وحكمت المحكمة... تيران وصنافير مصرية كانت ومازالت وستظل

[محمد محمود بدر]

[محمد محمود بدر]

[محمد محمود بدر]

[محمد محمود بدر]

[محمد محمود بدر]

[محمد محمود بدر]

[محمد محمود بدر]

[محمد محمود بدر]

[محمد محمود بدر]

في كتابه "قناة السويس ومشكلاتها المعاصرة" (مكتبة النهضة المصرية، القاهرة 1956)، يشير الدكتور مصطفى الحفناوي أحد أبطال تأميم قناة السويس، إلى جزيرتي تيران وصنافير بقوله (صـ 462) "أما عن الجزيرتين اللتين احتلتهما مصر في خليج العقبة فهما جزيرتان مصريتان سبق أن احتلتهما القوات المصرية عام 1906 أثناء وضع الحدود بين مصر والبلاد العثمانية، فلم يكن في ذلك الاحتلال مفاجأة. ومنذ أن انتهت العلاقة بين مصر والدولة العثمانية ظلت الجزيرتين مصريتين". ولم تكن المملكة العربية السعودية قد تأسست أصلا في ذلك الحين إذ أنها أصبحت دولة عام 1932.

ويضيف الحفناوي في موضع آخر من كتابه (صـ467) "لكن مصر اكتفت بمباشرة هذه الحقوق (يقصد حقوق تفتيش السفن الأجنبية العابرة في مياهها الإقليمية) في موانيها وفي مياهها الداخلية أي قناة السويس وخليج العقبة وهذا الأخير هو مياه إقليمية"

[محمد محمود بدر]

هؤلاء هم بعض الأبطال الذين استشهدوا دفاعا عن جزيرتي تيران وصنافير .

الرئيس بيقول أنه سأل وزارتي الدفاع والخارجية والمخابرات العامة عن وثائق ورقية تثبت ان الجزر مصرية ولكن لم يجدوا، لكن هل سألتهم ان يبحثوا في وثائقهم عن من استشهدوا دفاعا عن الأرض؟! هل سألتهم عن أهم وثيقة وهي الدم الذي سال دفاعا عن الأرض ؟!

عفوا يا سيادة الرئيس فجنودنا لم يكونوا مرتزقة يوما ما حتى يدافعوا عن أرض غيرهم، فجنودنا دافعوا عنها ودفعوا حياتهم ثمناً للدفاع عن تلك الجزر لأنهم كانوا يدافعون عن أرضهم، بحديثك أمس وجهت إهانة لقواتنا المسلحة ولشهدائنا الأبرار وأسرهم.

الدم هو أقوى وثيقة تثبت أن جزيرتي صنافير وتيران مصريتان، على الرغم أن هناك وثائق ورقية تثبت ذلك، دماء الشهداء هي الوثيقة الوحيدة التي لا يمكن إخفاءها أو تمزيقها أو طمس معالمها، لأنها محفورة في في ذاكرة الوطن، ولن يستطيع إنسان محوها .

أيها الرئيس يجب عليك عندما تتخذ قرارات مصيرية تخص الوطن، يجب أن تضع في إعتبارك الأمن القومي المصري كمعيار أساسي تقيس به الأمور، وليس منطق السيدة الوالدة، مع احترامي الشديد لها، لكن لا تدار الأوطان بمنطق أمي وأمك، ولكن تدار بأن نضع اعتبارات الأمن القومي على رأس أولوياتنا، لا شئ آخر، بوصلة الرئيس في ملفاته الخارجية تحديداً هي الأمن القومي للدولة، إذا تعارضت حقوق دولة ما مع أمننا القومي، يجب أن نُغلِب أمن مصر القومي فوق أي اعتبارات أخرى، لأنك رئيس جمهورية مش شيخ قبيلة .

عفوا سيادة الرئيس تبريرك غير مقبول، ونتمسك بأرضنا ولن نتنازل عنها للغير لأن أمننا القومي فوق كل إعتبار .

