اجراءات التظلم

[الأستاذة أم شاهندة]

المشاركة الأصلية كتبت بواسطة هانى شوقى

لو فى تلميذ حل مسالة فى الرياضة (تفاضل) بشكل جديد شوية وتختلف عن نموذج الاجابة مش فى الحل فى الخطوات والمصحح اخطأفى تقدير حلى للمسالة ممكن تتراجع
ملحوظة المسالة دى اديتها لمدرسين كتير وفى الاول قالوا ايه الحل دا وبعد لما شرحته قالوا حل مظبوط بس ممكن يلخبط المصحح
وعملت نموذج اجابة فى البيت لحلى واديته لاكثر من مدرس واخدت فيه 18 من 25 ولما شرحت المسالة اخدت 20 فعندى احساس قوى ان المسالة عدت على المصحح وحسبها غلط فلو راجعت الورقة والمصحح كاتب عليها غلط ازاى اخد درجتى الضايعة والقانون بيقول جمع درجات بس مش مراجعة تصحيح الورقة

للأسف المصحح مطالب بنموذج التصحيح
حتى لو فيه تظلم لازم يكون نموذج التصحيح معك لتثبت أنك حللت مثله ولكن لم تأخذ الدرجة أما غير هذا فللأسف مرفوض

[هانى شوقى]

الاجابة تختلف عن نموذج التصحيح فى الطريقة لكن الطريقة اللى محلول بيها من داخل المنهج بس عايزة مدرس مصحصح
وسيدى الفاضل كمان نموذج التصحيح مكتوب فيه تراعى الاجابات الاخرى ما بالك اجابة صحيحة
لان لو اتقيدنا بنموذج الاجابة حرفيا سامحنى يبقى منسميهاش رياضيات

[dm3t amel]

انا ليا 7 درجات ومتاكده
بس لو دفعت الفلوس ممكن مش اخد حاجة
ماما قالتلى استودعيهم عند ربنا وهو هيعوضك خير السنه السنه الجايه
بي 92.4 ينفع اخش علم رياضه وانا مطمنه ولاايه

جاوبينى ياام شهنده

[elham_hamdy]

والهى حقيقى انسانة عظيمة بمعنى الكلمة ام شاهندة وانا اؤيدك فى الراى يجب الحرص والتفكير جيداااا

[last_net]

شاكرين الافضال

[ميدو ماجيك]

المشاركة الأصلية كتبت بواسطة الأستاذة أم شاهندة

وفى حالة اكتشاف المديريات استحقاق أحد المتظلمين لدرجات بعد اكتشاف أخطاء فى الرصد وليس التصحيح ستخطره المديريات بذلك على عنوانه بخطاب مسجل بعلم الوصول بالتعديل، ويضم أيضاً إخطارا يطالب بالحضور لاسترداد ما دفعه من رسوم، أما فى حالة التأكد من عدم استحقاقه فتخطره المديريات أيضا بذلك.

يعني ايه الكلام ده يا أستاذة ، يعني لو أن هناك إجابة صحيحة واحتسبت خطأ أو لم تصحح أساسا ، أو أن الورقة كانت من العينات العشوائية واحتسبت فيها مسألة خطأ ثم ألغي الحل مثلا أو احتسبت أجابات أخرى ، هل لا يتم إعطائي الدرجة ، هل بعد كل ده يقولوا المراجعة على الرصد فقط ، والله ده حرااااااااااااااااااااااااااااااااام

[ميدو ماجيك]

المشاركة الأصلية كتبت بواسطة ميدو ماجيك

يعني ايه الكلام ده يا أستاذة ، يعني لو أن هناك إجابة صحيحة واحتسبت خطأ أو لم تصحح أساسا ، أو أن الورقة كانت من العينات العشوائية واحتسبت فيها مسألة خطأ ثم ألغي الحل مثلا أو احتسبت أجابات أخرى ، هل لا يتم إعطائي الدرجة ، هل بعد كل ده يقولوا المراجعة على الرصد فقط ، والله ده حرااااااااااااااااااااااااااااااااام

يا جماعة حد يرد عليا أنا هاتجنن

[ابوحسام]

عايز اعرف موقف طالب حاصل على ثانوية العام الماضي ولم يقدم في التنسيق موقف هذا العام ايه يقدم ينتظر يتصل

[هانى شوقى]

