أهم الاكلات الخاصة باللحوم بمناسبة عيد الاضحى

[محمد محمود بدر]

كبده مكعبات بالبابريكا والليمون
المقادير :
نص كيلو كبده مقطعه مكعبات
هتعملى تتبيله وتنقعى فيها الكبده لمده ساعتين هتكون عباره عن
نص كوب عصير ليمون
2 معلقه خل ابيض كبيره
معلقه كبيره كمون
معلقه كبيره كزبره ناشفه
معلقه كبيره مسطرده
معلقه كبيره ثوم مفروم
معلقه صغيره بصل بودره
بشره جوز الطيب
معلقه صغيره حبهان بودره
2 معلقه كبيره بابريكا
ملح وفلفل اسود
4 معلقه دقيق

الطريقه :
هتقلبى كل مكونات التتبيله دى مع بعضها وتحطى فيها الكبده ساعتين زى ماقلتك وكل ماتقعد اكتر كل ماهتحلو معاكى اكتر واكتر وبعدين تصفيها كويس اوى وبعدين تقلبيها فى الدقيق تعفريها يعنى وبعدين
هتجيبى حله كبيره وتحطى فيها ربع كوب زيت زره وتسخن معاكى جدا هتحطى الكبده وتقلبى كويس اهم حاجه هنا ان الحله تكون سخنه جدا عشان الكبده متجيبش المايه بتاعتها ويطلع لونها حلو زى ماعملناها انا قدمت معاها سلطه عباره عن خس وكرنب احمر وجزر بالخل والسماق والليمون
وبالهنااااااا والشفاااااا

[محمد محمود بدر]

الكبيبة(الكبة الشامى) بكل انواعها
****************
المقادير:
*****

نصف كيلو لحم مفروم احمر خالص
ربع كيلو برغل ناعم
بصلة متوسطة مفرومة ناعم
ملح وفلفل اسود وبهارات وقرفة
للحشو:
*****
ربع كيلو كيلو لحم مفروم
بصلة كبيرة مفرومة ناعم
التوابل :ملح + فلفل اسود + قرفه + زعتر + بهار لحم + جوزه الطيب
معلقة زيت ومعلقة سمن او زبدة
الطريقة:
*****
الحشو:
نشوح البصلة ولماتصفر اضيف اللحمة والبهارات كلها واقلب واوطى النار لحد لماتستوى واسيبها تبرد على جنب وممكن نضيف لها الصنوبر ان توافر لديا

الكبيبة:
*****
انقع البرغل بعد ما اغسله فى ماء لمدة ربع ساعه اصفيه من المياه تماما بعصره جيدا
وبعدين احطه فى مكنة التقطيع فى الخلاط ومعاه البصل واضربهم شوية وبعدين اضيف اللحمة واضربهم كويس جدا واضيف التوابل كلها ولماتبقى ناعمة جدا اشيلها واعملها كور واحشيها واحاول علي قد ماقدر ان تكون خفيفه اي رفيعه من الجوانب لتكون سهله في التسويه
باللحمة العصاج واقفلها وبعدين اقليها فى زيت غزير
وبالهنا

صنيه الكبيبه: ممكن نصنع منها صنيه كبيبه بان نحضر صنيه وندهنا بالزبده ونقسم الخلطه نصفين ونفرد النصف الاول ي الصنيه ويكون متساوي وبعدين نضع الحشوه ونضع باقي الخلطه ونفردها تماما ونقطعها ونضيف لها زبده سايحه من اعلي وندخلها الفرن لنسويها

كبيبه ملفوفه :
نفرد الخليط علي الرخامه ونحشوه بالخلطه وبعدين نلف الخليك زي الروول ونقفله من جميع الجوانب
ونحمره في الزبده من جميع الجوانب ونضعه في صنيه وندخله الفرن ليكمل التسويه
وبعدين نقطعه شرائح حلقات ويقدم بعد ان يبرد
والف هنا

[محمد محمود بدر]

كفتة داود باشا
المقادير :
نصف كيلو لحم مفروم
2 بصلة متوسطة مفروم ناعم او مبشورة ومصفى منها الماء
فص ثوم مفروم
ملح وفلفل اسود
ملعقة بهارات لحم
ملعقة صغيرة قرفة مطحونة
الصلصة :
2 كوب عصير طماطم
2 ملعقة معجون طماطم
بصلة صغيرة مقطعة
فص ثوم مفروم
نصف ملعقة بهارات لحمة
ملح وفلفل اسود
ملعقة زبدة +3 ملاعق زيت