[محمد محمود بدر]

[محمد محمود بدر]

[محمد محمود بدر]

**أسئلة للرئيس عبد الفتاح السيسي عن تيران وصنافير**

في ١٤ أبريل ٢٠١٦ الرئيس السيسي عقد جلسة "حوار
مجتمعي" اتكلم فيها عن قضية تيران وصنافير بكلام شديد الوضوح والخطورة، وواجب على كل مصري، مؤيد أو معارض، يفكر ويسأل ويحاسب رئيسه.

*****

١-
قال الرئيس "في حد برضو قال: إسألوا كل الناس، طب والله سألت كل الناس...أقول تاني؟ كل البيانات وكل الوثايق متدينش إلا إن أنا أقول الحق دا بتاعهم. اللجان فنية متخصصة مش أي حد يعرف يتكلم فيها، وعملت ١١ جلسة.

يعني مفيش في وزارة الخارجية وطني؟ كلهم ناس مش كويسين بيبيعوا بلدهم؟ طيب. مفيش في المخابرات العامة وطني؟ وكلهم عاوزين يبيعوا بلدهم؟ طيب. مفيش في الجيش حد وطني؟ وكلهم مستعدين يبيعوا بلدهم؟ إنتو حاجة صعبة قوي، صعبة بجد.. دي بلدكو، ودول ناسكو.. لما تشككوا فيهم بالطريقة ديّت فاضل إيه تاني؟"

ده أخطر مقطع في كلام الرئيس أياً كانت احتمالات تفسيره:
الاحتمال الأول: كل ما قاله الرئيس دقيق تماماً، وفعلاً الخارجية والمخابرات والجيش، كلهم قالوا انها سعودية ومفيش وثائق تثبت العكس.

- ده معناه ان الرئيس يجب أن يحاسب اللي ضللوه علني قدام الشعب زي ما تسببو انه يقول الكلام ده علني، ونشوف سبب ضعف الكفاءة الرهيب ده!

- مثلاً ضمن أهم أدلة القضية اللي قدمها الدفاع خريطة من أطلس المساحة العسكرية .. ازاي الجيش مقالش للرئيس؟!

- ليه ممثل الحكومة مقدمش إطلاقاً أصلاً أي وثيقة للمحكمة في أول درجة؟!! وفي الدرجة الثانية أمام الإدارية العليا قدم وثائق ضعيفة جداً، منها خريطة فوجيء القاضي لما فتحها انها بتثبت إن الجزيرتين مصريتين يعني قدم بنفسه دليل كذبه!

- في المقابل فريق محامي الإدعاء اعتمد على وثائق وخرائط أغلبها من مصادر حكومية بحتة، زي دار الوثائق القومية، معقول محامين يلاقوا عند الحكومة نفسها اللي كل مؤسسات الدولة مش لاقياه؟؟

الاحتمال الثاني: كلام الرئيس كذب، مؤسسات الدولة أو أفراد فيها اعترضوا وقالوا إنها مصرية، وهناك معلومات من داخل وزارة الخارجية انه بالفعل الرأي المختص عندهم قال انها مصرية لكن تم اخفاؤه .. ده معناه ان الرئيس يكذب على شعبه في موضوع بأهمية أرض مصر! معناه انعدام كامل لأي ذرة ثقة في هذا الرئيس.

ياريت كل مصري يفكر بهدوء وبلا تعصب في الجملة دي والاحتمالين دول، ويقولنا لو شايف رأي تاني.

يتبع

[محمد محمود بدر]

٢-
قال الرئيس "في تعليم الحدود إحنا لم نخرج عن القرار الجمهوري اللي صدر من ٢٦ سنة، واللي تم إيداعه الأمم المتحدة. هقولها تاني للمصريين.. ببساطة الكلام دا اشتغلنا فيه.. مش إحنا، اللي قبلنا وأقول إمتى؟ سنة تسعيين"

أولاً: أبسط منطق نسأل: لو القصة دي خلصانة فعلاً من سنة ٩٠، ليه مبارك مسلمش الجزيرتين من وقتها؟ ليه فضلوا مصريتين ٢٦ سنة كاملة بعدها؟؟!!

