ما المميزات التي يستحقها من حصل على icdl

[memo_1964]

للأسف قدمت وكانوا عاملين اختبار في الإدارة التعليمية الأول على الأعمال ال عملتها في المدرسة على الباور بوينت وحضرها لجنة من التطوير والمو جه الخاص بالماده ثم تم اختيار من 30 حاصلين على الرخصة الدولية والإنتل 15 وراحوا المديرية وعملوا ليهم اختبار نظري زي الأطفال واجتزناه فراحوا عملوا اختبار عملي على الجهاز انتظرنا يكون عن الحاسب لقيناه تهريج في تهريج وعبارة عن 20 دقيقة تحل فيهم 50 سؤال لكل سؤال 24 ثانية فقط وطووووووووول السؤال يحتاج دقيقة للقراءة فقط على الأقل وناهيكم عن فرصة للتفكير فيه مثل الرخصة الدولية وكانت الناس بتحل بدون قراءة وإنته وبختك ياطلع صح ياطلع خطأ كل ده علشان ناخد لاب توب وفي الآخر أخدها إل كان حظه حلو وكانوا من إل أنا كنت بأعلمهم الباور بوينت وأنا ما أخدش في الآخر شفت بقه ربنا يرحمنا
ولاعجب في ذلك ففي الآخرة يوسد الأمر لغير أهله وهي قد أتت
وكل ده كان في محافظة الغربية لأن المسئولين فيها عن التطوير غير متخصصين وميعرفوش حاجة عن الحاسب الآلي بالمرة وتسالهم يقولوا أمال هنعمل إيه عاوزين نفرق ونطلع 7 من كل إدارة بس فقلنا نخليها بالحظ مش بالخبرة واكتساب المعرفة لأ للأسف قولولي نعمل إيه وكانت الأسئلة في العملي كما يلي كمثال 12 حضروا مؤتمر وسلموا على بعض وهم خارجين وهم داخلين يبقى كل واحد سلم على الأخر كم مرة ؟
سؤال آخر أحمد أطول من على ومحمود أقصر من ابراهيم واسماعيل أطول من محمود وطارق أقصر من مصطحفى يبقى مين القصير ؟ آدي أسئلة العملي ياجماعة فين صلتها بالحاسب الآلي
كنت منتظر يعطوني ماده علمية ويقولوا لي اعمل موضوع وحضره على الباور بوينت وغنته قاعد ويشوفوا هأعمل ولا لأ حتى على الأقل يعرفوا إن أنا إل عامل السي دي إل مقدمه لإمتحان ولا غيري إل عامله لي
الله يرحمنا وحسبي الله نعم الوكيل في إل كانوا بيمتحنونا ثم ده حقنا وجاي للحاصل على الرخصة الدولية والإنتل وإحنا حاصلين ليه يبهدلونا كده وعلشان إيه وفي الأخر تتوزع بالحظ ويبقى ال ياخد اسمه معلم متميز في إيه التميز بقه إن شاء الله
حسبي الله ونعم الوكيل

[aboyoussef]

انك حصلت علي الicdlدة في حد ذاتة اكبر مكسب اما لاب توب او لا ربن يسهل

[sharkan]

أرجو مزيد من المعلومات وشكررررررررررررررررررررررررررررررررررررررا

[أ: محمد نوفل]

ربنا يوعدنا

[منال محمود سليمان]

انا اول مره اسمع عن موضوع اللابتوب هذا ولى زملاء حصلوا على الانتل وicdl ولم يحدث معهم اى تغيير فى اى شئ وعلى فكره انا من القاهره

[mr.sharkawy]

السلام عليكم ورحمة الله وبركاته
موضوع اللاب توب ده حقيقي وانا واحد من الذين رشحوا للحصول علية
وده كلام بلغت به من قبل مدير التعليم الاعدادي بادارتي التعليمية
وقاللي بالحرف ان اسمك من من سجل للحصول عليه
لكن يبدوا ان فعلا المحسوبية كان لها دور
عموما حسبنا الله ونعم الوكيل
ونصيحة لاخوة كلهم الاجتهاد تكريمه من الله وسوف يأتي اليوم الذي يحصل كل مجتهد علي حقة مهما طال الظلم

[المستر شوشه]

انا حاصل علي ال icdl وكمان مدرب انتل ضمن مجموعة البروود باند ولا فيه لاب توب ولا
غيره وكان السنه اللي فاتت فيه 6 اجهزه وصلوا ادارة الدلنجات التعليميه بالبحيره واتوزعوا
كووووووووووووووووووووووووووووووووووووووووووووووووو ووووووووووووووووووووووووووسه
وواحد من الناس اللي خدوا حاصل علي دبلوم ( يعني مؤهل متوسط ) وما بيعرف أب كمبيوتر
لكنه قريب من الناس اللي في المديريه ..... مظبط يعني .. تقول إيه؟ !!!!!!!!!!!!!!!!!!!!!!!!!!
البقاء لله ماتت الذمم....... انا لله وإنا إليه راجعون .

[ahmedtahirs]

انا حصلت على icdl عام 2003 واخذت مكافأة من الادارة التعليمية بالزقازيق 1000 جنيه ولكن بعد الخصومات التي لم اعرف اين ذهبت حصلت على 770جنيها فقط كمكافأة تميز ولكن هذا الموضوع تم الغاؤه في السنة التالية2004

[ابو محمود السكرة]

لم نسمع عن هذه الأشياء فى الدقهلية

[مرفت77]

ياريت اللى يعرف معلومات اكيدة يقولها عن هذا الموضوع

[ms_sm244]

للاسف فعلا وصل اللابتوب عندنا المدرسة بس مين اللي اخذه مدرس لا معاه icdlولا intel انما عنده محسوبية بالعلم ان المدرسة فيها اكتر من 15 واحد واخدين الدورتين بنجاح ووبعثات كمان
منها لله

[مستر عصام الهادي]

ايه يا جماعه اللي بتقولوه ده - المسابقة كان اسمها المعلم المتميز - واللي بيستخدم التكنولوجيا في عمله - وانا عن نفسي قدمت اعمالي في المسابقة في ملف ضخم به اعمالي من تحضير دروس واعمالي في تدريب ICDL واعمالي في تدريب Intel واعمالي في الكنترول من شيتات وخلافه واستخدامي لموقع التعليم الاليكتروني والفصول التخيلية في الاعوام السابقة ثم تم الفحص في قسم التطوير بالشرقية وما اكدبش عليك لم اتوقع ان احصل على اللاب توب لاني من الغلابة اللي ملهمش وسايط ولكن والله على ما اقول شهيد خدت اللاب توب وكنت خايف من موضوع الوسايط ولكن في الشرقية منتهى الشفافية ومفيش وسايط وكل الاعمال عرضت على الجميع ليقتنع الجميع

[الأستاذ محمود عبد الفتاح]

لاب توب ليه الى انت جاى تقول عليه

[مستر ايمن محمد راشد]

انا اشتغلت فى قسم التطوير بالادارة وحاصل على الicdl ولكن لم ترد اى معلومات عن اجهزة لاب توب اطلاقاً ..واذا كان يوجد اجهزة كمبيوتر فتوزيعها تابع لنقابة المهن التعليمية وليس لقسم التطوير
ما بالنسبةلل 10 % للحاصلين على ال icdl بالفعل بالنشرة الخاصة بكادر المعلم يوجد بند للحاصلين عليها ولكن لم يتم الصرف حتى الآن عارفين ليه عشان مفيش ميزانية

[أستاذ/شفيق الأخضر]

لم أي شيء عن اللاب توب في سمنود