هندسة الشروق

[يارب فينك]

لو سمحتوا كنت عاوزة اعرف هندسة الشروق واخدة من كام انا جايبة 77.3 ومش عارفه اعمل اية وقالوا العاشر بياخد من 89%بليز حد يرد عليا فى اسرع وقت ممكن

[Eng.Ahmed Hagag]

المشاركة الأصلية كتبت بواسطة يارب فينك

لو سمحتوا كنت عاوزة اعرف هندسة الشروق واخدة من كام انا جايبة 77.3 ومش عارفه اعمل اية وقالوا العاشر بياخد من 89%بليز حد يرد عليا فى اسرع وقت ممكن

للاسف الشروق خدت السنة ده من 89% شوفي حاجة تانية تناسب مجموعك

[Eng.Ahmed Hagag]

My Yahoo e_mail adress is
themimscom100***********
add me to know each other before we go to the acadmey

[titoelfoly]

المشاركة الأصلية كتبت بواسطة beshooooo

للاسف الشروق خدت السنة ده من 89% شوفي حاجة تانية تناسب مجموعك

هم خالو فيها تناسب خالص دا كده بوخت اوى لما المعاهد بتاخد من 85%+ نفسى اعرف بقى اللى جايب أقل من كده هيعمل ايه يا راجل دى بقت حاجه ممله اوى وافورت على الاخر لن اللى بيعملوه ده بجد حرام
طب فى ناس مثلا جابت 69 % زى مثلا اعمل انا ايه بقى قول دلوقتى ولا حتى اقدم ايه هى كلها على بعضها منظمه تعليم فاشله دى حاجه تشل والله

[eng/ yasmine]

بصراحة هو ده الصح ان ليها تنسيق بيبقى 89% المفروض يبقى اكتر
اكيد اللى جايبن 69 ليهم اماكن تانية
بس يعنى مش معقول اللى جايب 90 واللى جايب 70 يتساوا ويبقى فى مكان واحد

[titoelfoly]

المشاركة الأصلية كتبت بواسطة yasmine ibrahim

بصراحة هو ده الصح ان ليها تنسيق بيبقى 89% المفروض يبقى اكتر
اكيد اللى جايبن 69 ليهم اماكن تانية
بس يعنى مش معقول اللى جايب 90 واللى جايب 70 يتساوا ويبقى فى مكان واحد

مش فاهم نظريه سيادتك على فكره تساوى الرؤس اللى انتو بتتكلمو عنه ده هو ده اللى جايبنا ورا
اكيد حضرتك متعرفيش الشخص اللى جايب 69 ده كان عنده ايه عطله.الظروف مش مبرر بس لازم نوجد عزر للبنى ادم وياخد فرصه واتنين مش فرصه قدامه يا لحقها يا ملحقهاش ويبقى كده بقى خلاص كمان احنا لازم نبقى متحضرين عن كده عشان كده البلاد اللى بره سبقانا بسنين واحنا لسه بنفرق ما ممكن اللى جايب 60 يتفوق على اللى جايب 90 وممكن الى جايب 90 تحصلوا ظروف اللى جايب 60 يروح يجيب 60 زيه

[titoelfoly]

مش تزعلى من غلظه كلامى بس انا مضايق شويه انا اسفالضغط انتى عارفه بقى التنسيق وكدهووجع الدماغ والتوتر

[titoelfoly]

مش تزعلى من غلظه كلامى بس انا مضايق شويه انا اسفالضغط انتى عارفه بقى التنسيق وكدهووجع الدماغ والتوتر

[Eng.Ahmed Hagag]

المشاركة الأصلية كتبت بواسطة yasmine ibrahim

بصراحة هو ده الصح ان ليها تنسيق بيبقى 89% المفروض يبقى اكتر
اكيد اللى جايبن 69 ليهم اماكن تانية
بس يعنى مش معقول اللى جايب 90 واللى جايب 70 يتساوا ويبقى فى مكان واحد

