ما هي افضل كلية علمية من حيث الشغل ؟؟؟؟؟

[timo mido]

المشاركة الأصلية كتبت بواسطة المبتسم الحزين

السلام عليكم :
من رأيي الشخصي ان كلية طب أسنان
هي الافضل في الشغل والمستوي الأجتماعي
لأن بكل بساطة تعتبر متخصص يعني أفضل من البشري عمليا
بتتخرج أخصائي تقدر تفتح عيادة علطول مش لسه هتخصص زي البشري !
وأكتر شئ بيتعب الانسان اسنانه
وربنا يكفينا من وجع الاسنان ... يعني أكتر شغل مضمون إن شاء الله
انا كنت جايب مجموع بشري الحمد لله ودخلت طب أسنان لأني من رايي ان مستقبلها أفضل ان شاء الله

وصراحه نتيجه التصويت مش حقيقيه خالص
لان ازاي تكون بيطري اعلي من أسنان !!!
دة يثبت انها نتيجه مش واقعيه ابدا ( هل في حد يجيب مجموع طب أسنان ويدخل بيطري !)
هو بس عشان اعداد الطلاب في كليه طب بيطري اكتر فكل واحد بينحاز لكليته
اما بالنسبه للصيادله فهم كثيرون جدا عن الحد اللازم
والبركة في الجامعات الخاصه الي جعلت زيادتهم عن اللازم
غير كدا الصيدليات بقت اكتر من السوبر ماركت
عن نفسي فكرت أدخل صيدله بس ملقتش مكان للصيدليه !!!

لكن بالنسبه للشغل أعداد أطباء الاسنان قليلين جدا بالنسبه لاطباء بشري والصيادله والبيطرين
ودة يظهر ان فرص الشغل لأطباء الأسنان اكتر
وفي النهايه الشغل والرزق ده كل نصيب ومفيش حد بياخد اكتر من نصيبه
(( وبعتذر عن التطويل ))

حضرتك اتكلمت في نقط كتير ... هعلق عليهم نقطه نقطه
1-حضرتك قلت ان الاسنان افضل من البشري في المستوي الاجتماعي !!!! بس بصراحه ده مش حقيقه لأن الطبيب البشري كان افضل اجتماعيا وحاليا الاتنين زي بعض تقريبا
2-مين قال ان الاسنان بيتخرج اخصائي ؟؟ انا ليا ابن عمي بيقولي بتتخرج ممارس عام وبتخصص في التركيبات حاجات كده مش فاكرها بصراحه
3-مفيش حاجه اسمها اكتر حاجه بتتعب الانسان اسنانه لأن كل عضو في الجسم ليه وظيفته
4-فعلا عندك حق الاستطلاع مش واقعي خالص واصلا مينفعش نقارن بين البشري والبيطري او الاسنان بالبيطري ......... المقارنه المفروض بين البشري والاسنان
5-نيجي بقي لموضوع الاعداد (اللي معظم اللي في اسنان فاهمينه غلط) هتكلم طبعا علي اساس دفعتي

طب الاسنان 1500
الطب البشري6000

حضرتك قلت ان الطب البشري مش متخصصين يعني ال 6000 لسه هيتوزعوا علي تخصصات وعلي الاقل فيه 10 تخصصات اكلينكال ده غير البازيك يعني التخصص تقريبا هيبقي فيه 500
يعني تخصص مثلا زي الباطنه 500
وتخصص زي الاسنان1500

وفي الاول في الاخر الشغل والرزق كله نصيب
شكرااااااااااااااااا لحضرتك

[المبتسم الحزين]

المشاركة الأصلية كتبت بواسطة timo mido

وتخصص زي الاسنان1500

وفي الاول في الاخر الشغل والرزق كله نصيب
شكرااااااااااااااااا لحضرتك

ع فكرة دفعة الأسنان مش كبيرة زي ما قولت
وغير كدا نسيت نسبة عدد كليات طب الأسنان بالنسبة للطب البشري دي نقطة معلقتش عليها
وبردة طب الأسنان فيها تخصصات يعني مش تخصص واحد
بس أنا اقصد ان طبيب الأسنان يقدر يفتح العيادة من غير تخصص مش زي طبيب البشري
ومفيش حاجه أسمها ممارس عام في طب الأسنان
وفي الأخر مش هنختلف كتير

