|
|
|
#1
08-05-2014, 01:52 PM
|
||||
|
||||
نصيحه من Mờĥąmễd Ąħmễd ............... لو فاكر إنك هتقرأ بوست عن طريقةالمزاكرة ، أو ازاي تنظم وقتك أو كيف تصبح طبيباً ناجحاً ، يبقى بلاش تكمل قرآءة ... أنا هتكلم عن شوية ثوابت لازم تخليها قدام عينيك في أي مرحلة في حياتك ناوي فيها تثبت نفسك (( الثانوية كنموذج مصغر مثلا )) و هيا يا سيدي : ١- النجاح 20% منه مهارة و80% تخطيط و اجتهاد !! ٢- الفرق بين الشخص الناجح و الفاشل مش فرق قوة أو قدرات !! لكن فرق ((( إرادة و عزيمة ))) ٣- حط لنفسك (( أهداف )) عالية قوي ، أعلى حتى من قدراتك ، عشان لو مش هتطول القمر ، هتطول النجوم !! ٤- الناجح الي بيقارن إنجازاته بالأهداف بتاعته ، لكن الفاشل بيقارن إنجازاته بإنجازات غيره !! ٥- اوعى تخلي الفشل من الخيارات الي قدامك ! آنتا أكيد هتنجح ، لكن لازم تعمل الي عليك ؛) النقطة الأخيرة و أهم نقطة ، إن عمرك ما هتلاقي إنسان ناجح إلا و لـ (( بر الوالدين )) و قربه من ربه نصيب كبير و ربنا يوفقكم و يوفقنا ...
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#2
06-05-2014, 08:28 PM
|
||||
|
||||
|
نصيحه من ... ReMo Elrwimy حاول .. تصلى اقرا قران . قرب من ربنا قرب منك كل حاجه حلوة قول الكلمه الحلوة . ذاكر افرح بلاش كلام ملوش لذمه زى كلام الحب والعبط ده خليك ايجابى خليك متفائل جرب وحاول اه ممكن تفشل لكن متنساش ان اول خطوات النجاح الفشل قرب من ابوك وامك صاحب اخوك .. حافظ على بنات الناس خلى ربنا قدامك قبل ماتعمل اي حاجه اصحى كل يوم الصبح بدري رتب الشقه بتعاتك افتح الشبايبك العب رياضه خلى ليك اكتر من هوايه ازرع شجرةاو ورردة كن متفائل جربوا وادعولى
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
آخر تعديل بواسطة smsmzeros ، 06-05-2014 الساعة 08:33 PM
|
|
#3
23-04-2015, 04:07 PM
|
||||
|
||||
انا بتكلم بجد
كل التجارب اللى حضارتكم قولتوها كويسه جدا
انا اتشجعت جدا وخصوصا لان الكلام حقيقى مش كلام علم نفس وخلاص يعنى اللى حصل معاكم ان شاء الله اقدر اخلص يارب  ويوفقكم جميعا  :0 28ja7:حلمى يوما ما سنلتقى لا تتأخر عليا انى انتظرك {لا تدرى لعل الله يحدث بعد ذلك امرا }  :0 22yb4::022 yb4::022yb 4:
|
|
#4
08-05-2014, 08:56 PM
|
|||
|
|||
|
شكرا ليكم بجد انا مذكرتش الرياضة من اول السنة انا 3 ثانوى ولس هبدا فيها وكونت محبط جدا جدا و دايما كونت السنة كلها بهرب منها بغيب كتير من حصص المدرس و مش بذكرها خالص وان شاء الله هخلصها و ربنا يسهل
شكرا لكل الردود الجميلة الى بتدى امل لبكره شكرا ليكم
|
|
#5
11-05-2014, 11:29 AM
|
||||
|
||||
|
قواعد المذاكره العشرين :-
1) اعمل شاى 2) اشحن الموبايل 3) ادخل الحمام 4) اتأكد ان السقف لسه فى مكانه 5) اتأكد ان السرير لسه فى مكانه 6) اتأكد ان الحيطه لسه فى مكانها 7) اتأكد ان الموبايل بيشحن 8) اعمل شاى بدل اللى برد 9) اتأكد ان التلاجه فى مكانها 10) اتطمن تانى على التلاجه معلش 11) السقف بخير ! 12) السرير فى مكانه ! 13) التلاجه تمام ! 14) فين الشاى ! *الكهربا قطعت* 15) ......... 16) ......... 17) ......... 18) ......... 19) ......... ...< Five Hours Later >... *الكهربا رجعت* 20) اعمل شاى
