آخر أخبار التعيينات وتفسير القرارات في المنيا وباقي المحافظات

[الدزاوى1970]

يا دكتور مش تشكيك فى قدراتك بس للتاكيد لانى من كثرة ما سمعت مش عارف اصدق مين انا معلم مساعد 1/1/2009 يعنى هتعين قبل شهر سبعة معلم ولا لا برجاء الرد وجزاك الله خير

[marwa elminia]

يا استاذه مروه انتى امش فاهمه قصدى ايه اولا انا زى زيك مدرسه بعقد ثم انا ماخدتش العقد بسهوله كده زى مانتى متوقعه لا احنا اشتغلنا 3 سنين قبل ماناخد العقد وكمان 3سنين بالعقد يعنى الامر مش سهل اوى كده وكمان مكنش فى وسطه زى مابتقولى ما كناش اشتغلنا 3 سنين فى قرى بعيده جدا واماكن بعيده وكنا بنصرف من جيبونا على المواصلات وكان المرتب ملاليم يعنى العقد اخدناه بعد عذاب مش بالوسطه ولا بالكوسه زى مابتقولى

[د.عبدالرحمن المنياوي]

المروتين مسكوا في بعض ..

يا جماعة المسألة مش مستاهلة وبالراحة خالص ..

أنا مش عاوز الناس تبتدي تفهم غلط .. أنا كلامي واضح يا جماعة ومش محتاج ترجمة ..

أول كلامي قلت بلاش نخلط القرارات .. قرار تثبيت من مر عليهم 3 سنوات يعني نقل الناس اللي تعمل في التربية والتعليم على درجة مالية وتبقى ثابتة تمضي في دفتر الحضور والانصراف بتاع المدرسين وتسري عليهم قواعد العمل الدائم .. يارب نفهم ..

طيب هو المعلم المساعد يتم تثبيته الآن على درجته اللي هي الثالثة .. مظبوط ؟!! آه مظبوط .. هتيجي مروة دلوقت زعلانة وتقوللي لأ المفروض يتثبت معلم مش معلم مساعد .. أقولها الدرجة الثالثة والثانية والأولى اسمها درجات مالية مالهاش دعوة بالمسمى الوظيفي .. أما حكاية معلم ومعلم مساعد دي درجات وظيفية يحددها قانون اسمه القانون 155 لسنة 2007 وهو المسمى بقانون تنظيم الدرجات الوظيفية لكادر المعلمين .. القانون ده هو اللي بيقول تبقي معلم مساعد والا معلم .. لكن الاثنين يا أختي درجة مالية ثالثة تخصصية ..

طيب الوزير قال إيه ؟!! قال اللي موجود في القانون / اللي امتحن الكادر هينتقل من معلم مساعد إلى معلم (ده من ناحية الدرجة الوظيفية ) لكن ماليا الاثنين على الثالثة التخصصية يا مروة ..

طيب اللي امتحن ورسب أو اللي لسه لم يمتحن يسكن على الدرجة المالية الثالثة التخصصية كما قال الوزير ولكن مسماه الوظيفي لن ينتقل لمعلم إلا بعد اجتيازه للكادر ..

قصة هتساوى ببتاع الحصة إزاي .. حضرتك لما اتعينتي في 2009 كان فيه ناس متعينة من 2008 و 2007 كمعلمين مساعدين ومعرفوش ينتقلوا لمعلم وقتها .. وساعتها قالوا نفس كلامك هنتساوى بالجداد اللي كانوا بالحصة ؟؟!!! وهم ربنا كرمهم وانتقلوا لمعلم وانت اهو هاتحصليهم ..

مسألة المساواة بقى مش هتبقى كاملة يعني انت هتقبضي أكتر منهم لأنك أقدم تعيينا في معلم مساعد .. ولما ربنا يتممهالك على خير كده وتنجحي في الكادر هتصرفي المرحلة الثانية من فلوس الكادر والمسماه ببدل الاعتماد .. وبالمناسبة مفيش حاجة اسمها عقد مميز دلوقت يامروة ..

يارب تكون الرسالة وصلت يا مروة ..

ومعلش ليا ملاحظة أخيرة يا أخت مروة ..

حضرتك تقوليلي دكتور عبدالرحمن ماشي .. أستاذ عبدالرحمن ماشي .. عبدالرحمن بس ماشي .. لكن (يادكتور ولا ياستاذ عبد الرحمن) متهيألي انك كنت متنرفزة وبتتريقي عليا ..

لو انا فهمت صح يبقى انت مدينة لي باعتذار ..

[مصطفى محمد ص]

المشاركة الأصلية كتبت بواسطة د.عبدالرحمن المنياوي

المروتين مسكوا في بعض ..

