كلية اللغات والترجمة

[namejoad]

السلام عليكم انا كنت فى ثانوية ازهرية السنادى وجبت 85.5 ادبى وان شاء الله ادخل ترجمة فورية (يارب تيجى ) ولو كانت من نصيبى اى معلومة اعرفها ان شاء الله هاجى اقولها هنا علطول بس ادعولى بجد النتيجة يوم الاربع واحنا لحد دلقوتى مش عارفين هنعمل اية ادعولى

[misirliosma]

كلية اللغات والترجمه في الازهر قويه جدا وبيطلع منها معظم الخرجين مستواهم فوق الممتاز

[تماضر]

شكرا لكى اختى على المعلومات دى ومدى حماسك لكلية الترجمه الفوريه جامعة الازهر بس انا عايزه اعرف كذ حاجه منك
اولا انتى ترجمة فورية القاهرة ولا تفهنا الاشراف؟..........
ثانيا : ليه انتى شايفة ان الترجمة الفورية افضل من الالسن مع ان كفايه ان اسمها السن؟............
ثالثا دى طبعا اول سنه ليكى ياترى الشهر اللى درستيه فى لكلية ايه انطباعك لحد دلوقتى؟
ياريتتردى عليه بسرعه لان واضح ان حايكون فيه حوار مطول بنا .......دا طبعا لو معندكيش مانع............

[تماضر]

شكرا لكى اختى على المعلومات دى ومدى حماسك لكلية الترجمه الفوريه جامعة الازهر بس انا عايزه اعرف كذ حاجه منك
اولا انتى ترجمة فورية القاهرة ولا تفهنا الاشراف؟..........
ثانيا : ليه انتى شايفة ان الترجمة الفورية افضل من الالسن مع ان كفايه ان اسمها السن؟............
ثالثا دى طبعا اول سنه ليكى ياترى الشهر اللى درستيه فى لكلية ايه انطباعك لحد دلوقتى؟
ياريتتردى عليه بسرعه لان واضح ان حايكون فيه حوار مطول بنا .......دا طبعا لو معندكيش مانع............

[محمد يوسف المحمودي]

يا مرحباً بكلية اللغات والترجمة ومن التحق بها

أنا خريج لغات وترجمة أدب انجليزي دفعة 2000

وأعمل حالياً مترجم بأحد المراكز الاستراتيجية ومدرس بالأزهر

يشرفني إني بشوف وهشوف اسم كليتي منور في كل ميادين العمل المهمة

بارك الله في الجميع

محمد يوسف محمد المحمودي

أبو مريم ويوسف

[shorook]

انا طالبة في لغات و ترجمة فورية برده بس خاصة مش الازهر عشان مجموعي مجبهاش(ازمة مجموع يعني)
فلو ممكن تقوليلي عالحجات اللي بتخديها عشان اعرف ايه الفرق بين الكليتين
وشكرا عالموضوع

[أمة الرحمن]

المشاركة الأصلية كتبت بواسطة تماضر

شكرا لكى اختى على المعلومات دى ومدى حماسك لكلية الترجمه الفوريه جامعة الازهر بس انا عايزه اعرف كذ حاجه منك
اولا انتى ترجمة فورية القاهرة ولا تفهنا الاشراف؟..........
ثانيا : ليه انتى شايفة ان الترجمة الفورية افضل من الالسن مع ان كفايه ان اسمها السن؟............
ثالثا دى طبعا اول سنه ليكى ياترى الشهر اللى درستيه فى لكلية ايه انطباعك لحد دلوقتى؟
ياريتتردى عليه بسرعه لان واضح ان حايكون فيه حوار مطول بنا .......دا طبعا لو معندكيش مانع............

أولا آسفه على التأخير في الرد
ثانيا انا في ترجمة فورية القاهرة
وثالثا وده الاهم احنا اما بنختار الكلية االلى هندرس فيها مش بنختارها بناء على بريق الاسم ولكن بناء على القيمة التعليميه وبالنسبه لكلية اللغات والترجمه هى افضل من السن "من وجهة نظري" لاننا بندرس فيها جميع انواع الترجمه يعنى ترجمة اسلاميه وعلميه ومنظورة وترجمه فوريه ودى حاجات مش موجوده في ألسن الى جانب المواد الشرعيه يعنى بنتخرج عندنا لغه الى جانب خلفيه شرعيه .
وانا مستعده للجواب على أى استفسار آخر وشكرا للمرور

[أمة الرحمن]