الطريقة :
تعجن اللحمة المفرومة والبهارات والثوم والبصل باليد او بالكبة ونضع البهارات والملح والفلفل الاسود والقرفة ونعجن جيدا ثم نضعها فى الثلاجة ترتاح نصف ساعة
بعد مرور نصف ساعة تخرج من الثلاجة وتشكل كور صغيرة وفى طاسة كبيرة او حلة تيفال نضع الزبدة والزيت يسخن جيدا ثم نضع الكفتة على نار عالية تأخذ صدمة او لون من جميع الجهات
ننشلها من النار ونضعها فى طبق
فى نفس الطاسة نضع على الزيت والزبدة التى تم تشويح الكفتة بها البصل ونقلب ثم الثوم ثم معجون الطماطم والبهارات والفلفل والقرفة ونقلب ثم نضيف عصير الطماطم والملح ونقلب ونتركها حتى تقترب على النضج
بعد ان تنضج 70% نضع بها كور اللحم حتى تكتمل سواها ونغطيها ونهدىء النار الى ان تنضج الصلصة حوالى 10 دقائق ثم تقدم مع الارز الابيض
وبالهناااااا والشفاااااا

[محمد محمود بدر]

شرائح اللحم بالصوص البني
المقادير:
٨ شرائح لحم رفيعة
٢ ملعقة كبيرة دقيق
٢ كوب حليب
١ كوب شوربة لحم
٢ بصلة مقطعة لحلقات
٢ ثمرة فلفل أخضر مقطعة
٥ حبات مشروم مقطعة
٢ فص ثوم
ملح وفلفل
٤ ملاعق كبيرة سمن

الطريقة :
- ابدأي بغسل اللحم وتتبيله بخليط من الملح والفلفل وهريس الثوم وتركه جانبا.

٢- احضري مقلاة وسخني فيها ملعقتي سمن ثم قومي بتشويح شرائح اللحم إلى أن يتخلص من الماء الموجود به وينضج بشكل جزئي، ثم ارفعيه من على النار واتركيه جانبا.

٣- بعد نزع اللحم عن النار، قومي بتحمير الدقيق في ملعقتين من السمن إلى أن يتحول إلى اللون البني. ثم ارفعيه من على النار واضيفي الحليب تدريجيا مع التقليب باستمرار للتخلص من التكتلات التي قد تظهر في السائل.

٤- ارفعي المقلاة مرة أخرى على النار واستمري في التقليب حتى الغليان، ثم اضيفي شرائح اللحم والشوربة تدريجيا لتخفيف ثقل الصوص.

٥- اتركي الخليط على النار لمدة ١٥ - ٢٠ دقيقة حتى الغليان أو حتى ينضج اللحم بشكل كلي.

٦- في أثناء ذلك، قومي في مقلاة أخرى بتشويح شرائح البصل والفلفل والمشروم في قليل من الزيت حتى إحمرار لونهما ثم أضيفيهم للخليط السابق وقلبي.

٧- للتقديم، قومي برص شرائح اللحم في طبق مسطح واسكبي الصوص عليه وزينيه بالبقدونس
وبالهناء والشفاء.

[محمد محمود بدر]

طريقة الفشة
المقادير :
فشة
ملح وفلفل
زبجبيل بودر
فصين ثوم
حبهان
ورق غار
عدد 2 حبة طماطم مكعبات
بصلة كبيرة شرائح
عدد 2 فلفل اخضر مكعبات
بقدونس مفروم
2 ملعقة سمنة
خل وليمون

الطريقة :
نغسل الفشة وننقعها بملح وخل وليمون ساعة ثم نشطفها
ثم نغلي ماء على النار وورق غار وحبهان وونضع فيها الفشة لمدة ساعة او لحد ماتستوي نشيلها نشطفها ونقطعها مكعبات اصغر
في طاسة تيفال نضع سمنة والبهارات وفصين الثوم والبصل والطماطم والفلفل والزنجبيل ونقلبه ثم نضع الفشة المسلوقة ونقلب لحد ما تاخد نكهة الخضروات والبهارات ثم نطفي النار ونضيف لها البقدونس وتقدم
وبالهناااااا والشفااااا

[محمد محمود بدر]

قالب اللحم المفروم ( الميت لوف )
المقادير:
½ كيلو لحم مفروم
2 فص ثوم مفروم
2 ملعقة كبيرة زيت
1 كوب بصل مفروم
ثمرة فلفل أخضر مفروم
½ كوب بقسماط مطحون
½ كوب شبت وبقدونس مفروم
ملح وفلفل
بيضة