كل من الكليتين ليهم مكانتهم وأهميتهم وفرصتهم

و شكرا علي التعليق

[timo mido]

دفعه الاسنان للثانويه العامه 2009 في 7 كليات طب اسنان =1500
دفعه البشري للثانويه العامه 2009 في 14 كليه طب بشري =6000

[اندريتا]

يا جماعة انتو بتتكلمو ف ايه؟ ومختلفين علي ايه بس؟
حكاية الشغل دي رزق من عند ربنا مش بالكية خالص
واكيد في امثلة علي كدة كتير
ولازم كل واحد في كلية مهما كانت يحمد ربنا لانها
هي الخير له والاحسن له

[سيوده]

انا بقى فى بيطرى ومن رايى احسن كليه للولد من حيث الشغل طب بيطرى سيبك من المنظر الناس مبيعجبهاش حاجه حتى لو بقيت وزير الصحهاما البنت من رايى باه متدخلش مجال الطب اصلا لانه ببساطه لا يتناسب مع طبيعة البنت
طب بشرى له مكانته فى المجتمع وطبعا اى حد هيجيب طب بشرى مش هيفكر يدخل غيره الا من رحم ربىوبالنسبه للدكتور اللى بيقولان الدكتور البيطرى بيشتغل فى شركات الادويه متطفل انت بكل بساطه ممكن تدخل على اى موقع وتحمل كتاب فارما لاى كليه من كليات الطب البيطرى ومعاه كتاب كمياء حيويه وبالمره كتاب امراض مشتركه وكتاب ميكرو بيولوجى ومعاه برده كتاب كلينيكال باثولوجى وطفيليات وانت هتعرف ساعتها انه مش متطفل ولا حاجه
دا فضلا عن مواد كتير تانيه ممكن تعرفك ان الطبيب البيطرى مش اقل من الطبيب البشرى بس مش عاوزينك بس تتوه مننا
وانت لو بصيت من ناحيه تانيه ان الدكتور البيطرى من حقه يفتح صيدليه عارف ليه لانه درس فارما عملى يعنى ركب ادويه بايديه دى فى صيدله وبيطرى مش فى طب ولا اسنان الدكتور البيطرى صيدلى نفسه يعنى ادرى بالدوا من اى حد وفرص طب بيطرى كتير بس الناس اللى مفهومها غلط والدليل انها الكليه الاولى فى معظم الدول المتقدمه وبعدين يا جماعه كل مهنه بتكمل التانيهانا معاكم ان اسنان مستقبلها دلوقتى كويس بس انا كطبيب بعد كم سنه فى شغل اسنان هحس انى خلاص اخرى حشو وخلع وتركيب يعنى الى حد ما شغلها روتينى ممل بس والصيدله عفوا بقت صيدليه لكل مواطن اما الطب فبصراحه بحس ان الطبيب اكتيف يعنى بيواجه حالات وبيفكر وعلطول بيتعلم لحد مااخر العمر وربنا يوفق الجميع والرزق بايدين ربنا وكلها كليات محترمه جدا ولا غنى عن اى منها
واسف لو طولت عليكم

[clinical chemist]

كليه علوم لانها الكليه الوحيدة للي لها مجالات كتير
عندنا في كليه علوم ممكن تشتغل في حجات كتير جدا ومتداخله مع مهن كتيرة من كليات تانيه

يعنى عندنا الكميائي بينافس الصيدلي في مصانع الادويه والكميائيين حاليا المسيطريين علي مصانع الادويه ومعظم مصانع الادويه للي شغال فيها كميائيين وليسوا صيادله

عندنا اخصائي التحاليل الطبيه من علوم بينافس اخصائي التحاليل الطبيه من طب واغلب المعامل اصحابها دكاترة من علوم لان خريج طب معندهمش اقسام للتحاليل في داخل كليته وعشان يفتح معمل لازم ياخد ماجستير في التحاليل فبيتعطل وبالتالي اخصائي التحاليل من علوم اكتر بكتير من خريجى طب


