحيا الأستقرار
يحيا القوات المسلحة
يسقط الأعتصام والمعتصمون ودعاة الفتنة

[الأستاذ سامي المنوفي]

يا ريت نحترم رأي بعض وعيب على مدرس مربي أجيال يقول أن عشأت اعشأ قمر وإن سرقت اسرأ جمي وحسبنا الله ونعم الوكيل عمتا الفاكس وصل النهاردة في منطقة بورسعيد الأزهرية والحمد لله سيتم التثبيت ويا ريت نهدأ يا دعاة الفتنة

[Abdelrahman Mousa]

لوالتعتثبيت بشروط ماذا نفعل

[wahid500]

المشاركة الأصلية كتبت بواسطة Hamada Radwan‏

ممكن سؤال انتم ساكتين منذ زمن ظويل جدا لماذا تكلمتم فى هذا الوقت خصيصا وهو الوقت العصيب وعلى فكرة مدرسين التربية والتعليم قرار تثبيتهم كن هيصدر بدون المظاهرات وهذا كلام مسؤل كبير فى وزارة التربية والتعليم وبعدين لما حضراتكم معكم دراسات عليا لماذا تعملون فى المعاهد ولماذلم تعملوا فى الجامعات

مع احترامى لحضرتك ياستاذ حماده
اسمح لى ان اقول شيئا
الم يكن من الواجب قول عيب للشرطه اللى خانت البلد وعملوا فى الناس اسوء شىء وهو ضياع امنهم
ولكن لا هم يسهروا على حمايتنا ويجب تنفيذ طلابتهم

البنوك الاتصالات الكهربا
كل دول ظروفهم وحشه واحنا ابو 314 اللى افضل

ياجماعه التمسوا اعذار الناس وبلاش نقول مزيادات ونقول ان احنا بنستغل ضعف الحكومه

انا موافق يشتغلوا وكل حاجه بس ادونا وعد او واحد من الازهر يدينا حتى اى امل او تعليق من الزهر رسمى بدل مااحنا عمالين نحسب يمين وشمال

وطبعا احنا مش بنفرق معاهم


واخيرا اسف على الاطاله وعلى الاسلوب واقبلوا اعتذارى اسف جدا



: frown:

[Mr MohammedHassan]

هل لما حد يطالب بمساواته بالناس التانية يبقى كده مش بيحب البلد؟
هل لما ياخد 318 جنيه في الشهر ويطالب بالزياده يبقى وحش ومينفعش
ولما غيره يبقى مرتبه 1000 وزيادة ويطالب بأكثر أقول أتحمل أنا؟
هو مين اللي المفروض يتحمل؟
مثال: (مع احترامي الكبير للجميع)
لو عندك ولدين من أولادك واحد فيهم بياخد مصروف 10 جنيه والثاني بياخد 5 وطلب منك الكبير تزود مصروفه وزودته هل ده هيمنع الصغير انه يطالب بزيادة مصروفه مراعاة لظروفك؟؟؟(لوكده يبقى الأولى ماتفرقش بين الاثنين ويستمر الوضع)
كلنا عارفين ان الظروف الأيام دي صعبه بس كان أولى الناس اللي المفروض يحترمو الظروف دي واحد مثلا بياخد 3 أضعاف مرتبنا
وغيره وغيره

آسف على الإطالة

[elpor]

المشاركة الأصلية كتبت بواسطة starnokiastar

هل لما حد يطالب بمساواته بالناس التانية يبقى كده مش بيحب البلد؟
هل لما ياخد 318 جنيه في الشهر ويطالب بالزياده يبقى وحش ومينفعش
ولما غيره يبقى مرتبه 1000 وزيادة ويطالب بأكثر أقول أتحمل أنا؟
هو مين اللي المفروض يتحمل؟
مثال: (مع احترامي الكبير للجميع)
لو عندك ولدين من أولادك واحد فيهم بياخد مصروف 10 جنيه والثاني بياخد 5 وطلب منك الكبير تزود مصروفه وزودته هل ده هيمنع الصغير انه يطالب بزيادة مصروفه مراعاة لظروفك؟؟؟(لوكده يبقى الأولى ماتفرقش بين الاثنين ويستمر الوضع)
كلنا عارفين ان الظروف الأيام دي صعبه بس كان أولى الناس اللي المفروض يحترمو الظروف دي واحد مثلا بياخد 3 أضعاف مرتبنا
وغيره وغيره

آسف على الإطالة

بارك الله فيك

[alaa128]

انا معك
لكن لالغاء امتحانات الكادر والدبلوم

[elpor]

فعلا مش عارف مطالب ايه اللي نفذت

[Mr MohammedHassan]

للأسف كل اللي بيرد الردود بأسلوب زي كده بيعصب الناس أكثر
ياريت اللي يرد يا اما يرد بإقناع يا إما بلاش شعارات النظام السابق
كله تمام
كله سليم
نفذنا وعملنا
وخربوا البلد بالكلام ده

[ايادممدوح]

انا بحب الشيخ الطيب لانه صعيدي مؤدب وحقاني
يا جماعة التظاهر دي من الوسائل الراقية للتعبير عن الرأي

وخصوصا في بلد ما فيهاش الية للشكاوي


والله العظيم انتم طيبين خالص يا ازهرية
اذا كان حسني مبارك ما مشيش الا بالضغط عليه
انتوا فاكرين ان الازهر حيثبتكوا من غير ضغط ؟

تبقوا طيبين بجد



انا معاكم يوم الاحد ان شاء الله


وحتي لو حسبولي اليوم بالخصم ما هي كدة كدة خربانة



وبعدين لو ما طالبناش دلوقتي حنطالب امتي ؟

واحنا كدة بنساعد الازهر انه يعرف المشاكل الحقيقية

[Hamada Radwan‏]

مع احترامى لحضرتك ياستاذ حماده
اسمح لى ان اقول شيئا اخى انا لست ضد المطالبة بالحقوق ولكن اقول نتتظر اسو ع بعد عودة الدراسة اذا كن هناك تثبيت فبها ونعمت ان لم يكن فعليكم بتنفيذ ماذكرتم على ان يكون بعيد عن الخراب والفساد واخيرا يسر الله لكم

[mr.m sobhi]

ندعوا كل المتعاقدين بمنطقة المنصورة الازهرية بالاعتصام يوم الاحد القادم اول ايام الدراسة لكى يصل صوتنا الى فضيلة الامام الاكبر ولكى يعلم المسئولين بما نطال بة لننا اذا استمرينا فى سلبيتنا فلن يسمعنا احد