يوميات اسنانجي في الجامعة-متجدد

[دكتورة/نورهان]

نزل الحلقة التالتة بقى بسرررررررررررررررررررررررررررررررررررررررررررررررع ة

[Dr \ Mohammed Saeed]

- الحلقة الرابعة
contraindicated

سلامو عليكو يا رجالة
- وعليكم السلااااام.....ازيك يا سنانجى
- كلو تمام الحمد لله الدكاترة لسة مجووش
- لا لسة
- ولا دليفارى ؟
- ولا دليفارى
و لسة سنانجى متمش الكلمة و الدكاترة لسة جايين
- انا هطلع فووق اقول لبتوع امتياز لحسن لو جم ملئوهمش هبهدلوهم
و طلع سنانجى فووق و صفر صفارة الانذار
- انت متاكد انهم جم
- ايوة


انا شايفهم بعينى
- يا لهوىىىىى...... الحقوووالدكاترة جم
فكل الروند طلع يجرى على تحت زى التتار
- فين بتوع الامتياز
- احنا موجودين اهو يا دكتر
و بعد ما ادو تمام
- متشكرين اوى يا سنانجى كان زمانا ورا الشمس دلوقت
- عادى كلنا بنشرب من نفس الكاس
- معاك حالة انهاردة
- ايوة بوست و كووور
- خلاص هنشتغلها معاك عشان نردلك الجمييييل
- ربنا يخليكو متشكر اوى
اخدنا 1ry impression upper
- روح وريه للدكاترة على ما نعملك احنا اللور
- اوك
- مممممممم كويس كويس ........بنظرة استحقار ايه اللى بيحصل ده يا دكتور
- ( يا نهار ابيض ) نعم يا دكتر ال impression فيه حاجة
- مين اللى شغال هناك
- انا ( يا نهار ابيض رحنا فداهية )
- امال بتوع امتياز بيعملو هناك ايه
بضحكة صفرا - ولا حاجة يا دكتر
- نعم انت هتهرج معايا
- لو حضرتك عايزنى امشيهم انا هصرفهم من هنا كلهم
- يلا روح كمل شغلك ( يا ستار استر يا رب )
و رجعنا تانى
- بقولكو اييييه
- خيييير معجبهومش
- سيبونى و انصرفو الا لو عايزينا ننضرب كلنا كدة اسرة مع بعضينا
- هو ايه اللى حصل
- مش عايزين يشوفوكو هنا و خلاص
- طيب طيب خلااص
خلصت الشغل و عملنا البوست و الكوور و ادينا البيشنت معاد الاسبوع اللى وراه
- رايح فين يا سنانجى
- رايح ادى شغلى لدليفارى عشان يوديه المعمل و هوصل الكلية ادفع فلوس special tray
- مبروك يا معلم
- الله يبارك فيك
الاسبوع الللى وراه
- ازيك يا دليقارى
- ازيك يا دكتور
- ال special tray معاك
- اهى يا فندم و عليها بوسة
- تسلم يا غالى
روحنا و عملنا reduction
دكتر انا خلصت reduction ممكن حضرتك تييجى تشوفو
بقرف – يلا يا دكتووور
- فين ال x-ray بتاعة الcase دى
- اتفضل يا دكتور
- مممممم
- خير يا دكتور فى حاجة
- Contraindicated
- ( الحالة دى فيها فييييل) نعم
- بقولك contraindicated
- لييييييييه
- الاندو لازم يتعاد
- نعم .........لييييييييه
- هو كدة
- يعنى ايه
- يعنى الاندو لازم يتعاد
- طب حضرتك مقلتوووش ده من الاول لييييييه
- يعنى ايه
- يعنى انا عملت بوست و كووووور و special tray & 1ry impression
- يا راجل كل ده
- وربنا يا دكتر ( هعيط )
- طيب خلاص خلاص ميين اللى عملك diagnosis
- حضرتك
- انا !!!
- ايوة
- طيب بقولك ايه بقى ال case دى هتمشى دلوقتى و هتروح الاندو يعملولها retreatment ( عند يعنى
ولا ايه )
- يعنى ده اخر كلام يا دكتر
- بص يا سنانجى يا ابنى انا مش عايز يجيلك احباط اتعود على كدة
- يا دكتر انا هعيط
- اتفلء
- نعم
- قصدى خلييك كوووول و خد الموضوع بروح رياضية انا ممكن اخليك تشتغل بس بعد كدة هتدعى عليك و عليا فملهاش لازمة يلة يبنى ربنا يهدييك
حسيت ان الدكتوور بيتعامل مع طفل
- حاضر يا دكتور
و مشينا البشنت
دكاترة امتياز
- ايه الاخبار يا سنانجى اخدت 2ry impression
- قليل البخت يطلعلو العضم فالكرشة
- نعم
- قصدى ان بعد كل ده طلعت contraindicated
- ليييييييه
- اناعارف روحو اسئلوهم الموضوع كلو كان قدامكو الاسبووووع اللى فااات اعمل انا ايه اموت نفسى انتحر يعنى
بشماتة – بس يبنى متعملش فنفسك كدة عيالك عوزينك
بخنقة – سلاااام انا مش ناقص

و قابلت زميلى
- عملت ايه يا سنانجى
- مش انت باركتلى الاسبوع اللى فات
- اه
- طيب خلاااص لازم يطلعلى فيها فييل
- يعنى ايه
- يعنى لما انت نطقت الاسبوع اللى فات طلعلى فيها فيييييل
- لا حول ولا قوة الا بالله
- انت فاكرنى اتجننت عالعموم انا ماشى هى كدة خلصت انهاردة سلاااااااام

[دكتورة/نورهان]

هههههههههههههههههه جميلة جدا بس فى سؤال محيرنى اية اخبار الفيل ههههههههههههههههههه رائعة بجد بلتوفيق

[Dr \ Mohammed Saeed]

اي خدمة يا دكتورة

[دكتورة/نورهان]

ربنا يكرمك

[ماما ميا ميا]

موضوع رووعه جزاك الله خيرا

[ماما ميا ميا]

الف مبرووووووووووووووووووك تثبيت موضوع حضرتك

[Dr \ Mohammed Saeed]

الله يبارك فيكي يا دكتورة وال شكر علي تثبيت الموضوع

[(بالقرآن نحيا )]

يا جماعة بالله عليكوا ادعولي اكون زيكوا
انا طالبة ف تالته ثانوي
وهموت وادخل اسنان
بالله عليكوا ادعولي

[Dr \ Mohammed Saeed]

المشاركة الأصلية كتبت بواسطة (بالقرآن نحيا )

يا جماعة بالله عليكوا ادعولي اكون زيكوا
انا طالبة ف تالته ثانوي
وهموت وادخل اسنان
بالله عليكوا ادعولي

ربنا يوفقك وان شاء الله تدخلي طب اسنان شدي حيلك عايزين مجموع كبير

[هشام ربيع]

هههههههههههه

[Dr HaSheM JaCoB]

الموضـــــــــــــــوع أكثر من رااااااااائع يا دكتــــــــــــور
مشكـــــــــــــــــــــــــــــــور
وياريت لو تنزل ......"الجزء الثاني" ....... من هذا المسلسل الرائع

[harker]

دلوقتي انا جالي طب اسنان اسماعيلية و بعدين عرفت انه 6 سنين و طب اسنان القاهرة عرفت انه 5 بس , هل ينفع احول لطب اسنان القاهرة و انا من شمال سيناء

و مجموعي جايبها و زايد نص درجة كمان