المشاركة الأصلية كتبت بواسطة shorook

انا طالبة في لغات و ترجمة فورية برده بس خاصة مش الازهر عشان مجموعي مجبهاش(ازمة مجموع يعني)
فلو ممكن تقوليلي عالحجات اللي بتخديها عشان اعرف ايه الفرق بين الكليتين
وشكرا عالموضوع

بالنسبه للسنادى انا بدرس أدب انجليزي وبناخد ترجمة سياسيه وعندنا ترجمة منظورة وكونفرزيشن و مقال "Essay",وجرامر ووصوتيات "Phonetics",ولغه تانيه فرنساوى
ده بالنسبه للسنادى لكن السنين الجايه بتتنوع انواع الترجمه يعنى لسه هناخد ترجمة اسلاميه وقانونيه وفوريه
وشكرا لمرورك وربنا يوفقك

[هانى الشرقاوى]

هههههههههه
طب كويس ان فى غيرى هنا فى ترجمة فورية
شروق وامة الرحمن
كن حاسس انى وحيد هنا

على فكرة أنا مجموعى كان كبير وكنت علمى
وجالى طب أسيوط بس أنا رفضته
يعنى بابا قالى ادخل لغات عشان لما تخلص فيه وظيفة كويسة هناك فى كندا
ودخلتها رغم انى كنت بفضل هندسة
وربنا يستر بقا
أما من ناحية نظام الكلية فكل التعليم فى مصر أصلا نظام فاشل فى لغات وفى اى كلية تانية فى الازهر أو فى العام

[niggafig]

السلام عليكم ورحمة الله وبركاتة
انا مدرس متخرج حديثا من كلية اللغات والترجمة جامعة الازهر قسم ترجمة فورية انجليزى
ممكن اعرف نوع المساعدة اللى ممكن اقدمها لحضرتك
وشكرا

[mahmoud2001]

انا ادرس فى كلية اللغات والترجمه قسم اللغه الالمانيه فى السنه الاخيره ومستعد لاى استفسار يخص الكليه ونظام الدراسه فيها وفعلا انا بجد الكليه مصدر فخر وسعاده ليا فى كل مكان لمكانتها وبالنسبه لقسم اللغه الالمانيه انا قارنت بينها وبين الالسن المانى من خلال المناهج فلقيت المناهج بتاعتنا مليانه بكميات ممتازه من المعلومات فطلاب الالسن عين شمس يدرسوا كميات بسيطه للغايه اما نحن فندرس ام الكتب والكلام ده عن اقتناع واخيرا اتمنى انا تقولوا لا اله الا الله سيدنا ونبينا محمد رسول الله

[سميه 22]

انا مبسوطه أوى من الكلام اللى قريته عن الكليه
لأن حلمى انى ادخلها
بس انا خايفه جدا فى ناس كتير خوفونى منها وبالاخص المدرسين فى المعهد
قالولى ان مستقبلها مش كويس وتربيه او اداب بيتوظفوا بسرعه غير بتوع ترجمه فوريه ......بصراحه مش عارفه الكلام دا صح ولا لأ ؟ وكمان سمعت ان الدراسه صعبه جدا فيها
كمان عايزه اعرف المجموع اللى بيتقبل منها بالنسبه للطلاب الادبى
وهل لازم اجيب درجه عاليه فى الانجلش والفرنساوى فى 3 ثانوى

[اسراء عبد المقصود]

السلام عليكم

طبعا يا سمية لازم درجتك في e و f تكون عالية ده لو انتى عايزة تدخلى احد القسمين دول

غير كده ممكن تقبلي في الكلية بس في قسم التركى مثلا او الهندى واللغات التانية بقي

بس وربنا يوفقنا كلنا وان شاء الله لو انتى وانا دخلناها نبقي زمايل بقي

مع السلامة

[سميه 22]

ان شاء الله يا إسراء
بس انا بموت فى حاجه اسمها إنجلش........وبدعى على طول ربنا يوفقنى واجيب مجموع كويس فى الماده
بس انتى ان شاء الله هتسبقينى بسنه لإنى انا لسه فى 2 ثانوى
بس انا حابه اعرفه المجموع اللى تقبلنى منه الكليه كام فى الميه على العلم بانى فى قسم ادبى
وجزاكى الله خيرا

[smsama]

طب انا جايبة 88.8 المجموع في تانية
و21 في النجليش
و46 في الالماني
هل لو شديت حلي ممكن اتقبل
وهل هي بتاخد اللي وخدين فرنساوي بس
وهل فيها حجات من الدراسة الازهرية كتير زي التشريع والتفسير .........الخ