اخر اخبار الشرقية من قرار244

[amrmohamad]

هو تم التثبيت من الاصل حتى يتم التوزيع

[عابدين مدرس لغة عربية]

يا جماعة أنا بدأت بأول خطوة ..
بعت النهاردة فاكس لوزير التربية والتعليم ، وفاكس للمحافظ ..
وصيغة الفاكس عشان الكل يبعته هكتبها .. يا ريت يا جماعة الكل يهتم ويبعت فاكسات عشان نعرف وكيل الوزارة ان احنا رافضين موضوع إعادة التوزيع .. لان دى بهدلة لينا بعد السنين الطويلة من العمل كمتعاقدين ..
وخلى بالكوا إن سكوتنا معناه رفضنا ..
واتفضلوا صيغة الفاكس ..

بسم الله الرحمن الرحيم

السيد المحترم / الوزير أو المحافظ ..
تحية طيبة وبعد ..
فمقدمه لسيادتكم / معلمو ................. عاملون بالمرحلة الإعدادية بإدارة .................
صدر قرار معاليكم رقم ( 244 ) الخاص بتعيين المعلمين المساعدين بوظيفة معلم ممن اجتازوا اختبارات الكادر التى عقدت فى يوم 1/4/ 2011 .
ونحن – المعلمين – قد حصلنا بالفعل على شهادة الصلاحية من الأكاديمية لمزاولة التعليم بالمرحلة الإعدادية ، وذلك بعد أن أمضينا أكثر من ست سنوات فى العمل كمعلمين مساعدين لسد العجز بإدارة ...............
إلا أننا علمنا باعتزام مديرية التربية والتعليم على الزامنا بتنفيذ قرار التعيين فى إدارات أخرى غير إدارة ................. التى عملنا بها متعاقدين لسد العجز لأكثر من ست سنوات ، وهو ما يهدد استقرارنا الأسرى .
كما نفيدكم علما أن زملاءنا السابقين الذين عينوا بالقرار الوزارى رقم ( 53 ) الصادر بتاريخ 14/2/2011 ، قد قاموا بتنفيذ قرار التعيين فى نفس المدارس التى يباشرون بها العمل منذ كانوا معلمين متعاقدين.
وبناء على ما سبق نرجو من سيادتكم سرعة التحقيق فى تلك المسألة ، نظرا لما تمثله من تهديد واضح لاستقرارنا الأسرى ، كما نطالب بتنفيذ قرار التعيين رقم ( 244 ) فى نفس الإدارات التى نباشر بها العمل حاليا أسوة بزملائنا السابقين.
ولسيادتكم خالص الشكر ،
مقدمه بالنيابة عن المعلمين بإدارة ............. :
مسلسل الاسم المدرسة الرقم القومى كود المعلم
1
2
3
4
5

[محمد السويركى]

طيب هم ييقولو ان بتوع منيا القمح حيسدو العجز فى كفر صقر واولاد صقر
طيب بالنسبة للانجليزى فى كفر صقر كمثال العجز لا يكاد يذكر بس هم اللى مش عارفين يظبطو نفسهم بس المجاملات والخواطر واللى شايل عدد محدود من الحصص يعنى اقل من نصابه ولابد

[محمد السويركى]

المشاركة الأصلية كتبت بواسطة احمد دارامى

ا

منيا القمح ستوزع على اولاد صقر وكفر صقر

حتى لو الناس رضيت بالتوزيع ده
ايه اللى جاب منيا القمح لكفر صقر واولاد صقر

http://www.elsharkiadoctors.5u.com/sharkiadata.htm

[عابدين مدرس لغة عربية]

المشاركة الأصلية كتبت بواسطة محمد السويركى

حتى لو الناس رضيت بالتوزيع ده
ايه اللى جاب منيا القمح لكفر صقر واولاد صقر

http://www.elsharkiadoctors.5u.com/sharkiadata.htm

يا جماعة مسألة التوزيع أكيدة ..
لكن كيفية التوزيع ما زالت مجهولة ..
والمهم هنا مسألة التوزيع من حيث المبدأ .. أيا كان البلد .. من الظلم انى أترك مكانى اللى اتعاقدت فيه سنين طويلة .. عشان أسد عجز فى أماكن تانية .. أمال أنا كنت بعمل إيه فى إدارتى السنين اللى فاتت دى ؟

[ايناس طلعت محمد]

التوجيه انكر اعادة التوزيع و لكن قال ان النشرة وصلت التوجيه بان الذى اختبار الكادر ينتقل الى معلم و ليس عنده خبر عن سبب التاخير فى ارسال الاسماء الظاهر ان كل توجيه على حسب العجز و الزياده لديه و العلم عند الله وحده

[عابدين مدرس لغة عربية]

المشاركة الأصلية كتبت بواسطة ايناس طلعت محمد

التوجيه انكر اعادة التوزيع و لكن قال ان النشرة وصلت التوجيه بان الذى اختبار الكادر ينتقل الى معلم و ليس عنده خبر عن سبب التاخير فى ارسال الاسماء الظاهر ان كل توجيه على حسب العجز و الزياده لديه و العلم عند الله وحده

فعلا .. المسألة متروكة للعجز والزيادة ..
وكان فى اجتماع بالأمس الخميس فى المديرية لحسم موضوع نقل المعينين إلى إدارات أخرى .. مقرر المادة بالتوجيه أخبرنى بكدا ..
وعلى العموم واضح ان مافيش حد ناوى يتحرك .. ربنا يسترها ..

[عيون الكاشف]

هو تم التثبيت من الاصل حتى يتم التوزيع

[i.f.m.h]

توزيع ايه الى بيقولوا عليه ليه كده؟ ارحموا المعلمين اصحاب الرسالة السامية

[ياسمين العجوز]

هما عايزين ايه من المعلم هايعملوا فيه ايه اكتر من كده اشتغلنا من غير فلوس بالنسبة للموظفين فى قطاعات اخرى والنهاردة لما قالوا ان احنا اتعينا مش سايبينا فى حالنا نطلب النظر بعين الرأفة الى المعلم وكفايه كده لان المعلم صاحب اعظم رسالة

[malakdarsh]

لا بديل سوى التعديل
وزير جديد والمرتب يزيد
وكرامة المعلم طلب اكيد

[عابدين مدرس لغة عربية]

المشاركة الأصلية كتبت بواسطة عيون الكاشف

هو تم التثبيت من الاصل حتى يتم التوزيع

أيوة يا جماعة التثبيت تم من الأصل بموافقة المحافظ ..
والتوزيع بردو هيتم لو فضلنا ساكتين بعد ما يشوفوا العجز والزيادة ..
واللى كان يسأل المديرية عن سبب التأخير كانوا بيقولوا له ان القرار فى يد التوجيه لانه هيعمل عملية إعادة توزيع ..
ومقرر المادة كلمنى وأكدلى إن احنا كلنا هيودونا الحسينية .. بعد ما كنا شغالين فى فاقوس ..
نقول تانى يا جماعة ؟؟

[Mr/Ali Aswan]

يالهوي ده الناس اتثبتت واستلمو جواب التعيين وانتو لسه

[شيموشيمو1983]

طيب هو الفاكس بينبعت ازاى

[عابدين مدرس لغة عربية]

المشاركة الأصلية كتبت بواسطة شيموشيمو1983

طيب هو الفاكس بينبعت ازاى

أبدا .. حضرتك تكتبوا على الكمبيوتر وتطبعه وتروح لأى مكتب اتصالات وتديله الورقة وتقوله ابعتلى الفاكس دا لوزير التربية والتعليم أو للمحافظ .. بس كدا