الطريقة:
1- سخّني الزيت في طاسة وحطّي عليه الفلفل والبصل والثوم، وقلّبيهم مع بعض كويس لمدة 5 دقايق لحد ما يدبلوا، وارفعيهم من على النار وسيبيهم يبردوا.
2- اخلطي اللحمة المفرومة في طبق غويط مع البقدونس والشبت والبيض والبقسماط ومزيج البصل والثوم والملح والفلفل، واخلطيهم كويس أوي لحد ما يبقى الخليط ممتزج كويس أوي.
3- حطّي الخليط كله في قالب مستطيل،مدهون بالزبدة ودخّليه الفرن على درجة حرارة 180لمدة ساعة، ولما يبرد قطّعيه شرايح وقدّميه.. وقدّمي معاه أرز أبيض أو بطاطس وسلطة خضراء..
وبالهنااااا والشفاااااا

[محمد محمود بدر]

السجق البلدى ( فى المنزل )
المقادير:
نص كيلو لحمه مفرومه
نص راس توم او 5 فصوص توم كبار
بهارات عباره عن
بابريكا ملح فلفل اسود شطه قرفه ( اختيارى ) جنزبيل فلفل احمر مفروم
ممبار (فوارغ) ضانى نظيف ومنقوع فى ميه

الطريقه :
هتخدى كل المقادير مع بعض وتضربيهم ف الكبه لحد ماتبقى ناعمه جدا ممكن تزودى ربع كوب ماء عشان تمشى معاكى ف الكبه

بعد كده هتاخدى الممبار ومدخلاه فى قمع من تحت وتحطى اللحمه ف القمع وتحشى بيها المصران وبعدين نربطة بخيوط مطبخ ويبقى جاهز للاستخدام واللى يتبقى ممكن تحتفظى بية فى الفريزر

[محمد محمود بدر]

فتة شاورما لحمة
**************
المقادير
1/2 كيلو لحم مقطع رفيع بالطول
1 ملعقة صغيرة زيت ذرة
3حبة فلفل الوان
1 بصلة شرايح
1 بصلة متوسطة مفرومة ناعم
1/2 حزمة بقدونس مفروم
4 ملعقة كبيرة عصير ليمون
1 ملعقة كبيرة سماق
3 حبات طماطم متوسطة مكعبات
ملعقة صغيرة بهارات شاورما اللحم
كوب أرز بسمتي
معلقة صغيرة كركم
لوز وزبيب
عيش لبناني ابيض

صلصة الزبادي :
2/1 1 كوب لبن ( زبادي / روب )
1 كوب مايونيز
3 فص ثوم مهروس
1 ملعقة صغيرة ملح
4/1 ملعقة صغيرة فلفل أسود
للتزيين : بقدونس مفروم / صنوبر مقلي
الطريقه
اطهى الارز اولا : سخني الزيت وأضيفي الكركم قلبي الكركم قليلا . أضيفي الأرز والملح . قلبي الأرز جيدا . أضيفي الماء دعيه يغلي بقوة ويتشرب الأرز معظم الماء . غطي القدر وخففي النار دعيه لمدة 15 دقيقة
تبلي شاورما اللحم بالملح والفلفل وبهارات الشاورما ،البصل المفروم،الفلفل الحار ،السماق،عصير الليمون، ملعقتين من زيت الزيتون اتركيها لمدة 3ساعات على الاقل
قطعي شرائح البصل الى نصفين وافركيها للحصول على شرائط بصل
احضري طاسة وادهنيها بالزيت وضعي فيها اللحم وقلبيها لمدة 10دقائق
ثم ضيفي شرائط البصل و الفلفل الالوان وقلبيها لمدة دقيقتين
ضيفي الطماطم و البقدونس وقلبي لمدة دقيقة اخرى ارفعيها من على النار
ضعي في طبق التقديم عيش الفتة ،ثم ضيفي عليه طبقة صلصه الزبادى ثم ضعي البقدونس ثم الارزثم ضيفي ل المكسرات بعد تشويحها

[محمد محمود بدر]

لحمه بالفلفل
المقادبر :
2 ملعقة كبيرة زيت-
كيلو لحمة مقطعة شرائح-
2فلفل احمر حامى مقطع-
2فلفل رومي مقطع
2 ملعقة كبيرة خل-
2ملعقة كبيرة جنزبيل-
ملعقة كبيرة ثوم-
حزمة بصل اخضر
3 ملعقة كبيرة صويا صوص-
4كوب شوربة