يا جماعة المسألة مش مستاهلة وبالراحة خالص ..

أنا مش عاوز الناس تبتدي تفهم غلط .. أنا كلامي واضح يا جماعة ومش محتاج ترجمة ..

أول كلامي قلت بلاش نخلط القرارات .. قرار تثبيت من مر عليهم 3 سنوات يعني نقل الناس اللي تعمل في التربية والتعليم على درجة مالية وتبقى ثابتة تمضي في دفتر الحضور والانصراف بتاع المدرسين وتسري عليهم قواعد العمل الدائم .. يارب نفهم ..

طيب هو المعلم المساعد يتم تثبيته الآن على درجته اللي هي الثالثة .. مظبوط ؟!! آه مظبوط .. هتيجي مروة دلوقت زعلانة وتقوللي لأ المفروض يتثبت معلم مش معلم مساعد .. أقولها الدرجة الثالثة والثانية والأولى اسمها درجات مالية مالهاش دعوة بالمسمى الوظيفي .. أما حكاية معلم ومعلم مساعد دي درجات وظيفية يحددها قانون اسمه القانون 155 لسنة 2007 وهو المسمى بقانون تنظيم الدرجات الوظيفية لكادر المعلمين .. القانون ده هو اللي بيقول تبقي معلم مساعد والا معلم .. لكن الاثنين يا أختي درجة مالية ثالثة تخصصية ..

طيب الوزير قال إيه ؟!! قال اللي موجود في القانون / اللي امتحن الكادر هينتقل من معلم مساعد إلى معلم (ده من ناحية الدرجة الوظيفية ) لكن ماليا الاثنين على الثالثة التخصصية يا مروة ..

طيب اللي امتحن ورسب أو اللي لسه لم يمتحن يسكن على الدرجة المالية الثالثة التخصصية كما قال الوزير ولكن مسماه الوظيفي لن ينتقل لمعلم إلا بعد اجتيازه للكادر ..

قصة هتساوى ببتاع الحصة إزاي .. حضرتك لما اتعينتي في 2009 كان فيه ناس متعينة من 2008 و 2007 كمعلمين مساعدين ومعرفوش ينتقلوا لمعلم وقتها .. وساعتها قالوا نفس كلامك هنتساوى بالجداد اللي كانوا بالحصة ؟؟!!! وهم ربنا كرمهم وانتقلوا لمعلم وانت اهو هاتحصليهم ..

مسألة المساواة بقى مش هتبقى كاملة يعني انت هتقبضي أكتر منهم لأنك أقدم تعيينا في معلم مساعد .. ولما ربنا يتممهالك على خير كده وتنجحي في الكادر هتصرفي المرحلة الثانية من فلوس الكادر والمسماه ببدل الاعتماد .. وبالمناسبة مفيش حاجة اسمها عقد مميز دلوقت يامروة ..

يارب تكون الرسالة وصلت يا مروة ..

ومعلش ليا ملاحظة أخيرة يا أخت مروة ..

حضرتك تقوليلي دكتور عبدالرحمن ماشي .. أستاذ عبدالرحمن ماشي .. عبدالرحمن بس ماشي .. لكن (يادكتور ولا ياستاذ عبد الرحمن) متهيألي انك كنت متنرفزة وبتتريقي عليا ..

لو انا فهمت صح يبقى انت مدينة لي باعتذار ..

أنا أشكر كم على هذة المعلومات القديرة التى لا تصدر إلا من شخص قدير.
ولكن أحب أرد على الأستاذة مروة مدرسة الحاسب إنها من دمياط وعرفة مدة صحة ما أقولة الأن وهو عبارة عن سؤال سوف أطرحة عليها وترد علية .
عندكم فى دمياط تعاقدات تمت عام 2004 رسمية وعلى الباب الأول وقام المسئولين فى دمياط فى عام 2007 عند صدور قانون الكادر بالتعاقد مع معلمين جدد على وظيفة معلم مساعد وأخطأوا فى عدم نقل دفعة 2004 على وظيفة معلم مساعد ولذلك كانت الفرصة متاحة للجداد بدخول الإختبارات فى 2008 ولم يدخل دفعة 2004 ليه لأن عقدهم عقد عمل مؤقت ومكنش إتحول لمعلم مساعد بسبب المسئولين فى دمياط عارفة لية عشان يعينم الوسطة وأصحاب النفوذ صح ولا لاء
الحاجة التانية حضرتك مدرسة حاسب ألى مش المفروض مدرس الحاسب الألى دوت يكون خريج تربية . المفروض للأسف تم التعاقد مع خريج كلية التجارة وخريج معهد الحاسب بالزرقا كمدرسين حاسب
إذن السؤال هنا
هل دفعة 2004 هناك من أخذ حقها ولا أيه
ياربت ترد