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#6
11-05-2014, 11:42 AM
|
||||
|
||||
|
شـوفت الجـو أتغير في الشوية اللى فاتو كدة ازاي ؟
شـوفت من قمـة الحر لـ قمة البرد أزاي ؟ في 24 ساعه بـ الظبط ؟ شـوفت قدرة ربنا في غمضة عين ايه الـ حصل ؟ طـيب ما مش ربنـا الـ غير الـ جو هـو ربك أنت كمان ؟ مش ربنا الـ بعتلك البلاء قادر في غمضة عين يشيله كمان ؟ خـلاص زعلان ليه , ربـــك بيقول كن فـ يكون , كلمة واحده بس بيغير منها الكون كله , و يغير بيها حالك أنت كمان , أنت ممكن تنام مهموم و حزين و مكسـور الخاطر , و تقوم من نومك على فرج لا على بالك ولا خاطرك , في ثانيه الحال بيتبدل , في أقل من ثاينه , بس الصبر الصبر , لازم تصـبر , و تثق في ربك , مهما ضــــــــاقت هتفـرج , مهما أتقفلت هتفرج , مهما حصل هتفرج , إن مع العسر يسرا , أصبر و ثق بالله , و ربنا مُستحيل يضيع حد واثق فيه , مُستحيل احبك ربى
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#7
14-05-2014, 05:11 AM
|
||||
|
||||
|
لما ألاقي موضوع بيسأل " هل في حد هنا في بلا بلا بلا .. الخ عرف يذاكر آخر شهر و يجيب تقدير او مجموع عالي ؟ "يعني مشكلتك في انك تلم في شهر و لا مشكلتك في النتيجة ؟ هل لو قالولك انه مفيش نتيجة مش هاتشتغل ؟ عارف ... هي دي مشكلتنا مابنعملش اللي علينا طالما مفيش نتيجة ملموسة هاتيجي حتى لو ده اللي المفروض يتعمل انت اسمك ايه ؟سنك كام ؟وظيفتك ايه ؟ وظيفتك طالب طالب علم سيدنا إبراهيم عليه السلام لما الملائكة راحت تبشره قالت "إِنَّا نُبَشِّرُكَ بِغُلامٍ عَلِيمٍ"مش غلام بس .. لا عليم مش عالم .. لأ عليم ليه بتحصر نفسك في النتيجة ؟ ليه مش بتتعلم لغاية او لهدف طلب العلم في حد ذاته عارفة انه ده كلام مجرد اوي .. خصوصا في بلدنا بس مش ذنبك انك اتولدت في مصر و بقيت طالب علم فيها في عصرنا ده بس ذنبك لو رضيت بده عارف احساسك و انت بتشوف فيلم او بتقرأ كتاب و نفسك تعرفي ايه و ايه الحبكة الدرامية مثلا ؟ليه معندناش الشغف ده ؟ لو حد جرب حلاوة انه يعرف معلومة جديدة .. عمره ما هيبطل يتعلم كلام برة السرب عارفة .. بس يهمني أعرف رأيكم
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#8
17-05-2014, 05:42 PM
|
|||
|
|||
|
اه بجد كلام جميل جدا بس يارب اقدر اتعامل بيه انا حياتي مدمره اساسا كل ما اعمل جدول مش امشي عليه لحد ما وقت خلااااص وماما كل شويه ها دا فاضل شهر انتي ازاي كتبك فاضيه فين حل لحد ما جالي احبااااط
|
|
#9
19-05-2014, 05:22 PM
|
||||
|
||||
|
انا بذاكر من اول السنه يمكن يكون مش بتركيز اوي بس حاسه نفسي دلوقتي تايهه مش عارفه اعمل ايه
انا قرات الموضوع جميل جدا اداني امل وف نفس الوقت خوفي زاد __________________________________________________ _____________________________ لا اله الا الله عدد ما كان وعدد ما يكون وعدد الحركات والسكون