طريقة
سخنى الزيت في طاسه ونضيف اللحمة دون تقليب لمدة دقيقتين
نضيف الفلفل و نقلب حتي يصبح لون اللحمة بني تماما و يذبل الفلفل
ترفع اللحمة و الفلفل من الطاسه ونضيف الصويا و الجنزبيل و الثوم و الخل والشوربة يتركون حتي الغليان ونضيف اللحمة و الفلفل و البصل الاخضر وتغطي وتترك علي النار منخفضة حتي تمام السوى وتقدم

وبالهناااااااوالشفااااا

[محمد محمود بدر]

أفضل طريقة لطهي اللحم المسلوق والمستخدم في الفتة

تعتبر رقبة الضأن هي الأفضل في تحضير الفتة، فهي جزء ليّن طيب المذاق يحتوي على غضاريف تعطي نكهة مميزة لمرق اللحم والذي يُرش به خبز الفتة، أما أفضل طريقة لتحضير الفتة، هناك العديد من أنواع الفتة كالفتة الشامية المكونة من الأرز واللحم والصنوبر المحمص ويغطى سطحها بطبقة من الزبادي وتُزين بالثوم والخل.
أما الفتة المصرية فهي تعتبر من كلاسيكيات المطبخ المصري، طريقة تحضيرها تتلخص في غسل لحم الضأن سواء الرقبة او غيرها بالماء والملح والخل الأبيض، ثم شطفه بماء نقي، يوضع اللحم في ماء مغلي حتى يظهر الريم على سطحه، يتم التخلص من الماء ويُعاد غسل اللحم، ثم وضعه في اناء مع سمن نباتي وهيل ومستكة وكرفس وجزر وملح وفلفل أبيض، يقلب ويضاف إليه ماء نقي، ويترك حتى ينضج.
يُرش المرق على الخبز المحمص، ثم يُغطى الخبز بالأرز المصري وترص قطع اللحم عليه ثم يضاف الثوم المحمر في زيت نباتي مضافاً إليه الخل وقليل من صلصة الطماطم وهي اختيارية

[محمد محمود بدر]

الطرب المشوى

المقادير :
نصف كيلو لحم مفروم فرما جيدا
1 بصلة متوسطة
ملح . فلفل , جوزة الطيب , بهارات
عصير ليمونة
1 ملعقة زيت نباتى
منديل الخروف يقطع قطع مربعة بحجم كف اليد من عند الجزار

الطريقة :
تفرم البصلة وتتبل بالملح والفلفل والبهارات وجوزة الطيب وعصير الليمون ثم تصفى ويتبل اللحم بتفل البصل المتبل ويترك ماء البصلة جانبا
تصبع الكفتة على خلة من الخشب واثناء وضع الكفتة تبلل اليد بماء البصل وتشكل الكفتة ثم تترك داخل الثلاجة لمدة نصف ساعة
تدهن صينية لا يلتصق بها الطعام بالزيت ثم ترص اصابع الكفتة وتشوح على النار من جميع الجهات لمدة 5 دقائق وتترك لتهدأ.
فى تلك الاثناء يغسل المنديل جيدا ويقطع مربعات ثم تلف اصابع الكفتة بقطع المنديل وتشوى على الفحم المتوهج لمدة 5 دقائق حتى تحمر ثم يقدم مع سلطة الطحينة و الشيبسى

وبالهناااا والشفاااا

[محمد محمود بدر]

كبدة بقري بالبصل والفلفل الحار

المقادير
1/2 كيلو كبدة بقري طازجة
3 ملعقة كبيرة زيت
2 بصل متوسط (جوليان)
2 فلفل حار ( قطع صغيرة)
2 ملعقة كبيرة عصير ليمون
1/2 ملعقة صغيرة قرفة مطحونة
1/2 ملعقة صغيرة حبهان (هيل) مطحون
1 ملعقة صغيرة كمون مطحون
3/4 ملعقة صغيرة كزبرة مطحونة
1/2 ملعقة صغيرة فلفل أسود مطحون
ملح
2 ملعقة كبيرة ثوم مفروم
خبز للتقديم
بقدونس مفروم للتزيين

الطريقة
- تُقطع الكبدة إلى قطع صغيرة ورفيعة باستخدام سكين حاد ( مع التخلص من القشرة الخارجية والعروق إن وجدت).
- يُسخن الزيت في مقلاة على نار متوسطة، تُضاف الكبدة وتُشوح في الزيت مع التقليب المستمر حتى تتبخر معظم العصارة الموجودة بها.
- يُضاف البصل والفلفل الحار ثم يُصب عصير الليمون وتُقلب المكونات.
- تُتبل بالقرفة، الهيل، الكمون، الكزبرة، الفلفل الأسود والملح مع التقليب حتى تتشبع من نكهة التوابل.
- يُضاف الثوم، تُخفف الحرارة وتُترك على النار لمدة 5 دقائق حتى تمام النضج.
- يُفرش الخبز على طبق التقديم، تُرفع الكبدة عن النار وتوضع على طبق التقديم
،و تُزين بالبقدونس المفروم.