مظبوط يا ياسمين مع احترامي ليك يا تيتو أنا جايب 92.5 % يعني لازم يكون فيه فرق بين اللي جايب 70
وواحد زيي كده فرقة معاه حاجة بسيطة على هندسة والشروق هي تنسيقها كده عشان كده أنا اخترتها عن باقي المعاهد
والله مش قصدي اقلل من الناس اللي جايبة 70% بس لازم يكون فيه فرق واحد زيي كده عشان مجبش 95% حصل فرق بينه وبين اللي جاب واللي جاب 95 دخل هندسة وهي ده سنة الحياة الفروق بين البشر ولا إيه ؟؟

[Eng.Ahmed Hagag]

انصحك يا تيتو تشوف حاجة تانية انت مش جايب 69 % هم قالوا الحد الادنى لهندسة خاصة 67% وأنا اودعدك لو لقيتلك حاجة هقولك علطول وربنا معاك
وبعدين استنى تنسيق المرحلة التالتة وهتعرف إيه اللي فاضل ولو محتاج مساعدة قولي

[titoelfoly]

انا مش بحب الهندسه على فكره بس ما علينا طبعاً انا بحترم رأيك ورأى ياسمين بس انا برضو مختلف معاكم

[Eng.Ahmed Hagag]

المشاركة الأصلية كتبت بواسطة titoelfoly

انا مش بحب الهندسه على فكره بس ما علينا طبعاً انا بحترم رأيك ورأى ياسمين بس انا برضو مختلف معاكم

اختلاف الرأي لا يفسد للود قضية
وبعد كل ده جاي تقولي مبحبش هندسة

[titoelfoly]

هههههههههههههههههههه اه والله مش بحب الهندسه اوى يعنى بحب علوم حاسب اكثر بكثير انا هدخل انام بقى تصبح على خير

[Nooz93]

انا جاتلى فنون تطبيقية مش عارفة احول لهندسة الشروق ولا هى كلية كويسة

[matrix4ever]

المشاركة الأصلية كتبت بواسطة titoelfoly

مش فاهم نظريه سيادتك على فكره تساوى الرؤس اللى انتو بتتكلمو عنه ده هو ده اللى جايبنا ورا
اكيد حضرتك متعرفيش الشخص اللى جايب 69 ده كان عنده ايه عطله.الظروف مش مبرر بس لازم نوجد عزر للبنى ادم وياخد فرصه واتنين مش فرصه قدامه يا لحقها يا ملحقهاش ويبقى كده بقى خلاص كمان احنا لازم نبقى متحضرين عن كده عشان كده البلاد اللى بره سبقانا بسنين واحنا لسه بنفرق ما ممكن اللى جايب 60 يتفوق على اللى جايب 90 وممكن الى جايب 90 تحصلوا ظروف اللى جايب 60 يروح يجيب 60 زيه

معنى كلامك بقى الامتحانات دى ملهاش لازمة مادام انت شايف فرق الدرجات دى مش مهمة خلاص بقى اى حد ممكن يبقى دكتور اى حد ممكن يبقى باشمهندس عادى مش فارقة ........... تييييييييييت

هو دة التقدم اللى انت شايفوا يا سلاااااااااااااااام ع التقدم

انا يا جماعة اللى هابلنى الناس اللى جايبة مجاميع مش تدخل حتى خاص هندسة ييجي يزعلوا و يقولوا التعليم بايز التعليم كذة التعليم تيت

طيب يا باشمهندس انت ليه عاوز تدخل كليات القمة مصر كلها عاوزة تبقى فى كليات القمة و دة مستحيل لان حتى الخاص ليه درجات محددة لازم يكون هناك حد و فاصل بين الناس علشان تتنوع و تتعدد الاعمال علشان يبقى فيه دكاترة و باشمهندسين و اساتذة و الخ

علشان كدة هم بيعملوا الامتحانات بيشوفوا مين الاكفأ و الافضل للاقسام المتعددة و اكيد كل ما تنسيق قسم اعلى تبقى عاوزة ناس قدراتها عالية و الا بقى لو انت عاوز حاجة غير كدة تبقى بزرميطة

و ع فكرة بقى بص حقولهالك وش مش حتلاقى معهد هندسى خاص يقبل بيك للاسف و شوفلك حاجة تانية غير الهندسة