|
|
#10
20-05-2014, 02:29 AM
|
|||
|
|||
|
والله كلامكو جميل اوي وحاسس فية الصدق بس كتييييييييييييييير
دا المذاكرة أسهل
|
|
#11
22-05-2014, 10:52 PM
|
||||
|
||||
|
نصيحه من dr:b ....... تلاقي الشاب من دول طول النهار عمال يدعي يا رب انجح ... يا رب اجيب 99% يا رب اخش هندسة.... يا رب اجيب امتياز .... يا رب ..... يارب ................وطول اليوم عمال يتنقل بين الفيس والاسك والتلفزيون والواتس وشويه يقوم ياكل ... يقوم يكتشف للاكتشاف العظيم انه تخن يقوم يقعد يلعب ضغط وبطن ..يحس انه عرق يقوم يستحمى بعد ما يطلع من الحمام يكتشف اكتشاف اعظم ان اوضته مش متروقة ...... إلخو وعمال يدعي كل شويه كل ما يفتكر ان عنده مذاكرة وامتحانات....واحيانا بتوصل معاها انه يفضل يدعي كل ساعة في يوم الجمعة عشان بيستنى ساعة الإجابة .....هوبا تيجي اخر السنة ... ما حققش اللي في باله ... طبعا يخش في إكتئاب وزعل وليه يا رب وانا دعيتك وربنا ما بيستجبش .....اضرب لحضرتك مثال بسيط تخيل واحد واقف قدام طربيزة وعمال يدعي يا رب الطربيزة تتحرك وبيدعي بحرقة وحرارة وبيعيد وبيدعي كل شويه .... قعد سنة سنتين هوبا الطربيزة ما اتحركتش .... زعل جدا وليه يا رب انا بقالي كثير بدعي بلا بلا بلا ..... طبعا هتقول ان الشخص ده مش عاقل ... ايه اللي بيعمله ده !! ويزعل على ايه اصلا !!حضرتك ربنا بيحب عبده وبيحب ليك الخير .. بس هو مستنيك بس تجرب تحركها وربنا هيسهلها عليك بطريقته ده نفس الشخص اللي فوق اعقلها وتوكل ... اتعب وادعي ... ذاكر وادعي اتمنى تكون الرسالة وصلت شدوا حيلكم بقى طبعا مش بقلل أبدا من قيمة الداعاءبس بزود في اهمية التعب شتان بين التوكل والتواكل
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
آخر تعديل بواسطة smsmzeros ، 22-05-2014 الساعة 10:56 PM
|
|
#12
26-05-2014, 10:42 PM
|
|||
|
|||
|
موضوع في غايه الافاده
بس هل من الممكن انك تنزلي لينا الموقع ده
|
|
#13
13-06-2014, 10:01 PM
|
||||
|
||||
|
اقتباس:
هتلاقى الصفحه على الفيس هى عباره عن مناسبه وبيشارك فيها كل اللى عنده نصيحه 
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#14
13-06-2014, 03:25 PM
|
||||
|
||||
|
نصيحه من المهندس :احمد فوزى
........ نصيحة لكل طلاب الثانوية العامه اللى داخلين على مرحلة الجامعه ,, مفيش حاجه اسمها كلية قمة بمعنى لو حليت وحش فى الامتحانات مش لازم تنتحر يعنى انت بنفسك تقدر تخلى تعليمك قمة ,, انا مهندس ميكانيكا و شغال فى مواقع و قابلت كتيييير منهم المهندس اللى بيفهم اوى و تحس ان دماغه بتنور و منهم اللى اخد الشهاده فى كيس شيبسى و قابلت خرجين تجاره و علوم و اداب و السن ناجحين جدا جدا ابعد عن ضغط اهلك ما تخليش حد يقرر مستقبلك اختار الحاجه اللى انت حاسس انك حتنجح فيها الحاجه اللى انت بتحبها مش اللى بيحبها بابا ,, كلمة كليات القمه دى احنا اللى صنعناها تعليمك بيبان اذا كان قمه او لا فى سوق العمل انا شخصيا لو رجع بيا الزمن كنت هفكر جديا انى ادخل كلية اعلام مش هندسه ,, مش علشان هندسه وحشه بالعكس انا بعشقها و بعشق علم الميكانيكا بس انا كنت حاسس انى هكون ناجح فى الاعلام . فكر و اختار و قرر مصيرك بايدك و تأكد مفيش حاجه اسمها كليات قمه