[محمد محمود بدر]

اللحمة الباردة

المقادير:
عرق لحم تربيانكو
فصوص ثوم صحيحة
2 فنجان صغير خل
2 ملعقة سكر
ملعقة ملح
ملعقة فلفل اسود
كوب ماءساخن
ملعقتين زيت ذرة او سمن حسب الرغبة
ورق الومنيوم للتغطية
خيط لربط عرق اللحم

الطريقة:

هانجيب عرق اللحم نغسلة وننشفه بورق المطبخ ونحاول نشيل اى شغت او دهون عليه على قد ما تقدر
نجيب سكين رفيع ونغرز السكين فى عدة اماكن متفرقة فى اللحم
هانجيب فصوص ثوم صحيحة ونغرزها بداخل تلك الثقوب
ونرشها بالفلفل الاسود
هانجيب ملعقة الملح وندعك بيها العرق بالكامل تدليك يعنى
وبعدين هانجيب خيط قوى
ونربط العرق عشان الانسجة تتماسك
ونجيب علبة ثلاجة وتحطى فيها اللحم
وترشى فنجان خل مذوب به ملعقة سكر ودا الدرسينج
او التتبيلة بتاعتة ونغطية ونحطه بالثلاجة وهانقلبة من وقت للتانى ونسيبة منقوع فى التتبيلة دى ليلة بحالها على الاقل
نجيب صينية ونحطها على النار ونحط فيها المادة الدهنية ونسخنها ونعمل صدمة للحم
نبتدى نشوح العرق من كل ناحية حتى يأخذ اللون البنى من كل ناحية و هانحط فنجان الخل الثانى المذوب به ملعقة سكر وكوب الماء المغلى على اللحم
ملحوظة: ماية التتبيلة الاولى برميها
ثم نغلف الصينية بورق الالومنيوم ونتركة على نار هادية مع ملاحظة تقليبة مرة او اتنين من فترة لاخرى
وهو بياخذ ساعتين تقريباً حتى تمام السوا
وبنعرف انه استوى لما نغرز به شوكة لا يخرج منها سائل
لو وجدتى الميه قلت وهو لسة ما استواش ضيفى القليل من الماء المغلى ولو استوى والماء لسة موجود على النار عليه واكشفى الغطاء الالومنيوم
حتى يتبحر السائل وتتشرب اللحم باقى السائل نسيبة لما يبرد تماماً ومانقطعوش غير عند التقديم
وبالهنااا والشفااا

[محمد محمود بدر]

البفتيك البانيه

المقادير:

1 كيلو لحم بفتيك بتلو
عصير 2 بصله
عصير ليمون ربع كوب
٣ ملاعق خل
ملعقه صغيره بهارات مشكله
2 بيضه
1 كوب دقيق
1 كوب بقسماط مطحون

الطريقة
- يدق البفتيك جيدا
- نقوم بتتبيل اللحم في عصير البصل والملح والفلفل والبهارات وعصير الليمون والخل وتترك في الثلاجه لمدة ساعتين

- ثم نقوم بوضع قطع اللحم في الدقيق اولا ثم في البيض والبقسماط ثم نصعهم في الثلاجه نص ساعه ليتماسك البقسماط فوقه
و لما تحمريها يبقي اخلطي زبده مع زيت و حمري فيهم.البفتيك

ويزين بالبقدونس .......وبالهنااااا والشفااااا

[محمد محمود بدر]

الفخده

الطريقة :
ازيلي منها الدهون وغرزيها بعروق الروز ماري وكام فص ثوم وبعد كده اسلقيها
ومع السلق حطي بصل وورق لورا وفلفل اسود وحبهان ورشه بهارات مشكله واسلقيها بس اوعي تتهري منك

طلعيها وسيبيها ٥ دقايق تتصفي من المرقه
وبعدين ادهنيها خليط من ملعقه عسل وملعقه
صلصه ونص ملعقه سمنه وسيبيها نص ساعه تشربها
وقبل التقديم دخليها الفرن شويه تتحمر بتكون تحفه لانها بتكون طريه من جوه ومقرمشه ومسكره شويه من بره