عندنا في كليه علوم المبرمجيين من كليه علوم قسم حاسب بينافسو المبرمجيين من كليه حاسبات ومعلومات قسم حاسب
والاتنين يتبعوا لنقابه العلميين



عندنا في كليه علوم قسم البترول وقسم الجيوفزيا وقسم الجيولوجيا ودة بينفاس هندسه بترول في شركات البترول
ولكن قسم البترول تحديدا بيبقي ليه افضليه عن الباقي لان القسم دة مفتوح جديد وبفلوس بحوالي 10-12 الف جنيه في السنه و بيبقي في برنامج تدريبي وبيسفروهم برة يدربوا وبالتالي بيبقي مفضل في الشغل
القسم دة بالذات بيوصل تنسيقه ل 98%
لانه له تنسيق خاص بيه
يعنى مثلا كليه علوم اخدت من 94% او 95%او 93%
قسم البترول بقي ملوش دعوة بالتنسيق دة
وبياخد اعلي 40 وااحد
فى اللي بيقدمو وللي بيقدمو في القسم دة كتير جدا
فطبعا القسم عايز 40 واحد بس عشان القسم دة برنامج زى بيطلع بروفيشنال في البترول
فيقوم واخد اعلي اربعين واحد وعشان كدة بيصل تنسيق القسم دة ل 98%


فيه مجالات تانيه كتيرة جدااااااااااااااا في الكليه زى اخصائي مكافحة عدوى واخصائي اطفال انابيب ومهندس جودة والكميائيين الشرعيين في الطب الشرعى والكميائيين في المصانع والشركات
ولو زنقت معاك في ادخل حوار اكادميه الشرطه
وتبقي ظابط كميائي للي بيعملوا القنابل واللي في الحروب الكميائيه والبيولوجيه:av4056bb7j p3:

[free heart]

في رأيي أفضل كلية علمية و عملية هي كلية التمريض

لماذا لا تذكروها خالص

مع ان فرص الغمل بها تبدأ منذ أن نكون طلبة

والمرتبات مجزية تبدأ من 750 جنيه مصري للطلبة
و 1500 جنيه للخريجين كحد أدني

[Dr-Mahmoud Ehab]

لن يؤثر علي معتقداتي رإي الإقليه ولا إصحاب الأمراض المزمنه
كل شخص يتعصب لكليته
خريج العلوم يري أنها إفضل كليه علي الإطلاق
وطالب البشري يري أنها ليست للبشر العاديين
سواء كانت الأفضل أم لإ
سبحانه وتعالي إراد توزيع المهن علي الناس
لكن لا إعلم لماذا لا يرضي الناس بما قسم لهم الله
لما يتجه طلاب الثانويه للإلتحاق بكليات المجموعه الطبيه وإذا لم يوفقوا في الحصول علي آمالهم يرون أنها نهايه الدنيا
إتعلمون ما هي إفضل كليه من رأي الشخصي
الكليه الأفضل هي الكليه التي تحبها وتعشق مهنتها وبها تخدم من حولك وتؤدي رسالتك في الحياه
المهنه التي تستطيع بها أن تحصل علي مستوي جيد من المعيشه
وليست الكليه الأفضل هي التي تجعلك متكبرآ علي من حولك إطلاقآ ولكنك إذا وصل بك الحال لهذا فاعلم أنك مريض نفسي
وإذا كان كل طالب يري أن كليته الأفضل فهو بذلك وصل لحاله من الرضا والقناعه بما قسم له
إما إذا كان يتأثر بآراء من حوله فهو لم يرضي بنصيبه وعليه إن يحمد الله ويفكر مليآ

[Dr/yara]

معلش يعنى بس حد يفهمنى
انتم عمالين تشدوا مع بعض على كليات بطرى وعلوم وبشرى
انا لما شفت نتيجه الاستبيان لقيته للصيدلة هى نتيجة الاستبيان عندى غلط فى الكمبيوتر ولا ايه ؟؟؟؟؟؟؟؟؟؟؟
الصراحه محتارة ههههههه

[Dr/yara]