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#15
13-06-2014, 03:32 PM
|
||||
|
||||
|
نصيحه من dr:B
..... الفيزياء = العو الكبير = البعبع = اللى الناس بتحول ادبي عشان خايفين منهامصطلحات كثير بنسمعها كفيلة انها تخليك اصلا تحبط من المادة قبل ما تدخل الامتحان ... وبتدخل الامتحان عليك ضغط نفسي رهيب جدا وخايف جدا رغم انك اول ما بتحل امتحانت مع نفسك بتمشي فيها كويس وبتحس انك برنس اول حاجة لازم افهمك ان الفيزياء مادة زي اي مادة تانية وانا شايف انها مش اصعب من باقي المواد ولا حاجة بس احنا اللي بنهول الموضوع تذاكر اليومين دول إزاي ... مفيش حد يقدر يجبرك على استايل معين للمذاكرة في اليومين دول اي مذاكرة او حل هيفيدك انتم كلكم 18 او 17 سنة ما شاء الله عليكم وكلكم ناضجين كفاية انكم تعرفوا ايه اللي ناقصكم وايه اللي محتاجين تعيدوا عليه او تراجعوه واحد يحب يراجع التعريفات والبراهين في اليومين دول وواحد يحب يراجع مسائل وواحد يحب يراجع فصل بعينه وواحد يحب يحل الامتحانات وواحد يحب يجيب المنهج كله من تاني كل ده مفيد وكل ده صح وكل واحد ادرى هوه ايه اللي نقصه ... المهم بقى انك ما تضيعش اي وقت خالص ... كل دقيقة بتعدي بتقربك من الامتحان ادخل الامتحان نايم كويس جدا جدا لان الفيزياء محتاجة تركيز واستيعاب كويس بلاش تكلم اي حد ممكن يحبطك بالعكس عاوز تهدي اعصايك وتريح بالك كلم واحد صاحبك وهديه والله انته نفسيا اللي هتستريح نظم اجابتك والمسائل حلها بالنظام اللي متعود عليه واهم حاجة تفرغ كل المعلومات اللي في المسألة قدامكلو فيه سؤال او حاجة استعصت عليك ما تقفش عليها دقيقة وخش على اللي بعده على طول وارجعلها بعد ما تكون هديت اعصابك وانتخت في اللجنة واللجنة هديتلو فيه مسألة استعصت عليك .. ومش عارف تتصرف فيها ... اظرف كل القنوانين المتعلقة بالمسألة قدامك وطلع اي حاجة تعرف تطلعها هتلاقي المسألة بتنور حبة حبة بس خليها في الاخر خالص ما تنساش وردك ودعاءك وتركز مع نفسك ومتشغلش بالك بالناس اللي بتعيط حواليك حتى لو كنت مزنوق او متلخبط العياط مش هيفيد بحاجةبالعكس هيوترك وهيوتر اللي حواليك كمان حاول لغاية اخر دقيقة والله ممكن الحل تفتكره في اخر لحظة اخواتنا اللي في ازهر الكلام اللي قولته في الفيزياء ينطبق عليكم بالضبط وربنا يكون في عونكم بالتوفيق ليكم جميعا لو عندك نصيحة لغيرك ما تستخسرهاش فيهم وهم هيقرأوها ما تقلقش
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
 |
| العلامات المرجعية |
| الكلمات الدلالية (Tags) |
| حل مشاكل |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 01:18 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