يعنى ايه لو فى خطأ فى التصحيح ميتراجعش المصحح دا بشر واكيد بيغلط
بس خلينا نتكلم بصراحة قانون اعادة التصحيح معمول بطريقة محبوكة وواضحة جدا علشان الوزارة تحمى المدرسين والف ندامة على الطالب اللى يكون حالل حل نموذجى بس غير اللى فى نموذج الاجابة او مدرس يكون مخه على قده وفى من دا كتير وميعرفش يقدر الاجابات الاخرى وممكن تلميذ يستاهل بس يتظلم وتيجى الوزارة تقول مفيش اعادة تصحيح وكأنها بتحمى خطأ المدرس ويعللوا ذلك بان الورق بيتصحح وبيتراجع وصدقونى والكلام دا متاكد منه ان فى غالبية التصحيح ان مكنش كله الورق بيتصحح مرة واحدة واللى بيراجع اخرته بيمسك القلم الازرق ويكتب انه راجع ومن غير ميبص على الاجابة واكتر حاجة بيخاف منها المصححين هى جمع الدرجات لذلك الدرجات فى غرفة التصحيح يمكن بتتجمع اكتر من 5 مرات طبعا علشان الورق لما بيتعاد تصحيحه بيتعاد جمع الدرجات ودى حاجة مش هيغلطوا فيها لكن لو المصحح معلش فى اللفظ عاكك الورقة محدش هيجى عنده
حلو قانون الوزارة دا اللى اكيد بيكسبها كتير كل مادة 100 جنيه على جمع الدرجات واكيد محدش بيطولها تانى والله لقمة عيش حلوة بيلعبوا بضمير الناس ومشاعرها حرام اتقوا ربنا شوية وخافوا منه وراعوا شعور اولياء الامور
الاقتراح المفروض يتعمل :
ان ورقة الاجابة تتصور وتشطب من الصورة جميع الدرجات الموضوعة
يقوم المدرس اللى هيعيد التصحيح بتصحيح الصورة اللى اتشطب منها الدرجات ويعطى درجة جديدة
اذا كانت الورقة درجتها تختلف عن درجة الاصل
يكون هناك خلل ما فى التصحيح يكون من حق الطالب الدرجة الاعلى وبكدة الوزارة تحلل الفلوس اللى اخدتها
حتى القانون اسمه اعادة تصحيح لكن على كلام الوزارة المفروض اسمه اعادة جمع الدرجات

[*يارب نور دربي*]

السلام عليكم

طيب انا دورت كتير ع نماذج الاجابه بس ملقتهاش ارجو المساعده بجد

انا عايزه اشوفها علشان اتاكد واروح اعمل تظلم بقلب جامد كدا واحط نماذج الاجابه وصورة كراس الحل بتاعتي ف عين ..... ال ظلمني


الرد بسرعه ارجوكم خصوصا ف الجبر والكيميا والفرنساوي بليييييييييييييييييييييييييييييييييييييييييييز

[smooth_criminal]

اللى عايز نموذج ااجابة اى امتحان يخش على موقع الاستاذ التعليمى

[rody_funny]

لو سمحتوا عندى سؤال مهم ياريت اللى متاكد من اجابته يرد علىا

هو اذا نزلت نموذج الاجابة من على النت واخدته معايا وانا رايحة اعمل التظلم هيسمحولى ابص فيه وانا باراجع ورقتى؟

[ENG.HAGAR]

السلام عليكم
انا احب اشكرك جدا يا أم شهندة على الموضوع ده
ثانيا بالنسبة للى بياخدوا معاهم نماذج اجابه فى ناس بياخدوها ومحدش بيكلمهم ده اللى انا سمعته بنفسى عن واحده عملت تظلم
بس يا جماعة بصوا فى الآخر فى حاجة احنا واللى عايزين يعملوا تظلم مش واخدين بالهم منها
احنا ممكن ربنا يكرمنا وده حسن ظن فيه اننا نحصل على درجات عاليه جدا السنة الجايه
ثانيا ممكن يكون الظلم اللى وقع لبعض الطلبة لهدف وانهم ما يتغروش ويجيبوا درجات عاليه جدا
وان اللى جابوا درجات عاليه السنة دى ممكن يتغروا او يثقوا فى نفسهم زيادة وده بيحصل لنسبة كبيرة منهم بس فى منهم كويسين بردو
انا كنت عايزه اعمل تظلم للكيمياء لان عارفه ان ليا درجات
لكن الحمد لله على كل حال
انا زعلت جدا فى البدايه على الدرجة لكن ممكن يكون ده خير لينا يا طلبة الثانوية
احسن حاجة فى الموضوع ده طلب الاستاذة شهندة اننا ما نزعلش على اللى انتهى خلاص
ونحمد ربنا يا شباب ويا بنات
وربنا يجعل لنا الخير فى الكليات اللى احنا عايزين ندخلها وندخلها بحوله وقوته ان شاء الله

[ريم قدرى]

يا جماعة انا عملت تظلم عربى ومجاش ليا درجات بس المفروض ليا درجتين ونص
وعاوزة اعمل شكوى اعمل ازاى حد يرد عليا ضرورى والنبى

[Huda7]

Thank you very much