المشاركة الأصلية كتبت بواسطة mahmoudehab

لن يؤثر علي معتقداتي رإي الإقليه ولا إصحاب الأمراض المزمنه
كل شخص يتعصب لكليته
خريج العلوم يري أنها إفضل كليه علي الإطلاق
وطالب البشري يري أنها ليست للبشر العاديين
سواء كانت الأفضل أم لإ
سبحانه وتعالي إراد توزيع المهن علي الناس
لكن لا إعلم لماذا لا يرضي الناس بما قسم لهم الله
لما يتجه طلاب الثانويه للإلتحاق بكليات المجموعه الطبيه وإذا لم يوفقوا في الحصول علي آمالهم يرون أنها نهايه الدنيا
إتعلمون ما هي إفضل كليه من رأي الشخصي
الكليه الأفضل هي الكليه التي تحبها وتعشق مهنتها وبها تخدم من حولك وتؤدي رسالتك في الحياه
المهنه التي تستطيع بها أن تحصل علي مستوي جيد من المعيشه
وليست الكليه الأفضل هي التي تجعلك متكبرآ علي من حولك إطلاقآ ولكنك إذا وصل بك الحال لهذا فاعلم أنك مريض نفسي
وإذا كان كل طالب يري أن كليته الأفضل فهو بذلك وصل لحاله من الرضا والقناعه بما قسم له
إما إذا كان يتأثر بآراء من حوله فهو لم يرضي بنصيبه وعليه إن يحمد الله ويفكر مليآ

بجد رأيك مقنع جدا ومفيش كلام ينفع يتكتب بعده
وعلى فكرة انا من الناس ودول كتير جداااااااا اللى بيسيبوا بشرى واسنان ويدخلوا صيدلة
ويارب كل طالب يوصل لحالة الرضا

[Dr/yara]

صح والله

فعلا

انا مقتنعة بالري ده

انا عن نفسي ان شاء الله

مقتنعة بالكلية اللى هدخلها ان شاء الله ( البيطري )

وراضية بيها الحمد لله

[clinical chemist0]

المشاركة الأصلية كتبت بواسطة سيوده

انا بقى فى بيطرى ومن رايى احسن كليه للولد من حيث الشغل طب بيطرى سيبك من المنظر الناس مبيعجبهاش حاجه حتى لو بقيت وزير الصحهاما البنت من رايى باه متدخلش مجال الطب اصلا لانه ببساطه لا يتناسب مع طبيعة البنت
طب بشرى له مكانته فى المجتمع وطبعا اى حد هيجيب طب بشرى مش هيفكر يدخل غيره الا من رحم ربىوبالنسبه للدكتور اللى بيقولان الدكتور البيطرى بيشتغل فى شركات الادويه متطفل انت بكل بساطه ممكن تدخل على اى موقع وتحمل كتاب فارما لاى كليه من كليات الطب البيطرى ومعاه كتاب كمياء حيويه وبالمره كتاب امراض مشتركه وكتاب ميكرو بيولوجى ومعاه برده كتاب كلينيكال باثولوجى وطفيليات وانت هتعرف ساعتها انه مش متطفل ولا حاجه
دا فضلا عن مواد كتير تانيه ممكن تعرفك ان الطبيب البيطرى مش اقل من الطبيب البشرى بس مش عاوزينك بس تتوه مننا
وانت لو بصيت من ناحيه تانيه ان الدكتور البيطرى من حقه يفتح صيدليه عارف ليه لانه درس فارما عملى يعنى ركب ادويه بايديه دى فى صيدله وبيطرى مش فى طب ولا اسنان الدكتور البيطرى صيدلى نفسه يعنى ادرى بالدوا من اى حد وفرص طب بيطرى كتير بس الناس اللى مفهومها غلط والدليل انها الكليه الاولى فى معظم الدول المتقدمه وبعدين يا جماعه كل مهنه بتكمل التانيهانا معاكم ان اسنان مستقبلها دلوقتى كويس بس انا كطبيب بعد كم سنه فى شغل اسنان هحس انى خلاص اخرى حشو وخلع وتركيب يعنى الى حد ما شغلها روتينى ممل بس والصيدله عفوا بقت صيدليه لكل مواطن اما الطب فبصراحه بحس ان الطبيب اكتيف يعنى بيواجه حالات وبيفكر وعلطول بيتعلم لحد مااخر العمر وربنا يوفق الجميع والرزق بايدين ربنا وكلها كليات محترمه جدا ولا غنى عن اى منها
واسف لو طولت عليكم

