حول المنهج الجديد للصف الثانى

[حسام جابر]

لازم صوتنا يوصل للمسئول طالما دا راي الجميع
ايه المنهج ده فين الهدف منه
طيب لما الطالب يسالني ايه الفايده من المنهج ده
في المنهج القديم كنت لما بشرح الحريه والجبريه والاراء المختلفه
كنت بقولهم ان دا يدل علي ان الفلسفه وجهه نظر عقليه فرديه وان دراسه وجهات النظر المختلفه تودي للارتفاع بالمستوي العقلي يعني كنت بربط بين تعريف الفلسفه واهميتها وبين الموضوع اللي بشرحه
انما اللي حاصل ده كلام فارغ

[احمد مصطفي سليمان]

منهج غبى زى الى حطينه منهم لله هيكرهوا الطلاب فى المادة

[حسام جابر]

استاذ رمضان انت كنت عملت الموضوع الاول ورد
واتحذف من علي الموقع

[رمضان الخولى]

لا موجود يا استاذنا

[رمضان الخولى]

اتفضل الربط http://www.thanwya.com/vb/showthread.php?t=613659

[حسام جابر]

الف شكر يا استاذنا وربنا يجعله في ميزان حسناتك

[المعلم الاول ارسطو]

نتمنى يا استاذ حسام باقى الموضوعات علشان نسخة الكتاب مش واضحة اوى
ولك جزيل الشكر والاحترام

[yusuf16]

المشاركة الأصلية كتبت بواسطة moustafa_ibrahim_edu

راى مدرس فلسفه عن المنهج الجديد
ملاحظ علي المنهج أنه قص/لصق جزء من منهج سنة أولي القديم ( الضمير عند بطلر ) و جزء من منهج المستوي ( فلسفة السياسة ) و جزء من منهج سنة ثالثة السنة العام السابق
( الإلزام الخلقي )
نفس الوضع مع المنطق
جزء من المنهج الملغي وجزء من الحالي
كان يفترض علي واضع المنهج أن يهتم بوضعه
كان لابد أن يضع القياس كاملاً بكل أشكاله أفضل من تشتيت الطلاب بأجزاء مهلهلة
فالوحدة الواحدة أفضل من التجميع
م ن ق و ل

ده رأي العبد لله يوسف

[مستر خالد الحارتى]

فى ناس بيحبوا يجاملوا علشان يكسبوا المستشارين بس
مش اكتر من كده

[albfady]

ياجماعة انا شايف المنهج حلو جدا ورائع جدا الصراحة
ودا اللى كان نفسى فيه من زمان يحطو حاجات مهمة ومفيدة فى الفلسفة عشان الطالب يعرف ان الفلسفة مهمة ججدا فى الحياة ويمكن اهم حاجة وتخليه يسال ويعرف اكتر عن الموضوعات ويبحث عن مراجع اكتر
دنا فى المنهج القديم كن بربطلهم الموضوعات القيدمة باى شكل من الاشكال بالموضوعات السياسية والحمدلله انهم جابو الفلسفة السياسية ..... دى اروع حاجة تتدرس فى حياتهم .
وبعدين انا شايف ان موضوع الحرية والجبرية دا ميتفافيزيقا فارغة شوية والطلبة فعلا كانو شايفين كدا ويقعدوا هي هتفيدنا فى ايه دى
انما فلسفة الاخلاق والفلسفة السياسية موضوعات رائعة عشان يقدرو يكونو وجهات نظر سليمة عن الاحداث والاوضاع المختلفة فى المجتمع .

[albfady]

اما المنطق :
فحلو جدا انهم شالو القياس لانه بردو مالوش قيمة اوى . ليه لان المنطق الارسطى اتوجهله عيوب وانتقادات وهو فعلا قياس عقيم . يبقى الطلبة ليه يدرسوه وخصوصا انه فى حجات معقدة وصعبة وكتير وكبير
يبقى مالوش لازمة
وفعلا الاستدلال والتفكير الناقد موضوع مهم وكان لازم ينضاف لانه مفيد جدا للطلبة ويعلمهم ازاى يفكرو بطريقة ناقدة وميتسرعوش فى احكامهم
انا ماليش دعوة بقا الطالب همه يحفظ ولا ميحفظش
انا ليا نفسى . انا عن نفسى بحبب الطالب فى المادة وبخليه يسفاد منها فى حياته وازاى اوظف المعلومة فى انها مفيدة فى حياته وازاى يستفيد بها
وطبعا دا بيخليه يستوعب المعلومة اكتر واكتر ويعرف يحل اتخن سؤال فى الامتحان لانه فاهم وعارف
هو ناقص بس يطورو طريقة الامتحان عشان تقيم مدى استفادة الطالب ببالمعلومه وفهمه ليها
دا مش كلام احلام
دا كلام واقعى وانا عن نفسى بنفذه على ارض الواقع
مع العلم انى مش مدرس فى اى مدرسة ولا حاجة وبدى دروس بس ؛

[almhagr36]

اؤيدكم الراى

[لسان اللغة]

بصراحة يا اْساتذة ( ربنا يكون فى عون المدرس فى كيفية تناول هذا المنهج الغريب وعرضه على الطلبة) منهج ليس له معنى ولا هدف ، وبصراحة الفلسفة فى تدهور مستمر وربنا يسترها.

[بسمة فودة]

المنهج صعب دى حاجة مفروغ منها بس بصراحة بيشغل عقل المدرس قبل الطالب لانه خلاص طريقة التلقين دى انتهت وعفى عليها الزمن لازم المدرس يذاكر ويبحث عن المعلومات ويشجع الطالب على ذلك

[بسمة فودة]

لازم نفكر نجدد فى الماده للاسف احنا شعب يكره التجديد