[أنس طارق]

كلامك مقنع وواضح وشكراً للإفادة بس ايضاح قانون الكادر 155 وليس 144

[أنس طارق]

عن أبي الدرداء رضي الله عنه قال: قال النبي صلى الله عليه وسلم(( ألا أنبئكم بخير أعمالكم وأزكاها عند مليككم وأرفعها في درجاتكم وخير لكم من انفاق الذهبوالفضة وخير لكم من أن تلقوا عدوكم فتضربوا أعناقهم ويضربوا أعناقكم ))قالوا : بلى يا رسول الله قال :(( ذكر الله تعالى ))رواه الترمذي وصححه الألباني

[د.عبدالرحمن المنياوي]

لا إله إلا الله

[marwa elminia]

استاذ عبد الرحمن مش مساله مسك ولا حاجه بس انا كنت بشرح لمروه لانها ماكنتش فاهمه انا اقصد ايه بس لكن مش مستاهله نسمك ولا نزعل وبالنسبه لحضرتك انا ماقصدتش ان انا اتريق ولاحاجه ولامتنرفزه انا كنت محتاره اقول استاذ ولادكتور وحضرتك كلنا زملاء وفى مهنه واحده ومرسى كتير على التوضيح بس ليا استفسار انت جبت الكلام ده منين لان جماعه اصحابى اتصلوه بمحمود وهدان امبارح وماقالش اى حاجه وكمان قفل الموبيل عشان ماحدش يتصل بيه

[د.عبدالرحمن المنياوي]

المشاركة الأصلية كتبت بواسطة marwa elminia

استاذ عبد الرحمن مش مساله مسك ولا حاجه بس انا كنت بشرح لمروه لانها ماكنتش فاهمه انا اقصد ايه بس لكن مش مستاهله نسمك ولا نزعل وبالنسبه لحضرتك انا ماقصدتش ان انا اتريق ولاحاجه ولامتنرفزه انا كنت محتاره اقول استاذ ولادكتور وحضرتك كلنا زملاء وفى مهنه واحده ومرسى كتير على التوضيح بس ليا استفسار انت جبت الكلام ده منين لان جماعه اصحابى اتصلوه بمحمود وهدان امبارح وماقالش اى حاجه وكمان قفل الموبيل عشان ماحدش يتصل بيه

لفظ (مسكوا في بعض) كان على سبيل الدعابة ..

ولا يمكن لمسئول إنه يصرح بحاجة دلوقت علشان مايضمنش رد فعل الناس إيه .. ومحمود وهدان ده وكيل الوزارة ومش عاوز يتشال دلوقت ..

طيب إيه رأيك إن في كشف تفصيلي وصل للمديرية بكيفية حساب المرتبات بالطريقة الجديدة وعلى أساسوا هيعملوا كشوف شهر 7 بس محدش عاوز يصرح بالكلام ده علشان البلبلة .. وده كلام أكيد ..

وللأخ ميدو أنا شاكر جدا مداعبتك اللطيفة وخلاص مش محتاج اعتذار مادام الأخت وضحت فكرتها ووجهة نظرها وفي النهاية إحنا زملاء في منتدى واحد وبلد واحدة وشكرااااااااااااااااااااااااااا

[الرجل الصالح]

انا زهبت الى التنظيم و الاداره عندنا وشفت اسمى هناك وقال لى مسؤل ان الاسماء ده هتتعين على الدرجه الرابعه من15-7-2011

[adham1]

يا جماعه انا من( المنيا ) ومعايا ليسانس اداب و تربيه و شغال بالحصه في تله الاعداديه من
2008 حتي الان و كلنا بنقبض بالترم كل ترم 27 جنيه فقط
واول سنه ما اخدناش مكافئه
وثاني سنه اخدنا 150 جنيه فقط
و السنه ديه قبضنا الترم الاول 34 جنيه
و الترم الثاتي قبضنا شهر 3 و 4 و 5 فقط 104 جنيه في كل شهر
و لغايه دلوقتي منعرفش حاجه عن المكافاه 22\6\2011 الاربعاء
و بعدين محدش قالنا علي امتحانات الكادر دي و لا نعرف حاجه عنها
حد ابن حلال يدلنا علي الوضع بتاعنا وشكرا

[msamirkh]

يا عم التيييييييت انتي بتقول اسال في الادارة ادارة ايه هم عارفين حاجة طيب وايه رايك في اللي راحوا لمحمود وهدان وانكر معرفته بموضوع التثبيت خالص انا عايز اسم موقع تكون الاسماء دي فيه فعلا علشان اصدق كلامك من غير زعل ملحوظة تييييييت شتيمة علي فكرة

