عايز تبقى ايه

[القطة الروشة]

انا اعرف واحدة جابت 62 فى تانيه وفى تالته جابت 92 ودخلت اداب انتساب
لو مصمم على حاجة هتعملها وخلى عندك ايمان بربنا
ربنا يوفقك يا بحار وتبقى اكبر دكتور تحاليل
اما انا عايزة ادخل صيدلة ونفسى ابقى معيدة فيها يعنى برستيج وعلشان ابقى اسمى الدكتورة ندى
وكمان عايزة اعمل ماجستير ودكتوراه
يعنى من الاخر مش ههدى الا لما الاقى نفسى عندى 90 سنة
ربنا يديلى الصحة ويطولى فى عمرى يا رب

[emoo]

على فكره انا ليا واحد صحبى 65 فى تانيه و 96 فى تالته
وواحد تانى 73 تانيه و 97 تالته وواحد تالت 74 فى تانيه و 94 فى تالته
والتلاته دخلوا تجاره الحمد لله
انا بقى الحمد لله دخلت صيدله بس بنى سويف وانا من القاهره
حلمى حاليا انى اعرف احول القاهره السنه دى او السنه الجايه

[القطة الروشة]

الللللللللللللللللف شكر على احلى مرور يا ميرو ويا توتى ويا ايمو
ويارب تعملوا الى لنتوا عايزينه مدام مصممين عليه بس يعنى ايه تحول القاهرة
ربنا يوفقوا

[أحمد2025]

أنا لسه داخل تانيه
لكن عايز أدخل (حقوق إنجليزى)ان شاء الله
وعايز اكون مستشار زى بابا
شكرا جزيلا ندى على الموضوع

[eng_7amod]

انا الحقيقه دخلت هندسه
وكمان اتخصصت كهربه
وكمان تقريبا قربت اخلص
وبشتغل في شركه في الكويت مرتبها عالى جدا
بس الحقيقه انا بحلم وبحلم اوي اني اشتغل في مصر
بس هل الفلوس اللي هاخدها هتكفيني خصوصا اني محتاج اني اتجوز واصرف على عيله
والله انا لو خالي مرتب مثلا 2000 جنيه انا مستعد ما اسافرش برة مصر خالص
مع العلم انا مرتبات بره حوالي 20000الف يعني 10 اضعاف

[براءة]

اه صح مرتبات بره بتزيد عن 20000

اصل انا لما كنت بشتغل فى امريكا كان بابى ومامى بيقولولى يا رحمة علشان ايه البهدله دى بس انتوا عارفين الحياة صعبه وكده بقي

________________

انا باذن الله داخله تانيه وناوية على صيدلة وان لم يكن فباذن الله علوم وان لم يكن فاداب علم نفس او اداب يابانى ....

ربنا يوفق الكل باذن الله

[The_Relativistic200]

يا دى الصيدلة؟
انتو حرين

انا بقى عاوز ابقى
كويس
انا فى تالتة
وناوى على هندسة ان شاء الله
يا مدنى يا اتصالات يا كمبيوتر
غير كده ...... مفيش غير تجارة ربنا ما يوريكم

[براءة]

مالها الصيدلة ؟؟

قول بس علشان ابقي عندي علم الناس مش بتحبها ليه والحمد لله انا عندى بدائل ....

[The_Relativistic200]

والله
لو انت بتحبيها يبقى
خلاص ده
الفيصل فى الاول والاخر
بالنسبة بقى للكلية لو هتدخلى وتتفوقى فيها ان شاء الله
يبقى حاجة نضيفة
غير كده
اخرك صيدلية او شركة ادوية
بس فيها شغل طبعا
انتى وفلوسك

بالنسبة للبدائل
انا شايف من ردك
انهم اداب الاتنين
ومش شايفهم مؤثرين اوى

حاولى بقدر الامكان متمشين ورا مشاعرك او احساسك
بمعنى سيبك من حب الكلية والقرف ده

ودايما هتقعى فى مطرقة حب الكلية اللى مجموعها قليل شوية واللى عاجباك وملهاش شغل
(وابقى خلى حبك ينفعك)
وسندان الكلية التانية اللى مش بتحبيها بس ممكن يبقى ليها شغل ومرتبها نضيف

دى وجهة نظرى طبعا وملهاش اى لزمة لحد غيرى
بس اهو ده اللى انا شايفه
سورى على الاطناب
وربنا يوفق الجميع ويوفق تالتة وتاني ثانوى بالذات
عشان فيه تعليمات بنفخهم كالمعتاد :D

[لؤلؤة]

انا بقى لما اخلص اولى وتانية وتالتة يبقى افكر

بس انا نفسي في فنون تطبيقة

وخايفة ادخل كلية مش حلوة لان تقريبا انا
الخيبة بتاعت البيت لان عندي واحدة هندسة والتانية
فنون تطبيقة وماما برده فنون تطبقية وبابا كميائي في مصنع اسمنت

خريج كلية علوم وانا بقى اللي هابوظ كل حاجة

يلا ربنا معايا
ادعولي ربنا يخليكوا ليا

أنا كان نفسي ادخل صيدلة بس ربنا كانت أرادته اكبر و أعلى من كل شئ
ودخلت ادآب بفضل المجموع المهبب

الحمد لله على كل شئ

[براءة]

على حكاية الصيدله انا عجبتنى لانها كليه كل اللى فيها مش بيتعبوا زى الطب

وباذن الله مفيش مشاكل من حيث صيدليه او كده وعارفه ان فى الاخر هيبقي اسمى دكتوره بس بياعه

لكن الطب استحاله بس ممكن علاج طبيعى

واما عن الباقي فبيتهيالى انا مش محتاجه كليه تشغلنى

وبابا قايلهالى السنة دى ادخلى المجال اللى بتجبيه واهم حاجه مش تعديه لا تفوقي فيه

مش عارفه والله انا محتاره من اعدادى وحتى لما استقريت على الكليه والبدائل كتير بيحذرونى

طيب ايه رايكم فى كلية علوم ؟؟؟؟؟؟؟؟؟؟

[القطة الروشة]

ربنا يوفقوا كلكم وانا شايفة ان صيدلة مش وحشة يا خالد انا عليزة ادخل صيدلة وتجارة حلوة اخويا فيها لكن صعبة وهو ماشى فيها بالبركة

[The_Relativistic200]

ابوس ايدك بلاش علوم
كل واحد بيعمللى فيها زويل وهو داخل
الكلية حلو بس المستقبل صفر صفر صفر
لا منك صيدلية ولا دكتورة ولا مهندسة
تاخدى كله ولا الهوا بعد كده
ولو هتتفوقى فيها برضو
متخشيهاش

[لؤلؤة]

كلية علو صعبة اوي يا رحمة علتي كلها كلية علوم

وانصح ما تدخلهاش الا بقى اذا كان ده طموحك