زملائي طلبة الشهادات المعادلة ( موضوع وخبر هام )

[conan_egypt]

شكرا لجميع الأعضاء اللى أثرو الموضوع بردود ايجابية

أما بالنسبة للعضوين اللي شوهوا الموضوع بردود غير لائقة
فأنا مش عارف ادارة المنتدى فين

[love_queen_emy]

انا فتحت الموقع إللي إنت حاطط اللينك بتاعه في الأخر بس مش عارفه التسجيل إزاي مش لاقيه أيقونة التسجيل
يا ريت تقولي بعد إزنك أسجل إزاي ؟؟؟

[حماده حب]

المشاركة الأصلية كتبت بواسطة jahooda

يااااااااااااااااافرج الله حد من الامارات عانى نفس مشكلتي
احكيلهم والنبي يا عم حماده دنا غلبت

اخيرا حد هنا في مصر اتخم في ثانوية الامارات
اصل المشكلة في الامارات احنا مش عارفين نلاقيها من فين ولا من فين
المنهاج متغيرة ودي اول سنة ليها يعني مفيش بنك اسئلة ولو المدرس مش متمكن من المادة بتاعته
هيضيع ويضيع الطلبة معاه ودا الي حصل معايا
والامتحانات والحمدلله اصعب من امتحانات مصر
كمية اسئلة رهيبة الله اعلم بيحطوها من فين
وكلها والحمدلله صعبة
وكلها والحمدلله من برا المنهج
وربنا يبارك في المدارس الخاصة كانت بتدخل الاجوبة مع نموذج الاجابة
وطبيعي بتطلع منهم نتايج اكتر من عالية
والحمدلله الناس الي زي في المدارس الحكومية ومفيش معاهم واسطة بياخدوا على قفاهم
ونسبهم المئوية بتاعت الغلابة ادمروا والحمدلله ومستقبلهم ضاع
فانا بالنسبة ليا مصر ارحم بكتير قوي من اي ثانوية عامة تانية
واي خدمة انا جاهز

[conan_egypt]

بشرى سارة لجميع الطلبة
جاري انشاء منتدى ليتكمن الجميع من التسجيل والمشاركة
تابعونا

[conan_egypt]

Up

عليزين نسمع ردود باقي الأعضاء

[رمانه]

فكره المنتدي دي حلوه اوي وياريت اول ما يطلع تقولنا عليه وازي نسجل وكده يعني ماشي وشكرا مقدما

[رمانه]

انا حبيت ارد لأن الفكره عجبتني أنا جايه من الإمارات والحمد لله الوضع كان هناك كويس لان مدام انت مع اهلك خلاص كلو يهون أما عن المناهج فأعوذ بالله كانت أكبر قنبله ختها في حياتي علشان كانت جديدة ومترجمه وطبعا اللي جاي من الغمارات عارف الوضع كويس واكيد حس بلي انا حسته السنادي هي كانت سنه بعشر سنين يلا الحمد لله على كل حال

[conan_egypt]

المنتدى موجود فعلا على الرابط ده

http://mylife.40gigs.com/phpBB3/index.php

والف شكر ليكي مش عارف ايه حكاية الامارات السنة دي ؟؟

[رمانه]

والله غلبونا آخر غلبه وشوف بقي اللي يغيظ اكتر انو أنا لما نزلت مصر الناس قعدت تقول منهج الإمارات سهل وبسيط واللي عاوزه تسفر عيالها علشان يجيبوا مجاميع عاليه أصلهم تقريبا مش عارفين اخر التطورات وانا كنت عاوزه أصرخ في وشهم كلهم ههههههههه

[amro_alex]

والله ...مش انتي بس ده كمان بيقولوا ان اللي بيجوا من الخليج بيجيبوا مجاميع عالية عشان المناهج سهلة.......والله حاولت اقنعهم ان مفيش حاجة سهلة اوننا بنتعب بس محدش بيفهم ولا بيسمع

[$&الرومانسي&$]

ميرسي موضوع جميل انا عن نفسي


كيف كانت الفترة التي قضيتها هناك خارج مصر؟ وكيف كانت أحوالك الدراسية ؟
كانت فترة مملة وبايخة ومصر هي امي ونيلها هو دمي واالخليج كله بينظر لنا نظرة بشعة وبيعاملونا بعنصرية
ما هي نظرتك لمستقبلك في الجامعات المصرية ؟
نظرة متفائلة كفاية ان الدكتور اللي هيخش يدينا المحاضرة بيكلم مصري دي تفرق كتير يعني مش هتحتاج تترجم عشان تفهم
ما هو الفرق بين التعليم في الخارج وبين التعليم في مصر ؟
المنهج هو المنهج بس هناك بيحطوا الامتحان على مستوى الحمار وهنا بيحطوه على مستوى البني آدم
لو عاد بك الزمن للوراء هل كنت ستحصل على الثانوية من مصر ولا من الخارج ؟
والله أخدها من هنا عشان نثبت للبني آدمين اللي هنا ان الشاطر هناك شاطر هنا والذكي هنا ذكي هنا
ما هي طموحاتك في مصر ؟
طموحاتي تقدير حلو في الكلية ما اعدش اي سنين اطلع اشتغل شغلانة حلوة مرتبطة باللي هدرسه وبراتب كويس
هل لا زلت تجد في قلبك الحنين للعيش خارج مصر ؟
والله عمري ما حسيت بحنين لولا ان أهلي واخواتي هناك ما كنتش افكر ارجعلها ابدا ( السعودية )وهل تفكر في العودة الى هناك ؟
هروح عشان احج بس ان شاء الله لاني ظروفي ما اتيسرتش السنادي
وميرسي عالموضوع الجميل ده