ثانياً: ضمن حيثيات الحكم المحكمة ردت بشكل تفصيلي، أولاً وضحت ان اللي حصل سنة ١٩٩٠ كان "تعيين حدود" بمعنى وضع أسس قانونية ونظرية ، أما "ترسيم الحدود" بمعنى تحديد الخط يمر فين بالظبط وايه يدخل وايه يخرج محصلش .. وثانياً المفاجأة بقى ان مصر رسمياً تحفظت بإعلان مرسل إلى سكرتير عام الأمم المتحدة على قوائم إحداثيات خطوط أساس المناطق البحرية بالبحر الأحمر اللي قدمتها المملكة السعودية، بتاريخ ٠٩/١٥/ ١٩٩٠.. وثالثاً المحكمة استندت لأن مصر مارست سيادة متصلة بعد ١٩٩٠ ، زي مثلاً قرار مجلس الوزراء سنة ١٩٩٦ باستمرار الجزيرتين كمحميتين طبيعيتين، ولا الأمم المتحدة ولا السعودية اعترضوا.
نقول تاني: معقول كل مؤسسات الدولة عجزت تشوف الوثائق دي؟! معقول كل مؤسسات الدولة مفيهاش حد قال للرئيس المعلومات دي قبل ما يتكلم عن قرار سنة ١٩٩٠؟!


يتبع

[محمد محمود بدر]

٣-
قال الرئيس "المراسلات والمكاتبات اللي كانت بتعني هذا الموضوع" مكانتش بتتطرح حتى لا تؤذي الرأي العام في البلدين.. أنا خدت الضربة في صدري.. لكن لو كنت أعلنت عليكو يا مصريين الموضوع دا من تمن شهور، كنا دخلنا في الحالة دي طول التمن شهور"
"كان تقدير الموقف السياسي هو طرح الموضوع دا ساعتها.. ولا طرحه بعد ما ينتهي؟ .. المنظور السياسي في الموضوع هو إحنا هندير أزمة مع السعودية؟ ولا هنديها أرضها؟.. يعني هنخش في مشاحنات وحاجات زي كدا، زي ما بتشوفوا الناس بيحصل في العالم كله. لا مش حنخش في مشاحنات"
"ليه في وجدان المصريين في حالة عدم ثقة أكتر من شعوب كتير.. إحنا أكتر ناس مبنصدقش بعضنا.. لازم تتوقفوا أمام الموضوع دوّت. وعلماء الاجتماع وعلماء الدين لازم يبصوا يشوفوا الحكاية دي."

- الرئيس بيقول انه طول ٨ شهور سابقة على توقيع الاتفاقية كان يدير الموضوع بشكل سري تماماً ومخبيه على الشعب، وبعدها اتكلم كتير عن أهمية الثقة في شخصه "الراجل اللي استأمنتوه على بلدكم"، وبيشتكي لدرجة عايز علماء اجتماع ودين يشوفوا ليه المصريين معندهومش ثقة!!

- إحنا مش عساكر في الجيش عشان ننفذ فوراً الأمر العسكري بدون سؤال، ولا أحنا أعضاء في جماعة الإخوان اللي عندها "ركن الثقة"، ولا إحنا في عيلة والرئيس أبونا نثق فيه ... إحنا مفروض ((مواطنين)) والرئيس، أي رئيس هو ((موظف)) يقوم بعمله اللي ((كلفناه) بيه.

في العالم كله الأمور العامة اللي أقل أهمية بكتير من دي بتخضع للنقاش والمسائلة والاختلاف العلني، ورأي الشعب اللي يخصه الموضوع هوا الأولوية ... مش ييجي حاكم أياً كان يقول انا خبيت عليكم واخدت القرار ولازم تثقو فيها وخلاص! ..

فعلا ده أسلوب "أشباه دولة".



يتبع