[د.عبدالرحمن المنياوي]

المشاركة الأصلية كتبت بواسطة msamirkh

يا عم التيييييييت انتي بتقول اسال في الادارة ادارة ايه هم عارفين حاجة طيب وايه رايك في اللي راحوا لمحمود وهدان وانكر معرفته بموضوع التثبيت خالص انا عايز اسم موقع تكون الاسماء دي فيه فعلا علشان اصدق كلامك من غير زعل ملحوظة تييييييت شتيمة علي فكرة

أولا يا أستاذ لو انت حابب تسأل أو تعلق لازم يكون تعليقك وسؤالك بأدب من غير تجريح في حد أو إهانة لحد .. انت معلم والمفترض فيك انك تكون قدوة بتربي أجيال .. لما انت بتعامل واحد بيساعدك وتكلمه بالأسلوب المتدني ده يبقى عاوز الجيل اللي هتطلعه يبقى شكله إيه ؟!!!!

يعني انت عاوز واحد زيي بعد ماتكلمه كده يرد عليك ويكمل ويساعدك ويحاول يبذل الوقت والجهد علشان يوصللك معلومة ؟؟ عاوز رد فعلي يكون إيه ؟؟

هل أنا أخطأت في حقك لإني بوجهك وأدلك على الصح .. يمكن انت شايف رأي تاني خلاص يا حبيبي مفيش مشاكل لكن التطاول على الغير ده مش من حقك ده لو انت تفهم في كده يعني .. احنا لازم يا جماعة نتعلم لأن الإنسان هيفضل طول عمره يتعلم .. وأنا لو أخطأت في حد لازم أتراجع واعتذر لأني لست همجيا ولا الدنيا مش فارقة معايا .. هكذا تربيت وهكذا يجب أن أكون .. وأظن انك مدين لي باعتذار ..

طيب لازم أطلع بقى أحسن وأرد على سؤالك .. إذا كان الموظف في إدارتك مش عارف حاجة يبقى ده لأحد سببين :
ما هو يا إما هو مش عاوز يقولك أو مش عارف ونايم في الحلاوة .. أو انت أساسا بتروح تسأل الفراش بتاع الإدارة ..

طيب انا عاوز موقع .. موقع إيه يا بيه لما خبر تثبيت 22750 معلم بالمنيا نزل واتذاع في القناة الثانية وفي قناة أون تي في وفي الجزيرة مصر لمدة 3 أيام منذ حوالي 15 يوم .. وموقع التنظيم والإدارة نشر الخبر على صفحته الرئيسية ..

ولو الموظفين عندك نايمين روح يا حبيبي للتنظيم والإدارة ودي في المنيا آخر الكورنيش قبلي .. وهتلاقي المسؤول عن المنيا الأستاذ محمد عبدالوهاب هناك وهتلاقي الكشوف عنده والموافقة كمان ..

محمود وهدان يقولك انت كده ليه ؟؟!! .. الله أعلم .. اللي خلاك بتكلم اللي بيساعدوك كده .. أمال كلمت محمود وهدان إزاي .. ما اهو لازم ينفضلكوا يا بيه ..

وجملة (علشان أصدقك من غير زعل) .. ههههههههه .. يا سلام .. يا سيدي بلاش تصدقني .. وإذا كنت عاوز تقول إنه مفيش تعييناتت وتثبيت لكم .. فربنا إن شاء الله هيكون عند ظنك ويحققهولك علشان تهدى وتستريح على الآخر ..

وعلى فكرة مش هاقولك يا تيييييييت لأني متربي كويس ...

سلااااااااااااااااااااااااااام

[مصرى حر 2011]

المشاركة الأصلية كتبت بواسطة msamirkh

يا عم التيييييييت انتي بتقول اسال في الادارة ادارة ايه هم عارفين حاجة طيب وايه رايك في اللي راحوا لمحمود وهدان وانكر معرفته بموضوع التثبيت خالص انا عايز اسم موقع تكون الاسماء دي فيه فعلا علشان اصدق كلامك من غير زعل ملحوظة تييييييت شتيمة علي فكرة

على فكرة ده مش اسلوب نتعامل بيه وعيب عليك انت المفروض انك هتعلم

[عمر مصطفى احمد]

طيب سؤال يا دكتور عبد الحمن دلوقتى بالنسبالنا احنا اشتغلنا 3 بالعقد وبالحصه واتثبتنا بعد منمتحن الكادر انشاء الله وننجح نتعين على درجه معلم على طول ولا لازم يصدر قرار وزارى جديد بتعينا طيب وامتحانات الكادر الجايه هتكون امتى انشاء الله والحد الادنى للجور هيطبق ولا مش هيطبق وشكرا معلش دول 3 اسئله مش سؤال واحد