بالنسبه لشركات الادويه فالمقصود هى شركات الدعايا
وليس التصنيع

فمش كل من درس كميا اصبح كميائي
ومش كل للي درس ميكرو اصبح ميكروبيولوجى

[dr.loai]

السلام عليكم
ازيكم يا شباب ؟ عاملين ايه ؟
أنا شايف ان فى اختلاف كبير بينكم على أفضل كلية من حيث الشغل و الاختلاف ده فعلا حاجة كويسه لأنه بيدل على ان كل واحد مننا ليه وجهة نظر مختلفة .
المهم أنا را~ مختلف مع كتير منكم أنا شايف أن كلية العلاج الطبيعى ليها احسن مشتقبل وظيفى بعد التخرج ؛ حد يقولى ليه ؟

ع فكرة ده مش تحيز لكليتى أو كده بس تعالوا نقارن بين العلاج الطبيعى و الكليات التانية

الطب و الصيدلة و الأسنان و الطب البيطرى .. شوف فيه كام كلية على مستوى الجمهورية سواء حكومية أو خاصة و بالتالة شوف فيه كام خريج كل سنة ؟ هتلاقى أن الأعداد كتيرة جداااااااااااااااااااااااااااا و طبعا زى ما كلنا عارفين ان كمان التكليف بتاع الطب اتلغى يعنى من الاخر الوظيفة مش مضمونة خالص و كمان الطلب عليهم من البدان العربية بدأ يقا جدا لأنهم بدأوا يطوروا نفسهم فى المجالات دى .

و شوف كمان انتا تقدر تفتح عيادة أو صيدلية بعدها باد ايه ؟!!! طبعا هتحتاج وقت كتير لما تكون نفسك أساسا .

طب تعالو بقى نشوف العلاج الطبيعى ..
هما أساسا 4 كليات على مستوى الجمهورية : 1 حكومية ( جامعة القاهرة ) و 3 خاصة ؛ و كمان أعداد الطلبة بيهم قليل .. فبالتالى أعداد الخرجيين قليل جدا و كمان الوظيفة مضمونة 100 % ؛ و كمان ممكن تبدأ تدريب و شغل من سنة 2 و طبعا لو ثبت نفسك مع دكتور معين يبقى ظبط نفسك و ضمنت شغلك بدرى بدرى .. و كمان الامكانيات اللى هتحاجها عشان تفتح مركز علاج طبيعى مش كتيرة و تقدر توفرها ؛ و ده طبعا غير ان العلاج الطبيعى فرصته كبيرة جدا سواء فى البلدان العربية أو امريكا و أوروبا .

[waleed ansary]

حكاية الكليات دى مش عارف ليه معظم الناس بتبص للمنظر والمنصب بالعكس المفروض ان الواحد يبص للحاجه اللى تنفعه وياخد من دنياه لأخته. فمشكل حاجه المنصب والفلوس والشهره . ده تفكير خاطئ طبعا ومتنساش ان ربنا هو اللى انعم عليك بكده. وربنا رفع بعض الناس فوق ناس ليختبرهم فى هذه الحياه وما الحياة الدنيا إلا متاع الغرور . فكل إنسان يدخل اى مجال لازم يجتهد فيه ويرضى بنصيبه فأعلم يا أبن ادم ان رزقك لن يأخذه غيرك. وفكر ديما ان عملك ده يكون خالص لله وحده.

[طالبة الجنة 2012]

: blush:تصدقوا يا دكاترة انا كرهت الطب كله بعد الجدلات اللى قراتهامع انى نفسى موت ادخل طب اسنان
بس انا رايى ان احسن كلية مستقبلها كويس هى الاسنان
الصيدلة ممكن بس الصيدليات بقت كل واحده على بعد متر من التانيه يعنى مفيش اكتر منهم فى البلد والطب البشرى دا مش عايزة ادخله ولا بتمنى ادخله خالص لانه سبع سنين دراسه وبعدين لسه تتخصص وجايز مش يجيلك القسم اللى انت عايزة تبقى عملت ايه
التخصص من الاول افضل ودا مجرد راى ولكم حرية الراى ايضا