كل ما يخص اختبار كلية السياحة والفنادق (للطلبة الجدد)

[nosa kamanosa]

طب لو سقط فى الانترفيو ده هادخل الكلية ولا لأ؟؟؟؟؟؟؟؟

[buterfly11]

طيب انا طلعتلي الكلية دي ممكن لو ما نجحتش في الانتيرفيو خلاص ولا ايه

[sympathique]

ياريت متقلقوش من الانترفيو

محدش هيسقط ان شاء الله وبعدين كله بيعدى فيه

بس اعرفوا الحاجات اللى قلناها عن الانترفيو وخلاص

كله حيعدى

[abdallah abo zekry]

الحمد لله انا قبلت سياحة وفنادق اسكندرية

[abanoub sarwat]

انا جبت 91.7% فى علمى رياضة بس للاسف مجبتش هندسة و اول حاجة فكرت فيها هى سياحة و فنادق و بالاخص الاسكندرية علشان انا بحب الاسكندرية موت على الرغم انى من الاقصر و الحمد لله اتقبللت فى سياحة و فنادق الاسكندرية و خايف من الانترفيو و ياريت حد يقولى ايه هى العملات بتاعة كا بلد علشان انا معرفش فى العملات خالص و بجد دة منتدى جامد اوى و اهلا بيكم كلكم و يا رب نتقابل فى الجامعة كلنا يا رب ارجو الرد على موضوع العملات دة

[abanoub sarwat]

و المطلوب منى ادرس كام لغة لو دخلت مثلا قسم دراسات سياحية؟ ارجو الرد يا جماعة و ياريت اللى يرد يقولى اسمه ايه و من فين و كدة يعنى

[sympathique]

بالنسبة للعملات فيه مواضيع موجودة فى المنتدى عن العملات واللغات والعواصم لكل دولة

وبعدين واضح انك انت قررت على قسم دراسات سياحية

بيتم دراسة لغتين الانجلش عام على الكل وانت بتختار اللغة التانية التى ترغب فى دراستها

وياريت تراجع موضوع اسلام عن كلية السياحة والفنادق وعن قسم دراسات سياحية

[amona_mony]

وانا الحمدلله جاتلى سياحه اسكندريه بس لسه عاوزه اعرف الانترفيو امتى وبيحصل فيه ايه

[abanoub sarwat]

ولاهى انا لسة حدخل اولى و مقررتش على قسم معين بس انا خايف من الارشاد الصراحة يعنى و كمان عايز اختار لغة سهلة شوية و مستقبلها حلو فتنصحونى بايه ؟ و كمان ايه هو اسم الموقع او المنتدى اللى اعرف اجيب منه العواصم و العملات و الحاجات دى يعنى ؟ ارجو الرد يا جماعة

[abanoub sarwat]

فى حد يعرف الانترفيو السنة دى حيتعمل امتى؟ و كمان امتى اروح اقدم للكلية السنة دى؟ ياريت لو حد يعرف يقولى الرد علشان انا مش عارف امتى اروح اقدم اوراقى للكلية
هى صح الالمانى اصعب لغة؟ علشان فى ناس كتير قالتلى ان الالمانى صعب موت بس انا خالى دخل كلية سياحة و فنادق قسم ارشاد المانى المنيا و بيقولى ان الالمانى مش صعب و انا مش عارف اسدقه ولا اشدق الناس التانيين منهم محدة فى تانية السنة دى فى الاسكندرية ياريت لو حد يعرف و مجرب يقولى و اسف على الاسئلة الكتيرة دى بس بجد دة منتدى جامد قوى و كل اللى فيه جدعان و كمان هى الاسكندرية فيها كورسات ولا لا و اسف على الاسئلة الكتيرة و ارجو الرد منكم با جماعة

[abanoub sarwat]

انا رايح سياحة و فنادق الاسكندرية الكورسات حاخدها فين؟ فى الاسكندرية ولا ايه علشان انا فى ناس بتقولى كنت رحت حلوان احسن علشان قريبة من مصر علشان اخد كورسات فى مصر

[abanoub sarwat]

هو صح الالمانى اصعب لغة؟ علشان فى ناس كتير قالتلى ان الالمانى صعب موت بس انا خالى دخل كلية سياحة و فنادق قسم ارشاد المانى المنيا و بيقولى ان الالمانى مش صعب و انا مش عارف اسدقه ولا اشدق الناس التانيين منهم محدة فى تانية السنة دى فى الاسكندرية ياريت لو حد يعرف و مجرب يقولى و اسف على الاسئلة الكتيرة دى بس بجد دة منتدى جامد قوى و كل اللى فيه جدعان

[abanoub sarwat]

يا جماعة هو محدش عارف يرد ولا ايه انا نفسى اعرف الاجابة انا عارف انها اسئلة كتيرة بس اعمل ايه انا لسة حدخل و مش عارف حعمل ايه بظبط ارجو الاجابة

[abanoub sarwat]

ارجووووووووووووووووووووووووووووووووووووووووووووووو ووووووووووووووووووووووووووووووووووووووووووووووووو الرددددددددددددددددددددددددددددددددددددددددددددددد دددددددددددددددددددددددددددددددددددددددددددددددد:m ad:

[sympathique]

موضوع الكورسات ده بيتاخد فى اى مكان

معنى كده ان كل الطلبة لازم يدخلوا حلوان علشان ياخدو كورسات

ولا طلبة الجمهورية كلهم فى جميع الكليات لازم يدخلوا جامعة القاهرة او جامعة عين شمس علشان يعرفوا ياخدو كورسات

لا طبعا تفكير خاطئ

اما بالنسبة للغة التانية مفيش فيها سهل او صعب

دى حاجة بتاعتك انت تاخد المانى تاخد فرنساوى تاخد اى حاجة

وبعدين لو انت محبتهاش شئ طبيعى يكون صعب

شوف انت ناوى على ايه وخده